Special Article

ಫುಟ್ಬೊಲ್ ಪ್ರೇಮಿಂಕ್ ಪಿಶ್ಯಾರ್ ಘಾಲ್ಲೆಂ ಫಿಫಾ ಕಪ್

ವಿಶ್ವಕಪ್ ಫುಟ್ಬಾಲಾಂತ್ ಪ್ರತಿನಿಧಿತ್ವ್ ಕರ್ಚೆಂ ಭಾಗ್ ಭಾರತಾಕ್ ಎದೊಳ್ ಲಾಭೊಂಕ್ ನಾ. ಪೂಣ್ 1950 ಇಸ್ವೆಂತ್ ಭಾರತಾಕ್ ಬ್ರೆಜಿಲಾಂತ್ ಜಾಲ್ಲ್ಯಾ ಖೆಳಾಂತ್ ವಾಂಟೊ ಘೆಂವ್ಕ್ ಅವ್ಕಾಸ್ ಲಾಭ್‌ಲ್ಲೊ. ಹೊ ಅವ್ಕಾಸ್ ಮೆಳೊಂಕ್ ಏಕ್ ಕಾರಣ್ ಆಸಾ. ಏಶಿಯಾ ಥಾವ್ನ್ ಏಕಾ ರಾಷ್ಟ್ರಾಕ್ ಮಾತ್ರ್ ಹಾಂತ್ ಖೆಳೊಂಕ್ ಫಿಫಾನ್ ಆವ್ಕಾಸ್ ಕರ್ನ್ ದಿಲ್ಲೊ. ವಿಶ್ವಕಪ್ ಖೆಳೊಂಕ್ ಭಾರತಾ ಸಾಂಗಾತಾ ಫಿಲಿಪೈನ್ಸ್, ಇಂಡೋನೇಶಿಯಾ ಆನಿ ಬರ್ಮಾ ಹ್ಯಾ ಚಾರ್ ರಾಷ್ಟ್ರಾಂಕ್ ಆಪವ್ಣೆಂ ಆಸ್‌ಲ್ಲೆಂ. ಹಾಂಚ್ಯಾ ಪಯ್ಕಿ ಏಕಾ ರಾಷ್ಟ್ರಾಕ್ ಮಾತ್ರ್ ಫೈನಲ್ 16 ರಾಷ್ಟ್ರಾಂ ಸಾಂಗಾತಾ ಖೆಳೊಂಕ್.  ಕಾರಣಾಂತರ್ ಹೆರ್ ತೀನ್ ರಾಷ್ಟ್ರಾಂನಿ ಹ್ಯಾ ಖೆಳಾ ಥಾವ್ನ್ ಪಾಟಿಂ ಸರ್ಲೆಲ್ಯಾನ್ ಭಾರತಾಕ್ ಏಕ್ ಆವ್ಕಾಸ್ ಲಾಭ್‌ಲ್ಲೊ. ಪೂಣ್ ಹೊ ಅವ್ಕಾಸ್ ಭಾರತಾನ್ ಘೆಂವ್ಕ್ ನಾ. ಥೊಡ್ಯಾಂನಿ ಸಾಂಗ್ಚ್ಯಾ ಪ್ರಕಾರ್ ಭಾರತಾಚೆ ಖೆಳ್ಘಾಡಿ ಮೊಚೆ ಘಾಲ್ನ್ ಖೆಳಾಜಾಯ್ ಮ್ಹಣ್ ಫಿಫಾನ್ ಕಡ್ಡಾಯ್ ಕೆಲ್ಲೆಂ ದೆಕುನ್ ಆಮ್ಚೊ ದುರ್ಬಳೊ ದೇಶ್ ಹಾಂತು ಭಾಗ್ ಘೆಂವ್ಕ್ ವಚೊಂಕ್ ನಾ ಮ್ಹಣ್ತಾತ್. 1948 ಒಲಿಂಪಿಕ್ಸಾಂತ್ ಭಾರತಾಚೆ ಖೆಳ್ಗಾಡಿ ಖಾಲಿ ಪಾಯಾನಿ ಖೆಳೊನ್ ಉತ್ತಮ್ ಪ್ರದರ್ಶನ್ ದೀವ್ನ್ ಸಂಸಾರಾಚೆ ಗಮನ್ ವೊಡುಂಕ್ ಸಕ್‌ಲ್ಲೆ. ಹಾಂತು ಸತ್ ಆಸಾ ತೆಂ ದಿಸಾನಾ. ಅನ್ಯೇಕಾ ಸಿದ್ದಾಂತಾ ಪ್ರಕಾರ್ ಫಕತ್ 3 ವರ್ಸಾಂ ಆದಿಂ ಸ್ವತಂತ್ರ್ ಜಾಲ್ಲ್ಯಾ ಭಾರತಾಚಿ ಆರ್ಥಿಕ್ ಪರಿಸ್ಥಿತಿ ಬ್ರೆಜಿಲಾಕ್ ಟೀಮ್ ದಾಡ್ಚೆ ತಿತ್ಲಿ ಬಳ್ವಂತ್ ನಾತ್‌ಲ್ಲಿ ಮ್ಹಣ್ತಾತ್. ಹೆಂಯ್ ಸತ್ ಮ್ಹಣ್ ಮಾನುನ್ ಘೆಂವ್ಕ್ ಕಶ್ಟ್.

