ಮಂಗ್ಳುರಾಂತು ವಿಶ್ವ ಕೊಂಕಣಿ ನಾಟಕ ಮಹೋತ್ಸವ

ವಿಶ್ವ ಕೊಂಕಣಿ ಕೇಂದ್ರ ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನ, ಕರ್ನಾಟಕ ಸರಕಾರ ಕನ್ನಡ ಆನಿ ಸಂಸ್ಕೃತಿ ಇಲಾಖೆ ಸಹಯೋಗಾನ ಚಾರಿ ದಿವಸ ಪರ್ಯಂತ ಚಲೆಲೆ ವಿಶ್ವ ಕೊಂಕಣಿ ನಾಟಕ ಮಹೋತ್ಸವಾಚೆ ಸಮಾರೋಪ ಸಮಾರಂಭ ಚಾರಿಚೆ ದಿವಸ 07- 10-2018 ತಾರ್ಕೆರ ಮಂಗಳೂರ ಟಿ. ವಿ. ರಮಣ ಪೈ ಸಭಾಗೃಹಾಂತ ಚಲ್ಲೆಂ.

ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಹಾನ್ನಿ ಸ್ವಾಗತ ಕೆಲೆಂ. ಮುಖೇಲ ಸೊಯರೆ ಜಾವನ ಮಂಗಳೂರು ದಕ್ಷಿಣ ವಿಧಾನಸಭಾ ಕ್ಷೇತ್ರ, ಶಾಸಕ ಶ್ರೀ ಡಿ. ವೇದವ್ಯಾಸ ಕಾಮತ್ ಭಾಗಿ ಆಸುನು ವಿಶ್ವ ಕೊಂಕಣಿ ನಾಟಕೋತ್ಸವ ಆಯೋಜನ ಕೆಲೆಲೆ ವಿಶ್ವ ಕೊಂಕಣಿ ಕೇಂದ್ರಾಕ ಶ್ಲಾಘನ ಕೆಲೆಂ. ಶ್ರೀ ಎಸ್. ಎಸ್. ಕಾಮತ್, ಅಧ್ಯಕ್ಷ, ಕೆನರಾ ಹೈಸ್ಕೂಲ್ ಎಸೋಸಿಯೇಶನ್, ಮಂಗಳೂರ, ಶ್ರೀ ಎಲೆನ್. ಸಿ. ಎ. ಪಿರೆರಾ, ಮಾಜಿ ಅಧ್ಯಕ್ಷ, ಬ್ಯಾಂಕ ಆಫ್ ಮಹಾರಾಷ್ಟ್ರಾ, ಪೂನಾ,ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಶ್ರೀ ಕುಡ್ಪಿ ಜಗದೀಶ ಶೆಣೈ, ಶ್ರೀ ಪ್ರದೀಪ ಜಿ. ಪೈ ಕಾರ್ಯದರ್ಶಿ, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ, ವಿಶ್ವ ಕೊಂಕಣಿ ಕೇಂದ್ರ, ಶ್ರೀ ಸಿ. ಎ. ನಂದಗೋಪಾಲ ಶೆಣೈ, ಮುಖೇಲ ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ಯೋಜನಾ, ಮಂಗಳೂರು, ಶ್ರೀ ಉಲ್ಲಾಸ್ ಡಿ. ಕಾಮತ, ಮುಂಬಯಿ, ಶ್ರೀ ಸಿ. ಎನ್. ಶೆಣೈ , ಚೆಯರ್‌ಮೆನ, ವಿಶ್ವ ಕೊಂಕಣಿ ಸಂಗೀತ ನಾಟಕ ಅಕಾಡೆಮಿ ವೇದಿರಿ ಉಪಸ್ಥಿತ ಆಶಿಲಿಂಚಿ.

