ಅಬಿಪ್ರಾಯ್ :

ಏಕ್ ಸಮುದಾಯ್ ಮ್ಹಳ್ಯಾರ್ - ಕಾಂಯ್ ಥೊಡೆ ಮುಕೆಲಿ, ಏಕ್ ದೋನ್ ಸಂಘಟನಾಂ ಆನಿ ಏಕ್ ದೋನ್ ಮಾದ್ಯಮಾಂ ಮಾತ್ ನ್ಹಯ್. ಸಮುದಾಯ್ ಮ್ಹಳ್ಯಾರ್ ತೋ ಸಗ್ಳ್ಯಾ ಲೊಕಾಚೊ, ತಾಂತು ದುಬ್ಳೊ, ಗಿರೇಸ್ತ್, ಲ್ಹಾನ್ ವ್ಹಡ್ ವೆಪಾರಿ, ದಾಕ್ತೆರ್, ಇಜ್ನೆರ್, ಮೇಸ್ತ್ , ಪಾದ್ರಿ - ಮಾದ್ರಿ , ಬಿಸ್ಪ್ ಸಗ್ಳೆ ಆಯ್ಲೆ.  ಭಂವ್ತಿ ಮೂಟ್‌ಭರ್ ಮುಕೆಲ್ಯಾಂಕ್, ಏಕ್ ದೋನ್ ಸಂಘಟನಾಂಕ್ ಆನಿ ಏಕ್ ದೋನ್ ಮಾದ್ಯಮಾಂಕ್ ಜಮೊ ಕರ್ನ್ ರೋಳ್ಣ್ ಬಾಂದುನ್ ಭಿತರ್ ಬಸೊನ್ ಕೊಣೆಂಯ್ ಆಪುಣ್ ಸಮುದಾಯಾಚೊ ಮುಕೆಲಿ ಮ್ಹಣೊಂಕ್ ಜಾಯ್ನಾ. ಏಕ್ ದೋನ್ ಸಂಘಟನಾಂಕ್ ದಾನ್ ದೀವ್ನ್ , ಏಕ್ ದೋನ್ ಇಗರ್ಜೊ ಬಾಂದುಂಕ್ ಕುಮಕ್ ಕರ್ನ್, ಕಾಂಯ್ ಥೊಡ್ಯಾ ಪತ್ರಾಂಕ್ ಜಾಯ್ರಾತ್ ದಿಲ್ಲೆಫರಾ ಸಗ್ಳಿ ದಿಯೆಸೆಜ್, ಬಿಸ್ಪ್, ಪಾದ್ರಿ, ಅಲ್ತಾರ್ ಭುರ್ಗೆ, ಮಿರ್ನ್ಯಾಮ್, ಸಿಸ್ಟರಾಂ, ಕಲಾಕಾರ್, ಬರಯ್ಣಾರ್, ಸಂಪಾದಕ್ ತಾಂಚೆ ಗುಲಾಮ್ ಮ್ಹಣೊಂಕ್ ಜಾಯ್ನಾ. ದುಡ್ವಾನ್ ಲೊಕಾಚೊ ಸ್ವಾಭಿಮಾನ್ ಮೊಲಾಕ್ ಘೆಂವ್ಕ್ ಸಾಧ್ಯ್ ನಾ.