Read More »

ವಿಗಾರ್ ಜಾಯ್ಜಯ್ ಅಸೊ

ತವಳ್ಚಾ ಕಾಳಾರ್ ಕಾಜಾರಾಚಾ ದೊತೊರ್ನೆಕ್ ಪಾದ್ರ್ಯಾಬಾ ಸರ್ಶಿಂ ವೆಚಾ ನವ್ರ್ಯಾನ್ ಸಗ್ಳಿ ದೊತೊರ್ನ್ ಜಾಲ್ಯಾ ಉಪ್ರಾಂತ್ ಏಕ್ ಕೊಂಬೊ ಆನಿ ಹೊಕ್ಲೆನ್ ಏಕ್ ಕೊಂಬಿ ಇಗರ್ಜೆಕ್ ದಿಂವ್ಚಿ ರಿವಾಜ್ ಗಾಂವಾರ್ ಆಸ್ ಲ್ಲಿ. ತಸೆಂ ಪಾದ್ರ್ಯಾಬಾ ಲಾಗಿಂ ಸಬಾರ್ ಕೊಂಬೆ ಆನಿ ಕೊಂಬಿಯೊ ಆಸ್ತಾಲ್ಯೊ. ಆಮ್ಗೆರ್ ಆನಾನ್ ಮಜಾ ವಡ್ಲ್ಯಾ ಭಾವಾ ವಿನ್ಸಿಕ್ ಆನಿ ಮ್ಹಾಕಾ ಏಕ್ ಕೊಂಬೊ ಥೊಡ್ಯಾ ದಿಸಾಂಕ್ ಮಣೊನ್ ವಿಚಾರ್ನ್ ಹಾಡುಂಕ್ ಪಾದ್ರ್ಯಾಬಾ ಸರ್ಶಿಂ ದಾಡ್ಲೆಂ. ತಸೊ ಹಾಡ್ ಲ್ಲೊ ಕೊಂಬೊ ಏಕ್ ವ ದೋನ್ ದಿಸಾಂನಿ ಪಾಟಿಂ ವರ್ನ್ ಬೊಟ್ಲೆರಾಕಾಡೆ ದಿತಾನಾ, ಪಾದ್ರ್ಯಾಬಾನ್ ಪಳೆವ್ನ್ ಸೊಡ್ಲೆಂ. “ ಕಿತ್ಯಾಕ್ ರೆ ವಿನ್ಸಿ, ಇತ್ಲೆ ವೆಗ್ಗಿಂ ಪಾಟಿಂ ಹಾಡ್ಲೊಯ್? ತಾಂಚೆಂ ಕಾಮ್ ಜಾಲೆಂವೆರೆ?” ಮಣ್ ವಿಚಾರ್ತಾನಾ ಮ್ಹಜ್ಯಾ ಭಾವಾಕ್ ಆನಿ ಮಾಕಾ ಹಾಸೊ ತಡ್ವುಂಕ್ ಜಾವ್ನಾ.