ಶ್ರೀ ಸಿ. ಎ. ನಂದಗೋಪಾಲ ಶೆಣೈ, ಮುಖೇಲ ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ಯೋಜನಾ, ಮಂಗಳೂರು ಹಾನ್ನಿ ಖ್ಯಾತ ನಾಮನೆಚೆ ಕಲಾಕಾರ ಹೊಸಾಡ ಬಾಬುಟಿ ನಾಯಕ ಹಾಂಗೆಲೆ ಭಾವ ಚಿತ್ರಾಕ ಗಂಧಾ ಮಾಳಾ ಆನಿ ಫುಲ್ಲಾ ಪಾಕಳ್ಯೊ ಘಾಲನು ಮಾನ ದೀವನ ವಂದನ ಕೆಲೆಂ. ಸಾಧನಾ ಬಳಗ ಮಂಗಳೂರ ಹಾಜೆ ಮುಖೇಲ ಶ್ರೀ ಪ್ರಕಾಶ ಶೆಣೈ ಹಾನ್ನಿ ಸಭಿಕಾಂಕ ಹೊಸಾಡ ಬಾಬುಟಿ ನಾಯಕ ಹಾಂಗೆಲೆ ವಳಖ ಕರನ ದಿಲೆಂ. ಚಾರಿ ಕೊಂಕಣಿ ನಾಟಕ ನಿರ್ದೇಶಕಾಂಕ ಡಾ. ಸಿ. ಎನ್. ಶೆಣೈ, ಶ್ರೀ ಶ್ರೀಧರ ಕಾಮತ ಬಾಂಬೋಳಕರ, ಶ್ರೀ ಎಡ್ಡಿ ಸಿಕ್ವೇರಾ, ಶ್ರೀ ಚಂದ್ರಬಾಭು ಶೆಟ್ಟಿ, ಹಾಂಕಾ ಸನ್ಮಾನ ಸಮಾರಂಭಯ ಚಲೆಂ. ಶ್ರೀಮತಿ ನಿವೇದಿತಾ ಗೋಕುಲನಾಥ ಪ್ರಭು ಹಾನ್ನಿ ಸನ್ಮಾನಿತಾಂಗೆಲೊ ವಳಖ ಕರನ ದಿಲೆಂ. ಹರ ಏಕ ನಾಟಕ ಕಲಾಕಾರಾಂಕ ಯಾದಸ್ತಿಕಾ ದೀವನ ಅಭಿನಂದ ಕೆಲೆಂ. ವಿಶ್ವ ಕೊಂಕಣಿ ನಾಟಕ ಅಕಾಡೆಮಿ ಸದಸ್ಯ ಶ್ರೀ ಉಳ್ಳಾಲ ರಾಘವೇಂದ್ರ ಕಿಣಿ, ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಶ್ರೀ ಬಿ. ಪ್ರಭಾಕರ ಪ್ರಭು ಉಪಸ್ಥಿತ ಆಶಿಲಿಂಚಿ. ಕಾರ್ಯದರ್ಶಿ ಶ್ರೀಮತಿ ಶಕುಂತಲಾ ಆರ್ ಕಿಣಿ ಹಾನ್ನಿ ಕಾರ್ಯಕ್ರಮ ನಿರೂಪಣ ಕೆಲೆಂ ಆನಿ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಆನಿ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಚಿವೆ ಮಾನ್ಯ ಡಾ. ಜಯಮಾಲಾ ಹಾನ್ನಿ ವಿಶ್ವ ಕೊಂಕಣಿ ಕೇಂದ್ರಾಕ ಬರಯಲೆ ಶುಭ ಸಂದೇಶ ವಾಜುನ ಸಾಂಗಲೆಂ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸದಸ್ಯ ಶ್ರೀ ಸಂತೋಷ ಶೆಣೈ ಹಾನ್ನಿ ದೇವು ಬರೆಂ ಕೊರೊ ಸಾಂಗಲೆಂ. ಚಾರಿ ದಿವಸಯ ಚಲೆಲೆ ನಾಟಕಾಚೆ ಆರಂಭಿಕ ಉದ್ಘೋಷಣಾ ವಿಶ್ವ ಕೊಂಕಣಿ ಕಾರ್ಯಕಾರೀ ಸಮಿತಿ ಸದಸ್ಯ ಶ್ರೀ ಎಂ. ಆರ್. ಕಾಮತ ಹಾನ್ನಿ ಕೆಲೆಂ.

ವೇದಿಕೆ ಕಾರ್ಯಕ್ರಮ ಉಪರಾಂತ ಕೊಂಕಣಿ ತ್ರಿವೇಣಿ ಕಲಾಸಂಗಮ ಮುಂಬಯಿಚೆ ತಂಡ ಹಾನ್ನಿ ಪ್ರಸ್ತುತ ಕೆಲೆಲೆ ’ಹೂನ್ ಉದ್ಕಾ ಘೋಟು’ ಕೊಂಕಣಿ ನಾಟಕ ಪ್ರದರ್ಶನ ಜಾಲೆಂ. ರಚನಾ – ಹೊಸಾಡ ಬಾಬುಟಿ ನಾಯಕ್. ನಿರ್ದೇಶನ – ಡಾ.ಚಂದ್ರಶೇಖರ ಎನ್.ಶೆಣೈ, ಮುಂಬಯಿ. ಅಶಿಂ ಚಾರಿ ದಿವಸ ಚಾರಿಯ್ ಕೊಂಕಣಿ ನಾಟಕ ಪ್ರದರ್ಶನ ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಸರ್ವ ಮಾನೆಸ್ತಾಂಗೆಲೊ ಉಪಸ್ಥಿತೀರಿ ಭಾರೀ ವಿಜೃಂಭಣೇರಿ ಚಲೆಂ.

