ಚೇತನ್, ಕಾಪುಚಿನ್ ಹಾಂಚ್ಯಾ ‘ಚೇತನ ಚಿಂತನ’ ಬುಕಾಕ್ ದಾಂತಿ ಸಾಹಿತ್ಯ್ ಪುರಸ್ಕಾರ್

FrChetanಥೊಲಿಕ್ ಸಭಾ ಉಡುಪಿ ಪ್ರದೇಶ್ ಆನಿ ದೆ| ಫ್ರಾನ್ಸಿಸ್ ದಾಂತಿ ಸ್ಮಾರಕ್ ಸಾಹಿತ್ಯ್ ಸಮಿತಿ ಹಾಂಚ್ಯಾ ಜೋಡ್ ಆಸ್ರ್ಯಾಖಾಲ್, ಹರ್ ವರ್ಸಾ ಕನ್ನಡ ಭಾಶೆಂತ್ ಪರ್ಗಟ್ ಜಾಂವ್ಚ್ಯಾ ಕೊಂಕ್ಣಿ ಬರಯ್ಣಾರಾಂಚ್ಯಾ ಕನ್ನಡ ಕೃತಿಯಾಂಕ್ ರಾಜ್ಯ್ ಮಟ್ಟಾರ್ ದಿಂವ್ಚೊ 2021 ವ್ಯಾ ವರ್ಸಾಚೊ ದಾಂತಿ ಸಾಹಿತ್ಯ್ ಪುರಸ್ಕಾರ್ ಉಡುಪಿ ದಿಯೆಸೆಜಿಚೊ ಸರ್ವಜಣಿಕ್ ಸಂಪರ್ಕ್ ಅಧಿಕಾರಿ ಮಾ| ಬಾ| ಚೇತನ್ ಲೋಬೊ ಹಾಚ್ಯಾ ʼಚೇತನ ಚಿಂತನʼ ಬುಕಾಕ್ ಲಾಭ್ಲಾ.

ಕಾಪುಚಿನ್ ಯಾಜಕ್ ಚೇತನ್ ಲೋಬೊ ಮುಳಾನ್ ಚಿಕ್‌ಮಗ್ಳುರ್ ಜಿಲ್ಲ್ಯಾಚಾ ಬಾಳೆಹೊನ್ನೂರ್ ಫಿರ್ಗಜೆಚೊ ಜಾವ್ನಾಸುನ್, ಸಂವಹನ್ ಆನಿ ಮಾಧ್ಯಮ್ ವಿಶಯಾಂತ್ ತಾಣೆ ಸ್ನಾತಕೋತ್ತರ್ ಶಿಕಪ್ ಜೊಡ್ಲಾಂ. ಶಿಮೊಗಾ ದಿಯೆಸೆಜಿಂತ್ ಕುಟ್ಮಾ ಜಿಣ್ಯೆ ಕೇಂದ್ರಾಚೊ ನಿರ್ದೇಶಕ್, ಕಾಪುಚಿನ್ ಶಿಕ್ಪಾ ಮಂಡಳಿ ಬೆಂಗ್ಳುರ್ ಹಾಚೊ ಕಾರ್ಯದರ್ಶಿ, ಉಡುಪಿ ದಿಯೆಸೆಜಿಚ್ಯಾ ಕುಟ್ಮಾ ಜಿಣ್ಯೆ ಕೇಂದ್ರಾಚೊ ನಿರ್ದೇಶಕ್, ಉಡುಪಿ ದಿಯೆಸೆಜಿಚೆಂ ಪತ್ರ್ ‘ಉಜ್ವಾಡ್’ ಹಾಚೊ ಸ್ಥಾಪಕ್ ಸಂಪಾದಕ್ ಜಾವ್ನ್ ಮಾದ್ಯಮ್ ಆನಿ ಸಾಹಿತ್ಯ್ ಶೆತಾಂತ್ ವಾವುರ್ಲಲೊ ವಿಸ್ತಾರ್ ಅನ್ಭೊಗ್ ತಾಕಾ ಆಸಾ.

