Trending Now

ವಿಶ್ವ ಕೊಂಕಣಿ ಕೇಂದ್ರ : ಕ್ಷಮತಾ ಯುವ ಸಮಾವೇಶ ಆನಿ ಪ್ರೇರಣಾ ಸಮಾವೇಶ 2020

ವಿಶ್ವ ಕೊಂಕಣಿ ಕೇಂದ್ರ ವತೀನ ಕ್ಷಮತಾ ಯೋಜನೆರಿ ಕರಾವಳಿ ಜಿಲ್ಲೆಚಾ ಕಾಲೇಜ ಆನಿ ಪದವಿ ಪೂರ್ವ ವಿದ್ಯಾರ್ಥಿಂಕ ಪದವೀಧರಾಂಕ ಉದ್ಯೋಗ ಸಾಮರ್ಥ್ಯ ವೃದ್ಧಿ ಜಾವಚಾಕ ಸಹಾಯ ಜಾವಚೆ ತಶಿ ಮುಂಬಯಿ ಜ್ಯೋತಿ ಲ್ಯಾಬೊರೆಟರೀಸ ಸಂಸ್ಥೆ (ಉಜಾಲಾ) ಜಂಟಿ ಆಡಳಿತ ನಿರ್ದೇಶಕ ಆನಿ ಸಿ. ಇ. ಒ. ಶ್ರೀ ಉಲ್ಲಾಸ ಕಾಮತ್ ಹಾನ್ನಿ ರೂಪಿಸಿಲೆ ‘ಕ್ಷಮತಾ ಯು ಗೆಟ್ ಇನ್’ ಯೋಜನಾ ಸಮಾವೇಶ ಮಂಗಳೂರಾಂತ ದಿ. 06.03.2020 ತಾರ್ಕೆರ ಟಿ. ವಿ. ರಮಣ ಪೈ ಕಾನ್ವೆನ್‌ಶನ ಸಭಾಂಗಣ ಕೊಡಿಯಾಲ ಬೈಲ್ ಹಾಂಗಾ ಚಲ್ಲೆಂ. ಹೆಂ ಸಮಾವೇಶ ವಿಶ್ವ ಕೊಂಕಣಿ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈನ ಉಗ್ತಾವಣ ಕೆಲೆಂ.

ಯುವಜನತೇಕ ಶಿಕ್ಷಣ ಜ್ಞಾನಾಚೆ ಸಾಂಗಾತಾಕ ಜ್ಞಾನ, ಕೌಶಲ ಆನಿ ಉತ್ತಮ ವ್ಯಕ್ತಿತ್ವ ಆಪಣಾವನ ಘೆತಲ್ಯಾರಿ ಯಶ ಪಾವಚಾಕ ಸಾಧ್ಯ ಜಾತ್ತಾ. ಅಶಿಂ ಕ್ಷಮತಾ ಯು ಗೆಟ್ ಇನ್ ಯೋಜನಾ ಮುಖೇಲ ಶ್ರೀ ಉಲ್ಲಾಸ ಕಾಮತನ ಸಾಂಗುನು ವಿದ್ಯಾರ್ಥಿಂಕ ಉಪನ್ಯಾಸ ದಿಲೆಂ.

ಉದ್ಯೋಗು ಆನಿ ಉದ್ಯಮಾಕ ಶಿಕ್ಷಣ ಅತ್ಯವಶ್ಯಕ ಜಾವನ ಆಸಾ. ಜಾಲ್ಯಾರಿ ಶಿಕ್ಷಣಾ ಪಶಿ ಚಡ ಪ್ರಾಮುಖ್ಯತಾ ಜ್ಞಾನಾಕ ಆಸ್ಸ. ತಶೀಂಚಿ ಸಾಧನ ಕರಕಾ ಜಾಲ್ಯಾರಿ ಪಯಲೆ ಆಮ್ಹಿ ಆಮಕಾ ಆಸಚೆ ಅನುಕೂಲಕರ ವಾತಾವರಣಾ ತಾಕುನ (ಕಂಫರ್ಟ ಝೋನ್) ಭಾಯರ ಯೆವಕಾ. ಆಮಗೆಲೆ ಜೀವನ ಆಮ್ಹೀಚಿ ಬಾಂದುಚಾಕ ಶ್ರಮ ಘೆವನ ವಾವರ ಕರಕಾ. ಜೀವನಾಂತ ವೈಫಲ್ಯ ಆಮಕಾ ಏಕ ಪಾಠ ಜಾತಾ. ಜಾಲ್ಯಾರಿ ತೇಚಿ ವೈಫಲ್ಯ ವಾಪಸ ವಾಪಸ ಜೀವನಾಂತ ಜಾವಚಾಕ ನಜ್ಜ ಪ್ರಯತ್ನ ಕೆಲ್ಯಾರಿ ಜಯ ನಿಶ್ಚಿತ. ಖಂಚೆಯ ಪ್ರಶಂಸಾ ಆಮ್ಹಿ ಹಾಸುನುಚಿ ಆಪಣಾವನ ಘೆವಕಾ ತೆದನಾ ಆಮಗೆಲೆ ನಿಜ ಜೀವನ ಆಮಕಾ ಕಳತಾ ಅಶಿಂ ಮಸ್ತ ಇತಲೆ ಉಪಯುಕ್ತ ಸಲಹಾ ದಿಲೆಂ.

ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ, ಉಪಾಧ್ಯಕ್ಷ ಶ್ರೀ ಗಿಲ್ಬರ್ಟ್ ಡಿಸೋಜಾ, ಖಜಾಂಚಿ ಶ್ರೀ ಬಿ. ಆರ್. ಭಟ್, ಕಾರ್ಯದರ್ಶಿ ಶ್ರೀ ಸಿ. ಎ. ನಂದಗೋಪಾಲ ಶೆಣೈ, ಶ್ರೀ ಬಿ. ಪ್ರಭಾಕರ ಪ್ರಭು, ಕೇರಳ ಕೊಂಕಣಿ ಅಕಾಡೆಮಿ ಆದಲೆ ಅಧ್ಯಕ್ಷ ಶ್ರೀ ಪಯ್ಯನೂರು ರಮೇಶ ಪೈ, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇಥನ ನಿಧಿ ಅಧ್ಯಕ್ಷ ಶ್ರೀ ರಾಮದಾಸ ಕಾಮತ ಯು, ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ಉಪಸ್ಥಿತ ಆಶಿಲಿಂಚಿ. ವಿಶ್ವ ಕೊಂಕಣಿ ಕೇಂದ್ರ ನಿರ್ದೇಶಕ ಶ್ರೀ ಗುರುದತ್ ಬಂಟ್ವಾಳಕರ ನ ಸ್ವಾಗತ ಕೆಲೆಂ.’ಕ್ಷಮತಾ ಯು ಗೆಟ್ ಇನ್’ ಶಿಬಿರ ವಿದ್ಯಾರ್ಥಿಂನಿ ಪ್ರಾರ್ಥನ ಕೆಲೆಂ.

ವಿಶ್ವ ಕೊಂಕಣಿ ಕೇಂದ್ರ ವಿದ್ಯಾರ್ಥಿ ವೇತನ ನಿಧಿಚೆ ಫಲಾನುಭವಿ ವಿದ್ಯಾರ್ಥಿಂನಿ ಸ್ಥಾಪನ ಕೆಲೆಲೆ ‘ವಿಶ್ವ ಕೊಂಕಣಿ ಅಲ್ಯುಮ್ನಿ ಸಂಘ’ ವಿದ್ಯಾರ್ಥಿಂಗೆಲೆ ‘ಪ್ರೇರಣಾ’ ಸಮಾವೇಶ ದಿ. 07.03.2020 ತಾರ್ಕೆರ ಉಗ್ತಾವಣ ಜಾಲೆಂ. ಉದ್ಯೋಗು ಆನಿ ಜೀವನಾಂತ ರಾಬಚೆ ತಶೀ ಖಂಚೇಯ ನಾ. ಸರ್ವ ಸವಾಲಾಕ ಆಮ್ಹಿ ಧೈರ್ಯಾನ ವಾವರ ಕರಕಾ ಜಾತ್ತಾ. ಹಾಂವೆ ಪಾರ್ಟನರ್ ಶಿಪ್ ಘೆವನು ಉದ್ಯಮ ಆರಂಭ ಕೆಲೆಂ. ಜಾಲ್ಯಾರಿ ತಾಣೆ ಮಧ್ಯೆಂತು ಉದ್ಯಮ ಸೋಣು ಗೆಲೆಲೆ ನಿಮಿತ್ತ ಮ್ಹಾಕಾ ಮಸ್ತ ಇತಲೆ ನಷ್ಟ ಜಾಲೆಂ. ಜಾಲ್ಯಾರಿ ಭಿನಾಶಿ ಹಾಂವೆ ಧ್ಯರ್ಯಾನ ಮಗೆಲೇಚಿ ಜಾಲೆಲೆ ಸ್ವ ಉದ್ಯೋಗ ಪ್ರಾರಂಭ ಕರನ ಯಶ ಜಾಲೊಂ. ಆಮಕಾ ಜಾಲೆಲೆ ವೈಫಲ್ಯ ಆಮ್ಹಿ ಸವಾಲ ಜಾವನ ಸ್ವೀಕಾರ ಕೆಲ್ಯಾರಿ ಜಯ ನಿಶ್ಚಿತ ಅಶಿಂ ಬೆಂಗಳೂರಚೆ “ಸೇತು” ಸಂಸ್ಥೆಚೆ ಸ್ಥಾಪಕ ಶ್ರೀ ಸಾಹಿಲ್ ಕಿಣಿ ಹಾನ್ನಿ ಉಪನ್ಯಾಸ ದಿಲೆಂ.

