SPECIAL

ವೆವೆಗ್ಳ್ಯಾಪಣಾ ಮಧೆಂಯ್ ಎಕ್ತಾರ್: ಕೆದ್ನಾ ಕೆದ್ನಾ ಮಾರ್ ಫಾರ್!

ಥೊಡ್ಯಾ ವರ್ಸಾಂ'ಧಿಂ ಮಲ್ನಾಡಾಂತ್ಲ್ಯಾ ಎಕಾ ಕ್ರಿಸ್ತಾಂವ್ ಕಾಜಾರಾಚಾ ಸಂದರ್ಭಿಂ ಮಂಗ್ಳುರ್ಚಾ ಸಯ್ರ್ಯಾನಿಂ, "ಹ್ಯಾ ಘಾಟಾಗಾರಾಂಕ್ ನಾಚೊಂಕ್ ಖಂಯ್ ಯೆತಾ! ದೋನ್ ಪೆಗ್ಗ್ ಘಾಲ್ಯಾರ್ ಪುರೊ ಆಂಗಾರ್ ಭುತ್ ರಿಗಲ್ಲೆ ಬರಿಂ ನಾಚ್ತಾತ್!' ಮ್ಹಣೊನ್ ಉಚಾರ್ಲೆಲ್ಲಿ ಅಭಿಪ್ರಾಯ್ ವ್ಹಡ್ ಝಗ್ಡ್ಯಾಕ್ ಕಾರಣ್ ಜಾಲ್ಲಿ! ಆತಾಂ ಇಂಜಿನಿಯರಿಂಗ್ ಕೊಲೆಜಿಕ್ ಪಾಟಿಂ ಯೆಂವ್ಚೆ ತರ್, ಎಕಾ ದಿಸಾ ಹೊಸ್ಟೆಲಾಂತ್ ಮಾಸ್ ವ ಮಾಸ್ಳಿ ರಾಂದ್ಚಿಗೀ ಮ್ಹಳ್ಳ್ಯಾ ವಿಶ್ಯಾಂತ್ ವಿಧ್ಯಾರ್ಥಿಂ ಮಧೆಂ ಸುರು ಜಾಲ್ಲೊ ವಾದ್ ವಿವಾದ್ ಗಂಭೀರ್ ಸುರೂಪಾಕ್ ಪಾವ್ಲೊ. ದಕ್ಷಿಣ್ ಕನ್ನಡಾಚಾ ವಿದ್ಯಾರ್ಥಿನಿಂ ಮಾಸ್ಳಿ ಜಾಯ್ ಮ್ಹಳ್ಯಾರ್, ಇತರ್ ವಿದ್ಯಾರ್ಥಿನಿಂ ಮಾಸ್ ಜಾಯ್ ಮ್ಹಳೆಂ. ಗಲಾಟೊ ಜಾಲೊ, ಮಾರಾ ಮಾರಿ ಸುರು ಜಾಲಿ. ಹೊಕ್ಕಿ ಸ್ಟಿಕ್ಕಾಂ ಕ್ರಿಕೆಟ್ ಬ್ಯಾಟಾಂ ಭಾಯ್ರ್ ಆಯ್ಲಿಂ. ಗಲಾಟೊ ಕ್ಯಾಂಪಸಾ ಭಾಯ್ರ್ ಪಾವ್ಲೊ.

Read More »

