ಜೆ. ವಿ. ಕಾರ್ಲೊ, ಹಾಸನ್

mm
ಜೆರಾಲ್ಡ್ ವಿಲಿಯಂ ಕಾರ್ಲೊ ವಾ ಜೆ.ವಿ.ಕಾರ್ಲೊ ಚಿಕ್‌ಮಗ್ಳುರ್ ದಿಯೆಸೆಜಿಚ್ಯಾ ಫಾತಿಮಪುರ ಫಿರ್ಗಜೆಂತ್ ಜಲ್ಮಾಲೊ. ಹೈಸ್ಕೂಲ್ ಪರ್ಯಾಂತ್ ಹಾಸನ್ ಜೆಜ್ವಿತಾಂಚಾ ಸಾಂ.ಜುಜೆ ಇಸ್ಕೊಲಾಂತ್ ಆನಿ ಹಾಸನ್ ಸರ್ಕಾರಿ ಕೊಲೆಜಿಂತ್ ಬಿ.ಎ., ಶಿಕಪ್. ಲಾನ್ಪಣಾ ಥಾವ್ನ್ ಸಾಹಿತ್ಯಾಂತ್ ವೋಡ್. ಪ್ರತ್ಯೇಕ್ ಜಾವ್ನ್ ಅನುವಾದ್ ಶೆತಾಂತ್. ಕೊಂಕಣಿ ತಶೆಂ ಕನ್ನಡಾಂತ್. ಕೊಂಕ್ಣೆಂತ್ ಎದೊಳ್ ತೀನ್ ಅನುವಾದಿತ್ ಕಾದಂಬರಿ, ಶೆಂಬರಾ ಲಾಗ್ಗಿಂ ಮಟ್ವ್ಯೊ ಕಾಣಿ ಆನಿ ಲೇಕನಾಂ ವೆವೆಗ್ಳ್ಯಾ ಪತ್ರಾಂನಿ, ಜಾಳಿ ಜಾಗ್ಯಾನಿಂ ಪ್ರಕಟ್ ಜಾಲ್ಯಾತ್. ಕನ್ನಡಾಂತೀ ಸುಮಾರ್ ತೀಸ್ ನೀಳ್‌ಕತಾ ಆನಿ ಮಟ್ವ್ಯೊ ಅನುವಾದಿತ್ ಕತಾ ಪ್ರಕಟ್ ಜಾಲ್ಯಾತ್. ಪ್ರಕಟಿತ್ ಪುಸ್ತಕಾಂ: ’ಅಪಹರಣ್’ (ಅನುವಾದಿತ್ ಕಾಣ್ಯಾಂಚೊ ಪುಂಜೊ) ಆನಿ ’ಗಾಂಧಿಚೆಂ ಪರ್ಜಳಿಕ್ ಪುಡಾರ್‌ಪಣ್’ ಬಾಂದ್ಪಾ ನಿರ್ಮಾಣ್ ಶೆತಾಂತ್ ವಾವ್ರುನ್ ಆಸೊನ್, ಪತಿಣೆ ಸವೆಂ ಹಾಸನಾಂತ್ ಜಿಯೆವ್ನ್ ಆಸಾ. ಎಕ್ಲೊಚ್ ಪೂತ್ ಕೇಟರಿಂಗ್ ಶಿಕಾಪ್ ಜೊಡುನ್ ಪೇಸ್ಟ್ರಿ ಶೆಫ್ ಜಾವ್ನ್ ತಾರ್ವಾರ್ ಕಾಮ್ ಕರುನ್ ಆಸಾ. ಸಂಪರ್ಕ್: gwcarlohasan@gmail.com ಕಿಟಾಳಾರ್ ಜೆ.ವಿ. ಕಾರ್ಲೊ, ಹಾಸನ್ ಹಾಂಚೆ ತರ್ಜಣ್ ಅಂಕಣ್ ಮಾತಿ ಆನಿ ಮೊಳಬ್ - ಡೊ| ನಾ. ಡಿ’ಸೊಜಾ

ವೆವೆಗ್ಳ್ಯಾಪಣಾ ಮಧೆಂಯ್ ಎಕ್ತಾರ್: ಕೆದ್ನಾ ಕೆದ್ನಾ ಮಾರ್ ಫಾರ್!

