Editor Speak

ಕಥೊಲಿಕ್ ಸಭೆಚೊ ಠರಾವ್ – ಲೊಂಕ್ಡಾಚೊ ವ್ಯಾರ್?

ಮಂಗ್ಳುರ್ ರಯ್ಲ್‌ವೇ ನಿಲ್ದಾಣಾಕ್ ಜೋರ್ಜ್ ಫೆರ್ನಾಂಡಿಸಾಚೆಂ ನಾಂವ್ ದೀಜೆ ಮ್ಹಣ್ ಠರಾವ್ ಕರ್ತೆಲ್ಯಾಂಕ್ ಎಕಾ ರಯ್ಲ್ ನಿಲ್ದಾಣಾಚೆಂ ನಾಂವ್ ಬದ್ಲಿತಾನಾ ಕಿತ್ಲ್ಯಾ ಕೊರೊಡ್ ರುಪ್ಯಾಂಚೊಂ ಖರ್ಚ್ ಬಸ್ತಾ ಆನಿ ಶೆವ್ಟಿಂ ತೋ ಖರ್ಚ್ ಪಯ್ಣಾರ‍್ಯಾಂನಿಂಚ್ ಭರಿಜೆ ಪಡ್ತಾ ಮ್ಹಳ್ಳಿ ಪ್ರಾಥಮಿಕ್ ಜಾಣ್ವಾಯ್ ತರೀ ಆಸಾ? ಎಕಾ ಶಹರಾಚೆಂ, ರಯ್ಲ್‌ನಿಲ್ದಾಣಾಚೆಂ ನಾಂವ್ ಬದ್ಲುಂಚೆಂ ಮ್ಹಳ್ಯಾರ್ ಘರಾಕ್ ವೆಚ್ಯಾ ಒರ್ಕಾಚೆಂ ನಾಂವ್ ಬದ್ಲಿಲ್ಲೆತಿತ್ಲೆಂ ಸುಲಭ್ ಮ್ಹಣ್ ಚಿಂತ್ಲಾಂ? ರಯ್ಲ್‌ವೇ ನಿಲ್ದಾಣಾಚೆಂ ನಾಂವ್ ಬದ್ಲಿಲ್ಲ್ಯಾನ್ ಲೊಕಾಕ್ ಫಾಯ್ದ್ಯಾಪ್ರಾಸ್ ಕಿತ್ಲೆ ಧೊಶಿ ಜಾತಾತ್ ಮ್ಹಳ್ಳೆವಿಶಿಂ ಸಮ್ಜಣಿ ಆಸಾ? ರಸ್ತ್ಯಾಂಚಿಂ/ ನಿಲ್ದಾಣಾಂಚಿಂ ನಾಂವಾಂ ಬದ್ಲಿಲ್ಯಾರ್ ಗರ್ಜೆಭಾಯ್ರ್ ಸರ್ವಜಣಿಕ್ ದುಡ್ವಾಚೊ ವಿಬಾಡ್ ಜಾಂವ್ಚೊ ಸೊಡ್ಲ್ಯಾರ್ ಲೊಕಾಕ್ ಕಿತೆಂ ಉಪ್ಕಾರ್ ಜಾತಾ?

Read More »

