Essays

ಫುಲಾಂಚಿ ಖುಣಾಂ

ಆಯ್ಕೊನ್ ವಿಗಾರಾಕ್ ಧಖೊ ಬಸ್ಲೊ, ವೋಂಟ್ ಸುಕ್ಲೆ. ದೆಕುನ್ ವೊಂಟಾರ್ ಜೀಬ್ ಘುಂವ್ಡಾಯ್ಲಿ ತರೀ ಕೊಡು ಕೊಡುಚ್ಚ್ ಲಾಗ್ಲೆಂ. ಹೆಂ ಘಡ್ಚೆಂ ತರೀ ಕಶೆಂ, ವಿಗಾರ್ ಅಜ್ಯಾಪ್ಲೊ. ದೆಕುನ್ ತೊ ಮೀಟಿಂಗ್ ಸೊಡ್ನ್ ಘಡ್ಯೆ ಭಾಯ್ರ್ ಆಯ್ಲೊ ಆನಿ ಇಗರ್ಜೆಚ್ಯಾ ವೊಡ್ತಾಂತ್ ದೀಷ್ಟ್ ಭೊಂವ್ಡಾಯ್ಲಿ. ಅಳೆ, ಅಜ್ಯಾಪ್, ಜಾಯ್ತಿಂ ಫುಲಾಂಚಿಂ ಝಡಾಂ ಆಸಾತ್ ಪೂಣ್ ಫುಲಾಂ ನಾಂತ್. ತಾಣೆಂ ತುರ‍್ತಾನ್ ಬೊಟ್ಲೆರಾಕ್ ಅಪಯ್ಲೆಂ. ತೊ ಘಡ್ಯೆನ್ ಧಾಂವೊನ್ ಆಯ್ಲೊ. “ಬೊಟ್ಲೆರಾಮಾ, ಕೊಣಾಂಯ್ಚಿ ಗೊರ‍್ವಾಂ ಪುಣೀ ಆಯಿಲ್ಲಿಂಗೀ?” “ನಾಂ ಫಾದರ್, ಆಮ್ಚ್ಯಾ ಇಗರ್ಜೆಚ್ಯಾ ಗೆಟಿಲಾಗಿಂ ದೋನ್ ಪಾಡೆ ಅಶೆ ಪಾರೊತ್ ಕರ‍್ನ್ ರಾವ್ತಾತ್‌ಗೀ ಖಂಚಿಂಯೀ ಗೊರ‍್ವಾಂ ಭಿತರ್ ಯೇಂವ್ಕ್ ಧಯ್ರ್ ಘೆನಾಂತ್, ಆಮಿಂ ಕಾಂಯ್ ತಾಂಕಾಂ ಮತಾಂತರ್ ಕರ‍್ತಾಂವ್ ಮ್ಹಳ್ಳ್ಯಾ ಭಿಯಾನ್.”

Read More »

ಮಾಂಕೊಡ್ ರಚ್ನಾರ್ ಜಾತಾನಾ…

ಮ್ಹನ್ಶಾಕ್ ಕೆದ್ನಾ ಕೆದ್ನಾ ಥೊಡೊ ವಿಶೆವ್ ಬೋವ್ ಗರ್ಜೆಚೊ. ತಾಣೆ ಜಾವ್ನ್ ತೊ ಘೆ ನಾತ್ಲ್ಯಾರ್ ಪೃಕೃತಿಚ್ ಮಧೆಂ ಪಡೊನ್ ಘೆಂವ್ಚೆ ಬರಿಂ ಕರ್ತಾ ಮ್ಹಣ್ಚಾಕ್ ಹಾಂವ್ ಚ್ ಸಾಕ್ಸ್ ಜಾಲೊಂ. ಹಾಂವೆ ರಜಾ ಕಾಡ್ಲ್ಯಾರ್ ಖಂಯ್ ಕಾಮಾಂ ಬಂಧ್ ಜಾತಿತ್ ಮ್ಹಳ್ಳ್ಯಾ ಭ್ರಮಿದೆಂತ್ ಆಸ್ಲೆಲ್ಯಾ ಮ್ಹಾಕಾ ಅವ್ಚಿತ್ ಡೆಂಗ್ಯು ತಾಪಾಕ್ ಲಾಗೊನ್ ಪಾಂಚ್ ದೀಸ್ ಆಸ್ಪತ್ರೆಂತ್ ಕಾಡಿಜೆ ಪಡ್ಲೆ. ಆಸ್ಪತ್ರೆ ಥಾವ್ನ್ ಭಾಯ್ರ್ ಆಯ್ಲ್ಯಾರೀ ಅನಿವಾರ್ಯ್ ಜಾವ್ನ್ ಘರ್ …