ದಿ.04-10-2018 ತಾರ್ಕೆರ ವಿಶ್ವ ಕೊಂಕಣಿ ನಾಟಕ ಮಹೋತ್ಸವಾಚೆ ಉಗ್ತಾವಣ ಸಮಾರಂಭ ಮಂಗಳೂರ ಟಿ. ವಿ. ರಮಣ ಪೈ ಸಭಾಗೃಹಾಂತ ಚಲ್ಲೆಂ. ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಹಾನ್ನಿ ಸ್ವಾಗತ ಕರನ ಸರ್ವ ಕೊಂಕಣಿ ಭಾಷಿಕ ಸಮುದಾಯಾಂಕ ಮೆಳನು ಘೆವನು ಹೆಂ ಚಾರಿ ದಿಸಾಚೆ ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಚಲತಾ. ಹೆಂ ನಾಟಕೋತ್ಸವ ಕೊಂಕಣಿ ಭಾಷಾಚೆ ಮ್ಹಾಲ್ಗಡಪಣ ಆನಿ ಕೊಂಕಣಿ ರಂಗಭೂಂಯಚೆ ನವೀನ ಪ್ರತಿಭಾ ದಾಕಯತಾ ಆನಿ ಸರ್ವ ಕೊಂಕಣಿ ಕಲಾಕಾರಾಂಕ ಪ್ರೋತ್ಸಾಹ ದಿವಚಾಕ ಸಾಧ್ಯ ಜಾತಾ. ಹೆಂ ವಿಶ್ವ ಕೊಂಕಣಿ ನಾಟಕ ಮಹೋತ್ಸವು ನಾಟಕ ಕ್ಷೇತ್ರಾಂತ ನಾಂವ ಪಾವಿಲೆ ಶ್ರೀಮತಿ ಕಮಲಾದೇವಿ ಚಟ್ಟೋಪಾಧ್ಯಾಯ, ಶ್ರೀ ರಮಾನಂದ ಚೂರ್ಯ, ಶ್ರೀ ಚಾ.ಫ್ರಾ.ಡಿಕೋಸ್ತಾ ಆನಿ ಶ್ರೀ ಹೊಸಾಡ ಬಾಬುಟಿ ನಾಯಕ್ ಹಾಂಗೆಲೆ ಸ್ಮರಣಾರ್ಥ ಚಲತಾ, ಅಶಿಂ ಸಾಂಗಲೆಂ.

ಡಾ. ಗೀತಾ ಶೆಣೈ, ನಾಮಾನಚೆ ಸಾಹಿತಿ, ಲೇಖಕಿ ಬೆಂಗಳೂರು ಹಾನ್ನಿ ಮಹಾನ ಕೊಂಕಣಿ ಸಾಹಿತಿ ಕಮಲಾದೇವಿ ಚಟ್ಟೋಪಾಧ್ಯಾಯ ಹಾಂಗೆಲೆ ಭಾವ ಚಿತ್ರಾಕ ಗಂಧಾ ಮಾಳಾ ಆನಿ ಫುಲ್ಲಾ ಪಾಕಳ್ಯೊ ಘಾಲನು ಮಾನ ದೀವನ ವಂದನ ಕೆಲೆಂ. ತಶೀಂಚಿ ಹೆಂ ಸಂದರ್ಭಾರಿ ಕೇರಳ ಕೊಂಕಣಿ ಸಾಹಿತ್ಯ ಅಕಾಡೆಮಿ ಮಾಜಿ ಅಧ್ಯಕ್ಷ ಶ್ರೀ ಪಯಯ್ನೂರು ರಮೇಶ ಪೈ, ಆನಿ ಕೇರಳಚೆ ಖ್ಯಾತ ರಂಗಕರ್ಮಿ ಶ್ರೀ ಚಂದ್ರಬಾಬು ಶೆಟ್ಟಿ, ಉಪಸ್ಥಿತ ಆಶಿಲಿಂಚಿ. ಮಂಗಳೂರಚೆ ಕಲಾವಿದೆ ಶ್ರೀಮತಿ ನಿವೇದಿತಾ ಗೋಕುಲನಾಥ ಪ್ರಭು ಹಾನ್ನಿ ಸಭಿಕಾಂಕ ಶ್ರೀಮತಿ ಕಮಲಾದೇವಿ ಚಟ್ಟೋಪಾಧ್ಯಾಯ ಹಾಂಗೆಲೆ ವಳಖ ಕರನ ದಿಲೆಂ. ಶ್ರೀಮತಿ ಚಂದ್ರಕಾ ಮಲ್ಯ ಹಾನ್ನಿ ಕಾರ್ಯಕ್ರಮ ನಿರೂಪಣ ಕೆಲೆಂ. ಶ್ರೀ ಎಂ ಆರ್. ಕಾಮತ ಹಾನ್ನಿ ದೆವು ಬರೆಂ ಕೊರೊ ಸಾಂಗಲೆಂ. ಸ್ವರಶ್ರೀ ಕಲಾವೇದಿಕೆ ತಂಡ, ಮಂಗಳೂರು ಹಾನ್ನಿ ಪ್ರಾರ್ಥನ ಕೆಲೆಂ.

