ಓಸ್ಕರ್ ವಗ್ಗ

mm
ಪಾಟ್ಲ್ಯಾ ಎಕಾ ಧಾಕ್ಡ್ಯಾಪಾಸುನ್ ಓಸ್ಕರ್ ವಗ್ಗ ಹ್ಯಾ ನಾಂವಾನ್ ಕೊಂಕ್ಣೆಂತ್ ಸರಾಗ್ ಬರವ್ನ್ ಆಸ್ಚೊ ಓಸ್ಕರ್ ಲುವಿಸ್ ವೃತ್ತೆನ್ ಇಜ್ನೆರ್, ಪ್ರತಿಷ್ಠಿತ್ ಕಂಪ್ಣೆಂತ್ ಒಪರೇಶನ್ಸ್ ಮ್ಯಾನೇಜರ್ ಜಾವ್ನ್ ವಾವುರ್ತಾ. ತಾಚ್ಯಾ ಬರ್ಪಾಂನಿ ಜಿವಾತರ್ಫೆಚ್ಯಾ ವಿಚಾರಾಂಕ್ ಆನಿ ಸಮಾಜಿಕ್ ಜಾಗೃತೆಚ್ಯಾ ವಿಶಯಾಂಕ್ ಪಯ್ಲೊ ಸ್ಥಾನ್. ಕೊಂಕ್ಣೆ ಶಿವಾಯ್ ಕನ್ನಡ, ಇಂಗ್ಲಿಶ್ ಭಾಸಾಂನೀಯ್ ತೋ ಬರಯ್ತಾ. ಕೊಂಕ್ಣೆಚ್ಯಾ ಚಡಾವತ್ ಪತ್ರಾಂನಿ ತಾಚಿಂ ಬರ್ಪಾಂ ತವಳ್ ತವಳ್ ಫಾಯ್ಸ್ ಜಾತೇ ಆಸಾ. ಆಪ್ಲೆ ಜಿವಾತರ್ಫೆ ವಿಚಾರ್ ವೆಕ್ತ್ ಕರುಂಕ್ ಆನಿ ಸಮಾಜೆಕ್ ಧೊಸ್ಚ್ಯಾ ಸಮಸ್ಯ್ಯಾಂವಿಶಿಂ ಜಾಗೃತಿ ಉಟಂವ್ಕ್ ಸಮಾಜಿಕ್ ಮಾಧ್ಯಮಾಂಚೊ ಪರಿಣಾಮ್‍ಕಾರಿ ಉಪೆಗ್ ಕರ್ಚ್ಯಾ ಥೊಡ್ಯಾಚ್ ತರ್ನ್ಯಾ ಚಿಂತ್ಪ್ಯಾಂಪಯ್ಕಿ ತೋ ಎಕ್ಲೊ. ಯುವಸಂಘಟನಾಂನಿ ಚಲಂವ್ಚ್ಯಾ ಶಿಬಿರಾಂಕ್ ಆಪ್ಲ್ಯಾ ಫುರ್ಸತೆ ಪರ್ಮಾಣೆ ಸಂಪನ್ಮೂಳ್ ವೆಕ್ತಿ ಜಾವ್ನ್ ವಚೊನ್ ಆಪ್ಲಿ ಜಾಣ್ವಾಯ್ ವಾಂಟುನ್ ಘೆಂವ್ಚೆ ಸಾಂಗಾತಾ ಯುವಸಕ್ತೆಚೊ ಧನಾತ್ಮಕ್ ವಾಪರ್ ಜಾಂವ್ಚೆವಿಶಿಂ ವಾವುರ್ನ್ ಆಸಾ.

ಕೇರಳ : ಸ್ರಾವಾಂತೀ ಸಾಳಕ್ ಫುಲಂವ್ಚೆಂ ಪ್ರೇತನ್ ?