Read More »

ನಿಮಾಣೆಂ ವಿನೊವ್ಣೆಪತ್ರ್

ಭಂಡ್ವಳ್ ಶಾಹಿ ಆನಿ ವಸ್ತೆಶಾಹಿ ಶೋಷಣಾಂಚೆ ದೀಸ್ ಮೆಜ್ ಲ್ಲೆ ಆಸಾತ್. ಆಮ್ಚೆ ವರ್ವಿಂ ಝುಜಾಚಿ ಸುರ್ವಾತ್ ಜಾಂವ್ಕ್ ನಾಂ, ನ್ಹಂಯ್ ಚ್ಚ್ ತೆಂ ಆಮ್ಚಾ ಜಿಣ್ಯೆಸಂಗಿಂ ಸಂಪ್ತಾ. ಹೆಂ ಚಾರಿತ್ರಿಕ್ ಘಡಿತಾಂಚೆಂ ಆನಿ ಸದ್ಧ್ಯಾಚಾ ಪರಿಸ್ಥಿತೆಚೆಂ ಅನಿವಾರ್ಯ್ ಪರಿಣಾಮ್. ಆಮ್ಚೆ ಖಾಲ್ತೆ ಸಾಕ್ರಿಫಿಸ್ ಶ್ರೀಮಾನ್ ದಾಸಾಚ್ಯಾ ಗಡ್ ನಾತ್ ಲ್ಲ್ಯಾ ಸಾಕ್ರಿಫಿಸಾ ವರ್ವಿಂ ಆನಿ ಕೊಮ್ರೇಡ್ ಭಗವತಿ ಚರಣಾಚ್ಯಾ ಉದಾರ್ ಸಾಕ್ರಿಫಿಸಾ ಮಾರಿಫಾತ್ ಆನಿ ಆಮ್ಚಾ ಮೊಗಾಚೊ ಝುಜಾರಿ ಆಜಾದಾಚ್ಯಾ ಮ್ಹಯ್ಮೆಭರಿತ್ ಮರ್ಣಾ ಮುಖಾಂತ್ರ್ ಜೊಕ್ತ್ಯಾನ್ ಸುಂರ್ಗಾರಿತ್ ಕೆಲ್ಲ್ಯಾ ಸಾಂಕ್ಳೆಕ್ ಏಕ್ ಸಾಂಕೊವ್ ಮಾತ್ರ್ ಜಾಂವ್ದಿ ಮ್ಹಣ್ ಆಮ್ಚೆಂ ಮಾಗ್ಣೆಂ.

Read More »

‘ದೇವ್’ ಬೊರೆಂ ಕರುಂ

ಇಂಗ್ಲಿಶ್ ಭಾಶೆಂತ್ಲ್ಯಾ ‘Thank You’ ಸಬ್ದಾಕ್ ಲಗ್ತ್ ಜಾವ್ನ್ ವಾಪರ್ಚೆ ತಸ್ಲೊ ನಿರ್ದಿಶ್ಟ್ ಸಬ್ದ್ ಕೊಂಕ್ಣೆಂತ್ ನಾಂ ಮ್ಹಣ್ ಮ್ಹಜಿ ಪಾತ್ಯೆಣಿ. ಉಪ್ಕಾರ್ ಬಾವುಡ್ಚೆಂ, ಧಿನ್ವಾಸ್ ಅರ್ಪುಂಚೆ, ಅರ್ಗಾಂ ದಿಂವ್ಚೆಂ, ರುಣಿಂ ಜಾವ್ನಾಸ್ಚೆಂ ಆನಿ ಹೆರ್ – ಹಿಂ ಉತ್ರಾಂ ಸಡಿಳ್ ಅರ್ಥಾನ್ ವಾಪರ್ಯೆತ್ ಸೊಡ್ಲ್ಯಾರ್ ಸಮಾನಾಂತರ್ ಸಬ್ದ್ ನಾಂಚ್ಚ್ ನಾಂತ್ ಮ್ಹಳ್ಳೆಂ ತರ್ಕ್ ಮ್ಹಜೆಂ. ಹೆಂ ಚಿಂತಾಪ್ ನಾಯ್ಕಾ, ತುಮ್ಕಾಂ ದೇವ್ ಬರೆಂ ಕರುಂ ಮ್ಹಣೊನ್ ಅಕ್ರಿಸ್ತಾಂವ್ ಸೆಜಾರ‍್ಯಾಂನಿಂ …