Read More »

ಸೆಲ್ಫ್ ಇ-ಸರ್ವಿಸ್

ಆಮ್ಚ್ಯಾ ವಾಡ್ಯಾಂತ್ಲಿ ವಿನ್ನಿಬಾಯ್ ಕಾಲ್ ಸಾಂಜೆರ್ ಚಿಕ್ಕುಚ್ಯಾ ರುಕಾರ್‌ಥಾವ್ನ್ ಸಕ್ಲಾ ಪಡ್ಲಿ ಆನಿ ತಿಕಾ ಪಳೆಂವ್ಕ್ ಆಜ್ ಸಗ್ಳೊ ವಾಡೊ ಜಮ್ಲಾ. ತಿಚ್ಯಾ ಮೊಗಾನ್ ನ್ಹಯ್ ಬಗಾರ್ ತಿಚೆಸಾಂಗಾತಾ ಆನಿ ತಿಚ್ಯಾ ಮೊಡ್‌ಲ್ಲ್ಯಾ ಪಾಂಯಾಸಾಂಗಾತಾ ಏಕ್ ಸೆಲ್ಫಿ ಕಾಡ್ಚ್ಯಾಕ್. ತರ್ನಾಟಿಂ ತಶೆಂಚ್ ಬಾಯ್ಲ್ ಮನ್ಶ್ಯಾಂ ತಿಚೆಸಾಂಗಾತಾ ರಾವೊನ್ ಅಶೆಂ ಸೆಲ್ಫಿ ಕಾಡ್ತಾಲಿಂ ಕೀ ವಿನ್ನಿಬಾಯ್ ಮೌಂಟ್ ಎವರೆಸ್ಟ್ ಚಡ್ತಾನಾ ಪಡೊನ್ ಪಾಂಯ್ ಮೊಡ್‌ಲ್ಲೆಬರಿ. ತಿತ್ಲ್ಯಾರ್ ತಿಕಾ ಜಾಯ್ನಾತ್‌ಲ್ಲ್ಯಾ, ವಾಡ್ಯಾಜಮಾತೆ ವೆಳಾರ್ …

Read More »