ಕೊಂಕ್ಣಿ, ಕನ್ನಡ ಆನಿ ಇಂಗ್ಲಿಶ್ ಭಾಸಾಂನಿ ಬರಂವ್ಚ್ಯಾ ತಾಂಚಿಂ ಲೇಖನಾಂ ಆನಿ ಮಟ್ವ್ಯೊ ಕಾಣಿಯೊ ನೆಮಾಳ್ಯಾಂನಿ ಆನಿ ಜಾಳಿಜಾಗ್ಯಾಂನಿ ಫಾಯ್ಸ್ ಜಾತೇ ಆಸಾತ್. 2016 ಪಾಸುನ್ 2018 ಪರ್ಯಾಂತ್ ಪ್ರಜಾವಾಣಿ ಪತ್ರಾರ್ ‘ಅಮೃತ ವಾಕ್ಕು’ ಹಫ್ತ್ಯಾಚೆಂ ಅಂಕಣ್ ತಾಣೆ ಬರಯ್ಲಾಂ. ಮಾಧ್ಯಮಾಕ್ ಸಂಬಂದಿತ್ ವಿಶಯಾಂಚೆರ್ ಮಂಗ್ಳುರ್, ಮೈಸೂರ್, ಬೆಂಗ್ಳುರ್, ಉಡುಪಿ, ಸೇಲಮ್, ಮಧುರೈ ಆನಿ ಹೆರ್ ಜಾಗ್ಯಾಂನಿ ಉಪನ್ಯಾಸ್ ದಿಲ್ಯಾತ್.

CCF  CCB

ದಾಂತಿ ಪ್ರಶಸ್ತಿಕ್ ವಿಂಚುನ್ ಆಯಿಲ್ಲಿ ಚೇತನ ಚಿಂತನ ಮಾ| ಬಾ| ಚೇತನಾಚಿ ಪಾಂಚ್ವಿ ಪರ್ಗಟಿತ್ ಕೃತಿ ಜಾವ್ನಾಸುನ್ ಹ್ಯಾ ಆದಿಂ ಕಾಳ್ಜಾಚಿ ಭಾಸ್ ವೆಗ್ಳಿಚ್ ( ಮಟ್ವ್ಯೊ ಕಾಣಿಯೊ) ನವೊ ಸಂಸಾರ್ ( ಮಟ್ವ್ಯೊ ಕಾಣಿಯೊ) ಪಾವ್ಸಾ ಧೊಣು (ಸಂಪಾದಕೀಯ್ ಬರ್ಪಾಂ) – ಕೊಂಕ್ಣೆಂತ್ ಆನಿ ಮೀಡಿಯಾ (ಮಾದ್ಯಮ್ ಲೇಖನಾಂ)ಕನ್ನಡಾಂತ್ ಅಶೆಂ ಚಾರ್ ಬೂಕ್ ಫಾಯ್ಸ್ ಜಾಲ್ಯಾತ್. ತಾಚ್ಯಾ ಸಾಹಿತ್ಯಾಕ್ ಬಿಗ್ ಜೆ ಟಿವಿ ಆನಿ ಇಫ್ಕಾ ಥಾವ್ನ್ ಪ್ರಶಸ್ತ್ಯೊ ಫಾವೊ ಜಾಲ್ಯಾತ್.

ಪ್ರಸ್ತುತ್ ಪುರಸ್ಕಾರ್ ರು, 25,000 ನಗ್ದಿ ಆನಿ ಉಡಾಸಾಚಿ ಕಾಣಿಕ್ ಆಟಾಪ್ತಾ. ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ ಹಾಂಚ್ಯಾ ವಾರ್ಷಿಕ್ ಮಹಾಸಭೆರ್ ಹೊ ಪುರಸ್ಕಾರ್ ಮಾ| ಬಾ| ಚೇತನಾಕ್ ಪ್ರದಾನ್ ಕರ್ತೆಲ್ಯಾಂವ್ ಮ್ಹಣ್ ದೆ| ಫ್ರಾನ್ಸಿಸ್ ದಾಂತಿ ಸ್ಮಾರಕ್ ಸಾಹಿತ್ಯ ಪುರಸ್ಕಾರ್ ಸಮಿತಿ ಸಂಚಾಲಕಿ ಆಲಿಸ್ ರೊಡ್ರಿಗಸ್ ಹಿಣೆ ಪತ್ರಾಪರ್ಗಟ್ಣೆಂತ್ ಕಳಯ್ಲಾಂ.