ಚರ್ಚ್ ಅಟ್ಯಾಕ್ : ಆಡುಕ್ ಘಡಿತಾಚಿ ಪರತ್ ಏಕ್ ಭೆಟ್

ತ್ಯಾ ದಿಸಾ ಅಶೇಂಯ್ ಘಡತ್ ಮ್ಹಣ್ ಹಾಂವೆಂ ಸಪ್ಣಾಮನಾಂತ್‌ಯೀ ಚಿಂತುಂಕ್ ನಾತ್‌ಲ್ಲೆಂ. ಆನಿ ಏಕ್ ಪತ್ರ್‌ಕಾರ್ ಜಾವ್ನ್ ಹ್ಯಾ ‘ಚಾರಿತ್ರಿಕ್’ ಘಡಿತಾಕ್ ಸಾಕ್ಸ್ ಜಾಯ್ನ್ ಮ್ಹಳ್ಳೆಂ ಕಲ್ಪನ್ ತಾಚೆ ಪಯ್ಲೆಂ ನಾತ್ಲೆಂ. 2008 ಸಪ್ತೆಂಬರ್ 14. ಆಯ್ತಾರ್. ಖಾಡ್ ತಾಸುಂಕ್ ಮ್ಹಣ್ ಅತ್ತಾವರ್ ಸೆಲುನಾಕ್ ಗೆಲ್ಲೊಂ ಹಾಂವ್. ತವಳ್ ಆತಾಂಚೆಪರಿಂ ಕನ್ನಡ 24X7 ನ್ಯೂಸ್ ಚಾನೆಲಾಂಚಿ ಖಾತಡ್ ನಾತ್‌ಲ್ಲಿ. ಆಸ್‌ಲ್ಲ್ಯಾಂ ಪಯ್ಕಿ ‘ಬ್ರೇಕಿಂಗ್ ನ್ಯೂಸ್’ ದಿಂವ್ಚ್ಯಾಂತ್ ಟಿವಿ 9 ಪಯ್ಲ್ಯಾ …

Read More »

ಚರ್ಚ್ ಅಟ್ಯಾಕ್ – ಫಾತ್ರಾಂಚೆಂ ಆನಿ ಉತ್ರಾಂಚೆಂ

ಆಯ್ಚ್ಯಾ ದಿಸಾ ಜರ್ ಇಗರ್ಜಾಂಚೆರ್ ಪರ್ತ್ಯಾನ್ ಧಾಡ್ ಪಡ್ಲಿ ತರ್ ಲೋಕ್ ಮಾರ್ಗಾಕ್ ದೆಂವೊನ್ ಪ್ರತಿಭಟನ್ ಕರಿತ್? ಹೆಂ ಸವಾಲ್ ಕೊಣೆಂಯೀ ವಿಚಾರ್ಚೆ ಪಯ್ಲೆಂ, ತಾಣೆಂ ಆಪ್ಣಾಕ್’ಚ್ ತ್ಯಾ ದೀಸ್ ಮಾರ್ ಖೆಲ್ಲ್ಯಾಂಚ್ಯಾ ಜಾಗ್ಯಾರ್ ಆನಿ ಕೇಸಿ ಆಂಗಾರ್ ವೋಡ್ನ್ ಕಾಣ್ಘೆಲ್ಲ್ಯಾಂಚ್ಯಾ ಜಾಗ್ಯಾರ್ ದವರ್ನ್ ಪಳೆಜೆ, ಉಪ್ರಾಂತ್ “ತ್ಯಾ ದಿಸಾ ಕಾಂಯ್ಚ್ ಘಡೊಂಕ್ ನಾ, ಕ್ರೀಸ್ತಾವಾನಿಂ ಹಾಕ್ ಬೋಬ್ ಘಾಲ್ಚೆ ತಿತ್ಲೆಂ ವ್ಹಡ್ಲೆಂ ಕಾಂಯ್ ಜಾಂವ್ಕ್ ನಾ, ಹೊ ಸಗ್ಳೊ ಬಿಸ್ಪಾನ್ ಆನಿ ಕೊಂಗ್ರೆಸಾನ್ ಮೆಳೊನ್ ಕೆಲ್ಲೊ ನಾಟಕ್” ಮ್ಹಣ್ ರೋಬರ್ಟ್ ರೊಸಾರಿಯೋನ್ ದಿಲ್ಲೆಂ ಸ್ಟೇಟ್’ಮೆಂಟ್ ಏಕ್ಪಾವ್ಟಿಂ ಆಯ್ಕಾಜೆ ಆನಿ ತ್ಯಾ ಆರೋಪಾಕ್ ಜಾಪ್ ದಿಂವ್ಚೆ ಖಬ್ರೆಕ್ ವಚೊಂಕ್’ನಾತ್’ಲ್ಲ್ಯಾ ದಿಯೆಸೆಜಿಚ್ಯಾ ಆಡಳ್ತ್ಯಾಚೆಂ, ವಕ್ತಾರಾಂಚೆಂ ಮೌನ್ ಏಕ್ಪಾವ್ಟಿಂ ನಿಯಾಳಿಜೆ, ಜಾಪ್ ಆಪಾಪಿಂ ಮೆಳ್ತಾ!