ಕೋಂತಾಚೊ ಸಾಂಗಾತ್ ಆನಿ ಸುರಕ್ಷಾ

ತವಳ್ ಸುಮಾರ್ ನೊವ್ಯಾ ವಾ ಧಾವ್ಯಾ ಕ್ಲಾಸಿಂತ್ ಹಾಂವ್ ಆಸ್ತಾನಾ, ಆಮ್ಚ್ಯಾ ಲಾಂಕ್ಡಾ ಡಿಪ್ಯಾಂತ್ ಡ್ಯಾಡಿ ಸಂಗಿ ವ್ಯಾರಾಂತ್ ಮಗ್ನ್ ಜಾವ್ನ್ ಆಸ್ಚ್ಯಾ ದಿಸಾಂಚೊ ಉಗ್ಡಾಸ್ ಮ್ಹಾಕಾ ಸಟ್ಟ್ ಕರ್ನ್ ಆಯ್ಲೊ. ತ್ಯಾ ಕಾಳಾರ್, ಏಕ್ ಪಾವ್ಟಿಂ ಕಠಿಣ್ ಹಿಂದು ಮುಸ್ಲಿಮ್ ಗಲಾಟೊ ಜಾವ್ನ್ ಗಾಂವಾರ್ ಕರ್ಫ್ಯೂ ಘಾಲ್ಲೆಂ. ತರೀ ತ್ಯಾವೆಳಾ ಗುಪಿತ್ ಥರಾನ್ ಪೊಲಿಸಾಂಚೆ ದೊಳೆ ಚುಕೊವ್ನ್ ಥಂಯ್ ಹಾಂಗಾ ಮುಸ್ಲಿಮ್ ತಶೆಂ ಹಿಂದು ಎಕಾಮೆಕಾ ಆಂಗ್ಡಿ, ಘರಾಂಕ್ ವ್ಹಾಹನಾಂಕ್ ಉಜೊ ದೀವ್ನ್ ಆಸ್ ಲ್ಲೆ. ಆಮ್ಚಾ ಡಿಪ್ಯಾ ಲಾಗ್ಸಾರ್ ಆನ್ಯೇಕ್ ಮುಸ್ಲಿಮಾಚೊ ಟಿಂಬರ್ ಡಿಪೊ ತಶೆಂ ಥಂಯ್ಚ್ ಆನ್ಯೇಕ್ ಲೇಟೆಸ್ಟ್ ಮ್ಹಳ್ಳೆಂ ಮುಸ್ಲಿಮ್ ಹೊಟೆಲ್ ಆಸ್ ಲ್ಲೆಂ. ತಾಂಕಾ ಅಪಾಯ್ ಖಂಡಿತ್ ಆಸಾ ಮ್ಹಣ್ ಖಬರ್ ಆಸ್ಲಿ. ಆನಿ ಹಾಂವ್ ಹ್ಯಾ ಭಿಂಯಾನ್ ‘ಕಾಂಯ್ ಮುಸ್ಲಿಮ್ ಡಿಪೊ ಮ್ಹಣ್ ಚೂಕ್ ಚಿಂತುನ್ ಆಮ್ಚಾ ಡಿಪ್ಯಾಕ್ ಲುಕ್ಸಾಣ್ ಕರ್ತಿತ್ ’ ಮ್ಹಳ್ಳ್ಯಾ ಭಿಂಯಾನ್ ರಾತ್ ದೀಸ್ ಡಿಪ್ಯಾಂತ್ ಆಸ್ತಾಲೊಂ. ಆನಿ ಏಕ್ ದೀಸ್ ಫಾಂತ್ಯಾರ್ ಹಾಂವ್ ಡಿಪ್ಯಾಚಾ ಧಾಂಪ್ಲೆಲ್ಯಾ ಗೆಟಿಂ ಲಾಗಿಂ ಉಬೊ ಆಸ್ತಾಂ...ಎಕಾಚ್ಚಾಣೆಂ ಏಕ್ ಧವೆಂ ಕಾರ್ ಉಬೆಂ ಜಾಲೆಂ. ಕ್ಶಣಾನ್ ಹಾಂವೆ ಗಳ್ಯಾಂತ್ ಆಸ್ಲೆಲೆಂ ಕೋಂತ್ ಶರ್ಟಾ ಭಾಯ್ರ್ ದಿಸ್ಚ್ಯಾಪರಿಂ ಪ್ರದರ್ಶಿಲೆಂ. ತವಳ್ ತಾಂತ್ಲೆ ತರ್ನಾಟೆ ಮ್ಹಜ್ಯಾ ಗಳ್ಯಾಂತ್ಲ್ಯಾ ಕೊಂತಾವಳ್ಕೆನ್ ಹೊ ಡಿಪೊ ನಯ್, ತೊ ಮ್ಹಣ್ ಮುಕ್ಲ್ಯಾ ಡಿಪ್ಯಾಲಾಗಿಂ ಗೆಲೆ. ಆನಿ ಥೊಡ್ಯಾಚ್ಚ್ ವೆಳಾನ್ ತ್ಯಾ ಡಿಪ್ಯಾಚಾ ಪಾಟ್ಲ್ಯಾ ಕುಶಿನ್ ಉಜೊ ಧಗ ಧಗ ಕರುನ್ ಪೆಟ್ಲೊ.

