ಜೆಪ್ಪು ಭಗಿನಿ ಸಮಾಜ, ಕಂಕನಾಡಿ ಈಶ್ವರಾನಂದ ಮಹಿಳಾ ಸೇವಾಶ್ರಮ, ನಳಂದಾ ಶಾಳಾ, ಚಿನ್ಮಯ ಶಾಳಾಚೆ ವೆವೆಗಳೆ ವಯಾಚೆ ಭುರ್ಗ್ಯಾಂಕ ವೆವೆಗಳೆ ಕಾರ್ಯಾವಳ, ಚೆಲಿ ಭುರ್ಗ್ಯಾಂಕ ಆರೋಗ್ಯ ಬದ್ದಲ ಸಮಾಲೋಚನಾ, ಲ್ಹಾನ ಭುರ್ಗ್ಯಾಂಕ ಬಣ್ಣ ಬಣ್ಣಾಚೆ ಚಿತ್ರಕಲಾ, ಪದ ಸಾಂಗಚೆ, ಅಭಿನಯ ಗೀತಾ, ಕಾಣಿ ಸಾಂಗಚೆ, ಬಣ್ಣಾಚೆ ಬಲೂನ್ ಶೃಂಗಾರ, ಹಾಜೆ ಮಧ್ಯೆ ಸುಮಾರ್ ಶಂಬರಿ- ದೊನ್ಶಿ ಲ್ಹಾನ ಭುರ್ಗ್ಯಾಂನಿ – ಭುರ್ಗ್ಯಾಂಗೆಲೊ ದೀಸ್ ಆಚರಣ ಸುವಾಳ್ಯಾಂತ ವಿಶ್ವ ಕೊಂಕಣಿ ಕೇಂದ್ರಾಂತ ಸಂಭ್ರಮ ಪಾವಿಲಿಂ. ಹ್ಯಾ ಸಂಧರ್ಭಾರ ಭುರ್ಗ್ಯಾಂಕ ಸಾಧನಾ ಪ್ರೇರಕ ವಿಡಿಯೋ ಪ್ರದರ್ಶನ ವ್ಯವಸ್ಥಾ ಕೆಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಮ್ಹಾಲ್ಗಡೆ ಲೇಕ ತಪಾಸಕ ನಂದಗೋಪಾಲ ಶೆಣೈ ಹಾನ್ನಿ ದೆ. ಬಸ್ತಿ ವಾಮನ ಶೆಣೈ ಪುತ್ಥಳಿಕ ಮಾಲಾರ್ಪಣ ಕರನ ಗೌರವ ದಿಲೆಂ. ಆನಿ ದಿವೊ ಲಾವನ ಭುರ್ಗ್ಯಾಂಗೆಲೊ ಉತ್ಸವ ಉಗ್ತಾವಣ ಕರನ ಸರ್ವಾಂಕ ಸ್ವಾಗತ ಕೆಲೆಂ. ಉಷಾ ಮೋಹನ ಪೈ, ಸುಮತಿ ಪೈ, ವಂದನಾ ಕಾಮತ್, ರಾಧಿಕಾ ಪೈ, ಕುಡ್ಪಿ ವಿದ್ಯಾ ಶೆಣೈ, ಪಂಚಮಹಲ್ ಪ್ರೀತಮ್ ಕಾಮತ ಹಾನ್ನಿ ವೆವೆಗಳೆ ವಯಾಚೆ ಭುರ್ಗ್ಯಾಂಕ ಸಮ ಜಾವಚೆ ತಶಿ ವೆವೆಗಳೆ ಸಾಂಸ್ಕೃತಿಕಾ ಚಟುವಟಿಕಾ ತಾನ್ನಿ ಚಲಾಯಸುನ ದಿಲೆಂ. ಆಕೇರಿಕ ಕುದ್ರೋಳಿ ಗಣೇಶ್ ಹಾಂಗೆಲೆ ಆಕರ್ಷಕ ಜಾಲ್ಲೆಲೆ ಮ್ಯಾಜಿಕ್ ಶೋ ಚಲ್ಲೆಲೆಂ. ಸರ್ವ ಭುರ್ಗ್ಯಾಂಕ ಫುಕಟ ಬುಕ್ ವಾಂಟಪ, ರುಚಿ ರುಚಿ, ಫಳಾರ ಭೋಜನ ವ್ಯವಸ್ಥಾ ಕೆಲೆಲೆಂ, ಅಶಿಂ ಸರ್ವ ರೀತೀನ ಭುರ್ಗ್ಯಾಂ ಆನಂದ ಪಾವಲಿಂತಿ.
ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಗಿಲ್ಬರ್ಟ್ ಡಿಸೋಜಾ, ಖಜಾಂಚಿ ಬಿ ಆರ್ ಭಟ್, ಟ್ರಸ್ಟಿ ಕಸ್ತೂರಿ ಮೋಹನ ಪೈ, ವಿಲಿಯಂ ಡಿಸೋಜಾ, ರಮೇಶ ಡಿ ನಾಯಕ್, ಶಕುಂತಲಾ ಆರ್ ಕಿಣಿ, ಮೆಲ್ವಿನ್ ರೊಡ್ರಿಗಸ್ ಆನಿ ಬಸ್ತಿ ವಾಮನ ಶೆಣೈ ಕುಟುಂಬಾಚೆ ಸದಸ್ಯ ಭಾಗಿ ಅಶಿಲಿಂಚಿ.
ಆಖೇರೀಕ ಡಾ ಬಿ ದೇವದಾಸ್ ಪೈ ಹಾನ್ನಿ ದೇವು ಬರೆಂ ಕೊರೊ ಸಾಂಗಲೆಂ.