ಜಿಕ್ಲ್ಯಾ ಉಪ್ರಾಂತೀ  ತಾಂಣೆ ಆಡ್‌ಪಾಂಯ್ ದಿಲೊ, ಹಾಂಣೆ ಆಡ್‌ಪಾಂಯ್ ದಿಲೊ ಮ್ಹಣ್ ಫಾರಿಕ್ಪಣ್ ಘೆಂವ್ಚೆಂ ನಾಗರಿಕ್ ಸಮಾಜೆಚೆಂ ಲಕ್ಷಣ್ ನಯ್ ,  ಮನ್ಶ್ಯಾಪಣ್ ಖಂಡಿತ್ ನಯ್.  ಕೊಣೆ ಆಡ್ ಪಾಂಯ್ ದಿಲ್ಯಾರೀ ಅರ್ಹತಾ ಆಸ್ಲೆಲ್ಯಾಕ್ ಶಾಣ್ಯಾ ಲೊಕಾನ್ ಜಿಕಯ್ಲಾ ಮ್ಹಳ್ಯಾ ಉಪ್ರಾಂತ್ ಆಡ್‌ಪಾಂಯ್ -  ಆಡ್‌ಹಾತ್ ದಿಲ್ಲ್ಯಾಂಕ್ , ಶಿಂತ್ರ್ಯೊ ಕೆಲ್ಲ್ಯಾಂಕ್ ಎದೊಳ್‌ಚ್ ಜಾಪ್ ಮೆಳ್ಳ್ಯಾ. ಆತಾಂ - ಆಡ್‌ಪಾಂಯ್ ದಿಲ್ಲ್ಯಾಂಕ್ ಮಾಧ್ಯಮಾಂನಿ ನಿರಂತರ್ ಖುರ್ಸಾರ್ ಮಾರ್ಚೆಂ ಪಳಯ್ತಾನಾ -  ತಾಂಕಾ ಆನಿ ಹಾಂಕಾ ಫರಕ್ ತರೀ ಕಿತೆಂ ? ಸಮಾಜೆಂತ್ ಲ್ಹಾನ್ ಮನಿಸ್ ಲ್ಹಾನ್ಪಣ್ ಪ್ರದರ್ಶನ್ ಕರುಂನ್‌ಚ್ ಆಸ್ತಾತ್, ಆನಿ ತಾಂಚ್ಯಾ ಲ್ಹಾನ್ಪಣ್ ಪ್ರದರ್ಶನಾವರ್ವಿಂ ತಾಣಿ ಖೊಂಡ್ಲೆಲ್ಯಾ ಫೊಂಡಾಂತ್ ತೇಚ್ ಪಡ್ತಾತ್. ವ್ಹಡ್ ಮನ್ಶ್ಯಾಂನೀಯ್ ತಾಂಚೆಪ್ರಾಸ್ ಚಡ್ ಲ್ಹಾನ್ಪಣ್ ಪ್ರದರ್ಶನ್ ಕರ್ನ್ ಫೊಂಡ್ ಖೊಂಡುಂಕ್ ಗೆಲ್ಯಾರ್ ತಾಕಾ ಖಂಡಿತ್ ಮೋಲ್ ನಾ. ಲೊಕಾನದ್ರೆನ್ ತೇಚ್ ಲ್ಹಾನ್ ಜಾತಾತ್.

ಸರ್ವ್ ಸುಧಾರಣ್ ಜಾಲ್ಲ್ಯಾ ಅಮೇರಿಕಾಂತೀ ಅಸೆಂ ಘಡ್ಟಾ.  ಕೋಣ್ ಕೋಣಾಕ್ ಚೊರ್ತಾ, ಲಿಪವ್ನ್ ದವರ್ತಾ ತಸೆಂ ಕಾನೂನಾಂಚ್ಯಾ ದೊಳ್ಯಾಂಕ್ ಕಿತೆಂಚ್ ಸಾವ್ಳಿ ಪರ್ಯಾಂತ್ ದಾಖಯ್ನಾ ಜಾತಾ.  ಹ್ಯಾ ಸುಧ್ರಾಲ್ಲ್ಯಾ ದೇಶಾಂತೀ ಸ್ತ್ರೀಯಾಂಚೆಂ ಅಪಹರಣ್ ಜಾತಾ, ತಾಂಚಿ ಚೊರಿ ಜಾತಾ, ರಸ್ತ್ಯಾರ್ ಚಲೊನ್ ವೆತಾನಾ ಕೋಣ್ ಪೆಲೊ ತಾಂಚೆರ್ ಬಲಾತ್ಕಾರ್ ಕರ್ತಾ, ತಾಂಚೆ ಪಯ್ಶೆ ಚೊರ್ತಾ, ತಾಂಕಾಂ ಮಾರ್ನ್ ಉಡಯ್ತಾ; ಹೆಂ ಸರ್ವ್ ಚಿಕಾಗೊಂತ್ ಸದಾಂನೀತ್ ಘಡೊನ್ಂಚ್ ಆಸಾ.  ಹಾಂಗಾಸರ್ ರಸ್ತ್ಯಾಂನಿ ಕ್ಯಾಮರಾ ಆಸಾತ್, ಪೋಲೀಸ್ ಸದಾಂನೀತ್ ದೀಸ್ ರಾತ್ ಅಸಲ್ಯಾ ಕ್ಯಾಮರಾಂನಿ ಕಿತೆಂ ರಸ್ತ್ಯಾರ್ ಘಡ್ಟಾ ಮ್ಹಳ್ಳೆಂ ದೊಳೆ ಉಗ್ತಾವ್ನ್ ಪಳೆವ್ನ್ಂಚ್ ಆಸಾತ್ ತರೀ ಹ್ಯಾ ದೇಶಾಂತ್ ಸರ್ವ್ ಹೆರ್ ದೇಶಾಂಪರಿಂ ಸ್ತ್ರೀಯಾಂಚೆರ್ ಜಾಂವ್ಚೊ ಬಲತ್ಕಾರ್ ಲಜೆಕ್ ಘಾಲುಂಕ್ ಪಾವ್ತಾ.