ನೊವ್ಯಾ ವರ್ಸಾಂತ್ ಕಿಟಾಳ್ – ಏಕ್ ನಿಯಾಳ್

ಪಾಟ್ಲ್ಯಾ ಆಟ್ ವರ್ಸಾಂಚೆಂ ಕಿಟಾಳಾಚೆಂ ಪಯ್ಣ್ ನಿಯಾಳ್ತಾನಾ ಅವೆಕ್ತ್ ಬೊಗ್ಣಾಂಚ್ಯಾ ಲ್ಹಾರಾಂನಿ ಕಾಳಿಜ್ ಆನಿ ದೊಳೆ ದೊನೀ ಭರೊನ್ ಯೆತಾತ್. ಕಿಟಾಳ್ ಚಲ್‌ಲ್ಲಿ ಪಾಟ್ಲ್ಯಾ ಆಟ್ ವರ್ಸಾಂಚಿಂ ವಾಟ್ ಫುಲಾಂಚಿ ಉಣಿ, ಕಾಂಟ್ಯಾ ಖುಂಟ್ಯಾಚಿಂ ಚಡ್ ಜಾವ್ನಾಸ್ಲಿ. ಕಿಟಾಳ್ ಸತಾಚ್ಯಾ ಪಕ್ಷೆನ್ ರಾವ್ತಾ ಮ್ಹಳ್ಳ್ಯಾ ಫಕತ್ ಎಕಾಚ್ ಎಕಾ ಕಾರಣಾ ಖಾತಿರ್ - ವೆವಸ್ಥಿತ್ ರಿತಿನ್ ಹರ್ ಮಾಳಾರ್ ಕಿಟಾಳ್ ಕಿಮ್ಚುನ್ ಉಡಂವ್ಚಿಂ ಪ್ರೇತನಾಂ ಚಲ್ಲಿಂ. ಕಿಟಾಳಾಕ್ ಬರಯ್ನಾಕಾತ್ ಮ್ಹಣ್ ಮಾಲ್ಘಡ್ಯಾ ತಶೆಂ ತರ್ನ್ಯಾ ಬರಯ್ಣಾರಾಂಕ್ ದಬಾವ್ ಘಾಲ್ನ್ ಮೇಯ್ಲಾಂ ಧಾಡ್ಚಿಂ, ಫೊನಾಂ ಕರ್ಚಿಂ, ಕಾಗ್ದಾಂ ಬರಂವ್ಚೆಂ ಥಾವ್ನ್ ಸುರು ಜಾಲ್ಲಿಂ ಹಿಂ ನಿರ್ಫಳ್ ಪ್ರೇತನಾಂ ಸವ್ಕಾಸ್ ಕಿಟಾಳಾಚಿ ಖಬರ್ ಘಾಲಿನಾತ್ಲೆಪರಿಂ ಮುಕೆಲ್ ವ್ಹಾಳ್ಯಾಚ್ಯಾ ಮಾಧ್ಯಮಾಂಕ್ ಆಡಾಂವ್ಚೆಂ ಪರ್ಯಾಂತ್ ಪಾವ್ಲಿಂ. ಕಿಟಾಳಾಚ್ಯಾ ಜಾಯ್ರಾತ್‌ದಾರಾಂಕ್ ಆನಿ ಪೋಶಕಾಂಕ್ ಮೆಳೊನ್ ತಾಂಚೆ ಕಾನ್ ಭರುಂಕ್ ಸುರು ಕೆಲೆ. ಆನಿ ಹೆ ಕರ್ತಲೆ ಕೋಣ್ ಪ್ರತಿಸ್ಪರ್ಧಿ ನಯ್ ಬಗಾರ್ ನಾಮ್‍ದಾರಿ ಬರವ್ಪಿ ಆನಿ ಕೊಂಕ್ಣೆಚೆ ಸ್ವಘೋಷಿತ್ ಸೊಡ್ವೊಣ್ದಾರ್. ಪೂಣ್ ಕಿಟಾಳ್ ಸತಾಚ್ಯಾ ಪಕ್ಷೆನ್ ಆಸ್‌ಲ್ಲ್ಯಾನ್, ಕಿಮ್ಚುಂಚಿಂ ಪ್ರೇತನಾಂ ಜಾಯ್ತಿಂ  ಚಲ್ಲಿಂ ಜಾಲ್ಯಾರೀ, ಸಗ್ಳಿಂ ವೆರ್ಥ್ ಜಾಲಿಂ.  ಶೆವ್ಟಿಂ ಮ್ಹಜಿ ನಿಂದಾ ಕರ್ನ್ ಪತ್ರಾಂನಿ ಪಾನಾಂಗಟ್ಲ್ಯಾನ್ ಬರವ್ನ್ ಫಾಯ್ಸ್ ಕೆಲೆಂ. ತರೀ ನಾ ಕಿಟಾಳಾಕ್ ಕಿಮ್ಚುಂಕ್ ಜಾಂವ್ಕ್ ನಾ , ನಾ ಎಚ್ಚೆಮಾಕ್ ಸತಾಚ್ಯಾ ಪಕ್ಷೆನ್ ರಾವಾನಾತ್ಲೆಪರಿಂ ಆಡಾಂವ್ಕೀ ಸಾಧ್ಯ್ ಜಾಂವ್ಕ್ ನಾ. ಇರಾದೆ ನಿತಿಚೆ ಆನಿ ಪ್ರೇತನಾಂ ಪ್ರಾಮಾಣಿಕ್ ಆಸ್ಲ್ಯಾರ್ - ಫುಲಾಂನಿ ಫುಲ್ಚೆಂ ಕೊಣೆಂಯ್ ಆಡಾಂವ್ಕ್ ಜಾಯ್ನಾ. ಫುಲಾಂ ಫುಲ್ತಾತ್ ಆನಿ ಭಂವ್ತಣಿ ಫರ್ಮಳ್ ದಿತಾತ್.