Read More »

ಸಂದೇಶ ಪ್ರಶಸ್ತಿ – ವಿಲ್ಫಿ ರೆಬಿಂಬಸಾಚೆಂ ನಾಂವ್ ‘ಕಟ್’ ?

ಸಂದೇಶ ಸಂಸ್ಥೊ ಆಮ್ಚ್ಯಾ ಸಮುದಾಯಾಚೊ ಉಂಚ್ಲ್ಯಾ ಆದರ್ಶಾಂನಿ ಭರ್‌ ಲ್ಲೊ ಸಂಸ್ಥೊ. ಅಸಲ್ಯಾ ಆದರ್ಶಾಂನಿ ಭರ್‌ಲ್ಲ್ಯಾ ಸಂಸ್ಥ್ಯಾಂನಿ ಅಸಲ್ಯಾ ರಾಜಕಿಯಾಂಕ್ ಬಿಲ್ಕುಲ್ ಜಾಗೊ ಆಸೊಂಕ್ ನಜೊ. ಪಯ್ಲೆಂಚ್ ಹಾವೆಂ ಸಾಂಗ್‌ಲ್ಲ್ಯಾ ಬರಿ ಅಮರ್ ಕೊಂಕಣ್ ಕೊಗುಳ್ ವಿಲ್ಫಿ ರೆಬಿಂಬಸ್ ಸಂಗೀತಾಚೊ ಏಕ್ ಬ್ರಹತ್ ಸಂಸ್ಥೊ. ಆನಿ ಅಸಲ್ಯಾ ಏಕ್ ಬ್ರಹತ್ ಸಂಸ್ಥ್ಯಾಚ್ಯಾ ನಾಂವಾರ್ ಆಸ್ಚಿ ಪ್ರಶಸ್ತಿ ಘೆಂವ್ಕ್ ಹರ್ಯೆಕ್ ಸಂಗೀತ್ಗಾರ್ ಆಶೆತಾ, ತಶೆಂಚ್ ಹ್ಯಾ ಪಾವ್ಟಿಂ ಹಿ ಪ್ರಶಸ್ತಿ ಕೊಣಾಕ್ ಲಾಭ್ಲಿ ? ಮ್ಹಣ್ ಮ್ಹಜೆ ತಸಲೆ ಸಂಗೀತ್ ಪ್ರೇಮಿ ಆಭಿಮಾನಾನ್ ರಾಕೊನ್ ಆಸ್ತಾತ್. ಅಮರ್ ವಿಲ್ಫಿ ರೆಬಿಂಬಸಾಚೆಂ ನಾಂವ್ ಕೊಂಕ್ಣಿ ಮನ್ಶಾಕುಳಾನ್ ಯುಗಾ ಯುಗಾಂನಿ ವಿಸ್ರೊಂಕ್ ಜಾಯ್ನಾ ತಸಲೆಂ ನಾಂವ್. ತೆಂ ಕೊಣಾಚ್ಯಾನ್ ಚ್ ಪುಸುನ್ ಕಾಡುಂಕ್ ಸಾಧ್ಯ್ ನಾ.

Read More »

ಭಗತ್ ಸಿಂಗ್ : ಹಾಂವ್ ಕಿತ್ಯಾಕ್ ನಾಸ್ತಿಕ್ ?