ಆಮಿ ಖಂಯ್ಚಿ ಮಾಹೆತ್ ಕಿತ್ಯಾಕ್ ವಿಚಾರ್ಲ್ಯಾ ಮ್ಹಳ್ಳ್ಯಾ ವಿಷಯಾಚೆರ್ ಸಬಾರ್ ತೊಂದ್ರೆ ಸಾರ್ಕೆ ಜಾತಾತ್.  ರೇಶನ್ ಕಾರ್ಡ್ ವಾ ಪಾಸ್‌ಪೋರ್ಟ್ ಅರ್ಜಿ ಖಂಯ್ಛ್ಯಾ ಹಂತಾರ್ ಆಸಾ ಮ್ಹಣೊನ್ ವಿಚಾರ್‌ಲ್ಲ್ಯಾ ತಕ್ಷಣ್ ತೆಂ ಆಮ್ಕಾಂ ಮೆಳ್ತಾ.  ಮಾರೊಗ್ ರಿಪೇರಿ ಕರುಂಕ್ ಕಿತ್ಲೊ ದುಡು ಖರ್ಚಾಲಾ ಹ್ಯಾ ವಿಶಿಂ ವಿವರ್ ವಿಚಾರ್‌ಲ್ಲ್ಯಾ ವಗ್ತಾ ರಿಪೇರಿ ಕಾಮ್ ಪ್ರಾರಂಭ್ ಕೆಲ್ಲಿಂ ಸಬಾರ್ ನಿದರ್ಶನಾಂ ಆಸಾತ್.  ದೆಕುನ್ ಮಾಹೆತ್ ವಿಚಾರ್ಚ್ಯಾ ಮಾರಿಫಾತ್ ಸರ್ಕಾರಾಕ್ ಸವಾಲ್ ಕರ್ಚೆಂ ಮಹತ್ವಾಚೆಂ ಕಾಮ್ ಜಾವ್ನಾಸಾ.  ಮಾಹೆತ್ ಕಾಯ್ದೊ ವಾಪಾರ್ನ್ ಭ್ರಷ್ಟಾಚಾರ್ ಆನಿ ದುಷ್ಕ್ರತ್ತ್ಯಾಂ ಉಗ್ಡಾಪೆಂ ಕೆಲ್ಯಾರ್ ವಿಜಿಲೆನ್ಸ್ ಸಂಸ್ಥಾ ಕ್ ವ ಸಿ.ಬಿ.ಐ.ಕ್ ದೂರ್ ದಿವ್ಯೆತ್ ವ ಪ್ರಥಮ್ ವರ್ತಮಾನ್ ವರ್ದಿ ದಾಖಲ್ ಕರ್ಯೆತ್.

