ಉಳ್ಳಾಲ ಶ್ರೀನಿವಾಸ ಮಲ್ಯ ಸ್ಮೃತಿ ದಿವಸ

ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ, ವಿಶ್ವ ಕೊಂಕಣಿ ಕೇಂದ್ರ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ, ಕರ್ನಾಟಕ ಸರಕಾರ, ಬೆಂಗಳೂರು ಮಾಂಡುನ ಹಾಳೆಲೆ ಆಧುನಿಕ ಮಂಗಳೂರು ನಗರ ನಿರ್ಮಾತೃ ದಿ. ಉಳ್ಳಾಲ ಶ್ರೀನಿವಾಸ ಮಲ್ಯ 52 ವೇ ಸ್ಮೃತಿ ದಿವಸ ಉಗ್ತಾವಣ ಸಮಾರಂಭ ದಿ. 19 -12 – 2017 ವೆರ್ ವಿಶ್ವ ಕೊಂಕಣಿ ಕೇಂದ್ರ, ಶಕ್ತಿನಗರ ಹಾಂಗಾಸರ ಭಾರೀ ಚಂದ ರೀತೀರಿ ಚಲ್ಲೆಂ.

ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಆಯಲೆ ಸೊಯರ್‍ಯಾಂಕ ಯೆವಕಾರ ಸಾಂಗುನ ದಿ. ಉಳ್ಳಾಲ ಶ್ರೀನಿವಾಸ ಮಲ್ಯ ಹಾನ್ನಿ ಕೆಲೆಲೆ ಮಹಾನ ಕಾರ್ಯ ಬದ್ದಲ ಪ್ರಾಸ್ತಾವಿಕ ಉತ್ರಂ ಉಲೊವನು ಮುಖಾವಯಲೆ ಪೀಳಿಗೆಕ ದಿ. ಮಲ್ಯಲೆ ಮಹಾನ ವಿಚಾರ ಚಿರಸ್ಥಾಯಿ ಜಾವನ ದವರಕಾ ಅಶಿಂ ಸಾಂಗಲೆಂ.

ಮುಖೇಲ ಸಯರೆ ಜಾವನ ಆಯಿಲೆ ಮಂಗಳೂರು ಮಹಾನಗರ ಪಾಲಿಕೆ ಸನ್ಮಾನ್ಯ ಮಹಾ ಪೌರ ಶ್ರೀಮತಿ ಕವಿತಾ ಸನಿಲ ದಿ. ಉಳ್ಳಾಲ ಶ್ರೀನಿವಾಸ ಮಲ್ಯ ಹಾನ್ನಿ ಪ್ರತಿಫಲಾಪೇಕ್ಷೆ ನಾತಿಲೆ ವಾವರ ಕಾಳೆಲೊ ಏಕ ಮಹಾನ್ ಚೇತನ. ತಾನ್ನಿ ಕೆಲೆಲೆ ವಾವ್ರ ಸುಮಾರ ಆಸತಿ. ಮಂಗಳೂರು – ಹಾಸನ ರೈಲೇ, ಮಂಗಳೂರು ಆಕಾಶವಾಣಿ, ಮಂಗಳೂರು ವಿಮಾನ ನಿಲ್ದಾಣ, ನ್ಯಾಷನಲ್ ಹೈವೇ-17, 42 ಆನಿ ಎನ್. ಐ. ಟಿ.ಕೆ. ಇಂಜಿನಿಯರಿಂಗ ಕಾಲೇಜು ಸುರತ್ಕಲ್, ಮಸ್ತ ಇತಲೆ ಕಾರ್ಯೆಂ ಕರನ ದಾಕಯಲೆ ಮನಿಸ್ ಅಶಿಂ ದಿ. ಮಲ್ಯಲೊ ಗುಣಗಾನ ಕೆಲೆಂ. ವಿಶ್ವ ಕೊಂಕಣಿ ಕೇಂದ್ರನ ಮಾಂಡುನ ಹಾಳೆಲೆ ಕಾರ್ಯಕ್ರಮಾಕ ಯೆವನ ಭಾಗಿ ಜಾಲೆಲೆಕ ಸಂತೋಷ ವ್ಯಕ್ತ ಕೆಲೆಂ.