Read More »

ಸುಟ್ಕಾಯೆಚೆಂ ಮೊಲ್ ನಿರಂತರ್ ಜಾಗೃತಿ ಆನಿ ಸಂಘರ್ಷ್

ಸುಟ್ಕಾಯೆಕ್ ಆಮಿ ಮೊಲ್ ದೀಂವ್ಕ್ ಆಸಾ ಹರ್ಯೆಕಾ ಸಂದರ್ಬಾರ್ ನಿರಂತರ್ ಜಾಗೃತಿಚ್ ತೆಂ ಮೊಲ್. ಖಂಚ್ಯಾಯ್ ಎಕಾ ವೆಕ್ತಿಚೆಂ ವಾ ಸಿದ್ಧಾಂತಾಚೆಂ ಗುಲಾಮ್ಪಣ್ ದೆಶಾಚ್ಯಾ ವಾಡಾವಳಿಕ್ ಎಕ್ದಮ್ ಮ್ಹಾರಗ್ ಪಡ್ತಾ. ಹರ್ಯೆಕಾ ವೆಕ್ತಿಚಿ ನಿರಂತರ್ ಜಾಗ್ರುತ್ಕಾಯ್ ದೆಶಾಚ್ಯಾ ಪ್ರಗತೆಕ್ ಪೂರಕ್ ಜಾತಾ. ಆಮ್ಚ್ಯಾ ಮ್ಹಾಲ್ಘಡ್ಯಾಂನಿ ಸಪ್ಣೆಲ್ಲೆಂ ಸಗ್ಳ್ಯಾ ಸಂಸ್ರಾಕ್ ಮಾರ್ಗದರ್ಶಿ ಜಾಂವ್ಚೆಂ ಸುಖಾ ಸಂತೊಸಾಚೆಂ ಶಾಂತಿಚೆಂ ರಾಜ್. ಎಕ್ವೀಸಾವಿ ಸದಿ ಸುರ್ವಾತ್ಲ್ಯಾ ಆನಿ ತಿಚೆ ದೋನ್ ದಾಕ್ಡೆ ಪಾಶಾರ್ ಜಾಲೆ. ಸ್ವಚ್ಛ ಭಾರತ್ ಫಕತ್ ಭಾಯ್ಲ್ಯಾ ನಿತಳ್ಕಾಯೆಚೆಂ ಮಾತ್ರ್ ನ್ಹಂಯ್ ಆಂತರಿಕ್ ಶಾಂತಿ ಸಮಾಧಾನೆಚೆಂ ಜಾಯ್ಜೆ. ಅಶೆಂ ಜಾಲ್ಲ್ಯಾನ್ ಖರಿ ಭಲಾಯ್ಕಿ ಅಖ್ಖ್ಯಾ ಸಂಸ್ರಾಕ್ ಪಾಸಾರುಂಕ್ ಆಮ್ಚ್ಯಾನ್ ಸಾಧ್ಯ್ ಜಾಯ್ತ್ ಆನಿ ಭಾರತ್ ಖರೊ ವಿಶ್ವಗುರು ಜಾಯ್ತ್.

Read More »

ಪವಿತ್ರ್ ಸುಕ್ರಾರಾಚಾ ತ್ಯಾ ದಿಸಾ…

" ಜೆಜು ಕ್ರೀಸ್ತಾನ್ ಆಮ್ಚಾ ಪಾತ್ಕಾಂ ಖಾತಿರ್ ಜೀವ್ ಅರ್ಪಿಲ್ಲ್ಯಾ ಖುರ್ಸಾಚಾ ಸಾರ್ವಜನಿಕ್ ಮಾನಾ ಖಾತಿರ್ "ಇಗರ್ಜಿಚಾ ಪಾಂಚ್ ಸುವಾತ್ಯಾಂನಿ ಖುರ್ಸಾಕ್ ಮಾನ್ ಅರ್ಪುಂಕ್ ಹಾಡ್ತೆಲೆ, ಕೊಣೆಂಯ್ ಕಸಲೊಚ್ ಧರ್ವಡ್ ಕರಿನಾಸ್ತಾಂ ಸೊಸ್ಣಿಕಾಯೆನ್ ಲಾಯ್ನಿರ್ ಯೇವ್ನ್ ಖುರ್ಸಾಚೊ ಉಮೊ ಘೆಂವ್ಚೊ. ಖುರ್ಸಾಕ್ ಮಾನ್ ಕೆಲ್ಯಾ ನಂತರ್ ಕುಮ್ಗಾರ್ ವಾಂಟ್ತೆಲ್ಯಾಂವ್. ಆಜ್ ತುಮಿ ದಿಂವ್ಚೆ ಇಜ್ಮೊಲ್ ಭಾಗೆವಂತ್ ಜಾಗ್ಯಾಂಚಾ ನಿರ್ವಹಣಾಖಾತಿರ್ ಬಿಸ್ಪಾಚಾ ಒಫಿಸಾಕ್ ಧಾಡ್ತೆಲ್ಯಾಂವ್ ..." ಅಶೆಂ ಪಾದ್ರ್ಯಾಬ್ ಸಾಂಗಾಲಾಗ್ಲೊ. ವ್ಹಾಹ್! ಜಾಗತಿಕ್ ಭಾಗೆವಂತ್ ಜಾಗ್ಯಾಂಚೆ ನಿರ್ವಹಣ್! ತೆಂಯ್ ಮ್ಹಜೆತಸಲ್ಯಾ ದುಬ್ಳ್ಯಾ ಫಿರ್ಗಜೆ ಥಾವ್ನ್!

