ಮುಂಬಯಿಂತು ಅಖಿಲ ಭಾರತ ಸಾರಸ್ವತ ಸಮ್ಮೇಳನ

ಅಖಿಲ ಭಾರತ ಸಾರಸ್ವತ ಸಮ್ಮೇಳನ ಜನವರಿ 19 ಆನಿ 20 ಮುಂಬಯಿಂತ ಚಲಚೆ ಆಸಾ. ಹೆಂ ಕಾರ್ಯಕ್ರಮ ಬದ್ದಲ ಪೂರ್ವಭಾವಿ ಸಭಾ ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳ ಭುವನೇಂದ್ರ ಮಾಂಟವಾಂತ ಆಯತಾರಾ 2 – 12 – 2018  ತಾರ್ಕೆರ ವಿಶ್ವ ಸಾರಸ್ವತ ಸರದಾರ ಶ್ರೀ ಬಸ್ತಿ ವಾಮನ ಶೆಣೈ ಹಾಂಗೆಲೆ ಅಧ್ಯಕ್ಷಪಣಾರಿ ಚಲ್ಲೆಂ.

ಸಾರಸ್ವತ ಸಮ್ಮೇಳನಾಚೆ ವ್ಯವಸ್ಥಾಪಕಾ ಸಮಿತಿ ಸದಸ್ಯ ಮಂಗಳೂರಚೆ ಸಿ. ಎ. ಶ್ರೀ ನಂದಗೋಪಾಲ ಶೆಣೈ ಹಾನ್ನಿ ಉಲೊವನು ಕೇರಳತಾಕುನ ಕಾಶ್ಮೀರ ಮೆರೆನ ತಶೀಂಚಿ ಜಗತ್ಯಾಂತ ವಾಸ ಜಾವನ ಆಶಿಲೆಂ ಸಾರಸ್ವತ ಸಮಾಜಾಚೆ ಸರ್ವಾಂಕಯ ಎಕಟಾಯ ಕರಚೆ ಉದ್ದೇಶಾನ ಹೆಂ ಸಮ್ಮೇಳನ ಮುಂಬಯಿಂತ ದೋನ ದಿವಸ ಪರ್ಯಂತ ಚಲಚೆ ಆಸಾ. ಹ್ಯಾ ಸಮ್ಮೇಳನಾಂತ ರಾಷ್ಟ್ರೀಯ ಆನಿ ಅಂತರಾಷ್ಟ್ರೀಯ ಮಟ್ಟಾರ ಗುರುತಿಸುನ ಸಾರಸ್ವತ ಸಾಧಕಾಂಕ ಸನ್ಮಾನ ಕರಚೆ ಆಸಾ. ತಶೀಂಚಿ ವಿಚಾರಗೋಷ್ಠಿ, ಸಾಹಿತ್ಯಗೋಷ್ಠಿ, ಮನೋರಂಜನಾ ಕಾರ್ಯಕ್ರಮಯ ಚಲಚೆ ಆಸಾ. ಹೆಂ ಕಾರ್ಯಕ್ರಮಾಕ ಸರ್ವಾಂನಿ ಸಹಕಾರ ದೀವಕಾ ಅಶಿಂ ವಿನಂತಿ ಕೆಲೆಂ.

ಉಡುಪಿ ಹನುಮಾನ್ ಗ್ರೂಪ್ಸ್‌ನ ಸಿ. ಇ. ಒ ಶ್ರೀ ವಿಲಾಸ ನಾಯಕ್ ಹಾನ್ನಿ ಸ್ವಾಗತ ಕೆಲೆಂ. ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳ ಆಡಳಿತ ಮೊಕ್ತೇಸರ ಶ್ರೀ ಪಿ. ವಿ. ಶೆಣೈ, ಸಿ. ಎ. ಶ್ರೀ ಸುರೇಂದ್ರ ನಾಯಕ ಆನಿ ಸಮಾಜಾಚೆ ಹೆರ ಮಾನೆಸ್ತ ಉಪಸ್ಥಿತ ಆಶಿಲಿಂಚಿ.

Leave a Reply

Your email address will not be published. Required fields are marked *

*

code

Share ...please don\'t COPY !