ಆಜ್ ಮ್ಹನಿಸ್ ಆಪ್ಲ್ಯಾ ಭೊಂವಾರಾಚೆಂ ಬಾಳ್ ಮ್ಹಳ್ಳೆಂ ವಿಸ್ರೊನ್ ಗೆಲ್ಲೆ ಬರಿಂ ಭಗ್ತಾ. ಚಾಂದ್ಣೆ, ಸುರ್ಯಾಚೊ ಉದೆವ್, ಬುಡೊಣ್, ಪಯ್ಲ್ಯಾ ಪಾವ್ಸಾಚಾ ದುಸ್ರ್ಯಾ ದಿಸಾಚ್ ಕಿರ್ಲೊಂಚೆ ನಾಜೂಕ್ ತಣ್, ಭಿಂ ಮುಂಗೊ ಜಾಂವ್ಚೆ ಅಜ್ಯಾಪ್, ಖಡ್ಪಾಂ ಮಧೆಂಯ್ ವಾರ‍್ಯಾ ಝೊಡಾಚಿ, ಪಾವ್ಸಾ ವೊತಾಚಿ ಪರ್ವಾ ನಾಸ್ತಾಂ ಉಬ್ಜೊಂಚೊ ಜೀವ್. ಜೀವ್ ಝಡ್ ಜಾವ್ನ್, ಝಡ್ ರೂಕ್ ಜಾವ್ನ್ ವಾಡ್ಚೆಂ ಅರ್ಗಾಂಟ್‌ಪಣ್, ಕಾಳಾ ಕಾಳಾರ್ ಜಾಂವ್ಚಾ ಋತುಂಚೆ ಬದ್ಲಾಪ್, ಅಂತ್ರಳಾಂ ವಯ್ಲಿಂ ಅಜ್ಯಾಪಾಂ ದೆಕ್ಚಿಂ ವ, ದೆಕೊನ್ ಆಮ್ಕಾಂಚ್ ವಿಸ್ರೊನ್ ವೆಚೆ ಶೆಂಭರೊಂ ಸಂಧರ್ಬ್ ಆಮಿಂ ಹೊಗ್ಡಾವ್ನ್ ಘೆತ್ಲ್ಯಾತ್. ಆಮ್ಚಾ ಮಧೆಂ ಸಬಾರಾಂಕ್ ಭೊಂವಾರ್ ಮ್ಹಳ್ಯಾರ್ ಕಿತೆಂ ಮ್ಹಣ್ ಕಳಿತ್ ನಾ, ಆಸ್ಲ್ಯಾರೀ ಗರಜ್ ನಾ. ಭೊಂವಾರ್ ಮ್ಹಳ್ಯಾರ್ ಫಕತ್ ರೂಕ್, ಝಾಡಾಂ, ವ್ಹಾಲಿ ನ್ಹಂಯ್. ತಿ ಏಕ್ ವೆವಸ್ತಾ.

