Trending Now

ವಿಶ್ವ ಕೊಂಕಣಿ ಸಂಗೀತ ನಾಟಕ ಅಕಾಡೆಮಿ : ಗೊಯಾಂತ ‘ವಿಶ್ವ ಕೊಂಕಣಿ ನಾಟಕ ಮಹೋತ್ಸವ’

ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನ ವಿಶ್ವ ಕೊಂಕಣಿ ಕೇಂದ್ರ ಆನಿ ಗೋಂಯ ರಾಜ್ಯ ಸರಕಾರ ಸಹಯೋಗಾನ 4 ದಿವಸಾಚೆ ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ದಿ. 31-01-2020 ಥಾವನ 3-02-2020 ಮೆರೆನ ರಾಜೀವಗಾಂಧಿ ಕಲಾ ಮಂದಿರ, ಪೋಂಡಾ, ಗೋಂಯ ಹಾಂಗಾ ಚಲ್ಲೆಂ. 4 ದಿವಸ ಪರ್ಯಂತ ಪ್ರತಿ ದಿವಸ ಸಂಜೆ 6.30 ಕ ನಾಟಕ ಪ್ರದರ್ಶ ಜಾಲೆಂ. ಕೊಂಕಣಿ ನಾಟಕ ಕ್ಷೇತ್ರಾಚೆ ನಾಮನೆಚೆ ಶ್ರೀಮತಿ ಕಮಲಾದೇವಿ ಚಟ್ಟೋಪಾಧ್ಯಾಯ, ಶ್ರೀ ರಮಾನಂದ ಚೂರ್ಯ, ಶ್ರೀ ಚಾ.ಫ್ರಾ.ಡಿಕೋಸ್ತಾ ಆನಿ ಶ್ರೀ ಹೊಸಾಡ ಬಾಬುಟಿ ನಾಯಕ್ ಹಾಂಗೆಲೆ ಸ್ಮರಣಾರ್ಥ ಜಾವನ ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಚಲೆಂ.

ದಿ. 31-01-2020 ತಾರ್ಕೆರ ಸಂಜೆ ಗ. 6.30 ಕ ಗೊಂಯ ಸರಕಾರಾಚೆ ಕಲಾ ಆನಿ ಸಂಸ್ಕೃತಿ ಕ್ಷೇತ್ರಾಚೆ ಮಾನ್ಯ ಮಂತ್ರಿ ಶ್ರೀ ಗೋವಿಂದ ಗಾವಡೆ ಹಾನ್ನಿ ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಉದ್ಘಾಟನ ಕೆಲೆಂ. ಮುಖೇಲ ಸೊಯರೆ ಜಾವನ ನಾಮನೆಚೆ ಸಾಹಿತಿ, ನಾಟಕಕಾರ ಆನಿ ನಾಟಕ ನಿರ್ದೇಶಕ ಶ್ರೀ ಪುಂಡಳೀಕ ಎನ್. ನಾಯಕ ಆನಿ ಗೊಂಯಚೆ ನಾಮನೆಚೆ ‘ಅಂತ್ರುಜ್ ಲಲಿತಕ್ ‘ ನಾಟಕ ಪಂಗಡಾಚೆ ಅಧ್ಯಕ್ಷ ಶ್ರೀ ವಿಜಯಕಾಂತ ನಮಶೀಕರ, ರಾಜೀವಗಾಂಧಿ ಕಲಾಮಂದಿರಾಚೆ ಉಪಾಧ್ಯಕ್ಷ ಶ್ರೀ ಶಾಂತಾರಾಮ ಕೊಲ್ವೇಕರ, ರಾಜೀವಗಾಂಧಿ ಕಲಾಮಂದಿರ ಸದಸ್ಯೆ ಆನಿ ಕಾರ್ಯದರ್ಶಿ ಶ್ರೀಮತಿ ನೇಹಾ ಎ. ಎನ್. ಪನವೇಲಕರ ಕಾರ್ಯಕ್ರಮಾಂತ ಉಪಸ್ಥಿತ ಆಶಿಲಿಂಚಿ.

ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಪ್ರಾಸ್ತಾವಿಕ ಉತ್ರಂ ಉಲಯಿಲಿಂಚಿ. ವಿಶ್ವ ಕೊಂಕಣಿ ನಾಟಕ ಅಕಾಡೆಮಿ ಚೆಯರ್‌ಮೆನ ಡಾ. ಸಿ.ಎನ್. ಶೆಣೈ, ವಿಶ್ವ ಕೊಂಕಣಿ ನಾಟಕ ಮಹೋತ್ಸವದ ಮುಖೇಲ ಸಂಚಾಲಕ ಶ್ರೀಧರ ಕಾಮತ ಬಾಂಬೋಲಕರ ಉಪಸ್ಥಿತ ಆಶಿಲಿಂಚಿ.