Read More »

ವಿಗಾರ್ ಜಾಯ್ಜಯ್ ಅಸೊ

ತವಳ್ಚಾ ಕಾಳಾರ್ ಕಾಜಾರಾಚಾ ದೊತೊರ್ನೆಕ್ ಪಾದ್ರ್ಯಾಬಾ ಸರ್ಶಿಂ ವೆಚಾ ನವ್ರ್ಯಾನ್ ಸಗ್ಳಿ ದೊತೊರ್ನ್ ಜಾಲ್ಯಾ ಉಪ್ರಾಂತ್ ಏಕ್ ಕೊಂಬೊ ಆನಿ ಹೊಕ್ಲೆನ್ ಏಕ್ ಕೊಂಬಿ ಇಗರ್ಜೆಕ್ ದಿಂವ್ಚಿ ರಿವಾಜ್ ಗಾಂವಾರ್ ಆಸ್ ಲ್ಲಿ. ತಸೆಂ ಪಾದ್ರ್ಯಾಬಾ ಲಾಗಿಂ ಸಬಾರ್ ಕೊಂಬೆ ಆನಿ ಕೊಂಬಿಯೊ ಆಸ್ತಾಲ್ಯೊ. ಆಮ್ಗೆರ್ ಆನಾನ್ ಮಜಾ ವಡ್ಲ್ಯಾ ಭಾವಾ ವಿನ್ಸಿಕ್ ಆನಿ ಮ್ಹಾಕಾ ಏಕ್ ಕೊಂಬೊ ಥೊಡ್ಯಾ ದಿಸಾಂಕ್ ಮಣೊನ್ ವಿಚಾರ್ನ್ ಹಾಡುಂಕ್ ಪಾದ್ರ್ಯಾಬಾ ಸರ್ಶಿಂ ದಾಡ್ಲೆಂ. ತಸೊ ಹಾಡ್ ಲ್ಲೊ ಕೊಂಬೊ ಏಕ್ ವ ದೋನ್ ದಿಸಾಂನಿ ಪಾಟಿಂ ವರ್ನ್ ಬೊಟ್ಲೆರಾಕಾಡೆ ದಿತಾನಾ, ಪಾದ್ರ್ಯಾಬಾನ್ ಪಳೆವ್ನ್ ಸೊಡ್ಲೆಂ. “ ಕಿತ್ಯಾಕ್ ರೆ ವಿನ್ಸಿ, ಇತ್ಲೆ ವೆಗ್ಗಿಂ ಪಾಟಿಂ ಹಾಡ್ಲೊಯ್? ತಾಂಚೆಂ ಕಾಮ್ ಜಾಲೆಂವೆರೆ?” ಮಣ್ ವಿಚಾರ್ತಾನಾ ಮ್ಹಜ್ಯಾ ಭಾವಾಕ್ ಆನಿ ಮಾಕಾ ಹಾಸೊ ತಡ್ವುಂಕ್ ಜಾವ್ನಾ.

