ವಿಶ್ವ ಕೊಂಕಣಿ ಕೇಂದ್ರ : ಅಂತರ್ಜಾಲಾಂತ ಆನ್‌ಲೈನ್ ಕೊಂಕಣಿ ಶಿಕವಣ, ವೆಬ್‌ಸೈಟ್ ಲೋಕಾರ್ಪಣ

ವಿಶ್ವ ಕೊಂಕಣಿ ಕೇಂದ್ರ ವತೀನ 01-01-2021 ತಾರ್ಕೆರ ಅಂತರ್ಜಾಲಾಂತ ಆನ್‌ಲೈನ್ ಕೊಂಕಣಿ ಶಿಕಚೆ ವೆಬ್‌ಸೈಟ್ www.learnkonkani.in ಅನಾವರಣ ಜಾಲೆಂ.

ವಿಶ್ವ ಕೊಂಕಣಿ ಕೇಂದ್ರ ಕೊಂಕಣಿ ಭಾಸ, ಸಾಹಿತ್ಯ, ಸಂಸ್ಕೃತಿ ಆನಿ ಜಾನಪದ ವಿಷಯಾರ ಮಸ್ತ ಇತಲೆ ಯೋಜನಾ ಘಾಲನು ವಾವರ ಕರೀತ ಆಸಾ, ಮಂಗಳೂರು, ಉಡುಪಿ, ಆನಿ ಕಾರವಾರ ಜಿಲ್ಲಾಂತುಲೆ 20 ಶಾಳೆಂತ ಕೊಂಕಣಿ ತರಗತಿ ಚಲತರ ಆಸಾ. ಮುಖಾವಯಲೆ ಪಾವಲ ಜಾವನ ಕರ್ನಾಟಕ ರಾಜ್ಯ ಮಾತ್ರ ನ್ಹಂಯ್ ಭಾರತಾಂತ ಜಗಭರ ಆನಿ ವಿದೇಶಾಂತ ಅಮೇರಿಕಾ, ಯೂರೋಪ, ಆಸ್ಟ್ರೇಲಿಯಾ, ಏಷ್ಯಾ ಇತ್ಯಾದಿ ರಾಷ್ಟ್ರಾಂತೂಯ ಮುಖ್ಯ ಜಾವನ ಗಲ್ಫ್ ರಾಷ್ಟ್ರಾಂತ ಆಸುಚೆ ಕೊಂಕಣಿ ಜನ ಆನಿ ಚೆರ್ಡುಂವಾಂಕ ಕೊಂಕಣಿ ವಾಜುಚೆ, ಬರೊವಚೆ ವಿಷಯಾರ ಶಿಕ್ಷಣ ದಿವಚಾಕ ಆತಾಂ ವಿಶ್ವ ಕೊಂಕಣಿ ಕೇಂದ್ರ ತರಪೇನ ಅಂತರ್ಜಾಲಾಂತ ಆನ್‌ಲೈನ್ ಕೊಂಕಣಿ ಶಿಕಚೆ ವೆಬ್‌ಸೈಟ್ ಲೋಕಾರ್ಪಣ ಕೆಲೆಲೆ ವಿಷಯ ಮಸ್ತ ಸಂತೋಷ ವಿಷಯ ಅಶಿಂ ವಿಶ್ವ ಕೊಂಕಣಿ ಕೇಂದ್ರದ ಚೆಯರ್ ಮೆನ್ ಡಾ| ಪಿ. ದಯಾನಂದ ಪೈ ಸಂತೋಷ ವ್ಯಕ್ತ ಕೆಲಾ.  ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ನ ಸ್ವಾಗತ ಕೆಲೆಂ. ಶಾಳೆಂತ ಕೊಂಕಣಿ ಶಿಕೊವಚೆ ಯೋಜನೆಚೆ ಅಧ್ಯಕ್ಷ ಪ್ರೊ| ಡಾ| ಕಸ್ತೂರಿ ಮೋಹನ ಪೈ ನ ಕೊಂಕಣಿ ಶಿಕಚೆ ವೆಬ್‌ಸೈಟ್ ಬದ್ದಲ ಸಂಪೂರ್ಣ ವಿವರಣ ದಿಲೆಂ.