Read More »

ಆತಾಂಯ್ ಧೊಸ್ಚೆಂ ಪೊಲಿಸಾಚೆಂ ರಡ್ಣೆ

ಹ್ಯಾ ಸಗ್ಳ್ಯಾ ಮಧೆಂ ತ್ಯಾ ವೆಳಿಂ ಮ್ಹಜೆ ಥಂಯ್ ಆಸ್ ಲ್ಲೊ ಪತ್ರಾಕಾರ್ ನಪಂಯ್ಚ್ ಜಾವ್ನ್ ಏಕ್ ಕ್ರೀಸ್ತಾಂವ್ ಮೂಳ್ ಭೂತ್ ವಾದಿ ಜಲ್ಮಲ್ಲೊಗೀ ಮ್ಹಳ್ಳೆಂ ಸವಾಲ್ ಮ್ಹಾಕಾ ಧೊಸುನ್ ಆಸಾ. ಸವಾಲಾಂಕ್ ಜಾಪಿ ಸೊಧ್ಚೆಂ ಪ್ರೇತನ್ ಕರ್ತಾನಾ, ಧಾ ವರ್ಸಾ ಆದ್ಲಿಂ ತಿಂ ಕೊಡು ಘಡಿತಾಂ ಪರತ್ ಪರತ್ ಮತಿ ಪಡ್ದ್ಯಾರ್ ಧೊಸ್ತಾತ್. ಮ್ಹಜೆಂ ನಿಳ್ಶೆಂ ಹೆಲ್ಮೆಟ್, ಪೊಲಿಸಾಂನಿ ಉಡಯಿಲ್ಲೆಂ ಟಿಯರ್ ಗ್ಯಾಸ್ ಕ್ಯಾಚ್ ಧರ್ನ್ ಪರತ್ ಪೊಲಿಸಾಂಕ್ ಚ್ ಉಡಯಿಲ್ಲೆ ತರ್ನಾಟೆ, ಹಾತಾಂತ್ ಲಾಟಿ ಕಾಣ್ಘೆವ್ನ್ ಆಪ್ಲಿ ಸಕತ್ ಪ್ರದರ್ಶನ್ ಕರ್ಚೆ ಪೊಲಿಸ್, ದುಕೆನ್ ವಾಳ್ವಳ್ಚೆ ಮ್ಹಾತಾರೆ, ತರ್ನಾಟೆ, ಬಾಯ್ಲ್ ಮನ್ಶಾಂ, ಪೊಲೀಸಾಂನಿ ಇಗರ್ಜೆ ಭಿತರ್ ರಿಗೊಂಕ್ ನಜೊ ಮ್ಹಣೊನ್ ಇಗರ್ಜೆಚಾ ಮುಕ್ಲ್ಯಾ ದರ್ವಾಟ್ಯಾರ್ ಆಡ್ ರಾವ್ ಲ್ಲೊ ತರ್ನಾಟೊ ಪಾದ್ರಿ - ಹರ್ಯೆಕ್ ಉಡಾಸ್ ಯೆತಾ. ಹ್ಯಾ ಸಗ್ಳ್ಯಾ ಮಧೆಂ ತ್ಯಾ ಪೊಲಿಸಾಚೆಂ ರಡ್ಣೆ ಮಾತ್ರ್ ಮೊಸ್ತು ಧೊಸ್ತಾ.

Read More »