ಉಗ್ತಾವಣ ಸಮಾರಂಭಾ ನಂತರ ವಿಶ್ವ ಕೊಂಕಣಿ ನಾಟಕ ಮಹೋತ್ಸವಾಚೆ ಪಯಲೆ ದಿಸಾಚೆ ನಾಟಕ -ಕೇರಳ ರಾಜ್ಯಚೆ ಕೊಂಕಣಿ ಕಲ್ಚರಲ್ ಫೋರ್ಟ್ ಎಳಮಕ್ಕರ ಪಂಗಡಾಂನಿ ಪ್ರಸ್ತುತ ಕೆಲೆಲೆ ’ರಾವು ಮಾಮ್ಮಾಲೆ ವ್ಹೊರಣ್’ ಕೊಂಕಣಿ ನಾಟಕ ಪ್ರದರ್ಶನ ಜಾಲೆಂ. ಮೂಲ ಕಥಾ – ಜಾನ್ ಫೆರ್ನಾಂಡಿಸ್. ನಿರ್ದೇಶನ ಆನಿ ಸಂಭಾಷಣಾ -ಚಂದ್ರಬಾಬು ಯು.ಶೆಟ್ಟಿ, ಕೇರಳ

ದುಸರೆ ದಿವಸ 05-10-2018 ಸಭಾ ಕಾರ್ಯಕ್ರಮಾಂತ ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಹಾನ್ನಿ ಸ್ವಾಗತ ಕೆಲೆಂ. ಶ್ರೀ ಸಿ. ಡಿ. ಕಾಮತ ಹಾನ್ನಿ ಮಹಾನ ಕೊಂಕಣಿ ಸಾಹಿತಿ ಚಾ. ಫ್ರಾ. ಡಿ. ಕೋಸ್ತಾ ಹಾಂಗೆಲೆ ಭಾವ ಚಿತ್ರಾಕ ಗಂಧಾ ಮಾಳಾ ಆನಿ ಫುಲ್ಲಾ ಪಾಕಳ್ಯೊ ಘಾಲನು ಮಾನ ದೀವನ ವಂದನ ಕೆಲೆಂ. ಕವಿತಾ ಟ್ರಸ್ಟಾಚೆ ಮುಖೇಲ ಶ್ರೀ ಮೆಲ್ವಿನ್ ರೊಡ್ರಿಗಸ್ ಹಾನ್ನಿ ಸಭಿಕಾಂಕ ಚಾ. ಫ್ರಾ. ಡಿ. ಕೋಸ್ತಾ ಹಾಂಗೆಲೆ ವಳಖ ಕರನ ದಿಲೆಂ. ಶ್ರೀ ಎಂ ಆರ್. ಕಾಮತ ಹಾನ್ನಿ ಕಾರ್ಯಕ್ರಮ ನಿರೂಪಣ ಕೆಲೆಂ. ಕೊಂಕಣಿ ಸಾಂಸ್ಕೃತಿಕ ಸಂಘಾಚೆ ಅಧ್ಯಕ್ಷ ಶ್ರೀ ವಿಠ್ಠಲ ಕುಡ್ವಾ ಹಾನ್ನಿ ದೆವು ಬರೆಂ ಕೊರೊ ಸಾಂಗಲೆಂ. ಸಭಾ ಕಾರ್ಯವಳಾ ನಂತರ ಮಂಗಳೂರಚೆ ರಂಗ ಅಂತರಂಗ’ ಪಂಗಡಾಂನಿ ಪ್ರಸ್ತುತ ಕೆಲೆಲೆ ವರ್ಸಾಕ ಏಕ ಪಾವ್ಟಿಂ’- ನಾಟಕ ಪ್ರದರ್ಶನ ಜಾಲೆಂ. ಕಥಾ ಆನಿ ನಿರ್ದೇಶನ- ಶ್ರೀ ಎಡ್ಡಿ ಸಿಕ್ವೇರಾ, ಮಂಗಳೂರು.