ಥೊಡ್ಯಾ ವರ್ಸಾಂ'ಧಿಂ ಮಲ್ನಾಡಾಂತ್ಲ್ಯಾ ಎಕಾ ಕ್ರಿಸ್ತಾಂವ್ ಕಾಜಾರಾಚಾ ಸಂದರ್ಭಿಂ ಮಂಗ್ಳುರ್ಚಾ ಸಯ್ರ್ಯಾನಿಂ, "ಹ್ಯಾ ಘಾಟಾಗಾರಾಂಕ್ ನಾಚೊಂಕ್ ಖಂಯ್ ಯೆತಾ! ದೋನ್ ಪೆಗ್ಗ್ ಘಾಲ್ಯಾರ್ ಪುರೊ ಆಂಗಾರ್ ಭುತ್ ರಿಗಲ್ಲೆ ಬರಿಂ ನಾಚ್ತಾತ್!' ಮ್ಹಣೊನ್ ಉಚಾರ್ಲೆಲ್ಲಿ ಅಭಿಪ್ರಾಯ್ ವ್ಹಡ್ ಝಗ್ಡ್ಯಾಕ್ ಕಾರಣ್ ಜಾಲ್ಲಿ! ಆತಾಂ ಇಂಜಿನಿಯರಿಂಗ್ ಕೊಲೆಜಿಕ್ ಪಾಟಿಂ ಯೆಂವ್ಚೆ ತರ್, ಎಕಾ ದಿಸಾ ಹೊಸ್ಟೆಲಾಂತ್ ಮಾಸ್ ವ ಮಾಸ್ಳಿ ರಾಂದ್ಚಿಗೀ ಮ್ಹಳ್ಳ್ಯಾ ವಿಶ್ಯಾಂತ್ ವಿಧ್ಯಾರ್ಥಿಂ ಮಧೆಂ ಸುರು ಜಾಲ್ಲೊ ವಾದ್ ವಿವಾದ್ ಗಂಭೀರ್ ಸುರೂಪಾಕ್ ಪಾವ್ಲೊ. ದಕ್ಷಿಣ್ ಕನ್ನಡಾಚಾ ವಿದ್ಯಾರ್ಥಿನಿಂ ಮಾಸ್ಳಿ ಜಾಯ್ ಮ್ಹಳ್ಯಾರ್, ಇತರ್ ವಿದ್ಯಾರ್ಥಿನಿಂ ಮಾಸ್ ಜಾಯ್ ಮ್ಹಳೆಂ. ಗಲಾಟೊ ಜಾಲೊ, ಮಾರಾ ಮಾರಿ ಸುರು ಜಾಲಿ. ಹೊಕ್ಕಿ ಸ್ಟಿಕ್ಕಾಂ ಕ್ರಿಕೆಟ್ ಬ್ಯಾಟಾಂ ಭಾಯ್ರ್ ಆಯ್ಲಿಂ. ಗಲಾಟೊ ಕ್ಯಾಂಪಸಾ ಭಾಯ್ರ್ ಪಾವ್ಲೊ.

Read More »

ಮಾಂಕೊಡ್ ರಚ್ನಾರ್ ಜಾತಾನಾ…

ಮ್ಹನ್ಶಾಕ್ ಕೆದ್ನಾ ಕೆದ್ನಾ ಥೊಡೊ ವಿಶೆವ್ ಬೋವ್ ಗರ್ಜೆಚೊ. ತಾಣೆ ಜಾವ್ನ್ ತೊ ಘೆ ನಾತ್ಲ್ಯಾರ್ ಪೃಕೃತಿಚ್ ಮಧೆಂ ಪಡೊನ್ ಘೆಂವ್ಚೆ ಬರಿಂ ಕರ್ತಾ ಮ್ಹಣ್ಚಾಕ್ ಹಾಂವ್ ಚ್ ಸಾಕ್ಸ್ ಜಾಲೊಂ. ಹಾಂವೆ ರಜಾ ಕಾಡ್ಲ್ಯಾರ್ ಖಂಯ್ ಕಾಮಾಂ ಬಂಧ್ ಜಾತಿತ್ ಮ್ಹಳ್ಳ್ಯಾ ಭ್ರಮಿದೆಂತ್ ಆಸ್ಲೆಲ್ಯಾ ಮ್ಹಾಕಾ ಅವ್ಚಿತ್ ಡೆಂಗ್ಯು ತಾಪಾಕ್ ಲಾಗೊನ್ ಪಾಂಚ್ ದೀಸ್ ಆಸ್ಪತ್ರೆಂತ್ ಕಾಡಿಜೆ ಪಡ್ಲೆ. ಆಸ್ಪತ್ರೆ ಥಾವ್ನ್ ಭಾಯ್ರ್ ಆಯ್ಲ್ಯಾರೀ ಅನಿವಾರ್ಯ್ ಜಾವ್ನ್ ಘರ್ …

Read More »

