ವಿಶ್ವ ಕೊಂಕಣಿ ಬಾಲ ಸಾಹಿತ್ಯ ಮಾಲಾ ಪುಸ್ತಕ ಲೋಕಾರ್ಪಣ

ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ, ವಿಶ್ವ ಕೊಂಕಣಿ ಕೇಂದ್ರ ವತಿನ ಪ್ರಕಟ ಜಾಲೆಲೆ 12 ವಿಶ್ವ ಕೊಂಕಣಿ ಬಾಲ ಸಾಹಿತ್ಯ ಮಾಲಾ ಪುಸ್ತಕ ಗೊಂಯಚೆ ಇನ್ಟಿಟ್ಯೂಟ್ ಮೆನೆಜಸ್ ಬ್ರಗಾಂಜಾ, ಸಭಾಭವನಾಂತ ದಿ. 25 -05- 2018 ತಾರ್ಕೆರ ಗೊಂಯಚೆ ಗೌರವಾನ್ವಿತ ಗವರ್ನರ್ ಮಾನ್ಯ ಡಾ | (ಶ್ರೀಮತಿ) ಮೃದುಲಾಜಿ ಸಿನ್ಹಾ ಹಾನ್ನಿ ಲೋಕಾರ್ಪಣ ಕರನ “ಭಾರತಾಚೆ ಬಾಲ ಸಾಹಿತ್ಯ ಕಾಣಯೆಂತ ಆಮಗೆಲೆ ದೇಶಾಚೆ ಸಂಸ್ಕೃತಿ ಆನಿ ನಂಬಿಕಾಚೆ ಮೂಳ ರಾಬಲಾ. ಮನುಷ್ಯಾಲೆ ಜನ ಜೀವನ, ಪಕ್ಷಿ, ಪ್ರಾಣಿ ಭಿತವಯಲೆ ಸಂಭಾಷಣಾ, ಚೆರ್ಡುಂವಾಲೆ ಮನಾಂತ ಉತ್ತಮ ಸಂಭಂಧ ಬುನಾದಿ ಬಾಂದುನ ದಿತಾ. ಲೋಕವೇದ ಅಥವಾ ಪೌರಾಣಿಕ ಕಾಣಯೊ ಆನಿ ಲೋಕವೇದೀಯ ಪದಂ ಇತ್ಯಾದಿ ಭಾರತೀಯಾಂಗೆಲೆ ಸಾಮಾಜಿಕ ಮೌಲ್ಯ ಚೆರ್ಡುವಾಂಕ ಪರಿಚಯ ಕರನ ಲ್ಹಾನ ಆಸತಾನಾ ದಕುನ ಉತ್ತಮ ನಡವಳಿಕಾಕ ಪ್ರಚೋದನ ಕರತಾ. ಹೆಂ ಪೂರಾಯ ಉದ್ದೇಶ ಆಸುನ ಬಾಲ ಸಾಹಿತ್ಯ ಪ್ರಕಟ ಕರಚೆ ವಿಶ್ವ ಕೊಂಕಣಿ ಕೇಂದ್ರಚೆ ಕಾರ್‍ಯ ಸ್ತುತ್ಯ ಜಾವನ ಆಸಾ” ಅಶಿಂ ಶ್ಲಾಘನ ಕೆಲೆಂ.


ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ, ಇಸ್ಟಿಟ್ಯೂಟ್ ಮೆನೆಜಸ್ ಬ್ರಗಾಂಜಾ, ಗೋವಾ ಚೆಯರ್‌ಮೆನ್ ಶ್ರೀ ಸಂಜಯ್ ಹರಮಾಲ್ಕರ್ ಆನಿ ಗೊಂಯಚೆ ಸಹ ಸ್ಪಂದನ ಕಾರ್ಯಕ್ರಮ ಸಂಚಾಲಕಿ ಡಾ| ಕಿರಣ ಬುಡ್ಕುಳೆ, ವಿಶ್ವ ಕೊಂಕಣಿ ಕೇಂದ್ರ ಭಾಷಾ ಸಂಸ್ಥಾನ ಸಹಾಯಕ ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕರ ಉಪಸ್ಥಿತ ಆಶಿಲಿಂಚಿ. ಗೊಂಯ ವಿಶ್ವವಿದ್ಯಾನಿಲಯಾಚೆ ಅಕ್ಷತಾ ಭಟ್ ಹಾನ್ನಿ ಧನ್ಯವಾದ ಸಮರ್ಪಣ ಕೆಲೆಂ.

ಸಮಾರಂಭಾಚೆ ಅಂಗ ಜಾವನ ಇನ್‌ಸ್ಟಿಟ್ಯೂಟ್ ಮಿನೆಜಸ್ ಬ್ರಗಾಂಜಾ, ಪಣಜಿ, ಗೊಂಯ ಸಹಯೋಗಾನ ಗೊಂಯಚೆ ನಾಮಾನೆಚೆ ಸಾಹಿತಿ ಶ್ರೀ ಮಹಾಬಲೇಶ್ವರ ಸೈಲ್ ಹಾಂಗೆಲೆ ಸಾಹಿತ್ಯ ವಯರ PROBING PERSPECTIVES PROBED ‘ಸಹ- ಸ್ಪಂದನ’ ಸೆಮಿನಾರ ಆನಿ ಚರ್ಚಾಗೋಷ್ಠಿ ಚಲ್ಲೆಂ.

Check Also

ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ : ನಾಮ ನಿರ್ದೇಶನಾಕ ಅರ್ಜಿ ಆಪೊವ್ಣೆ

ವಿಶ್ವ ಕೊಂಕಣಿ ಸರದಾರ ಶ್ರೀ ಬಸ್ತಿ ವಾಮನ ಶೆಣೈ 80 ವರಸ ಜಾಲ್ಲೆಲೆ ಸಂದರ್ಭಾರ ವಿಶ್ವ ಕೊಂಕಣಿ ಕೇಂದ್ರಚೆ, ಶಕ್ತಿನಗರ, …

Leave a Reply

Your email address will not be published. Required fields are marked *