ತಿಸರೆ ದಿವಸ 06-10-2018 ಸಭಾ ಕಾರ್ಯಕ್ರಮಾಂತ ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಹಾನ್ನಿ ಸ್ವಾಗತ ಕೆಲೆಂ. ಗೊಂಯಚೆ ನಾಮನೆಚೆ ಲೇಖಕ ಆನಿ ಕಲಾಕಾರ ಶ್ರೀ ಪುಂಡಳೀಕ ಎನ. ನಾಯಕ ಹಾನ್ನಿ ಮಹಾನ ಕೊಂಕಣಿ ಕಲಾಕಾರ ಶ್ರೀ ರಮಾನಂದ ಚೂರ್ಯಾ ಹಾಂಗೆಲೆ ಭಾವ ಚಿತ್ರಾಕ ಗಂಧಾ ಮಾಳಾ ಆನಿ ಫುಲ್ಲಾ ಪಾಕಳ್ಯೊ ಘಾಲನು ಮಾನ ದೀವನ ವಂದನ ಕೆಲೆಂ. ಜಿಲ್ಲಾ ಮಾಜಿ ಲಯನ್ಸ್ ಶ್ರೀ ಕೆ. ಸಿ. ಪ್ರಭು ಹಾನ್ನಿ ಸಭಿಕಾಂಕ ಶ್ರೀ ರಮಾನಂದ ಚೂರ್ಯಾ ಹಾಂಗೆಲೆ ವಳಖ ಕರನ ದಿಲೆಂ. ವಿಶ್ವ ಕೊಂಕಣಿ ಸ್ತ್ರೀ ಶಕ್ತಿ ಮಿಶನ್ ಸಂಚಾಲಕಿ ಶ್ರೀಮತಿ ಗೀತಾ ಸಿ. ಕಿಣಿ ಹಾನ್ನಿ ಕಾರ್ಯಕ್ರಮ ನಿರೂಪಣ ಕೆಲೆಂ. ಶ್ರೀಮತಿ ಮಾಲತಿ ಕಾಮತ ಹಾನ್ನಿ ದೇವು ಬರೆಂ ಕೊರೊ ಸಾಂಗಲೆಂ. ಸಭಾ ಕಾರ್ಯವಳಾ ನಂತರ ಗೊಂಯಚೆ ’ಅಂತ್ರುಜ್ ಲಲಿತಕ್’ ಪಂಗಡಾಂನಿ ಪ್ರಸ್ತುತ ಕೆಲೆಲೆ ’ಪ್ರೇಮ್ ಜಾಗೊರ್’ ಕೊಂಕಣಿ ನಾಟಕ ಪ್ರದರ್ಶನ ಜಾಲೆಂ. ರಚನಾ- ಶ್ರೀ ಪುಂಡಳೀಕ ನಾರಾಯಣ ನಾಯ್ಕ್. ನಿರ್ದೇಶನ — ಶ್ರೀಧರ ಕಾಮತ್ ಬಾಂಬೋಳಕರ್, ಗೊಂಯ.

Check Also

ವಸಯ್ ಆನಿ ಕಾಂದಿವಲಿಂತ್ ಕವಿತಾಸಾದರ್ ಸರ್‍ತಿ

ಕವಿತಾ ಟ್ರಸ್ಟಾನ್ ಅಖಿಲ್ ಭಾರತೀಯ್ ಹಂತಾರ್ ಚಲಂವ್ಚ್ಯಾ ಕೊಂಕಣಿ ಕವಿತಾಸಾದರ್ ಸ್ಪರ್ಧ್ಯಾಚಿಂ ಪ್ರಾಥಮಿಕ್ ಹಂತಾಂ ಆಶಾವಾದಿ ಪ್ರಕಾಶನ್ ತಶೆಂಚ್ ಸ್ಥಳೀಯ್ …

Leave a Reply

Your email address will not be published. Required fields are marked *

Share ...please don\'t COPY !