ದಿ. 31-01-2020 ತಾರ್ಕೆರ ಮಂಗಳೂರಚೆ ಅಸ್ತಿತ್ವ (ರಿ), ಮಂಗಳೂರು ಪಂಗಡಾ ಥಾವನ ಪ್ರಸ್ತುತ ಕೆಲ್ಲಲೆ ಶ್ರೀ ಡೆನ್ನಿಸ್ ಮೊಂತೆರೊ ನಿರ್ದೇಶನಾಚೆ ‘ಅಂಕ್ವಾರ ಮೇಸ್ತ್ರಿ’ ಕೊಂಕಣಿ ನಾಟಕ ಪ್ರದರ್ಶನ ಜಾಲೆಂ, ದಿ.01-02-2020 ತಾರ್ಕೆರ ಮುಂಬಯಿಚೆ ಗುರುಕೃಪಾ ಕಲಾರಂಗ, ಅಮ್ಮಿ ರಂಗ ಕರ್ಮಿ ಪಂಗಡಾ ಥಾವನ ಪ್ರಸ್ತುತ ಕೆಲ್ಲಲೆ ಡಾ. ಸಿ.ಎನ್. ಶೆಣೈ ನಿರ್ದೇಶನಾಚೆ ‘ಏಕ ಆಶಿಲೊ ರಾಯು’ ಕೊಂಕಣಿ ನಾಟಕ ಪ್ರದರ್ಶನ ಜಾಲೆಂ, ದಿ.02-02-2020 ತಾರ್ಕೆರ ಕೇರಳಚೆ ಕೊಚ್ಚಿನ್ ಕಲಾಕ್ಷೇತ್ರ, ಗೋ ಶ್ರೀಪುರಮ್ ಕೊಚ್ಚಿ ಪಂಗಡಾ ಥಾವನ ಪ್ರಸ್ತುತ ಕೆಲ್ಲಲೆ ಶ್ರೀ ಎಲ್. ಕೃಷ್ಣ ಭಟ್ ನಿರ್ದೇಶನಾಚೆ ‘ಜಗಲೇವಯಲೊ ಹನುಮಂತು’ ಕೊಂಕಣಿ ನಾಟಕ ಪ್ರದರ್ಶನ ಜಾಲೆಂ, ದಿ.03-02-2020 ತಾರ್ಕೆರ ಗೊಂಯಚೆ ‘ಅಂತ್ರುಜ್ ಲಲಿತಕ್’ ಪಂಗಡ ಥಾವನ ಪ್ರಸ್ತುತ ಕೆಲ್ಲಲೆ ಶ್ರೀಧರ ಕಾಮತ ಬಾಂಬೋಲಕರ್ ನಿರ್ದೇಶನಾಚೆ ‘ಸುವಾರಿ’ ಕೊಂಕಣಿ ನಾಟಕ ಪ್ರದರ್ಶನ ಜಾಲೆಂ.

ತಶೀಂಚಿ ದಿ.03-02-2020 ತಾರ್ಕೆರ ಸಂಜೆ ಗಂ. 6.30 ಕ ಸಮಾರೋಪ ಸಮಾರಂಭ ಕಾರ್ಯಕ್ರಮ ಚಲೆಂ. ಕೊಂಕಣಿ ಭಾಸ ಉಲೊವಚೆ ಗೋಂಯ, ಕರ್ನಾಟಕ, ಮಹಾರಾಷ್ತ್ರ ಆನಿ ಕೇರಳ ರಾಜ್ಯ ಪ್ರತಿನಿಧಿತ್ವರ ಆಸುಚೆ ಹ್ಯಾ 4 ನಾಟಕ ಪಂಗಡಾಂನಿ ತಾಂಗೆಲ ತಾಂಗೆಲ ಪ್ರದೇಧಾಚೆ ನಾಟಕ ಕಲಾ ತಾಂಗೆಲೆ ಪ್ರಾದೇಶಿಕ ಸುಂದರ ಸಂಗೀತ ಆನಿ ರಂಗ ಸಜ್ಜಿಕಾ ಒಟ್ಟುಚಿ ಪ್ರದರ್ಶನ ಜಾಲೆಲೆ 4 ದಿವಸಾಚೆ ‘ವಿಶ್ವ ಕೊಂಕಣಿ ನಾಟಕ ಮಹೋತ್ಸವ’ ಗೋಂಯ, ಕೇರಳಾ, ಮುಂಬಯಿ, ಮಂಗಳೂರು ಆನಿ ಲಾಗಿ ಆಸುಚೆ ಕೊಂಕಣಿ ನಾಟಕ ಕಲಾ ರಸಿಕಾಂಕ ಮಸ್ತ ಇತಲೆ ಖುಷಿ ದಿಲೆಂ.

 

Leave a Reply

Your email address will not be published. Required fields are marked *

*

code

Please Share....Don\\\'t Copy!