ಮೆಡ್‌ವೆಲ್ ವೆಂಚರ್ ಸ್ಥಾಪಕ ಆನಿ ಸಿ. ಇ. ಒ. ಲಲಿತ್ ಪೈ, ಡೊವ್ ಕೆಮಿಕಲ್ಸ್ ಸಂಸ್ಥೆ ಸಿ.ಇ.ಒ. ಸುಧೀರ ಶೆಣೈ, ಭಾರತೀಯ ನೌಕಾದಳ ಅಧಿಕಾರಿ ಕಮಾಂಡರ್ ಎನ್. ಪಿ. ಶೆಣೈ, ನಾಮನೆಚೆ ಹಿನ್ನಲೆ ಧ್ವನಿ ಕಲಾಕಾರಚೇತನ ಸಶಿತಲ್, ಕ್ವೆಸ್ಟ್ ಗ್ಲೋಬಲ್ ಸಂಸ್ಥೆಚೆ ಸಿ.ಒ.ಒ ಅಜಯ ಪ್ರಭು, ಜ್ಯೋತಿ ಲ್ಯಾಬೊರೆಟರೀಸ ಜಂಟಿ ಆಡಳಿತ ನಿರ್ದೇಶಕ ಶ್ರೀ ಉಲ್ಲಾಸ ಕಾಮತ ಹಾನ್ನಿ ಉಪನ್ಯಾಸ ದಿಲೆಂ.

ಮಣಿಪಾಲ ಗ್ಲೋಬಲ್ ಎಜುಕೇಶನ ಸಂಸ್ಥೆ ಅಧ್ಯಕ್ಷ ಶ್ರೀ ಟಿ. ವಿ. ಮೋಹನದಾಸ ಪೈನ ವಿದ್ಯಾರ್ಥಿಂಕ ಉದ್ದೇಶಸುನ ಮನಶಾಲೆ ನಾಗರೀಕತಾ ಅಭಿವೃದ್ಧಿ ಜಾತಾ. ಆರತಾಂ ನವೆ ಯುಗಾಂತ ನವೀನ ಮಾದರಿ ಚಿಂತಪ ಆಮಗೆಲೆ ಜಗತ್ಯಾಕ ಜಾವಕಾ ಆನಿ ನಿರೀಕ್ಷ ಕರತ ಆಸಾ. ಜಗತ್ಯ ಬದಲಾವಣ ಜಾಯತ ಆಸಾ ಆಧುನಿಕ ತಂತ್ರಜ್ಞಾನಾ ನಿಮಿತ್ತ ನವೀಂ ಚಿಂತಪಾರಿ ವಾಡತಾ ಆಸಾ. ಅಶಿಂ ನವೇಂ ಚಿಂತಪ ವಯರ ವಾವರ ಕರಚಾಕ ಆರತಾಂ ಯುವಕಾನಿ ಮುಖಾರಸುನ ವಾವರ ಕೆಲ್ಯಾರಿ ಜಯ ಪಾವಚಾಕ ಸಾಧ್ಯ ಜಾತಾ ಅಶಿಂ ಶ್ರೀ ಟಿ. ವಿ. ಮೋಹನದಾಸ ಪೈನ ಸಾಂಗಲೆಂ.

ಮುಂಬಯಿ ಜ್ಯೋತಿ ಲ್ಯಾಬೊರೆಟರೀಸ ಸಂಸ್ಥೆ (ಉಜಾಲಾ) ಜಂಟಿ ಆಡಳಿತ ನಿರ್ದೇಶಕ ಆನಿ ಸಿ. ಇ. ಒ. ಶ್ರೀ ಉಲ್ಲಾಸ ಕಾಮತ್, ವಿಶ್ವ ಕೊಂಕಣಿ ಕೇಂದ್ರ ವಿದ್ಯಾರ್ಥಿ ವೇತನ ನಿಧಿ ಅಧ್ಯಕ್ಷ ಶ್ರೀ ರಾಮದಾಸ ಕಾಮತ್ ಯು, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ಪ್ರೇರಣಾ ಸಮಾವೇಶಚೊ ಮಾರ್ಗದರ್ಶಕ ಶ್ರೀ ಸಂದೀಪ ಶೆಣೈ, ಖಜಾಂಚಿ ಶ್ರೀ ಬಿ. ಆರ್. ಭಟ್, ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಶ್ರೀ ಗಿಲ್ಬರ್ಟ ಡಿಸೋಜಾ, ಕಾರ್ಯದರ್ಶಿ ಸಿ. ಎ. ಶ್ರೀ ನಂದಗೋಪಾಲ ಶೆಣೈ ಆನಿ ಶ್ರೀ ಬಿ. ಪ್ರಭಾಕರ ಪ್ರಭು, ಆನಿ ಅಲ್ಯುಮ್ನಿ ಸಂಘ ಅಧ್ಯಕ್ಷಾ ನಿರೋಶಾ ಕುಮಾರಿ ಆನಿ ಕಾರ್ಯದರ್ಶಿ ಪ್ರೇರಣಾ ಸಮಾವೇಶಾಂತ ಉಪಸ್ಥಿತ ಆಶಿಲಿಂಚಿ.

Leave a Reply

Your email address will not be published. Required fields are marked *

Don\'t COPY....Please Share !