ತುಮ್ಚೆ ದೊಳೆ ಉಗ್ತೆ ಕರಾ ಆನಿ ಮಿಲಿಯಾವಯ್ರ್ ಸ್ಲಮ್ಮಾಂನಿ ಭುಕೆನ್ ಮರ್ಚ್ಯಾ ಲೊಕಾಕ್ ಆನಿ ಜಯ್ಲಾ ಪಿಂಜ್ರ್ಯಾ ತಸಲ್ಯಾ ಜೊಪ್ಡೆಂನಿ ಜಿಯೆಂವ್ಚ್ಯಾಕ್ ದೆಕಾ; ಕಾಮೆಲ್ಯಾಂಚೆರ್ ಸವ್ಕಾಸ್ ದೀಶ್ಟ್ ಉಬಾರಾ ವ ಬಿರ್ಮತೆವಿಣೆಂ ಗಿರೇಸ್ತ್ ವೆಂಪಾರ‍್ಯಾಂನಿ ತಾಂಚೆಂ ರಗತ್ ಚಿಂವ್ಚೆಂ ಪಳೆಯಾ; ಇಲ್ಲೆಂ ಸಾಮಾನ್ಯ್ ಗ್ಯಾನ್ ಆಸ್ಚ್ಯಾಂಥಂಯ್ ಕಾಂಪ್ ಉಟಂವ್ಚ್ಯಾ ಮನ್ಶ್ಯಾಸಕ್ತೆಂಚೊ ಜಾಂವ್ಚೊ ವಿಬಾಡ್ ಗುಮಾನಾಕ್ ವ್ಹರಾ. ಗ್ರೇಸ್ತ್ ದೆಶಾಂನಿ ತಾಂಚೆಂ ಚಡ್ತಿಕ್ ಉತ್ಪನ್ನ್ ದುಬ್ಳ್ಯಾಂಕ್ ತಶೆಂ ಗರ‍್ಜೆವಂತಾಂಥಂಯ್ ವಾಂಟ್ಚೆ ಸೊಡ್ನ್ ದರ್ಯಾಂತ್ ವೊತ್ಚೆಂ ಪಳೆಯಾ. ಮನ್ಶ್ಯಾಂಚ್ಯಾ ಹಾಡಾಂಚ್ಯಾ ಪಂಚಾಂಗಾಂಚೆರ್ ಉಬಾರ‍್ಲೆಲಿಂ ರಾವ್ಳೆರಾಂ ಥೊಡಿಂ ಆಸಾತ್. ಸಕ್ಕಡ್ ಹೆಂ ಸಗ್ಳೆಂ ದೆಕೊಂದಿ ಅನಿ ಉಚಾರುಂದಿ “ದೆವಾಚ್ಯಾ ರಾಜ್ಯಾಂತ್ ಸರ್ವ್ ಬರೆಂ ಆಸಾ.” ಕಿತ್ಯಾಕ್ ಅಶೆಂ? ಹೆಂ ಮ್ಹಜೆಂ ಸವಾಲ್.

Read More »

‘ಧರ್ಮಾ’ಕ್ ಜಳ್ಚ್ಯಾ ಕರಾವಳೆಕ್ ಜಾಯ್ – ವಿಶ್ವಮಾನವ್ ‘ಧರ್ಮ್’