Read More »

ನಿಮಾಣೆಂ ವಿನೊವ್ಣೆಪತ್ರ್

ಭಂಡ್ವಳ್ ಶಾಹಿ ಆನಿ ವಸ್ತೆಶಾಹಿ ಶೋಷಣಾಂಚೆ ದೀಸ್ ಮೆಜ್ ಲ್ಲೆ ಆಸಾತ್. ಆಮ್ಚೆ ವರ್ವಿಂ ಝುಜಾಚಿ ಸುರ್ವಾತ್ ಜಾಂವ್ಕ್ ನಾಂ, ನ್ಹಂಯ್ ಚ್ಚ್ ತೆಂ ಆಮ್ಚಾ ಜಿಣ್ಯೆಸಂಗಿಂ ಸಂಪ್ತಾ. ಹೆಂ ಚಾರಿತ್ರಿಕ್ ಘಡಿತಾಂಚೆಂ ಆನಿ ಸದ್ಧ್ಯಾಚಾ ಪರಿಸ್ಥಿತೆಚೆಂ ಅನಿವಾರ್ಯ್ ಪರಿಣಾಮ್. ಆಮ್ಚೆ ಖಾಲ್ತೆ ಸಾಕ್ರಿಫಿಸ್ ಶ್ರೀಮಾನ್ ದಾಸಾಚ್ಯಾ ಗಡ್ ನಾತ್ ಲ್ಲ್ಯಾ ಸಾಕ್ರಿಫಿಸಾ ವರ್ವಿಂ ಆನಿ ಕೊಮ್ರೇಡ್ ಭಗವತಿ ಚರಣಾಚ್ಯಾ ಉದಾರ್ ಸಾಕ್ರಿಫಿಸಾ ಮಾರಿಫಾತ್ ಆನಿ ಆಮ್ಚಾ ಮೊಗಾಚೊ ಝುಜಾರಿ ಆಜಾದಾಚ್ಯಾ ಮ್ಹಯ್ಮೆಭರಿತ್ ಮರ್ಣಾ ಮುಖಾಂತ್ರ್ ಜೊಕ್ತ್ಯಾನ್ ಸುಂರ್ಗಾರಿತ್ ಕೆಲ್ಲ್ಯಾ ಸಾಂಕ್ಳೆಕ್ ಏಕ್ ಸಾಂಕೊವ್ ಮಾತ್ರ್ ಜಾಂವ್ದಿ ಮ್ಹಣ್ ಆಮ್ಚೆಂ ಮಾಗ್ಣೆಂ.

Read More »

ಧಯ್ರ್ ಸಾಂಡಿನಾಕಾ ಮ್ಹಣೊನ್ ಮ್ಹಾಕಾ, ಸಾಂಡುನ್ ಗೆಲ್ಲೊ ವಿಲ್ಪಿ – ಏಕ್ ಉಡಾಸ್

2009 ಇಸ್ವೆಚಾ ಒಕ್ಟೊಬರ್ ಮಹಿನ್ಯಾಚಾ ನೋವ್ ತಾರ್ಕೆರ್ ಹಾಂವ್ ವಿಲ್ಫಿಕ್ ತಾಚ್ಯಾ ಘರಾಂತ್ ಭೆಟ್ತಾಸ್ತಾನಾ… ತೊ ಮ್ಹಜ್ಯಾ ’ರೊನ್ – ಲೋರೆನ್ಸ್ ನಾಯ್ಟಾ’ ಕ್ ತಶೆಂ ‘ನಿಘೂಢ್…!’ ಕಾಣ್ಯೆ ಬುಕಾಚಾ ಉಗ್ತಾವ್ಣೆಚ್ಯಾ ಆಪೊವ್ಣ್ಯಾಕ್ ಖುಶೆನ್ ಪೊಪ್ ಲ್ಲೊ. “ರೋನ್ ತುಜ್ಯಾ ನಾಯ್ಟಾಕ್ ಖಂಡಿತ್ ಯೆತಾಂ ಆನಿ ತುಜ್ಯಾ ಬುಕಾಚೆಂ ಉಗ್ತಾವಣ್ ಯೀ ಹಾಂವ್ ಚ್ ಕರ್ತಾಂ ” ಪೂಣ್ ಪರತ್ ಹಾಂವ್, ತ್ಯಾ ಮ್ಹಜ್ಯಾ ಸುಮಾರ್ ತೀಸ್ ವರ್ಸಾಂ ನಂತರ್ …

Read More »