Read More »

‘ಪಟ್ಟಾಭಿಶೇಕ’ ಜಾಯ್ !

ಜಾಂವ್ ಪರ್ಯಾಯ, ಜಾಂವ್ ಬಿಸ್ಪಾಚೊ ಪಟ್ಟಾಭಿಶೇಕ ವಾ ಹೆರ್ ಖಂಯ್ಚ್ಯೆಯ್ ಸಮಡ್ತಿಚ್ಯಾ ಧರ್ಮಾಧ್ಯಕ್ಷಾಕ್ ತೆಲಾಂವ್ಚೆಂ ಕಾರ್ಯೆಂ – ಹ್ಯಾ ದೆಶಾಚೊ ಬಹುತ್ವ ರಾಕೊನ್ ವ್ಹರ‍್ಚೆಖಾತಿರ್ ಬೋವ್ ಗರ್ಜೆಚೆಂ. ಅಶೆಂ ಕೆಲ್ಲ್ಯಾನ್ ಎಕಾ ಸಮುದಾಯಾನ್ ಹ್ಯಾ ದೆಶಾಚ್ಯಾ ಮುಕೇಲ್ ವ್ಹಾಳ್ಯಾಂತ್ ಆಮಿಂಯ್ ಆಸಾಂವ್, ಆಮಿಂಯ್ ಹ್ಯಾ ದೆಶಾಚಿ ಅಖಂಡ್ ಪರ್ಜಾ, ಪರ್ಜೆರಾಜಾಕ್ ಆಮ್ಚಿ ನಿಶ್ಟಾ ಆಸಾ ಮ್ಹಳ್ಳೆಂ ರುಜು ಕರ‍್ಯೆತಾ. ಸಾಂಗಾತಾ ಹೆರ್ ಭಾವಾಡ್ತಾಚ್ಯಾ ಲೊಕಾಸಂಗಿ ಬಾಂದವ್ಪಣ್ ವಾಡಂವ್ಕ್ ಪಟ್ಟಾಭಿಶೇಕ ಏಕ್ ಸಂದರ್ಭ್. ಹರ್ ಧರ್ಮಾಚ್ಯಾ ಧರ್ಮಾಧ್ಯಕ್ಷಾಂಕ್ ಸಾಂಗಾತಾ ಯೇವ್ನ್, ಫಕತ್ ಉತ್ರಾಂನಿ ನ್ಹಯ್, ಕರ‍್ಣೆನ್ ಲೊಕಾಕ್ ಬಾಂದವ್ಪಣಾಚೊ ಸಂದೇಶ್ ದೀಂವ್ಕ್ ಆವ್ಕಾಸ್. ದೆಶಾಚ್ಯಾ ಬಹುತ್ವಾಚ್ಯೊ ಹ್ಯೊ ಬಾರೀಕ್ ಗಜಾಲಿ ತಪಾಸುನ್ ಪಳೆಂವ್ಕ್ ಪಟ್ಟಾಭಿಶೇಕ ಜಾಯ್!

Read More »

ಜೆವ್ಣಾಚೊ ಧರ್ಮ್ ಪಾಳ್ಯಾಂ! 