ಆಮ್ಚ್ಯಾ ರಾಜಕೀಯಾಂತ್ ಧರ್ಮ್ ಕಿತ್ಲ್ಯಾ ಮಾಪಾನ್ ಮಿಸ್ಳಾಲಾಂ ಆನಿ ಹಾಂಗಾಸರ್ ಧರ್ಮ್ ಆನಿ ರಾಜಕೀಯ್ ವಿಂಗಡ್ ಕರುಂಕ್ ಜಾಯ್ನಾ ಮ್ಹಣ್ಚ್ಯಾಕ್ ಶಬರಿಮಲೆಚೆಂ ತೀರ್ಪ್ ಏಕ್ ದಾಖ್ಲೊ. ಜ್ಯಾ ಸಂವಿಧಾನಾಚ್ಯಾ ಬಳಾನ್ ಆಜ್ ಆಮ್ಚೆ ರಾಜಕೀಯ್ ಫುಡಾರಿ ಆಡಳ್ತೆಂ ಚಲಯ್ತಾತ್ ತ್ಯಾಚ್ ಸಂವಿಧಾನಾಚ್ಯಾ ನ್ಯಾಯಾಂಗಾನ್ ದಿಲ್ಲೆಂ ತೀರ್ಪ್ ಪಾಳ್ಚ್ಯಾಂತ್ ಯಾ ತ್ಯಾ ವಿಶಿಂ ಅಭಿಪ್ರಾಯ್ ದೀಂವ್ಕ್ ಪಾಟಿಂ ಮುಕಾರ್ ಕೆಲ್ಲೆಂ ಪಳೆತಾನಾ 'ಧರ್ಮ್ ಸಂವಿಧಾನಾಚ್ಯಾಕೀ ಊಂಚ್'ಗೀ?' ಮ್ಹಳ್ಳೆಂ ಸವಾಲ್ ಪರತ್ ಉಬೆಂ ಜಾತಾ. ದೇಶಾಚ್ಯಾ ಪ್ರಧಾನ್ ಮಂತ್ರಿ ಥಾವ್ನ್ ಧರ್ನ್ ಹರ್ಯೆಕಾ ಪ್ರಭಾವಿ ಮುಖೆಲ್ಯಾನ್ ಹ್ಯಾ ವಿಶ್ಯಾಂತ್ ಅಭಿಪ್ರಾಯ್ ದಿತಾನಾ ದೆವಾಳಾಚೆಂ ಸಂಪ್ರದಾಯ್ ಮೊಡ್ಚೆಂ ಸಮಾ ನ್ಹಯ್ ಮ್ಹಣ್ ಸಾಂಗ್ಲಾಂ ಶಿವಾಯ್, ಸುಪ್ರೀಂ ಕೊಡ್ತಿಚೆಂ ತೀರ್ಪ್ ಮಾನುನ್ ಘೆಜೆ ಆನಿ ತೆಂ ಪಾಲನ್ ಕರಿಜೆ ಮ್ಹಣ್ ಸಾಂಗೊಂಕ್ ನಾ. ಕೇರಳಾಕ್ ಭೆಟ್ ದಿಲ್ಲ್ಯಾ ಭಾಜಪಾಚ್ಯಾ ರಾಷ್ಟ್ರಾಧ್ಯಕ್ಷ್ಯಾನ್ 'ಆಮ್ಚೊ ಸಂಪ್ರದಾಯ್ ಮೊಡುಂಕ್ ಆಮಿ ಸೊಡಿನಾಂವ್' ಮ್ಹಣುನ್ ಪೆಟ್ಚ್ಯಾ ಉಜ್ಯಾಕ್ ತೇಲ್ ವೊತ್ಲೆಂ ತರ್, ಆಪುಣ್ ಜಾತ್ಯಾತೀತ್, ದಣ್ಸಲ್ಯಾಂಚ್ಯಾ ಪಕ್ಷೆನ್ ಆಸ್ಚಿ ಪಾಡ್ತ್ ಮ್ಹಣ್ ಪೋಸ್ ದಿಂವ್ಚ್ಯಾ ಕೊಂಗ್ರೆಸಾಚೆ ಉಂಚ್ಲೆ ಮುಖೆಲಿ ಹ್ಯಾ ಘಡಿತಾ ವಿಶ್ಯಾಂತ್ ಚಡಿತ್ ಉಲಂವ್ಕ್ ಗೆಲೆನಾಂತ್ ತರೀ, ಕೇರಳಾಂತ್ಲ್ಯಾ ಜಾಯ್ತ್ಯಾ ಪ್ರಭಾವಿ ಕೊಂಗ್ರೆಸ್ ಮುಖೆಲ್ಯಾನಿಂ ಪಿಣರಾಯ್ ಸರ್ಕಾರಾಚೆರ್ ಉಗ್ತ್ಯಾನ್ ನಾಸಮಾಧಾನ್ ದಾಖಯ್ಲೆಂ. ಹೆಂ ಸರ್ವ್ ನಿಯಾಳ್ತಾನಾ ಧೊಸ್ತಾ ಏಕ್ ಸವಾಲ್ - ಜರ್ ಶಬರಿಮಲೆ ದೀವ್ಳ್ ಹೆರ್ ಖಂಚ್ಯಾಯೀ ರಾಜ್ಯಾಂತ್ ಆಸ್'ಲ್ಲೆಂ ಆನಿ ಥಂಯ್ಸರ್ ಕೊಂಗ್ರೆಸ್, ಭಾಜಪಾ ತಸ್ಲೆ ಸರ್ಕಾರ್ ಆಸ್ತೆ ತರ್ ಸುಪ್ರೀಂ ಕೊಡ್ತಿಚೆಂ ತೀರ್ಪ್ ತಿತ್ಲ್ಯಾ ಸಲೀಸಾಯೆನ್ ಜ್ಯಾರಿ ಜಾತೆಂ?