ಖರ‍್ಯಾ ಶಿಕ್ಷಕಾಕ್ ಮಾನ್

ಹರ್ ಸಪ್ಟಂಬರ್ ಪಾಂಚ್ ತಾರಿಕೆರ್ ಶಿಕ್ಷಕಾಂಚೊ ದೀಸ್ ಆಚರಣ್ ಕರ‍್ತಾತ್. ಹ್ಯಾ ದೆಶಾಚೊ ಮಹಾನ್ ಹುದ್ದೊ ರಾಷ್ಟ್ರಪತಿಚೊ. ಹ್ಯಾ ಹುದ್ದ್ಯಾಕ್ ದಕ್ಷಿಣ್ ಭಾರತಾಚೊ ಸಾದೊ ಪುಣ್ ಮಹಾನ್ ಜ್ಞಾನಿ ಸರ್ವಪಳ್ಳಿ ರಾಧಾಕೃಷ್ಣನ್ ಪಾವೊನ್, ಫಕತ್ ಅಲಂಕಾರಾಕ್ ರಾಷ್ಟ್ರಪತಿ ಜಾಯ್ನಾಸ್ತಾಂ ತಾಣೆಂ ಆಪ್ಲೊ ಹುದ್ದೊ ಜವಾಬ್ದಾರೆನ್ ಪಾಳ್ಳೊ. ತ್ಯಾ ಉಪ್ರಾಂತ್ ಸಬಾರ್ ರಾಷ್ಟ್ರಪತಿ

Read More »

ಪೋರ್ಚುಗಲ್ ಪಯ್ಣ್

ಬುದ್ವಾರಾ ದೀಸಾ ಸಕಾಳಿಂ ಉಟೊನ್ ನಾಸ್ಟೊ ತಿರ್ಸುನ್ ಸ್ವಿಮ್ಮಿಂಗ್ ಪೂಲಾಕ್ ಉಡ್ಕಿ ಮಾರ್ಲಿ. ಥೊಡಿಂ ವ್ಹರಾಂ ವಿರಾಮ್ ಕೆಲ್ಯಾ ಉಪ್ರಾಂತ್ ನಾವ್ನ್ ನಿತಳ್ ಜಾವ್ನ್ ದೊನ್ಪಾರಾಂಚೆಂ ಜೆವಣ್ ಕರ್ನ್ ಆಲ್ಬುಫ಼ೆರಾ ಸಿಟಿ ಪಳೆಂವ್ಕ್ ಭಾಯ್ರ್ ಸರ್ಲ್ಯಾಂವ್. ಆಲ್ಬುಫ಼್ಹೆರಾ ಬೀಚ್ ಬೊವ್ ಚ್ಚ್ ಸೊಬಿತ್. ತಾಚ್ಯಾ ತಡಿರ್ ವಸ್ತಿ ಕರ್ನ್ ಅಸಾ ಓಲ್ಡ್ ಟೌನ್ ಮ್ಹಣ್ ನಾಂವಾಡ್ ಲ್ಲೆಂ ಸೊಬೀತ್ ಸುಂದರ್ ಶಹರ್. ತ್ಯಾ ದೀಸ್ ಕಠೀಣ್ ವೊತಾಕ್ ರಾನಾಕ್ ಉಜೊ ಲಾಗೊನ್ ದುಂವೊರ್ ಸಗ್ಳ್ಯಾ ಮೊಳ್ಬಾರ್ ವಿಸ್ತಾರ್ ಲ್ಲೊ ಆನಿ ವಾರ್ಯಾಕ್ ಗೊಬೊರ್ ಉಬ್ತಾಲೊ ದೆಕುನ್ ತ್ಯಾ ದಿಸಾ ತ್ಯಾ ಬೀಚಾಚೆಂ ದ್ರಶ್ಶ್ ಚ್ಚ್ ವಿಂಗಡ್ ಜಾವ್ನಾಸ್ ಲ್ಲೆಂ. ರಾಗಾನ್ ಪೆಟ್ ಲ್ಲ್ಯಾ ಬರಿಂ ದಿಸ್ಚೊ ತೊ ತಾಂಬ್ಡೊ ಸುರ್ಯೊ, ದುಂವೊರ್ ಭರ್ ಲ್ಲ್ಯಾ ಮೊಳ್ಬಾಚೆಂ ಪ್ರತಿಫಲನ್ ಜಾವ್ನ್ ಉದ್ಕಾಚೊ ರಂಗ್ ಕಾಳೊ ಜಾಲ್ಲೊ. ಆಮಿ ಥೊಡೊ ವೇಳ್ ಥಂಯ್ಚ್ ಖರ್ಚುನ್ ಉಪ್ರಾಂತ್ ಸಾಂಜೆಚೆ ಪೊಟಾಕ್ ಘಾಲ್ನ್ ಥಂಯ್ ಥಾವ್ನ್ ಪಾಟಿಂ ಆಮ್ಚ್ಯಾ ಹೊಟೇಲಾಕ್ ಯೇವ್ನ್ ಪಾವ್ಲ್ಯಾಂವ್.