ಭಾರತಾಂತ್ ವಾಡುನ್ ಆಯಿಲ್ಲ್ಯಾ ಮನ್ಶಾಸ್ವಾತಂತ್ರಾಚ್ಯಾ ಆನಿ ವಿಶ್ವಮಾನವ್ ಸಿದ್ಧಾಂತಾಚ್ಯಾ ಗ್ರೇಸ್ತ್‌ಕಾಯೆ ವಿಶಿಂ ಉಲಂವ್ಚೊ ಕುವೆಂಪು ಆಧುನಿಕ್ ಯುಗಾಂತ್ ಹ್ಯಾ ಗ್ರೇಸ್ತ್ ವಾಡಾವಳಿಕ್ ಆಡ್ಕಳಿ ಆಯಿಲ್ಲ್ಯಾ ವಿಶಿಂ ಖಂತ್ ಉಲಯ್ತಾ. 'ವಸುದಯ್ವ ಕುಟುಂಬಕಮ್' (ಸಗ್ಳೊ ಸಂಸಾರ್ ಎಕ್‌ಚ್ ಕುಟಮ್) ಮ್ಹಣ್ಚೆಂ ಚಿಂತಪ್ ಇಂಡಿಯಾಂತ್ ವಾಡ್ಲೆಂ ತರಿ ಕಾಳಾಕ್ರಮೇಣ್ ಹ್ಯಾ ಮಹಾನ್ ಚಿಂತ್ಪಾಕ್ ಆಡ್‌ವೆಚೆಂ ಚಡ್ ಜಾಲಾಂ ಮ್ಹಣ್ ತಾಚೊ ಅಭಿಪ್ರಾಯ್. 'ಎಕೋ ದೇವಾಃ ವಿಪ್ರಮ್ ಬಹುದಾ ವದಂತಿ' (ಎಕ್‌ಚ್ ದೇವ್ ತರಿ ಜಾಣಾರಿ ತಾಕಾ ಸಭಾರ್ ನಾಂವಾಂನಿ ಆಪಯ್ತಾತ್) ಮ್ಹಣ್ಚೆ ತಿತ್ಲೆಂ ಸೊಭಿತ್ ಚಿಂತಪ್ ದಿಲ್ಲ್ಯಾ ಭಾರತಾಂತ್ ಜಾತಿ-ಧರ್‍ಮಾಂಚ್ಯಾ ನಾಂವಾನ್ ಚಲ್ಚ್ಯಾ ಮನ್ಶಾಹಿಂಸ್ರಾಂಚೆ ವಿಶಿಂ ತಾಕಾ ವ್ಹರ್‍ತೊ ಶಿಣ್ ಆಸಾ. ಖರ್‍ಯಾನ್ ಆಜ್ ಭಾರತೀಯ್ ಯುವಜಣಾಂನಿ ಭಾರತಾಚ್ಯಾ ಬಲಿಷ್ಟ್ ಮನ್ಶಾವಾದಿ ಆನಿ ವಿಶ್ವಮಾನವ್ ಚಿಂತ್ಪಾಕ್ ಮುಂದರುಂಕ್ ವಾವುರಿಜೆ ಮ್ಹಣ್ತಾ.

Read More »

ಅಮರ್ ಫ್ರಾದ್ – ಫಾ| ಅಲೆಕ್ಸಾಂಡರ್ ದ್ಯೂಬ್ವಾ

ದಸೆಂಬರ್ 11 ತಾರೀಕ್ ಕೊರ್ಡೆಲ್‌ಗಾರಾಂಕ್ ಬೋವ್ ಮೊಗಾಚಿ. ಫಿರ್ಗಜ್ ಸ್ಥಾಪಕ್ ಫಾ| ಅಲೆಕ್ಸಾಂಡರ್ ದ್ಯೂಬ್ವಾ ವ ಸರ್ವಾಂಕ್ ಕಾಳ್ಜಾಕ್ ಲಾಗ್ಶಿಲೊ ಫ್ರಾದ್ ಸಾಯ್ಬ್ ದೆವಾ ಘರಿಂ ಗೆಲ್ಲೊ ದೀಸ್ ಹೊ. ಜಾತ್ ಕಾತ್ ಮತ್ ಲೆಕಿನಾಸ್ತಾಂ ಮೊಗಾನ್ ಆನಿ ಮಾನಾನ್ ಆಜೂನ್ ಹ್ಯಾ ಭಾಗೆವಂತ್ ಯಾಜಕಾಚ್ಯಾ ಸಮಾಧಿಚಿ ಭೆಟ್ ಕರ್ತಾತ್, ಉಪ್ಕಾರ್ ಜೊಡುನ್ ಘೆತಾತ್. ಆಪ್ಲ್ಯಾ ಹಿತ್ಲಾಂತ್ ಜಾಲ್ಲೆಂ ಪ್ರಥಮ್ ಫಳ್ ಹಾಡ್ನ್ ತಾಚ್ಯಾ ಸಮಾಧಿರ್ ಸಮರ್ಪಿತಾತ್. ಮತಿಕ್ ಸಮಧಾನ್ ಜೊಡುನ್ …

