ವಿಶ್ವ ಕೊಂಕಣಿ ಕೇಂದ್ರ : ಪ್ರೇರಣಾ ಸಮಾವೇಶ 2018

ವಿಶ್ವ ಕೊಂಕಣಿ ಕೇಂದ್ರ ವಿದ್ಯಾರ್ಥಿ ವೇತನ ನಿಧಿಚೆ ಫಲಾನುಭವಿ ವಿದ್ಯಾರ್ಥಿಂನಿ ಸ್ಥಾಪನ ಕೆಲೆಲೆ ‘ವಿಶ್ವ ಕೊಂಕಣಿ ಅಲ್ಯುಮ್ನಿ ಸಂಘ’ ಸರ್ವ ವಿದ್ಯಾರ್ಥಿಂಗೆಲೆ ಏಕ ದಿವಸಾಚೆ ಪ್ರೇರಣಾ ಸಮಾವೇಶ ಟಿ. ವಿ. ರಮಣ ಪೈ ಕಾನ್ವೆನ್‌ಶನ ಸಭಾಂಗಣ ಕೊಡಿಯಾಲ ಬೈಲ್ ಮಂಗಳೂರಾಂತ ದಿನಾಂಕ 24 – 02 – 2018 ತಾರ್ಕೆರ ವಿಶ್ವ ಕೊಂಕಣಿ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈನ ಉಗ್ತಾವಣ ಕೆಲೆಂ.


ಮಣಿಪಾಲ ಗ್ಲೋಬಲ್ ಎಜುಕೇಶನ ಸಂಸ್ಥೆ ಅಧ್ಯಕ್ಷ ಶ್ರೀ ಟಿ. ವಿ. ಮೋಹನದಾಸ ಪೈನ ವಿದ್ಯಾರ್ಥಿಂಕ ಉದ್ದೇಶಸುನ ಆಯಚೆ ದಿವಸಾಂತ ಸಮಾಜಾಂತ ಮಸ್ತ ಇತಲೆ ಬದಲಾವಣ ಜಾಯತ ಆಸಾ. ವಿದ್ಯಾರ್ಥಿಂನಿ ಸೃಜನಶೀಲ ಚಿಂತನಾ ಕರಕಾ. ನಾ ಜಾಯಾರಿ ವಾವ್ರ ಕರಚಾಕ ಜಾಯನಾ. ದಾಕುನ ನವೀನ ಸೃಜನಶೀಲತಾ ತರಣಾಟೆ ವಾವ್ರಾಡಿಂಕ ಪ್ರಾಪ್ತ ಜಾವಚಾಕ ಫಾವ ಆಸಾ. ಆನಿ ಮನಶಾಲೆ ನಾಗರೀಕತಾ ಅಭಿವೃದ್ಧಿ ಜಾತಾ. ಆರತಾಂ ನವೆ ಯುಗಾಂತ ನವೀನ ಮಾದರಿ ಚಿಂತಪ ಆಮಗಗೆಲೆ ಜಗತ್ಯಾಕ ಜಾವಕಾ ಆನಿ ನಿರೀಕ್ಷ ಕರತ ಆಸಾ. ಜಗತ್ಯ ಬದಲಾವಣ ಜಾಯತ ಆಸಾ ಆಧುನಿಕ ತಂತ್ರಜ್ಞಾನಾ ನಿಮಿತ್ತ ನವೀಂ ಚಿಂತಪಾರಿ ವಾಡತಾ ಆಸಾ. ಅಶಿಂ ನವೇಂ ಚಿಂತಪ ವಯರ ವಾವರ ಕರಚಾಕ ಆರತಾಂ ಯುವಕಾನಿ ನಂಬಿಕ ದವರುನ ವಾವರ ಕೆಲ್ಯಾರಿ ಜಯ ಪಾವಚಾಕ ಸಾಧ್ಯ ಜಾತಾ ಅಶಿಂ ಶ್ರೀ ಟಿ. ವಿ. ಮೋಹನದಾಸ ಪೈನ ತಾಂಗೆಲೊ ಅಭಿಪ್ರಾಯು ಸಾಂಗಲೆಂ.