ಜೆವ್ಣಾಕ್‌ಯೀ ಏಕ್ ಧರ್ಮ್ ಆಸಾ; ಭುಕೆಲ್ಲ್ಯಾಂಕ್ ಪಾಂವ್ಚೊ. ಜಿವಿತಾಕ್ ರೂಚ್ ದಿಂವ್ಚೊ. ಹ್ಯಾ ಧರ್ಮಾಚೆಂ ಆಚರಣ್ ಪೆಲ್ಯಾಕ್ ವಾಡ್ಚೆಂ. ಹ್ಯಾ ಧರ್ಮಾಕ್ ಕುಟಮ್ ಸಾಂಗಾತಾ ಹಾಡ್ಚಿ ತಾಂಕ್ ಆಸ್ತಾ. ಹ್ಯಾ ಧರ್ಮಾಚೊ ತೀರ್ಲ್ ಪಾರ್ಕಿಲ್ಯಾರ್ ಹರ‍್ಯೇಕ್ ಶಿತಾಕಣ್‌ಯೀ ಕುಮ್ಗಾರ್‌ಚ್, ನೀಸ್‌ಯೀ ತೀರ್ಥ್ಚ್. ಹೊ ಧರ್ಮ್ ಆಮಿ ಪಾಳ್ಯಾಂ. ಕಡಿಯೆಂತ್ ಭರ‍್ಶಿಲ್ಲಿಂ ಶಿತಾಂ ಉಂಡಿಯೆಂತ್ ಘೆತಾನಾ, ತ್ಯಾ ಜೆವ್ಣಾಕ್ ಕಾರಣ್ ಜಾಲ್ಲ್ಯಾಂಚೊ ಉಡಾಸ್ ಕಾಡ್ಯಾಂ ಆನಿ ಬೊಶಿಯೆಂತ್ಲಿಂ ಶಿತಾಂ ಉಡಂವ್ಚ್ಯಾ ಆದಿಂ ಭುಕೆನ್ ವಳ್ವಳ್ತಲ್ಯಾಂಚಿಂ ತೊಂಡಾಂ ದೊಳ್ಯಾಂಫುಡೆಂ ಹಾಡ್ಯಾಂ. ಸರ್ವಾಂಕ್ ರುಚಿಕ್ ಕಣ್ಶೆಚೆಂ ಫೆಸ್ತ್ ಮಾಗ್ತಾಂ.

Read More »

ಕೊಂಕ್ಣಿ ಕಲಾಕಾರ್ ಆನಿ ದಾವರ್ ಸಾಬ್

ದಾವರ್ ಆನಿ ಜಯಚಂದ್ ತಸಲೆ ಮನಿಸ್ ಸಗ್ಳ್ಯಾನ್ ಆಸಾತ್, ಕೊಂಕ್ಣೆಂತೀ ಆಸಾತ್. ಸಾಮಂತ್ ತಸಲ್ಯಾ ಮನ್ಶ್ಯಾಕಡೆ ಝುಜೊಂಕ್ ಆಜ್ ತಾಂಕಾ ವಿಜಯ್ ಜಾಯ್, ಫಾಲ್ಯಾಂ ವಿಜಯ್ಚಿ ತಾಂಕ್ ಉಣಿ ಜಾಲಿ ತರ್ ತೆ ಆನಿ ಕೊಣಾಕ್ ಸೊಧ್ತಾತ್. ‘ಮ್ಹಾಕಾ ದಾವರಾಚಿ ಕಿತ್ಲಿ ಗರ್ಜ್ ಆಸಾ… ತಾಚೆಪ್ರಾಸ್ ದೊಡ್ತ್ಯಾನ್ ದಾವರಾಕ್ ಮ್ಹಜಿ ಗರ್ಜ್ ಆಸಾ, ದಾವರಾಥಾವ್ನ್ ಹಾಂವ್ ನ್ಹಯ್… ಬಗಾರ್ ಮ್ಹಜೆತಸ್ಲೆ ವಿಜಯ್ ಆಸ್ಲ್ಯಾರ್ ಮಾತ್ ದಾವರ್’ – ಮ್ಹಳ್ಳಿ 1975 ವ್ಯಾ ವರ್ಸಾಚ್ಯಾ ದೀವಾರ್ ಫಿಲ್ಮಾಂತ್ಲ್ಯಾ ವಿಜಯ್ ಥಂಯ್ ಆಸ್ ಲ್ಲಿ ಸಮ್ಜಣಿ, ಸಮಾಜಿಕ್ ಮಾದ್ಯಮಾಂನಿ ವೆಕ್ತಿ ಪುಜಾ ಕರ್ಚ್ಯಾಂತ್ ವೆಸ್ತ್ ಕೊಂಕ್ಣೆಚ್ಯಾ ಕಲಾಕಾರಾಂ ಥಂಯ್ ಆಸ್ ಲ್ಲಿ ತರ್ ?