ಕಿಟಾಳಾರ್ ಚೇತನ್, ಕಾಪುಚಿನ್ ಲೇಖನಾಂ ►

ಕಿಟಾಳ್ ತುಮ್ಕಾಂ ಮೊಗಾಚೆಂ? ಪಾಟ್ಲ್ಯಾ 10 ವರ್ಸಾಂ ಪಾಸುನ್ ಖಳಾನಾಸ್ತಾನಾ ನಿರಂತರ್ ಫಾಯ್ಸ್ ಜಾವ್ನ್ ಆಸ್ಚ್ಯಾ ಕಿಟಾಳಾರ್ ಹಜಾರೊಂ ಪಾನಾಂನಿ ವಿಂಚ್ಣಾರ್ ಕೊಂಕ್ಣಿ ಸಾಹಿತ್ಯ್ ಆಸಾ. ಪಾಟ್ಲ್ಯಾ ಧಾ ವರ್ಸಾಂನಿ ಬಾಂದುನ್ ಹಾಡ್ಲೆಲೆಂ ಕೊಂಕ್ಣಿ ಸಾಹಿತ್ಯಾಚೆಂ ದಾಯ್ಜ್ ಮುಕಾರುನ್ ವ್ಹರುಂಕ್ ತುಮ್ಚಿ ಕುಮಕ್ ಗರ್ಜ್ ಆಸಾ. ಸಕಯ್ಲೊ ಬುತಾಂವ್ ದಾಂಬುನ್ ಗೂಗಲ್ ಪೇ, ಪೋನ್ ಪೇ, ಬ್ಯಾಂಕ್ ಟ್ರಾನ್ಸ್‌ಫರ್ , ಡೆಬಿಟ್ ಕ್ರೆಡಿಟ್ ಕಾರ್ಡಾ ಮಾರಿಫಾತ್ ಖುಶೆಚಿ ವಂತಿಗೆ ದಿವ್ಯೆತ್.

100% feel thumbs up. And how do you feel?
2 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

One comment

  1. mm
    Richard Alvares.

    ಫಾ. ಚೇತನ್ ಕಾಪುಚಿನ್ ಆಸ್ ಲ್ಲೆಂ ಆಸಾ ತಶೆಂ ಸಾಂಗ್ಚೆ, ಆಪ್ಲ್ಯಾ ವಿಂಚ್ಣಾರ್ ಲೇಖನಾಂ ದ್ವಾರಿಂ ಜಾಗೃತಿ ಹಾಡಂವ್ಚೆ ಉತ್ತಿಮ್ ಲೇಖಕ್. ದೆ. ಫ್ರಾನ್ಸಿಸ್ ದಾಂತಿ ಸ್ಮಾರಕ್ ಸಾಹಿತ್ಯ್ ಪ್ರಶಸ್ತಿ ಲಾಭ್ಲೆಲ್ಯಾ ಹ್ಯಾ ಸುವಾಳ್ಯಾರ್ ತಾಂಕಾಂ ಉಲ್ಲಾಸಿತಾಂ ಆನಿ ಸರ್ವ್ ಬರೆಂ ಮಾಗ್ತಾಂ. Congratulations and felicitations dear Fr Chethan.
    – ರಿಚರ್ಡ್ ಅಲ್ವಾರಿಸ್, ಕೊರ್ಡೆಲ್.

Leave a Reply

Your email address will not be published. Required fields are marked *

Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. Kittall.com will not be responsible for any defamatory message posted under this article. Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kittall.com to provide the IP address and other details of senders of such comments, to the authority concerned upon request. Hence, sending offensive comments using kittall.com will be purely at your own risk, and in no way will kittall.com be held responsible.