Read More »

ಗಾಂಧಿ, ಭಿಂವ್ಕುರೆಂಪಣ್ ಆನಿ ಸತ್ಯಾಗ್ರಹ

ಹಾಂವೆ ಕೊಂಕ್ಣೆಂತ್ ಥೊಡೆಂ ತರ್ಜಣ್ ಕೆಲಾಂ ತರೀ, ಶ್ರೀ ಮೆಲ್ವಿನ್ ರೊಡ್ರಿಗಸಾನ್, ಮಾನೆಸ್ತ್ ಅಲನ್ ಪಾಸ್ಕಲ್ ನಜ್ರೆತಾಚೊ ‘Gandhi’s Outstanding Leadership’ ಮ್ಹಳ್ಳೊ ದಾಟೊ ಮೊಟೊ ಬೂಕ್ ಕೊಂಕ್ಣೆಕ್ ತರ್ಜಣ್ ಕರುಂಕ್ ವಿಚಾರ್ತಾನಾ ಮ್ಹಜಾ ತಾಂಕಿ ವಯ್ರ್ ದುಬಾವ್ ಜಾಲ್ಲೊ ಸಹಜ್. ಗಾಂಧಿ ವಿಶ್ಯಾಂತ್ ಕೋಣ್ ಭಾರತೀಯಾನ್ ಆಯ್ಕೊಂಕ್ ನಾ, ವಾಚುಂಕ್ ನಾ? ಪುಣ್ ತೆಂ ಸಗ್ಳೆಂ ಅನಿವಾರ್ಯ್ ಇಸ್ಕೊಲಾಚೆಂ ವಾಚಾಪ್ ಜಾವ್ನಾಸ್ಲೆಂ. ಗೊರೂರು ರಾಮಸ್ವಾಮಿ ಐಯಂಗಾರನ್ ಕನ್ನಡಾಂತ್ ತರ್ಜಿಲ್ಲೊ …

Read More »

9 ವ್ಯಾ ವರ್ಸಾಕ್ ರೇಡಿಯೋ ಸಾರಂಗ್

ಎಕಾ ಕಾಳಾರ್ ಲೊಕಾಚೊ ಬೋವ್ ವ್ಹಡ್ ಸಾಂಗಾತಿ ಜಾವ್ನ್ ಆಸ್ ಲ್ಲೊ ರೇಡಿಯೊ. ಸಮಾಜೆಚಿಂ ವಿದ್ಯಾಮಾನಾಂ ಕಳೊಂಕ್, ಖಬ್ರೊ ಆಯ್ಕೊಂಕ್, ಮಾಹೆತ್ ಜೊಡುಂಕ್, ಮನಾರಂಜನೆಕ್- ಹ್ಯಾ ಸರ್ವಾಂಕ್ ಎಕ್ ಚ್ ಆಧಾರ್ ರೇಡಿಯೊ. ಮ್ಹಜೊ ಆಬ್ ಗೊಟ್ಯಾಚ್ಯಾ ಪೆಳಿಯೆರ್ ಬಸೊನ್, ಕಾನಾಂಕ್ ರೇಡಿಯೊ ದವರ್ನ್ ನೀವ್ಜ್ ಆಯ್ಕತಲೆಂ ದೃಶ್ಯ್ ಆಜೂನ್ ಮ್ಹಜ್ಯಾ ಪತಿಪಡ್ದ್ಯಾರ್ ಆಸಾ. ಸಾಗೊಳೆಗಾರ್ ಗುಡ್ಡೊಟ್ಟು(ಪಾಲಡ್ಕಾ) ಮಾಮಾಗೆರ್ ಗೆಲ್ಯಾರ್ ಸಾಂಜೆರ್ ಯೆಂವ್ಚೆಂ ಕೃಶಿಮಾಹೆತ್ ಕಾರ್ಯೆಂ ಆಯ್ಕಲ್ಲೆಂ ಉಡಾಸ್ ಆಸಾ. …

Read More »