Read More »

ಬೊಟಾಪೊಂತಾರ್ ದೆಶಾಚಿ ವಾಟ್!

ಕೊಣೀ ಎಕ್ಲೊ ಆಮ್ಚೆಲಾಗಿಂ ವಾಟ್ ವಿಚಾರ್ತಾ ತರ್ ಆಮಿ ಫಕತ್ ವಾಟ್ ಸಾಂಗಜೆ ಮ್ಹಳ್ಳೆಖಾತಿರ್ ಮಾತ್ರ್ ಬೋಟ್ ಜೊಕ್ತಾಂವ್? ನಾ ಮು. ವಾಟ್ ಸಾರ್ಕ್ಯೆ ರಿತಿನ್ ಕಳಿತ್ ಆಸ್ಲ್ಯಾರ್ ಮಾತ್ರ್ ದಾಕಯ್ತಾಂವ್, ನಾ ತರ್ ಕಳಿತ್ ನಾ ಮ್ಹಣ್ತಾಂವ್. ಹೆಂ ಎಲಿಸಾಂವ್‌ಯೀ ತಶೆಂಚ್. ಕಳಿತ್ ನಾ ಮ್ಹಣ್ಚ್ಯಾಕ್ 'ನೋಟಾ' ಆಸಾ. ಪುಣ್ ವಾಟ್ ಕಳಿತ್ ನಾ ತರ್ ತಿ ಸಮ್ಜೊನ್ ದಾಕಂವ್ಚಿ ಜರೂರತ್ ಆಜ್ ಉದೆಲ್ಯಾ. ಕಿತ್ಯಾಕ್ ಮ್ಹಳ್ಯಾರ್ ತ್ಯೆ ವಾಟೆನ್ ಚಲ್ಚೆ ಆಮಿಂಚ್. ಧರ್ಮಾಕ್ ದಾಕವ್ನ್, ಧಾರ್ಮಿಕ್ ಸಿಂತಿಮೆಂತಾಂ ಚಾಳವ್ನ್, ಭಾವ್‌ಬಾಂದವ್ಪಣಾಚಿ ಹತ್ತ್ಯಾ ಕರುನ್, ಸಂವಿಧಾನಾಕ್ ಸಂಚಿಕಾರ್ ಹಾಡುಂಕ್ ಅಧಿಕಾರಾಕ್ ಯೇಂವ್ಕ್ ಉಡ್ಡೊಂಚ್ಯೆ ಪಾಡ್ತೆಕ್ ಆಮ್ಚ್ಯಾ ಲೊಕಾನ್ ತಾಂಚೊ ಜಾಗೊ ದಾಕಂವ್ಚಿ 'ತುರ್ತ್ ಪರಿಸ್ಥಿತಿ' ಆಜ್ ಆಮ್ಚೆಮುಕಾರ್ ಆಸಾ! ಆಮ್ಚ್ಯಾ ಬೊಟಾಪೊಂತಾರ್ ಆತಾಂ ದೆಶಾಚಿ ದಿಶಾ ಆಸಾ!

Read More »