Read More »

ಚರ್ಚ್ ಅಟ್ಯಾಕ್ – ಫಾತ್ರಾಂಚೆಂ ಆನಿ ಉತ್ರಾಂಚೆಂ

ಆಯ್ಚ್ಯಾ ದಿಸಾ ಜರ್ ಇಗರ್ಜಾಂಚೆರ್ ಪರ್ತ್ಯಾನ್ ಧಾಡ್ ಪಡ್ಲಿ ತರ್ ಲೋಕ್ ಮಾರ್ಗಾಕ್ ದೆಂವೊನ್ ಪ್ರತಿಭಟನ್ ಕರಿತ್? ಹೆಂ ಸವಾಲ್ ಕೊಣೆಂಯೀ ವಿಚಾರ್ಚೆ ಪಯ್ಲೆಂ, ತಾಣೆಂ ಆಪ್ಣಾಕ್’ಚ್ ತ್ಯಾ ದೀಸ್ ಮಾರ್ ಖೆಲ್ಲ್ಯಾಂಚ್ಯಾ ಜಾಗ್ಯಾರ್ ಆನಿ ಕೇಸಿ ಆಂಗಾರ್ ವೋಡ್ನ್ ಕಾಣ್ಘೆಲ್ಲ್ಯಾಂಚ್ಯಾ ಜಾಗ್ಯಾರ್ ದವರ್ನ್ ಪಳೆಜೆ, ಉಪ್ರಾಂತ್ “ತ್ಯಾ ದಿಸಾ ಕಾಂಯ್ಚ್ ಘಡೊಂಕ್ ನಾ, ಕ್ರೀಸ್ತಾವಾನಿಂ ಹಾಕ್ ಬೋಬ್ ಘಾಲ್ಚೆ ತಿತ್ಲೆಂ ವ್ಹಡ್ಲೆಂ ಕಾಂಯ್ ಜಾಂವ್ಕ್ ನಾ, ಹೊ ಸಗ್ಳೊ ಬಿಸ್ಪಾನ್ ಆನಿ ಕೊಂಗ್ರೆಸಾನ್ ಮೆಳೊನ್ ಕೆಲ್ಲೊ ನಾಟಕ್” ಮ್ಹಣ್ ರೋಬರ್ಟ್ ರೊಸಾರಿಯೋನ್ ದಿಲ್ಲೆಂ ಸ್ಟೇಟ್’ಮೆಂಟ್ ಏಕ್ಪಾವ್ಟಿಂ ಆಯ್ಕಾಜೆ ಆನಿ ತ್ಯಾ ಆರೋಪಾಕ್ ಜಾಪ್ ದಿಂವ್ಚೆ ಖಬ್ರೆಕ್ ವಚೊಂಕ್’ನಾತ್’ಲ್ಲ್ಯಾ ದಿಯೆಸೆಜಿಚ್ಯಾ ಆಡಳ್ತ್ಯಾಚೆಂ, ವಕ್ತಾರಾಂಚೆಂ ಮೌನ್ ಏಕ್ಪಾವ್ಟಿಂ ನಿಯಾಳಿಜೆ, ಜಾಪ್ ಆಪಾಪಿಂ ಮೆಳ್ತಾ!

Read More »