ಪಾಂಗ್ಳಾಚ್ಯಾ ಗಾಂವಾಂತ್ ಮ್ಹಾಕಾ ಆನಿ ದುಜೆಕ್ ಭಾಬಾವ್ ಮ್ಹಣ್ಂಚ್ ಒಳ್ಕಾತೆಲೆ. ಆಮ್ಚ್ಯಾ ಘರಾಂತ್ಲ್ಯಾ ದುಬ್ಳಿಕಾಯೆನ್ ಆನಿ ಕಶ್ಟಾಂನಿ  ಅಮ್ಕಾಂ ಭಾಭಾವ್ ಕೆಲ್ಲೆಂ ಜಾವ್ಯೆತ್. ಪೂಣ್ ತೋ ವೆಗಿಂಚ್ ಸೆಮಿನರಿಕ್ ಗೆಲೊ. ಪಯ್ಲೆಂ ಥೊಡೊ ತೇಂಪ್ ಹಾಯ್ದರಾಬಾದ್ ಶಿಕೊನ್ ಉಪ್ರಾಂತ್ ಮಂಗ್ಳುರ್ ಜೆಪ್ಪು ಸೆಮಿನರಿಂತ್ ಭರ್ತಿ ಜಾಲೊ. ಹಾಂವ್ ಪಿಯುಸಿ ಸಂಪವ್ನ್  ದಾರ್ಜಿಲಿಂಗ್  ಪಾವ್ಲೊಂ ಆನಿ ಸೆಮಿನರಿಂತ್ ಭರ್ತಿ ಜಾಲೊಂ. ಪೂಣ್ ತೀನ್ ವರ್ಸಾಂನಿ ಹಾಂವ್ ಪಾಟಿಂ ಆಯ್ಲೊಂ. ದಾರ್ಜಿಲಿಂಗ್ ಥಾವ್ನ್ ಪಾಟಿಂ ಆಯ್ಲ್ಯಾ ಉಪ್ರಾಂತ್ ಥೊಡೊ ತೇಂಪ್ ಹಾಂವ್ ಪಾಂಗ್ಳಾಂತ್ ಆಸ್ಲೊಂ. ತವಳ್ ದುಜೆನ್ ಆನಿ ಹಾಂವೆ ಸಾಯ್ಕಾಲಾರ್ ಕಾಪು, ಪಾಂಗಾಳಾ ದರ್‌ಯಾವೆಳೆರ್ ತಸೆಂ ಕಟ್ಪಾಡಿ ಪೆಂಟೆಂತ್ ಭಂವ್ಡ್ಯೊ ಮಾರ್ಚ್ಯೊ ಆಸ್‌ಲ್ಲ್ಯೊ. ಶಾಳೆಂತ್ಲ್ಯಾ ಆಮ್ಚ್ಯಾ ವರ್ಗ್‌ಮಿತ್ರಾಂಕ್ , ಸಯ್ರ್ಯಾಕ್ ಮೆಳ್ಚೆಂ ಆಸ್‌ಲ್ಲೆಂ.

ಆರ್ವಿಲ್ಯಾ ವರ್ಸಾಂನಿ ಕೊಂಕ್ಣಿ ಭಾಷೆಚೆರ್ ಜ಼ಾಂವ್ಚೊ ವಿವಿದ್ ರಿತಿಚೊ ಪ್ರಹಾರ್ ಪಳೆವ್ನ್ ಬುದ್ವಂತ್ ಮ್ಹಣ್ ವೊಲಾವ್ನ್ ಆನಿ ತೆಲಾವ್ನ್ ಘೆತ್‌ಲ್ಲೆ ಆಮಿ ಆಮ್ಚಿಂ ತೊಂಡಾ ಬಂದ್ ಕರುನ್ ಆಸಾಂವ್ ತೆಂ ಚಿಂತಾನಾ ಬಾರಿಚ್ ಬೆಜ಼ಾರಾಯ್ ಭೊಗ್ತಾ.  ಆಮ್ಚಿ ಕೊಂಕಣಿ ಉಲಂವ್ಚಾ ಕ್ರಿಸ್ತಾಂವಾಂಚಿ ವಿಂಗಡ್‌ಚ್ ಚಿಂತ್ಪಾ ಸಂಸ್ಕ್ರತಿ. ಆಮ್ಚಾ ಮುಕಾರ್, ಆಮಿ ಕೊಂಕ್ಣೆಕ್ ಉದ್ದಾರ್ ಕರ್ಚೆ ವ ಸೆವಾ ಕರ್ಚೆ ಮ್ಹಣ್ ಸಾಂಗೊನ್ ನಾಂವ್ ಜ಼ೊಡುಂಕ್ ಆನಿ ತ್ಯಾ ನಾಂವಾನ್ ಪೈಶೆ ಕಮಾಂವ್ಕ್ ಪ್ರಯತನಾಂ ಕರ್ತೆಲ್ಯಾಂಚಿ ಪಟ್ಟಿ ಚಡಾತ್ತ್ ವೆತಾ. ಪೂಣ್ ಆಮ್ಚೆಂ ಕಿತೆಂ ವೆತಾ ? ಕೊಣಿ ಕಾಟಾಂತ್ ಪಡೊಂದಿತ್! ಹಿ ಆಮ್ಚಿ ಚಿಂತ್ಪಾ ಸಂಸ್ಕೃತಿ.

