84
ಕೊಂಕ್ಣಿ ನಾಟಕ್ ಶೆತಾಂತ್ ನಾಟಕ್, ನಟನ್, ದಿಗ್ದರ್ಶನಾ ಮಾರಿಫಾತ್ ನಾಂವಾಡ್‌ಲ್ಲ್ಯಾ , ತಶೆಂಚ್ ಆಪ್ಲ್ಯಾ ತಾಂಕಿ ಪ್ರಕಾರ್ ಜಾಯ್ತ್ಯಾಂಕ್ ಕುಮ್ಕೆಚೊ ಹಾತ್ ಜಾವ್ನ್ ಉದಾರ್ ಮನಾನ್ ದಾನ್ ದೀವ್ನ್ ಆದಾರ್ ದಿಲ್ಲ್ಯಾ ‘ಕೊಮೆಡಿ ಕಿಂಗ್’ ಬಿರುದಾಂಕಿತ್ ಮಾನೆಸ್ತ್ ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ ಹಾಕಾ ಕೊಂಕ್ಣಿ ನಾಟಕ್ ಸಭಾ ಮಂಗ್ಳುರ್ ಹುದ್ದೆದಾರಾಂನಿ, ಸಭೆಚಾ 80ವ್ಯಾ ವಾರ್ಷಿಕ್ ದಿಸಾಚಾ ಸಂದರ್ಭಾರ್ ಮಾನಾಚೊ ಶಾಲ್ ಪಾಂಗ್ರುನ್ ಸನ್ಮಾನ್ ಕೆಲೊ.
ಹ್ಯಾ ಸಂದರ್ಭಿಂ ಆಪ್ಲೊ ಪಯ್ಲೊ ನಾಟಕ್ ಡೊನ್ ಬೊಸ್ಕೊ ಸಾಲಾಂತ್ ಸಾದರ್ ಜಾಲ್ಲಿ ಗಜಾಲ್ ಉಡಾಸ್ ಕಾಡುನ್ ಮಾನೆಸ್ತ್ ಫ್ರಾನ್ಸಿಸ್ ಕಾಸ್ಸಿಯಾನ್ ಸನ್ಮಾನಾ ಖಾತಿರ್ ಸಭೆಚೊ ಆನಿ ಹುದ್ದೆದಾರಾಂಚೊಂ ಅಬಾರ್ ಮಾಂದ್ಲೊ.
ಹ್ಯಾ ಸುವಾಳ್ಯಾರ್ ಫ್ಲೊಯ್ಡ್ ಡಿಮೆಲ್ಲೊ, ಲಿಸ್ಟನ್ ಸೊಜ್, ಜೆರಿ ಕೊನ್ಸೆಸೊ ಆನಿ ಪ್ರಬಂದಕ್ ಬೊನಿಫಾಸ್ ಪಿಂಟೊ ಹಾಜರ್ ಆಸ್ಲೆ.