ಧರ್ಮ್, ನಾಸ್ತಿಕ್‌ಪಣ್ ಇತ್ಯಾದಿ

ಎಕಾ ಪಂಗ್ಡಾಕ್ ಪಲ್ತಡಿ ವಚೊಂಕ್ ಆಸ್‌ಲ್ಲೆಂ. ಉಪ್ಯೆಂವ್ಕ್ ಕೊಣಾಕ್‌ಯೀ ಕಳಿತ್ ನಾತ್‌ಲ್ಲೆಂ. ತವಳ್ ಎಕ್ಲೊ ಪರ್ಕಿ ಹೊಡೆಂ ಘೆವ್ನ್ ಆಯ್ಲೊ ಆನಿ ತುಮ್ಕಾಂ ಪಲ್ತಡಿ ಪಾವಯ್ತಾಂ ಮ್ಹಣ್ ಸಾಂಗಾಲಾಗ್ಲೊ. ಸರ್ವಾಂಕ್ ಬಸೊನ್ ಆನಿ ಕಿತೆಂ ಹೊಡೆಂ ಒಚ್ಚಿತಾ ಮ್ಹಣ್ತಾನಾ ಎಕ್ಲ್ಯಾನ್ ಬೋಬ್ ಮಾರ್‍ಲಿ- ಅಳೆ ಹೊಡ್ಯಾಕ್ ಬುರಾಕ್ ಆಸಾ. ಉದಕ್ ಭಿತರ್ ಯೆತೇ ಆಸಾ. ತವಳ್ ಹೊಡ್ಯಾಂತ್ಲೆ ಥೊಡೆ ಮ್ಹಣಾಲೆ ಬುರಾಕ್ ಆಸ್ಲ್ಯಾರ್ ವ್ಹಡ್ ನಾ ಆಮ್ಕಾಂ ಹೊಡೆಂ ಮೆಳ್ಳಾಂ ನೆ ಪುರೊ. ತುಂ ಹೊಡ್ಯಾಗಾರಾಕ್ ಇನ್ಸಲ್ಟ್ ಕರಿನಾಕಾ. ಹೊಡ್ಯಾಚೆ ಬುರಾಕ್ ಧಾಂಪ್ಚೆ ಸೊಡ್ನ್, 'ಬುರಾಕ್ ಆಸಾ' ಮ್ಹಣ್ತಲ್ಯಾಚೆಂ ತೋಂಡ್ ಧಾಂಪವ್ಚೆಂಚ್ ಪ್ರೇತನ್ ಕೊಂಕ್ಣೆಂತ್ ಜಾತೇ ಆಸಾ. ಅಶೆಂ ಕೆಲ್ಯಾರ್ ಆಪಾಯ್ ಕೊಣಾಕ್?

Read More »

ಧರ್ಮ್ – ಜಾತಿಚ್ಯಾ ರಾಜಕಾರಣಾಕ್ ’ಕೊಂಕ್ಣೆ’ಚಿ ಬಲಿ ?

ಹಿಂದು, ಮುಸ್ಲಿಂ ಆನಿ ಕ್ರೀಸ್ತಾಂವ್ ತೀನ್ ಧರ್ಮಾಚ್ಯಾಂನಿ ಉಲಂವ್ಚಿ ಭಾಸ್ ಕೊಂಕ್ಣಿ ಮಾತ್. ದೆಕುನ್ ಕೊಂಕ್ಣಿ ತಿನೀ ಧರ್ಮಾಚ್ಯಾಂಕ್ ಎಕ್ವಟಾಂವ್ಚಿ ಭಾಸ್ – ಹೆಂ ಕೊಂಕ್ಣಿ ಭಾಶೆಚೆಂ ನವೆಂಚ್ ಡೆಫಿನಿಶನ್. ಕಾಂಯ್ ದೋನ್ ತೀನ್ ವರ್ಸಾಂ ಆದಿಂ ಭಾಸ್ ಆನಿ ಧರ್ಮಾಕ್ ಪಯ್ಸಾಪಯ್ಸ್ ಸಯ್ರಿಕ್ ನಾತ್ಲಿ. ಕೊಂಕ್ಣಿ ಭಾಸ್ ಮ್ಹಳ್ಯಾರ್ ಫಕತ್ ಕೊಂಕ್ಣಿ ಭಾಸ್, ಜಾಂವ್ಕ್ ಪುರೊ ಗೊಂಯಾಂತ್, ಕೇರಳಾಂತ್ ಉಲಂವ್ಚಿ, ಬರಂವ್ಚಿ ರೀತ್ ವೆಗ್ಳಿ ಆಸ್ಲಿ. ಪೂಣ್ ಖಂಯ್ಸರೀ …

Read More »

