ಕಾರ್ಕಳಾಂತ ‘ಕೊಂಕಣಿ ವಚನ ಗಾಯನ’ ತರಬೇತ ಕಾರ್ಯಾಗಾರ

ಸವ ಸಮಿತಿ, ಬೆಂಗಳೂರು ಹಾಂಗೆಲೆ ಬಹುಭಾಷಾ ವಚನ ಅನುವಾದ ಯೋಜನೆರಿ ಕನ್ನಡಾಚೆ 175 ವಚನಕಾರಾಲೊ 2500 ವಿಂಚುನ ಕಾಳೆಲೆ ವಚನ ಪ್ರಾತಿನಿಧಿಕ ಸಂಕಲನ 23 ಭಾರತೀಯ ಭಾಷೆಕ ಅನುವಾದ ಕೆಲೆಲೆ ಗ್ರಂಥ ರೂಪಾರ ಪ್ರಕಟ ಜಾಲಾಂ. ಕೊಂಕಣಿ ಭಾಷೆಂತ ವಚನ ಜನಪ್ರಿಯ ಕರಚೆ ಉದ್ದೇಶಾನ ಆರತಾಂ ವಿಶ್ವ ಕೊಂಕಣಿ ಕೇಂದ್ರ ವತಿನ ‘ಕೊಂಕಣಿ ವಚನ ಗಾಯನ’ ಉಚಿತ ತರಬೇತ ಶಿಬಿರ ಶ್ರೀ ಭುವನೇಂದ್ರ ವಿದ್ಯಾಶಾಲಾ ಕಾರ್ಕಳಾಂತ ಶ್ರೀ ವೆಂಕಟರಮಣ ದೇವಳ ಆಡಳಿತ ಮೊಕ್ತೇಸರ ಶ್ರೀ ಜಯರಾಮ ಪ್ರಭು ಹಾನ್ನಿ ದಿವೊ ಲಾವನ ಉಗ್ತಾವಣ ಕೆಲೆಂ.

ಮುಖೇಲ ಸೊಯರೆ ಬೆಂಗಳೂರು ಬಸವ ಸಮಿತಿ ನಿರ್ದೇಶಕ ಶ್ರೀ ಎಸ್. ಐ. ಭಾವಿಕಟ್ಟಿ ಆನಿ ಮ್ಹಾಲ್ಗಡೆ ಉದ್ಯಮಿ ಶ್ರೀ ಬೋಳ ಪ್ರಭಾಕರ ಕಾಮತ ವೇದಿರಿ ಉಪಸ್ಥಿತ ಆಶಿಲೆಂ. ಶ್ರೀ ಭುವನೇಂದ್ರ ವಿದ್ಯಾಶಾಲಾ ಸಂಚಾಲಕ ಶ್ರೀ ನಿತ್ಯಾನಂದ ಪೈ ನ ಕಾರ್ಯಕ್ರಮಾಚೆ ಅಧ್ಯಕ್ಷತಾ ಘೆತಲೆಂ.

ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ನ ಸೊಯರೆಂಕ ಫೂಲ ದೀವನ ಸ್ವಾಗತ ಕೆಲೆಂ, ಆನಿ ಯಾದಸ್ತಿಕಾ ದೀವನು ಗೌರವ ದಿಲೆಂ. ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಶ್ರೀಮತಿ ಶಕುಂತಲಾ ಆರ್. ಕಿಣಿ ನ ಪ್ರಾಸ್ತಾವಿಕ ಉತ್ರಂ ಉಲಯಿಲೆಂ. ಶ್ರೀ ಭುವನೇಂದ್ರ ವಿದ್ಯಾಶಾಲಾ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ವಿದ್ಯಾ ಕಿಣಿನ ಧನ್ಯವಾದ ಸಮರ್ಪಣ ಕೆಲೆಂ.

ಕೊಂಕಣಿ ಭಾಷೆಕ ಅನುವಾದ ಜೇಲೆಲೆ ವಚನ ಸುಶ್ರಾವ್ಯ ಜಾವನ ರಾಗ ಘಾಲೆಲಿ ಮ್ಹಾಲ್ಗಡೆ ಸಮಾಜ ಸೇವಕಿ ಶ್ರೀಮತಿ ಮಾಲತಿ ಕಾಮತ್, ವಿಶ್ವ ಕೊಂಕಣಿ ಕೇಂದ್ರ ನಾಟಕ ಅಕಾಡೆಮಿ ಸದಸ್ಯ ಶ್ರೀ ಉಳ್ಳಾಲ ರಾಘವೇಂದ್ರ ಕಿಣಿ ಉಪಸ್ಥಿತ ಆಶಿಲಿಂಚಿ.

ಉಪಾಧ್ಯಾಯಿನಿ ಶ್ರೀಮತಿ ಸೀಮಾ. ಆರ್. ಕಾಮತ್‌ನ ಕಾರ್ಯಕ್ರಮ ನಿರೂಪಣ ಕೆಲೆಂ. ಕೊಂಕಣಿ ವಚನ ಗಾಯನ ಶಿಬಿರಾಂತ ಕಾರ್ಕಳ ಆನಿ ಲಾಗಚೆ ಸುಮಾರ 40 ಉಮೇದ ಆಶಿಲಾಂನಿ ಭಾಗ ಘೆತಲೆಂ.

Check Also

ವಸಯ್ ಆನಿ ಕಾಂದಿವಲಿಂತ್ ಕವಿತಾಸಾದರ್ ಸರ್‍ತಿ

ಕವಿತಾ ಟ್ರಸ್ಟಾನ್ ಅಖಿಲ್ ಭಾರತೀಯ್ ಹಂತಾರ್ ಚಲಂವ್ಚ್ಯಾ ಕೊಂಕಣಿ ಕವಿತಾಸಾದರ್ ಸ್ಪರ್ಧ್ಯಾಚಿಂ ಪ್ರಾಥಮಿಕ್ ಹಂತಾಂ ಆಶಾವಾದಿ ಪ್ರಕಾಶನ್ ತಶೆಂಚ್ ಸ್ಥಳೀಯ್ …

One comment

  1. C A PAI, CALICUT

    Very Attractive Portal. Beautiful photographs.

Leave a Reply

Your email address will not be published. Required fields are marked *

Share ...please don\'t COPY !