ಆಜ್ ಕಾಲ್ ಎಕಾ ವ್ಯಕ್ತಿಚೊ ಮೋಗ್ ಕರ್ಚೊಗೀ ನಾಕಾಗೀ ಮ್ಹಣ್ ನಿರ್ಧಾರ್ ಕರ್ಚ್ಯಾ ಪಯ್ಲೆ೦ ತಾಚೆಸ೦ಗಿ ಡೇಟಿರ್ ವೊಚೊಂಕ್ ಆಸಾ. ಸೆಕ್ಸ್ ಕರು೦ಕ್ ಆಸಾ. ಉಪ್ರಾ೦ತ್ ಮೋಗ್, ಆನಿ ತಾಚ್ಯಾ ಉಪ್ರಾ೦ತ್ ದೆವಾನ್ ರಾಕ್ಲ್ಯಾರ್ ಕಾಜಾರ್. ಅಸಲ್ಯೊ ಡೇಟ್ಸ್ ಪಾ೦ಚ್ ಥಾವ್ನ್ ವೀಸ್ ಪರ್ಯಾನ್ ವಚೊಂಕ್ ಪುರೊ. ವೀಸ್ ಡೇಟಿ೦ಚೆರ್ ವೊಚೊನ್ ಯಿ, ಆಪ್ಣಾಕ್ ಸರಿ ಜಾಲ್ಲೊ ಸಾ೦ಗಾತಿ ಮೆಳಾನಾತ್ಲ್ಯಾ ಥೊಡ್ಯಾ೦ಕ್ ಹಾ೦ವ್ ವೊಳ್ಕಾತಾ೦.

ಧಾ ವರ್ಸಾಂ ಆದಿಂ ಹೆ ಭಾಭಾವ್ ಅಮೇರಿಕಾಕ್ ಚೆಚೆನ್ಯಾ ಥಾವ್ನ್ ಆಯಿಲ್ಲೆ.  ಧಾಕ್ಟ್ಯಾಕ್ ಗೆಲ್ಯಾ ಸಪ್ತೆಂಬರ್ ಇಕ್ರಾವೆರ್ ಅಮೇರಿಕಾಚೆಂ ಸಿಟಿಜನ್‍ಶಿಪ್ ಮೆಳ್‍ಲ್ಲೆಂ.  ತಸೆಂ ದುಸ್ರೊ ಬಾಕ್ಸರ್ ಜಾವ್ನಾಸ್‍ಲ್ಲೊ ಆನಿ ಆಪ್ಣಾಕ್ ಅಮೇರಿಕಾ ಬರೇಂ ಲಾಗ್ತಾ ಮ್ಹಣ್ ಈಶ್ಟಾಂಲಾಗಿಂ ಸಾಂಗೊನ್ ಆಸ್‍ಲ್ಲೊ.  ಧಾಕ್ಟೊ ಭಾವ್ ಶಿಕ್ಪಾಂತ್ ಹುಶಾರ್ ಆಸೊನ್ ಮಾತ್ಸೊ ಥಂಡ್ ಮನಿಸ್; ತಾಕಾ ದಾಖ್ತೆರ್ಗಿ ಕರುಂಕ್ ಮನ್ ಆಸ್‍ಲ್ಲೆಂ.  ವ್ಹಡ್ಲೊ ಭಾವ್ ಕಾಜಾರ್ ಜಾವ್ನ್ ತಾಕಾ ಏಕ್ ಲ್ಹಾನ್ ಚೆಡುಂ ಭುರ್ಗೆಂ ಆಸ್‍ಲ್ಲೆಂ.