ಆರ್ಸೊ : ನವೆಂ ರೂಪ್ ನವೆಂ ಚಿಂತಪ್

ಹೆಂ ಸರ್ವ್ ಮತಿಂತ್ ದವರುನ್ ನಿಯಾಳ್ ಕರ್ತಾನಾ ಉದೆಲ್ಲೆಂ ಚಿಂತಪ್‌ಚ್ ಆರ್ಶ್ಯಾಂಚೆ ಹೆಂ ನವೆಂ ರೂಪ್. ವಿಚಾರ್, ಸಾಹಿತ್ಯ್ ಆನಿ ವಿಜ್ಞಾನ್- ಇತ್ಲೆಂ ಮತಿಂತ್ ದವರುನ್ ಹರ್ಯೆಕಾ ಮ್ಹಯ್ನ್ಯಾಚೊ ಅಂಕೊ ತಯಾರ್ ಜಾತೊಲೊ. ಎದೊಳ್ ಪರ್ಯಾಂತ್ ಪತ್ರಾಚೊ ಕಾರ್ಯಕಾರಿ ಸಂಪಾದಕ್ ಜಾವ್ನ್ ಆಸ್‌ಲ್ಲೊಂ ಹಾಂವ್, ಹ್ಯಾ ಅಂಕ್ಯಾಥಾವ್ನ್ ಆರ್ಸೊ ಪತ್ರಾಚೊ ಸಂಪಾದಕ್ ಜಾವ್ನ್ ವಾವುರ್ತಲೊಂ. ಎಚ್ಚೆಮ್ ಪ್ರಕಾಶಕ್ ಜಾವ್ನ್ ಆಸ್ತೊಲೊ. ಮ್ಹಜೆಸವೆಂ ಬಳ್ವಂತ್ ಕವಿ ಆಪ್ಲ್ಯಾ ರಾಜಕೀಯ್ ವಿಡಂಬನಾಂನಿ ಗುಮಾನ್ ವೊಡ್‌ಲ್ಲೊ ರೋಶು ಬಜ್ಪೆ ಸಹಸಂಪಾದಕ್ ಜಾವ್ನ್ ವಾವುರ್ತೊಲೊ. ತ್ಯಾ ಸವೆಂ ಸಮಾಜ್ ಆನಿ ಸಾಹಿತ್ಯಾವಿಶಿಂ ಬರೆಂಚ್ ಗಿನ್ಯಾನ್ ಆಸ್‌ಲ್ಲೆ ಆನಿ ಆಪ್ಲ್ಯೆ ಲಿಖ್ಣೆಚಿ ತಾಂಕ್ ಎದೊಳ್‌ಚ್ ಕೊಂಕ್ಣಿ ಸಂಸಾರಾಕ್ ಕಳಯಿಲ್ಲೆ ಸ್ಟ್ಯಾನಿ ಬೆಳಾ ಆನಿ ಮೆಲ್ವಿನ್ ಕೊಳಲ್‌ಗಿರಿ ಸಂಪಾದಕೀಯ್ ಮಂಡಳೆಂತ್ ಆಸ್ತೆಲೆ. ಆರ್ಸೊ ಪತ್ರ್ ಖಂಯ್ಚ್ಯಾಯ್ ಪತ್ರಾಕ್ ಸ್ಪರ್ಧೊ ನ್ಹಯ್. ಸಮಾಜೆಂತ್ ವ್ಹಡ್ ಕ್ರಾಂತಿ ಕರ್ತಾಂವ್, ಎದೊಳ್ ಕೊಣೀ ಕರಿನಾತ್ಲೆಬರಿ ಕರ್ನ್ ದಾಕಯ್ತಾಂವ್, ಕೊಂಕ್ಣೆಚಿ ವೊಮ್ತಿ ಉದಾರಿ ಸೆವಾ ಕರ್ತಾಂವ್ ಮ್ಹಳ್ಳಿ ಭ್ರಮಿದ್ ಆಮ್ಕಾಂ ನಾ. ವಾಸ್ತವಿಕ್ ಪ್ರಜ್ಞಾ ಆಸೊನ್, ಹೆಂ ಪತ್ರ್ ಆಮಾ ಸರ್ವಾಂಚಿ ಸಾಕ್ಶೆಜಾಗ್ ಮ್ಹಳ್ಳೆಬರಿ ರೂಪಿತ್ ಕರುಂಕ್ ಆಮ್ಚ್ಯೆ ತಾಂಕಿತೆಕೀದ್ ಪ್ರೇತನ್ ಚಾಲೂ ಆಸ್ತೆಲೆಂ.

Read More »
Share ...please don\'t COPY !