Read More »

ಕೊಂಕ್ಣಿ ‘ಜಂಗಲ್ ಬುಕ್’

ಸುರ್ಯಾಕಿರ್ಣಾಂಕ್ ಯೀ ಪಡೊಂಕ್ ಸೊಡಿನಾಶೆಂ ಮಳ್ಬಾಚ್ಯಾ ಮುಸ್ಕಾರಾಕ್ ಫಾಂಟೆ ಘಶ್ಟುಂಚೆ ರಾಕ್ಸಾಕಾಸ್ತಾಚೆ ರೂಕ್! ಪಯ್ಶಿಲ್ಯಾನ್ ಕಾನಾಂಕ್ ಭೊಕೊರ್ಚೊ ಚಿತ್ರ್ ವಿಚಿತ್ರ್ ಆವಾಜ್. ಭಿಯಾನ್ ಥರ್ಥೊರೊನ್ ಗೆಲೊ ಮಿಂಗೆಲ್! ಜೀವ್ ಹಾತಾಂತ್ ಘೆವ್ನ್, ಸುಕ್ಯಾ ಖೊಲಿಯೆಚೊಯ್ ಆವಾಜ್ ಜಾಯ್ನಾಶೆಂ ಕಾಂಪ್ಚ್ಯಾ ಪಾಂಯಾನ್ ಎಕೇಕ್ ಪಾವ್ಲಾಂ ವಿಂಚ್ತಾನಾ ಭೊಗ್ಲೆಂ ತಾಕಾ- ಹ್ಯಾ ರಾನಾಂತ್ ಬರೇಂ ಮ್ಹೊಂವ್ ಮೆಳ್ತಾ ಮ್ಹಣ್ ಆಶೆನ್ ಭಿತರ್ ಆಯಿಲ್ಲೊಂಚ್ ಆಪ್ಣೆಂ ಕೆಲ್ಲೆಂ ವ್ಹಡ್ ಮೂರ್ಖ್ ಪಣ್. ಮ್ಹೊಂವಾಚಿ ರೂಚ್ …

Read More »

‘ಪಯ್ಲೊ ಉಪದೆಸ್’ ಅಸ್ಕತ್ ಜಾವ್ನ್ ಯೆತಾ ?

