ವಿಶ್ವ ಕೊಂಕಣಿ ಕೇಂದ್ರ : ನವೀನ ಮಂಗಳೂರು ನಗರ ನಿರ್ಮಾತೃ ದಿ. ಉಳ್ಳಾಲ ಶ್ರೀನಿವಾಸ ಮಲ್ಯ 55 ವೇ ಪುಣ್ಯ ಸ್ಮರಣ

ವಿಶ್ವ ಕೊಂಕಣಿ ಕೇಂದ್ರ, ಶಕ್ತಿನಗರ, ಮಂಗಳೂರು ಆನಿ ನಿಟ್ಟೆ ವಿಶ್ವ ವಿದ್ಯಾನಿಲಯ ಸಹಯೋಗಾನ ಮಂಗಳೂರು – ಪಡೀಲ ಜಂಕ್ಷನ್ ಹಾಂಗಾ ದಿ. ಉಳ್ಳಾಲ ಶ್ರೀನಿವಾಸ ಮಲ್ಯ ಹಾಂಗೆಲೆ ಶಿಲಾ ಪ್ರತಿಮಾ ಸ್ಥಾಪನ ಕೆಲಾಂ. ದಿವಂಗತ ಉಳ್ಳಾಲ ಶ್ರೀನಿವಾಸ ಮಲ್ಯಾ ಹಾಂಗೆಲೆ 55 ವೇ ಪುಣ್ಯಸ್ಮರಣ ಸಂಧರ್ಭಾರ ದಿ. 19-12-2020 ತಾರ್ಕೆರ ಪಡೀಲ್ ಜಂಕ್ಷನಾಂತ ತಾಂಗೆಲೆ ಶಿಲಾಪ್ರತಿಮೆಕ ಗೌರವ ದೀವನ ಮಾಲಾರ್ಪಣ ಕೆಲೆಂ. ದ.ಕ. ಜಿಲ್ಲೆಕ ಮಸ್ತ ಇತಲೆ ಜನಾಂಕ ಉಪಯೋಗ ಜಾವಚೆ ತಸಲೆ ಯೋಜನಾ ಕಾರ್ಯರೂಪಾಂತ ಹಾಣು ನವೀನ ಮಂಗ್ಳುರ ನಗರ ನಿರ್ಮಾತೃ ಅಶಿಂ ನಾಂವ ಪಾವಿಲೊ ದಿ. ಮಲ್ಯಲೊ ಆದರ್ಶ ವ್ಯಕ್ತಿತ್ವ ಬದ್ದಲ ಆನಿ ತಾನ್ನಿ ದ. ಕ. ಜಿಲ್ಲೆಕ ದಿಲೆಲೆ ಅಪಾರ ದೇಣೆ ಸ್ಮರಣ ಕರನ ಆಯಿಲೆ ಮುಖೇಲ ಸೊಯರೆಂನಿ, ಗಣ್ಯಾಂನಿ ಫುಲ್ಲಾ ಮ್ಹಾಳಾ ಘಾಲನು ಗೌರವ ದಿಲೆಂ.

ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ, ಉಪಾಧ್ಯಕ್ಷ ಶ್ರೀ ಗಿಲ್ಬರ್ಟ್ ಡಿಸೋಜಾ, ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಆನಿ ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ನಿಧಿ ಮುಖೇಲ ಸಿ. ಎ. ಶ್ರೀ ನಂದಗೋಪಾಲ ಶೆಣೈ, ಪಡೀಲ ಕ್ಷೇತ್ರಾಚೆ ಕೊರ್ಪೊರೇಟರ್ ಶ್ರೀಮತಿ ರೂಪಶ್ರೀ ಪೂಜಾರಿ, ಕೆನರಾ ಹೈಸ್ಕೂಲ್ ಅದಲೆ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಲತಾ, ಮಂಗ್ಳುರ ಬೆಸೆಂಟ್ ಮಹಿಳಾ ಕಾಲೇಜಾಚೆ ಜರ್ನಲಿಸಮ್ ವಿಭಾಗ ಮುಖೇಲ ಶ್ರೀಮತಿ ಸ್ಮೀತಾ ಜೆ. ಶೆಣೈ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸಾಂದೊ ಶ್ರೀ ನವೀನ ನಾಯಕ, ಮಹಾನಗರ ಪಾಲಿಕಾ ಮಾಜಿ ಸಾಂದೊ ಶ್ರೀ ಬಿ. ಪ್ರಕಾಶ, ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಶ್ರೀ ಬಿ. ಪ್ರಭಾಕರ ಪ್ರಭು ಆನಿ ಹೆರ ಮಾನೆಸ್ತ ಉಪಸ್ಥಿತ ಆಶಿಲಿಂಚಿ.