ಪವಿತ್ರ್ ಸುಕ್ರಾರಾಚಾ ತ್ಯಾ ದಿಸಾ…

" ಜೆಜು ಕ್ರೀಸ್ತಾನ್ ಆಮ್ಚಾ ಪಾತ್ಕಾಂ ಖಾತಿರ್ ಜೀವ್ ಅರ್ಪಿಲ್ಲ್ಯಾ ಖುರ್ಸಾಚಾ ಸಾರ್ವಜನಿಕ್ ಮಾನಾ ಖಾತಿರ್ "ಇಗರ್ಜಿಚಾ ಪಾಂಚ್ ಸುವಾತ್ಯಾಂನಿ ಖುರ್ಸಾಕ್ ಮಾನ್ ಅರ್ಪುಂಕ್ ಹಾಡ್ತೆಲೆ, ಕೊಣೆಂಯ್ ಕಸಲೊಚ್ ಧರ್ವಡ್ ಕರಿನಾಸ್ತಾಂ ಸೊಸ್ಣಿಕಾಯೆನ್ ಲಾಯ್ನಿರ್ ಯೇವ್ನ್ ಖುರ್ಸಾಚೊ ಉಮೊ ಘೆಂವ್ಚೊ. ಖುರ್ಸಾಕ್ ಮಾನ್ ಕೆಲ್ಯಾ ನಂತರ್ ಕುಮ್ಗಾರ್ ವಾಂಟ್ತೆಲ್ಯಾಂವ್. ಆಜ್ ತುಮಿ ದಿಂವ್ಚೆ ಇಜ್ಮೊಲ್ ಭಾಗೆವಂತ್ ಜಾಗ್ಯಾಂಚಾ ನಿರ್ವಹಣಾಖಾತಿರ್ ಬಿಸ್ಪಾಚಾ ಒಫಿಸಾಕ್ ಧಾಡ್ತೆಲ್ಯಾಂವ್ ..." ಅಶೆಂ ಪಾದ್ರ್ಯಾಬ್ ಸಾಂಗಾಲಾಗ್ಲೊ. ವ್ಹಾಹ್! ಜಾಗತಿಕ್ ಭಾಗೆವಂತ್ ಜಾಗ್ಯಾಂಚೆ ನಿರ್ವಹಣ್! ತೆಂಯ್ ಮ್ಹಜೆತಸಲ್ಯಾ ದುಬ್ಳ್ಯಾ ಫಿರ್ಗಜೆ ಥಾವ್ನ್!

Read More »

ತುಮ್ಕಾಂ ಭಾಗಿ ನತಾಲ್ ಮಾಗ್ತಾಂವ್…

“ಕಿತೆಂ ಮ್ಹಣೊನ್ ಬರಯ್ಜೆ ಗೇ?” ತಿಂತಾಂತ್ ಲಿಖ್ಣಿ ಬುಡವ್ನ್ ವಿಚಾರ್ಲೆಂ ಗ್ರೆಗೊರಿನ್. ವ್ಯಾಸಿಲಿಸಾನ್ ಧುವೆಕ್ ಪಳಯ್ನಾಸ್ತಾಂ ಚಾರ್ ವರ್ಸಾಂ ಜಾಲ್ಲಿಂ. ಧುವೆಕ್, ಯೆಫೆಮಿಯಾಕ್ ಕಾಜಾರ್ ಕರ್ನ್ ದಿಲ್ಲೆಂಚ್ ತೆಂ ಪಯ್ಸ್ ಸೆಂಯ್ಟ್ ಪೀಟರ್ಸ್ಬರ್ಗಾಕ್ ಗೆಲ್ಲೆಂ. ಸುರ್ವೆರ್ ದೋನ್ ಪತ್ರಾಂ ಆಯಿಲ್ಲಿಂ ತರೀ ಉಪ್ರಾಂತ್ ತಾಚೊ ಪಾತ್ತೊಚ್ ನಾತ್ಲೊ. ಮ್ಹಾತಾರಿ ವ್ಯಾಸಿಲಿಸಾಕ್, ಸಾಕಾಳಿಂ ಸಾಂಜೆರ್ ಗಾಯ್ರಾಂಚೆ ದೂದ್ ಪಿಳ್ತಾನಾ ಜಾಂವ್ ರಾಂದ್ತಾನಾ, ವಸ್ತುರ್ ಉಂಬಳ್ತಾನಾ ಜಾಂವ್ ನಿದೊಂಕ್ ವೆತಾನಾ ಧುವೆಚಿಚ್ ಖಂತ್. …

Read More »