ಆಪುಣ್ ಸಾಹಿತಿ ದೆಕುನ್ ಮ್ಹಜೆಂ ಸಾಹಿತ್ ವಾಚಿನಾತ್ಲೆ ಕೊಂಕ್ಣಿ ಮೋಗಿ ನ್ಹಂಯ್, ಆಪುಣ್ ಸಂಗೀತ್ ಗಾರ್ ದೆಕುನ್ ಮ್ಹಜೆಂ ಸಂಗೀತ್ ಆಯ್ಕಾನಾತ್ಲೆ ಕೊಂಕ್ಣಿ ಮೋಗಿ ನ್ಹಂಯ್, ಮ್ಹಜೆ ಬೂಕ್, ಮ್ಹಜೆ ಸಿಡಿ ವಿಕುನ್ ವಚಾನಾತ್ಲ್ಯಾರ್ ಭಾಸ್ ಮೊರ್ತಾ ಮ್ಹಣ್ಚೆಂ ಬೋವ್ ಬಾಲಿಶ್ ಜಾತಾ. ದಾಯ್ಜಿ ದುಬಯ್ ವಾ ಜಾಯ್ತ್ಯಾ ಗಲ್ಫಾಚ್ಯಾ ಕೊಂಕ್ಣಿ ಸಂಘಟಾನಾಚ್ಯಾ ಮ್ಹನ್ಶ್ಯಾಂನಿ ಸಾಂಗ್ಚೆಂ ಆಸಾ-" ಥೊಡ್ಯಾ ತೆಂಪಾ ಆದಿಂ ಗಲ್ಫಾಚೊ ಲೋಕ್ ಕೊಂಕ್ಣಿ ಮ್ಹಳ್ಯಾರ್ ಕಾಂಠಾಳ್ತಾಲೊ. ಪೂಣ್ ಆತಾಂ ತಾಂಕಾಂ ಆಪುಣ್ ಕೊಂಕ್ಣಿ ಮ್ಹನಿಸ್ ಮ್ಹಣ್ ವೊಳೊಕ್ ಕರುನ್ ದೀಂವ್ಕ್ ಹೆಮ್ಮೆ ಭೊಗ್ತಾ.  ಕೊಂಕ್ಣಿ ಕಾರ್ಯಾಕ್ ಲೋಕ್ ಯೆತಾ".

ವಿಡಿಯೊ ಸಂದರ್ಶನ್ :

ಮಂಗ್ಳುರ್ಚೊ ಲೋಕ್ ಶಾಂತಿ ಆಶೆತಾ , ದೆಕುನ್ ತಾಂಣಿ ಕೊಂಗ್ರೆಸ್ ವಿಂಚ್ಲಾಂ - ಜೆ. ಆರ್. ಲೋಬೊ

ಮಂಗ್ಳುರ್ ದಕ್ಷಿಣ್ ವಿದಾನ್‌ಸಭಾ ಕ್ಷೇತ್ರಾಥಾವ್ನ್ 12,000 ಪ್ರಾಸ್ ಚಡಿತ್ ಮತಾಂನಿ ಚುನಾಯಿತ್ ಜಾಲ್ಲ್ಯಾ ಜೆ. ಆರ್. ಲೋಬೊ ಹಾಂಚೆಲಾಗಿಂ ಬೆಳ್ಳೆವಿಷನ್ ಹ್ಯಾ ಅಂತರ್ಜಾಳಿ ಖಾತಿರ್, ಸಂಸಾರ್‌ಭರ್ ವಿಸ್ತಾರ್ಲೆಲ್ಯಾ ಕರ್ನಾಟಕಾಚ್ಯಾ ಸರ್ವ್ ಲೊಕಾಕ್ ಸಂದೇಶ್ ಪಾವೊಂ ಮ್ಹಳ್ಳ್ಯಾ ಇರಾದ್ಯಾನ್ , ಕನ್ನಡ ಭಾಶೆಂತ್  ಘೆತ್‌ಲ್ಲೆಂ ಸಂದರ್ಶನ್. [ ವಿಡಿಯೊ ಕುರ್ಪಾ : ಬೆಳ್ಳೆವಿಷನ್.ಕೊಮ್ ]

  [5 Comments]

ಮುಕಾರ್ ವಾಚ್ >>