ವಿವಿಧ್ ಧಾರ್ಮಿಕಾಂ ಮಧೆಂ, ದುಬಾವ್, ಮನಸ್ಥಾಪ್ ಆಸಾ ತೆಂ ಖರೆಂ. ಹ್ಯಾ ವಗ್ತಾ ಥೊಡೆ ಮುಖೆಲಿ ಸಮಾಜೆಂತ್ ಶಾಂತಿಸಮಾಧಾನ್ ಹಾಡುಂಕ್ ಪೆಚಾಡ್ಚೆಯಿ ಆಸಾತ್. ಹ್ಯಾ ಖಾತಿರ್ ಫೆಸ್ತಾಂ ಪರ್ಬೆ ವೆಳಾರ್ ಖಂಯ್ಚ್ಯಾಯ್ ಅಕ್ರಿಸ್ತಾಂವ್ ಭಾವಾಡ್ತ್ಯಾಂನಿ ಆಪವ್ಣೆ ಪಾಟಯ್ಲೆಂ ತರ್ ತೆಂ ಇನ್ಕಾರ್ ಕರುಂಕೀ ಸಾಧ್ಯ್‌ನಾ. ಸಭಾಕಾರ್ಯಾಂನಿ ತರ್ ಯಾಜಕಾಂನೀ ಪಾತ್ರ್ ಘೆವ್ಯೆತಾ. ಪುಣ್ ದಿವ್ಳಾಂಕ್ ಯಾಜಕೀ ವೃಂದಾನ್ ಭೆಟ್ ದೀನಾಯೆ. ಎಕಾದಾವೆಳಾ ಭೆಟ್ ದಿಲಿ ತರ್ ಖಂಯ್ಚ್ಯಾಯ್ ಕಾರಣಾಕ್ ಲಾಗೊನ್ ತಾಂಚ್ಯಾ ದೆವಾಂಚ್ಯಾ ಮೂರ್ತಿಕ್ ಹಾರ್ ಘಾಲ್ಚೆಂ, ಕಾಣಿಕ್ ಭೆಟಂವ್ಚೆಂ ಬಿಲ್ಕುಲ್ ಕರಿನಾಯೆ. ಹೆಂ ಸರ್ವ್ ಭಾವಾಡ್ತ್ಯಾಂಕ್ ಲಾಗು ಜಾತಾ. ತಾಚ್ಯಾ ಬದ್ಲಾಕ್ ಮುಖೆಲ್ಯಾಂಕ್ ಫುಲಾಂಚೊ ತುರೊ ದೀವ್ನ್ ಫೆಸ್ತಾಚೆ ಶುಭಾಶಯ್ ಪಾಠವ್ಯೆತ್. ಕಾಫಿ ಫಳ್ಹಾರ್ ಸೆವ್ಯೆತಾ. ಪುಣ್ ಪ್ರಸಾದ್ ಸೆಂವಿನಾಯೆ. ಕಿತ್ಯಾಕ್ ತೊ ತಾಂಚ್ಯಾ ದೆವಾಂಕ್ ಅರ್ಪಿಲ್ಲೆಂ ಖಾಣ್ ಜಾವ್ನಾಸಾ. ನೆಣಾಸ್ತಾಂ ತರ್ನಾಟ್ಯಾ ಪ್ರಾಯೆರ್ ಇಷ್ಟಾಂ ಸಾಂಗಾತಾ ಮೆಳೊನ್ ಆಡ್ವಾರ್‌ಲ್ಲೆಂ ಕರ್ತಾತ್ ಜಾಂವ್ಕ್ ಪುರೊ. ಚೂಕ್ ಮಣ್ ಕಳ್‌ಲ್ಲೆ ಉಪ್ರಾಂತ್ ಹೆಂ ಬಂಧ್ ಕರ್ಚಿ ಗರ್ಜ್ ಆಸಾ. ಹೆರಾಂ ಸಮುದಾಯೆಚಾಂಕ್ ಸಂತೊಸ್ ಕರುಂಕ್ ವ್ಹೆತಾನಾ ಸಾರ್ಕೆಂ ಆಸ್‌ಲ್ಲೆಂ ಕರಿಜಯ್. ನಿಜಾ ದೆವಾಕ್ ದಿಂವ್ಚೊ ಮಾನ್ ಹೆರಾಂ ದೆವಾಕ್ ಕಿತ್ಯಾಕ್ ದೀಜಾಯ್? ಮ್ಹಜ್ಯಾ ದೆವಾಕ್ ಅರ್ಪುಂಚಿ ಕಾಣಿಕ್ ಹೆರಾಂ ದೆವಾಕ್ ಕಿತ್ಯಾಕ್ ಭೆಟಯ್ಜಯ್? ಖಾಣಾ ಜೆವ್ಣಾಕ್ ಕುಮೊಕ್ ಕರ್ಯೆತ್. ಪೂಣ್ ಪುರ್ಶಾಂವ್ ಕಾಡ್ನ್ ವ್ಹೊಜೆಂ ವ್ಹಾವೊವ್ನ್ ತಾಂಚ್ಯಾ ದೆವಾಂಕ್ ವಾ ದಿವ್ಳಾಂಕ್ ಕಾಣಿಕ್ ಭೆಟಂವ್ಚೆಂ ಸಾರ್ಕೆಂ ನ್ಹಯ್.

Read More »