ಯಾಜಕ್ ಆನಿ ಸಯ್ತಾನ್

█ ಮೂಳ್: ಖಲೀಲ್ ಗಿಬ್ರಾನ್ █  ಕೊಂಕ್ಣೆಕ್: ಜೆ.ವಿ.ಕಾರ್ಲೊ ಸದಾಂಚೆ ಬರಿಂ ಸಾಂಜೆಚ್ಯಾ ಭಂವ್ಡೆರ್ ಆಸುಲ್ಲ್ಯಾ ಯಾಜಕಾಕ್ ಖಂಯ್ ಥಾವ್ನ್‌ಗೀ ದೂಕಿಚಿ ಪಿಂರ್ಗೊಣಿ ಆಯ್ಕಾಲಿ. ತಾಣೆ ಆಕಾಂತೊನ್ ಭಂವ್ತಿ ಪಳೆಲೆಂ. ಬಗ್ಲೆಚಾ ಗಟಾರಾ ಥಾವ್ನ್ ಎಕ್ಲೊ ಘಾಯೆಲ್ಲೊ ಮ್ಹನಿಸ್ ಪಿಂರ್ಗಾತಾಲೊ. ತಾಚಿ ಮುಸ್ತಾಯ್ಕಿ ಪಿಂಜುನ್ ತೀರ್ ತಿರ್ಕುಟ್ ಜಾಲ್ಲಿ ಆನಿ ತೊ ರಗ್ತಾನ್ ಬುಡೊನ್ ಗೆಲ್ಲೊ. ತೊ ರಡ್ತಾಲೊ, ಪಿಂರ್ಗಾತಾಲೊ, ಮಧೆಂ ಮಧೆಂ ಹಾಕ್ ಮಾರ್ತಾಲೊ: “ಮ್ಹಾಕಾ ಬಚಾವ್ ಕರಾ.. ಮ್ಹಜೆರ್ ಕಾಕುತ್ …

Read More »

ಗಾಂಧಿ, ಭಿಂವ್ಕುರೆಂಪಣ್ ಆನಿ ಸತ್ಯಾಗ್ರಹ

ಹಾಂವೆ ಕೊಂಕ್ಣೆಂತ್ ಥೊಡೆಂ ತರ್ಜಣ್ ಕೆಲಾಂ ತರೀ, ಶ್ರೀ ಮೆಲ್ವಿನ್ ರೊಡ್ರಿಗಸಾನ್, ಮಾನೆಸ್ತ್ ಅಲನ್ ಪಾಸ್ಕಲ್ ನಜ್ರೆತಾಚೊ ‘Gandhi’s Outstanding Leadership’ ಮ್ಹಳ್ಳೊ ದಾಟೊ ಮೊಟೊ ಬೂಕ್ ಕೊಂಕ್ಣೆಕ್ ತರ್ಜಣ್ ಕರುಂಕ್ ವಿಚಾರ್ತಾನಾ ಮ್ಹಜಾ ತಾಂಕಿ ವಯ್ರ್ ದುಬಾವ್ ಜಾಲ್ಲೊ ಸಹಜ್. ಗಾಂಧಿ ವಿಶ್ಯಾಂತ್ ಕೋಣ್ ಭಾರತೀಯಾನ್ ಆಯ್ಕೊಂಕ್ ನಾ, ವಾಚುಂಕ್ ನಾ? ಪುಣ್ ತೆಂ ಸಗ್ಳೆಂ ಅನಿವಾರ್ಯ್ ಇಸ್ಕೊಲಾಚೆಂ ವಾಚಾಪ್ ಜಾವ್ನಾಸ್ಲೆಂ. ಗೊರೂರು ರಾಮಸ್ವಾಮಿ ಐಯಂಗಾರನ್ ಕನ್ನಡಾಂತ್ ತರ್ಜಿಲ್ಲೊ …

Read More »

ಸಾಂಗಾತ್ಯಾಂಚೆ ಮಾಸ್ ಖಾವ್ನ್ ವಾಂಚ್ಲೆ!