ಮಂಗಳೂರು ಮಹಾನಗರ ಪಾಲಿಕಾ ಕಾರ್ಪೊರೇಟರ್ ಶ್ರೀಮತಿ ಅಖಿಲಾ ಆಳ್ವಾ ಹಾನ್ನಿ ದಿ. ಮಲ್ಯಲೊ ಆದರ್ಶ ವ್ಯಕ್ತಿತ್ವ ಬದ್ದಲ ಆನಿ ತಾನ್ನಿ ದ. ಕ. ಜಿಲ್ಲೆಕ ದಿಲೆಲೊ ಅಪಾರ ಕೊಡುಗೆ ಸ್ಮರಣ ಕರನ ತಾಂಗೆಲೊ ಜೀವನ ಪರ್ಯಂತ ವಾವರ ಕೆಲೆಲೆ ಮಲ್ಯಲೊ 52 ನೇ ಸ್ಮೃತಿ ದಿವಸ ಕಾರ್ಯಕ್ರಮ ಮಾಂಡುನ ಹಾಳೆಲೆ ವಿಶ್ವ ಕೊಂಕಣಿ ಕೇಂದ್ರಚೆ ವಾವ್ರ ಶ್ಲಾಘನ ಕೆಲೆಂ. ಆನಿ ಸರ್ವ ಗಣ್ಯಂನಿ ದಿ. ಮಲ್ಯಲೊ ಛಾಯಾ ಚಿತ್ರಕ ಪುಷ್ಪಾರ್ಚನ ಕರನ ಸ್ಮರಣ ಕೆಲೆಂ.

ಹ್ಯಾ ಸಂಧರ್ಭಾರ ವಿಶ್ವ ಕೊಂಕಣಿ ಕೇಂದ್ರ ವತೀನ ದ. ಕ. ಜಿಲ್ಲಾ ಆನಿ ಉಡುಪಿ ಜಿಲ್ಲಾ 120 ಕಾಲೇಜು ವಿದ್ಯಾರ್ಥಿಂಕ ಚಲೆಲೆ ದಿ. ಉಳ್ಳಾಲ ಶ್ರೀನಿವಾಸ ಮಲ್ಯ ಜೀವನ- ಸಾಧನಾ ಪ್ರಬಂಧ ಸ್ಪರ್ಧೆಂತ ಜಿಕವಲೆಲೆ ವಿದ್ಯಾರ್ಥಿಂಕ ಮಹಾನಗರ ಪಾಲಿಕೆ ಸನ್ಮಾನ್ಯ ಮಹಾ ಪೌರ ಶ್ರೀಮತಿ ಕವಿತಾ ಸನಿಲ ಹಾನ್ನಿ ಬಹುಮಾನ ವಿತರಣ ಕೆಲೆಂ. ಪಯಲೆ ಬಹುಮಾನ ಶ್ರೀ ವೆಂಕಟರಮಣ ಕಾಲೇಜ ಬಂಟವಾಳಚೆ ಕುಮಾರಿ ರೇಶ್ಮಾ ಭಟ್, ದ್ವಿತೀಯ ಬಹುಮಾನ ಸಂತ ಆನ್ಸ್ ಕಾಲೇಜ ಆಫ್ ಎಜುಕೇಶನ್ ಮಂಗಳೂರಚೆ ಶಿಲ್ಪಾ ಯು, ಆನಿ 7 ಜನ ವಿದ್ಯಾರ್ಥಿಂಕ ಪ್ರೋತ್ಸಾಹಕ ಬಹುಮಾನ ವಿತರಣ ಕೆಲೆಂ. ಪ್ರೀತಿ. ಕೆ. ವಾಮಂಜೂರು, ಶೆಫಾಲಿ ತಗ್ಗರಸೆ, ಶ್ರೀನಾಥ ಶೆಣೈ ಎಮ್, ಆನಂದ ಶ್ರೀನಿವಾಸ ಪೈ, ಶಾಂತಿ ಅರ್ಶದಾ, ಆಯಿಶಾ ನಿಶಾನ್, ರಿಚರ್ಡ್ ಪಿ. ಬಾರ್ಜಿಸ್ ವಿದ್ಯಾರ್ಥಿಂನಿ ಬಹುಮಾನ ಘೆತಲೆಂ.

ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಶ್ರೀ ವೆಂಕಟೇಶ. ಎನ್. ಬಾಳಿಗಾ ಹಾನ್ನಿ ಮಾನ್ಯ ಮಂತ್ರಿ ಆನಿ ವಿಶ್ವ ಕೊಂಕಣಿ ಕೇಂದ್ರ ಚೆಯರ್‌ಮೆನ ಎಮಿರಿಟಸ್ ಸನ್ಮಾನ್ಯ ಆರ್. ವಿ. ದೇಶಪಾಂಡೆ ಹಾನ್ನಿ ಧಾಡಿಲೆ ಶುಭ ಸಂದೇಶ ಪತ್ರ ಸರ್ವಾಂಕ ವಾಜುನ ಕಳಯಲೆಂ.

ವಿಶ್ವ ಕೊಂಕಣಿ ಕೇಂದ್ರ ಟ್ರಸ್ಟಿ ಶ್ರೀ ಗಿಲ್ಬರ್ಟ್ ಡಿಸೋಜಾ, ಕೊಂಕಣಿ ಭಾಷಾ ಮಂಡಳ ಅಧ್ಯಕ್ಷಾ ಶ್ರೀಮತಿ ಗೀತಾ ಸಿ. ಕಿಣಿ ವೇದಿರಿ ಉಪಸ್ಥಿತ ಆಸುನ ಮಸ್ತ ಮ್ಹಾಲ್ಗಡೆ ಹ್ಯಾ ಸುವಾಳ್ಯಾಂತ ಭಾಗಿ ಆಶಿಲಿಂಚಿ.

ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಶ್ರೀ ಬಿ. ಪ್ರಭಾಕರ ಪ್ರಭುನ ಧನ್ಯವಾದ ಸಾಂಗಲೆಂ. ಲಕ್ಮಿ ವಿ. ಕಿಣಿನ ಪ್ರಾರ್ಥನ ಕರನು ದೇಶಭಕ್ತಿ ಗೀತೆ ಸಾಂಗುನ ದಿ. ಮಲ್ಯಂಕ ಸ್ಮರಣ ಕೆಲೆಂ.

ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಶ್ರೀಮತಿ ಶಕುಂತಲಾ ಆರ್. ಕಿಣಿ ನ ಕಾರ್ಯಕ್ರಮ ನಿರೂಪಣ ಕೆಲೆಂ.

Check Also

ಜೈಸನ್ ಆನಿ ವೆನಿಝಿಯಾಕ್ ನಬಾಜೆ ಯುವ ಪ್ರತಿಭಾ ಪುರಸ್ಕಾರ್, ರೆನಿಟಾ, ಶಮಿತಾ ವಿಶೇಸ್ ಸಾಧಕಾಂ

ದಶಮಾನೋತ್ಸವ್ ಆಚರುಂಚೆಂ ’ನಮಾನ್ ಬಾಳೊಕ್ ಜೆಜು’, ಕೊಂಕ್ಣಿ ಮಯ್ನ್ಯಾಳೆಂ ಹರ‍್ಯೆಕ್ ವರ್ಸಾ ಪ್ರತಿಭಾವಂತ್ ಯುವಜಣಾಂಚಿ ವ್ಹಳಕ್ ಧರುನ್ ತಾಂಕಾಂ ಪುರಸ್ಕಾರ್ …

Leave a Reply

Your email address will not be published. Required fields are marked *

Share ...please don\'t COPY !