ಮಣಿಪಾಲ ಗ್ಲೋಬಲ್ ಎಜುಕೇಶನ ಸಂಸ್ಥೆ ಅಧ್ಯಕ್ಷ ಶ್ರೀ ಟಿ. ವಿ. ಮೋಹನದಾಸ ಪೈ ಹಾನ್ನಿ ಅಂತರ್ಜಾಲಾಂತ ಆನ್‌ಲೈನ್ ಕೊಂಕಣಿ ಶಿಕಚೆ ವೆಬ್‌ಸೈಟ್ www.learnkonkani.in ಅನಾವರಣ ಕರನು ಕೊಂಕಣಿ ಭಾಷಿಕಾಂಕ ಉದ್ದೇಶಿಸುನ ಕೊಂಕಣಿ ಭಾಷಾ ಪಾಠ ಪ್ರಸರಣ ಕರನ ಮುಖಾರ ಯೆವಚಾಕ ಹೆ ಯೋಜನಾ ಭಾರೀ ಖುಷ ದಿಸ್ತಾ ಆನಿ ಪರದೇಶಾಂತ ಆಸುಚೆ ಚೆರ್ಡುವಾಂಕ ಆನಿ ಮ್ಹಾಲ್ಗಡೆಂಕ ಮಾತೃಭಾಸ ಶಿಕಚೆ ಅವಕಾಶ ಮೆಳ್ಳೆಲೆವರಿ ಜಾಲಾಂ. ಸರ್ವಾಂನಿ ಹ್ಯಾ ಯೋಜನೆಚೆ ಪ್ರಯೋಜನ ಘೆವಕಾ ಆನಿ ಹ್ಯಾ ಯೋಜನೆಂತ ಮಸ್ತ ಇತಲೆ ಅಭಿವೃದ್ಧಿ ಜಾಲಾರಿ ಉಪಯುಕ್ತ ಜಾತಲೆಂ ಅಶಿಂ ಉತ್ತಮ ಸಲ್ಹಾಸೂಚನ ದೀವನ ಅಭಿನಂದನ ಕೆಲೆಂ.

ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ಅಧ್ಯಕ್ಷ ಶ್ರೀ ರಾಮದಾಸ ಕಾಮತ ಯು, ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ಉತ್ತರ ಅಮೇರಿಕಾ ಖಬರ ಕೊಂಕಣಿ ಪತ್ರಿಕೆಚೆ ಸಂಪಾದಕ ಶ್ರೀ ವಸಂತ ಭಟ್, ವೀಜ್ ಕೊಂಕಣಿ ಪತ್ರಿಕೆಚೆ ಸಂಪಾದಕ ಡಾ| ಆಸ್ಟಿನ್ ಡಿಸೋಜಾ ಪ್ರಭು, ಚಿಕಾಗೊ ಆನಿ ಉತ್ತರ ಅಮೇರಿಕಾ ಕೊಂಕಣಿ ಸಮ್ಮೇಳನಚೆ ಅಧ್ಯಕ್ಷ ಶ್ರೀ ರಾಮ ಆಚಾರ್ಯ ಹಾನ್ನಿ ಸರ್ವಾಂನಿ ಅಸಲೆ ಜನೋಪಯೋಗಿ ಕಾರ್ಯಕ್ರಮ ಆಯೋಜನ ಕೆಲೆಲೆ ವಿಶ್ವ ಕೊಂಕಣಿ ಕೇಂದ್ರಕ ಪ್ರಸಂಶಾ ಕೆಲೆಂ. ದಾನಿ ದುಬೈ ಶ್ರೀ ಮೈಕಲ್ ಡಿಸೋಜಾ, ಗೊಂಯಚೆ ಅಖಿಲ ಭಾರತ ಕೊಂಕಣಿ ಪರಿಷದ ಅಧ್ಯಕ್ಷಾ ಶ್ರೀಮತಿ ಉಷಾ ರಾಣೆ, ಕೊಂಕಣಿ ಶಿಕ್ಷಕ ವೃಂದ ಆನಿ ಮಸ್ತ ಇತಲೆ ಮಾನೆಸ್ತಾಂನಿ ಕಾರ‍್ಯಕ್ರಮ ಪೊಳೊವನ ಪ್ರಸಂಶಾ ಕೆಲೆಂ.

ವಿಶ್ವ ಕೊಂಕಣಿ ಕೇಂದ್ರಚೆ ಕಾರ್ಯದರ್ಶಿ ಆನಿ ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ಯೋಜನೆಚೆ ರೂವಾರಿ ಸಿ. ಎ. ಶ್ರೀ ನಂದಗೋಪಾಲ ಶೆಣೈ ಹಾನ್ನಿ ಸರ್ವಾಂಕಯ ಅಭಿನಂದನ ದಿಲೆಂ. ಆನಿ ದೇವು ಬರೆಂ ಕೊರೊ ಸಾಂಗಲೆಂ. ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕರ ನ ಕಾರ್ಯಕ್ರಮ ನಿರೂಪಣ ಕೆಲೆಂ. ಹ್ಯಾ ಕಾರ್ಯಕ್ರಮ ಅಂತರ್ಜಾಲಾಂತ ವೀಡಿಯೋ ಕಾನ್ಫರೆನ್ಸ್ ಮುಖಾಂತರ ಚಲ್ಲೆಂ.

One comment

  1. Vishwa konkani Kendra adhunik kalaak takk zaun konkani shikap onlinaak pavlan kadilli khushechi Khabar.

Leave a Reply

Your email address will not be published. Required fields are marked *

Kindly Share ....Please do not COPY !