ವಿಮಾನ್ ಅವ್ಗಡ್ ಜಾವ್ನ್ ಆಜಿಕ್ ಬಾರಾ ದೀಸ್ ಜಾಲ್ಲೆ. ಖಾಂವ್ಕ್ ಸಾಧ್ಯ್ ಆಸ್ಚೆಂ ತಸಲೆಂ ಪೂರಾ ಆಮಿಂ ಕಾಬಾರ್ ಕೆಲ್ಲೆಂ. ಭಾಯ್ರ್ ಸರ್ಲೆಲ್ಯಾಂ 45 ಜಣಾಂ ಪೈಕಿ 12 ಜಣ್ ಪಯ್ಲೆ ದಿಸಾಚ್ ಮರಣ್ ಪಾವ್‍ಲ್ಲೆ. ‘… ದಿಸಾಂದೀಸ್ ಆಮ್ಚಿ ಭುಕ್ ಚಡೊನಂಚ್ ಯೆತಾಲಿ. ಆಮಿಂ ಖಾಣ್ ಸೊದ್ಚಾರ್ ಪಡ್ಲ್ಯಾಂವ್.  ಆಮ್ಕಾಂ ಖಾಣ್ ಸೊಧ್ಚಿಚ್ ಏಕ್ ಗಿರಾಂತ್ ಜಾವ್ನ್ ಗೆಲಿ. ಆಮ್ಚಿ ಭುಕ್ ಸಾಧಾರಣಾಚಿ ಭುಕ್ ನ್ಹಯ್ ಜಾವ್ನಾಸ್ಲಿ. ಕೆದ್ನಾ ಆಮ್ಚಾ …

Read More »

ಚಿಯರ್ಸ್… ದೇಬ್ರೇರೆಂ ಕರುಂ!

‘ಮ್ಹನ್ಶಾನ್ ಎದೊಳ್ ಆನ್ವೇಷಣ್ ಕೆಲ್ಲ್ಯಾ ವಸ್ತುಂ ಪಯ್ಕಿ ಸರ್ವ್ ಶ್ರೇಷ್ಟ್ ಖಂಯ್ಚಿ ಮ್ಹಣ್ ತುಂ ಚಿಂತಾಯ್?’ ಮ್ಹಜ್ಯಾ ಎಕಾ ಇಷ್ಟಾನ್ ಸವಾಲ್ ಕೆಲ್ಲೆಂ. ಹಾಂವೆ ಉಜೊ, ರೋದ್, ಪೆನ್ಸಿಲಿನ್ ಧರುನ್ ಲಾಂಬ್ ಲೀಸ್ಟ್ ದಿಲಿ ತರೀ ತೊ ಒಪ್ವೊಂಕ್ ತಯಾರ್ ನಾ ಜಾಲೊ. ‘ತುಂಚ್ ಸಾಂಗ್ ಧನ್ಯಾ..’ ಹಾಂವೆ ಮ್ಹಳೆಂ. ‘It is elementary my dear!’ ಶೆರ್ಲೊಕ್ ಹೋಮ್ಸಾಚಾ ಶಯ್ಲೆರ್ ತೊ ಮ್ಹಣಾಲೊ. ‘ಸೊರೊ, ಯಾನೇ ಆಲ್ಕೋಹಾಲ್! ಸೊರೊ ಪಯ್ಲೊ …

Read More »

ಅಂಕಲ್, ಆಂಟಿ ಘರಾ ನಾಂಗಿ?

ಹಾಂವ್ ಕಾಜಾರ್ ಜಾವ್ನ್ ಪಂಚ್ವೀಸ್ ವರ್ಸಾಂ ಉತಾರ್ಲಿಂ. ಥೊಡ್ಯಾ ವರ್ಸಾಂ’ಧಿಂ ಮ್ಹಜ್ಯಾ ಬಾಯ್ಲೆಚಾ ಬಾಪ್ಪುಚಾ ಪುತಾನ್ ಆಪ್ಲ್ಯಾ ಕಾಜಾರಿ ಜಿವಿತಾಚಿಂ ಪಂಚ್ವೀಸ್ ವರ್ಸಾಂ ಸಂಪಯ್ತಾನಾ, ಹಿ ಗಜಾಲ್ ಸಂಸಾರಾಕ್ (ಆಮ್ಚೊ ಸಂಸಾರ್ ಅಜೂನೀ ಬೋವ್ ಧಾಕ್ಟೊ. ಫೇಸ್ – ಬುಕ್ ಆನಿ ಯೂಟ್ಯೂಬ್ ಆನಿಕೀ ನೇತಿ..ನೇತಿ!..) ಕಳೊಂದಿ ಮ್ಹಣೊನ್ ಏಕ್ ಜುಬ್ಲೆವ್ ಆಸಾ ಕೆಲೊ. ಆಮ್ಚ್ಯಾ ಕ್ರಿಸ್ತಾಂವಾಚ್ಯಾ ದಸ್ತುರೆ ಫರ್ಮಾಣೆ ಏಕ್ ವಿಶೇಸ್ ಮೀಸ್, ದಾದ್ಲ್ಯಾಂಕ್ ಥೊಡೆಂ ಶೆಕುಂಕ್, ಶೆಕ್ಚ್ಯಾ ವೆಳಾ …

Read More »
Share ...please don\'t COPY !