ಮಂಗ್ಳುರ್ಚ್ಯಾ ತರ್ನ್ಯಾಟ್ಯಾಂಚೆಂ ಮನ್ಶ್ಯಾಪಣಾಚೆಂ ಮಿಸಾಂವ್

ಆಮ್ಚೆ ಐಸಿವೈಎಮ್ ತರ್ನಾಟೆ  ಪರ್ತ್ಯಾನ್ ಕಾಮಾಕ್ ದೆಂವ್ಲ್ಯಾತ್. ಬಂಟ್ವಾಳ್, ಪುತ್ತೂರ್, ಉಪ್ಪಿನಂಗಡಿ, ಬೆಳ್ತಂಗಡಿ ಪರಿಸರಾಂನಿ ಆವ್ರಾಕ್ ಸಾಂಪಡ್ಲೆಲ್ಯಾ ಲೊಕಾಕ್ ಮಜತ್ ಪಾಟಂವ್ಚೆಂ ಕಾಮ್ ತಾಣಿಂ ಎದೊಳ್'ಚ್ ಸುರು ಕೆಲಾಂ. ಹ್ಯಾ ಮಧೆಂ ಆವ್ರಾನಿಮ್ತಿಂ ವಿಶೇಷ್ ಕಷ್ಟಾಂಕ್ ಒಳಗ್ ಜಾಲ್ಲ್ಯಾ ಕೇರಳ ರಾಜ್ಯಾಚ್ಯಾ ಲೊಕಾಕ್ ಕುಮ್ಕೆ ಹಾತ್ ಪಾಟಂವ್ಚೆ ಪಾಸೊತ್ ಮಿಶನ್ ಕುಡ್ಲ ಟು ಕೇರಳ (Mission K2K) ಹಾಚಿ ತಾಣಿಂ ಸುರ್ವಾತ್ ಕೆಲ್ಯಾ. ಮಂಗ್ಳುರ್ ದಿಯೆಸೆಜಿಚ್ಯಾ ಸರ್ವಯ್ ಫಿರ್ಗಜಾಂಚ್ಯಾ ಐಸಿವೈಎಮ್ ಘಟಕಾನಿಂ ತಾಂತಾಂಚ್ಯಾ ಫಿರ್ಗಜೆ ಹಂತಾರ್ ಪೊರ್ವಾಂ ಆಯ್ತಾರಾ ಮ್ಹಣ್ಜೆ ಅಗೋಸ್ತ್ 19 ತಾರಿಕೆ ಭಿತರ್ ತಾಂದುಳ್ ಆನಿ ಹೆರ್ ಖಾಣಾ ಸಾಹೆತ್ ಯಾ ದುಡ್ವಾ ರುಪಿಂ ಕಿತ್ಲಿ ಜಾತಾ ತಿತ್ಲಿ ಮಜತ್ ಎಕ್ಟಾಂಯ್ ಕರ್ನ್ ಕೇರಳ ರಾಜ್ಯಾಂಚ್ಯಾ ಸಂಬಂಧಿತ್ ಜಿಲ್ಲಾಧಿಕಾರಿಂಕ್ ಯಾ ಸಂತ್ರಸ್ತ್ ಕ್ಯಾಂಪಾಂಕ್ ಪಾವಿತ್ ಕರ್ಚೆಂ ವ್ಹಡ್ ಏಕ್ ಮಿಸಾಂವ್ ತಾಣಿಂ ಹಾತಿಂ ಧರ್ಲಾಂ. ಹ್ಯಾ ಆಮ್ಚ್ಯಾ ತರ್ನಾಟ್ಯಾಂಚೆ ಹಾತ್ ಬಳ್ವಂತ್ ಕರ್ಚಿ ಜವಾಬ್ದಾರಿ ಆಮ್ಕಾಂ ಹರ್ಯೆಕ್ಲ್ಯಾಕೀ ಭಾಂದ್ತಾ.  ಫುಲ್ ಯಾ ಫುಲಾಚಿ ಪಾಕ್ಳಿ ಆಮ್ಚೆ ತಾಂಕಿಪುರ್ತೆಂ ಕಾಂಯ್ ಇಲ್ಲೆಂ ಆಮಿ ದೀಂವ್ಕ್ ಸಕ್ಲ್ಯಾಂವ್ ತರ್ ಐಸಿವೈಎಮ್ ತರ್ನಾಟ್ಯಾಂನಿ ಕರುಂಕ್ ಯೆವ್ಜಿಲ್ಲೆಂ ಹೆಂ ಕುಮ್ಕೆ ಕಾಮ್ ಯಶಸ್ವಿ ಜಾವ್ನ್ ಚಡ್ ಆನಿ ಚಡ್ ಲೊಕಾಕ್ ಫಾಯ್ದ್ಯಾಚೆಂ ಜಾಂವ್ಕ್ ಆನಿ ತ್ಯಾ ಮಾರಿಫಾತ್ ಹಿ ಮನ್ಶಾಪಣಾಚಿ ಕರ್ನಿ ಸಮಾಜೆಕ್ ಏಕ್ ದೇಖ್ ಜಾಂವ್ಕ್ ಕಾರಣ್ ಜಾತೆಲೆಂ.

Read More »
Share ...please don\'t COPY !