ಕರಾವಳಿ ಕರ್ನಾಟಕಾಂತ್ಲ್ಯಾ ಕಥೊಲಿಕ್ ಪವಿತ್ರ್‌ಸಭೆಂತ್ ಲಾಯಿಕ್ ಭಾವಾಡ್ತ್ಯಾಂಚೆಂ ಮೆತೆರ್ಪಣ್

ಜೆರಾಲ್ ಥರಾನ್ ಕರಾವಳಿಚ್ಯಾ ಆಮಾಂ ಲಾಯಿಕಾಂ ಮಧೆಂ ಥೊಡೆ ವರ್ಗ್ ಅಶೆಂ ಕರ್‍ಯೆತ್ ಕೊಣ್ಣಾ, ನವ್ಯಾನ್ ಆಯಿಲ್ಲ್ಯಾ ವಿಗಾರಾಚಿ ವಾಟ್ ಚುಕೊವ್ನ್ ಮುಟಿಂತ್ ದವರ್‍ಚೆ, ಪರ್‍ಮನೆಂಟ್ಲಿ ವಿಗಾರಾಚೆ ಟಿಕಾಕಾರ್ ಜಾವ್ನಾಸ್ಚೆ, ಹೆರಾಂ ಮುಕಾರ್ ಆಪುಣ್ ವಿಗಾರಾಚೊ ಟಿಕಾಕಾರ್ ಮ್ಹಣ್ ಹರ್‍ದೆಂ ಪೆಟುನ್ ಪಾಟ್ಲ್ಯಾಪಾಟ್ಲ್ಯಾ ವಿಗಾರಾಂಕ್ ಮಾಸಾಂ, ಮಾಸ್ಳ್ಯೊ ಆನಿ ಕಿತೆಂ ಸಪ್ಲಾಯ್ ಕರ್‍ಚೆ ಆನಿ ಅಶೆಂ ಕರ್‍ತಾಂ ಕರ್‍ತಾಂ ಪೆಲ್ಯಾಂವಿಶಿಂ ವಿಗಾರಾಕ್ ಕೆಬಿಪಿತ್ತಾಲೆ ಕರ್‍ಚೆ, ಸಾರ್‍ಕೆಂ ವಿಮರ್‍ಸೊ ಕರುಂಕ್ ಜಾಯ್ನಾಶೆಂ 'ಹೌದು ಬಸವ ಹೌದು ಅಲ್ಲ ಬಸವ ಅಲ್ಲ' ಕರ್‍ಚೆ, ಆಯ್ತಾರಾ ವೆಳಾರ್ ವ್ಹಡ್ ವ್ಹಡ್ ಕಾರಾಂನಿ ಯೇವ್ನ್ ಮೀಸ್ ಜಾಲ್ಲೆಂಚ್ ವಿಗಾರಾಕ್ ಇಂಗ್ಲಿಶ್ ವಿಶ್ ಕರ್ನ್ ಘರಾ ಚಲ್ಚೆ, ಆವಯ್ ಬಾಪಯ್ ಕೊಂಕ್ಣಿಂಚ್ ತರಿ, ಆಪ್ಣಾಕ್ ಸಾರ್‍ಕೆಂ ಇಂಗ್ಲಿಶ್ ಭಾಜುನ್ ಖಾಂವ್ಕ್ ಯೇನಾತ್ಲ್ಯಾರಿ ಫಿರ್‍ಗಜೆ ಭಾಯ್ಲ್ಯಾ ಪೂನ್‌ಶೆತಾಂ ಕೊಪೆಲಾಂನಿ ಇಂಗ್ಲಿಶ್ ಮಿಸಾಕ್ ವೆಚೆ. ಫಿರ್‍ಗಜೆಚ್ಯಾ ಹರ್‍ಯೆಕಾ ಸಂಘ್‌ಸಂಸ್ಥ್ಯಾಚೊ ಅಧ್ಯಕ್ಷ್ ಆಪ್ಣೆಂಚ್ ಜಾಯ್ಜೆ ಮ್ಹಣ್ ವದ್ದಾಡ್ಚೆ ಆನಿ ತೆಂಚ್ ಲಾಯಿಕ್ ಮುಕೇಲ್ಪಣ್ ಮ್ಹಣ್ ದೃಢ್ ಪಾತ್ಯೆವ್ನ್ ಆಸ್ಚೆ, ಆಪುಣ್ ಮಾತ್ರ್ ಖರೆ ಮುಕೆಲಿ ಹೆರ್ ಕೊಣ್ಂಚ್ ತ್ಯಾ ಹುದ್ದ್ಯಾಕ್ ಫಾವೊ ನ್ಹಂಯ್ ಮ್ಹಣ್ ಚಿಂತುನ್ ಪಿಕ್ಚೆ.

Read More »
Share ...please don\'t COPY !