ಪಯಲೆ ಗೋಷ್ಠಿಂತ ಮುಂಬಯಿ ಜ್ಯೋತಿ ಲ್ಯಾಬೊರೆಟರೀಸ ಸಂಸ್ಥೆ (ಉಜಾಲಾ) ಜಂಟಿ ಆಡಳಿತ ನಿರ್ದೇಶಕ ಹಾಗೂ ಸಿ. ಇ. ಒ. ಶ್ರೀ ಉಲ್ಲಾಸ ಕಾಮತ್ ಹಾನ್ನಿ ಮುಖಾವಯಲೆ 25 ವರಸಾಂತ ದೇಶಾಚೆ ವಾಡಾವಳ ಚಡತ ಯೆತಲೆಂ. ತಶೀಂಚಿ ಉದ್ಯೋಗಿಂಕಯ್ ಸ್ಪರ್ಧೊ ಚಡ ಜಾಯತ ಯೆವಚೆ ಆಸಾ. ತ್ಯಾ ಖಾತೀರ ವಿದ್ಯಾರ್ಥಿನಿ ಆತಾಂ ತಗಾಕುನೂಚಿ ತಯಾರ ಜಾವನ ಆಸುಕಾ ಜಾತಾಂ. ಆನಿ ಜಾಲ್ಲೆ ತಿತಲೆ ಚಡ ಪುಸ್ತಕ, ಪತ್ರಿಕಾ ಆನಿ ಮ್ಯಾಗಜಿನ ವಾಜುಕಾ ತೆದನಾ ತಾಂಗೆಲ ಜ್ಞಾನ ವಾಡತಾ. ಪ್ರತೀ ವರಸ ಮಸ್ತ ಇತಲೆ ವಿದ್ಯಾರ್ಥಿ ಶಿಕುನ ಪದವಿ ಘೆವನು ಭಾಯರ ಯೆತಾತಿ. ಜಾಲಾರಿ ಆಯಚೆ ದೀಸಾಚೆ ಯಾಂತ್ರಿಕ ಜೀವನ ಮನಶಾಕ ಉದ್ಯೋಗ ಮೆಳಚಾಕ ಉಣೆ ಜಾವಚೆ ತಶಿಂ ಕೆಲಾಂ ಅಶಿಂ ಬೇಜಾರ ವ್ಯಕ್ತ ಕೆಲೆಂ.

ಓಮ್ನೆಸಿಸ್ ಟೆಕ್ನಾಲಜಿಸ್ ಸಂಸ್ಥೆಚೆ ಆಡಳಿತ ನಿರ್ದೇಶಕ ಶ್ರೀ ಶ್ರೀಕಾಂತ ಪಂಡಿತ್, ದೇವಗಿರಿ ಟೀ ಪ್ರೊಡಕ್ಟ್ಸ್ ಪ್ರವರ್ತಕ ಸಿ. ಎ. ಶ್ರೀ ನಂದಗೋಪಾಲ ಶೆಣೈ, ಭಾರತ್ ಫೋರ್ಜ ಕಂಪೆನಿ ಸಿ.ಎಫ್.ಒ ಶ್ರೀ ಕಿಶೋರ್ ಸಾಲೆತ್ತೂರು, ಜೀರೋಧಾ ಡಾಟ್ ಕಾಮ್ ಸಹ ಸಂಸ್ಥಾಪಕ ನಿಖಿಲ ಕಾಮತ್, ಆನಿ ಅವೆನ್ಯೂ ಸುಪರ್ ಮಾರ್ಟ್ಸಚೆ ಆಡಳಿತ ನಿರ್ದೇಶಕ ನೆವಿಲ್ ನೊರೊನ್ಹಾ ಕೌಶಲ ತರಬೇತುದಾರೆ ಡಾ| ಚಂದ್ರಿಕಾ ಕಾಮತ್ ಹಾನ್ನಿ ಮಸ್ತ ಇತಲೆ ವಿಷಯ ವಿದ್ಯಾರ್ಥಿಂಕ ಕಳಯಲೆಂ.

ವಿಶ್ವ ಕೊಂಕಣಿ ಕೇಂದ್ರ ವಿದ್ಯಾರ್ಥಿ ವೇತನ ನಿಧಿ ಅಧ್ಯಕ್ಷ ಶ್ರೀ ರಾಮದಾಸ ಕಾಮತ್ ಯು, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ಪ್ರೇರಣಾ ಸಮಾವೇಶಚೊ ಮಾರ್ಗದರ್ಶಕ ಶ್ರೀ ಸಂದೀಪ ಶೆಣೈ, ಖಜಾಂಚಿ ಶ್ರೀ ಬಿ. ಆರ್. ಭಟ್, ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಶ್ರೀ ವೆಂಕಟೇಶ ಎನ. ಬಾಳಿಗಾ, ಕಾರ್ಯದರ್ಶಿ ಶ್ರೀ ಬಿ. ಪ್ರಭಾಕರ ಪ್ರಭು, ಸಿ.ಎ. ಶ್ರೀ ಗಿರಿಧರ ಕಾಮತ್, ಅಲ್ಯುಮ್ನಿ ಸಂಘ ಮಾಜಿ ಅಧ್ಯಕ್ಷಾ ಲೆನಿಟಾ ಮಿನೇಜಸ್ ಆನಿ ಕಾರ್ಯದರ್ಶಿ ಸಮಾವೇಶಾಂತ ಉಪಸ್ಥಿತ ಆಶಿಲಿಂಚಿ.

Check Also

ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ : ನಾಮ ನಿರ್ದೇಶನಾಕ ಅರ್ಜಿ ಆಪೊವ್ಣೆ

ವಿಶ್ವ ಕೊಂಕಣಿ ಸರದಾರ ಶ್ರೀ ಬಸ್ತಿ ವಾಮನ ಶೆಣೈ 80 ವರಸ ಜಾಲ್ಲೆಲೆ ಸಂದರ್ಭಾರ ವಿಶ್ವ ಕೊಂಕಣಿ ಕೇಂದ್ರಚೆ, ಶಕ್ತಿನಗರ, …

Leave a Reply

Your email address will not be published. Required fields are marked *