ಮಂಗಳೂರಚೆ ವಿಶ್ವ ಕೊಂಕಣಿ ಕೇಂದ್ರ ವತೀನ ದಿವಚೆ ಅಖಿಲ ಭಾರತ ಮಟ್ಟಚೆ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಸಾಹಿತ್ಯ ಪುರಸ್ಕಾರ -2023, ಬಸ್ತಿ ವಾಮನ್ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ-2023 ಆನಿ ಡಾ. ಪಿ ದಯಾನಂದ ಪೈ ವಿಶ್ವ ಕೊಂಕಣಿ ಪುರಸ್ಕಾರ- 2023 ಪ್ರಕಟ ಜಾಲಾಂ. ವರಸಾಚೆ ಕೊಂಕಣಿ ಸಾಹಿತ್ಯ ಕೃತಿಕ ದಿವಚೆ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಸಾಹಿತ್ಯ ಪುರಸ್ಕಾರ- 2023 ಕ ಗೊಂಯಚೆ ಕೊಂಕಣಿ ಲೇಖಕ ಪ್ರಕಾಶ್ ಪರಿಯಂಕಾರ ಹಾನ್ನಿ ರಚನ ಕೆಲೆಲೆ “ಪೂರಣ್” ವಿಂಚುನ ಆಯಲಾಂ. ವರಸಾಚೆ ಕೊಂಕಣಿ ಕವಿತಾ ಕೃತಿ ಪುರಸ್ಕಾರ -2023ಕ ಕೇರಳಚೆ ಕೊಂಕಣಿ ಕವಿ, ಲೇಖಕ ಆರ್ ಎಸ್ ಭಾಸ್ಕರ್ ಹಾನ್ನಿ ರಚನ ಕೆಲೆಲೆ ಕೊಂಕಣಿ ಕವಿತಾ ಸಂಕಲನ “ಚೈತ್ರ ಕವಿತಾ” ವಿಂಚುನ ಆಯಲಾಂ.
ಕೊಂಕಣಿ ಭಾಸ, ಸಾಹಿತ್ಯ, ಸಂಸ್ಕೃತಿಚೆ ಉದರಗತಿಕ ವಿಶೇಷ ಜಾವನ ದೆಣೆ ದಿಲೆಲೆ ಮ್ಹಾಲ್ಗಡೆಂಕ ಗೌರವ ದಿವಚಾಕ ಸ್ಥಾಪನ ಕೆಲೆಲೆ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಮ್ಮಾನ 2023 ಕ ಗೊಂಯಚೆ ಮ್ಹಾಲ್ಗಡೆ ಕೊಂಕಣಿ ಕಲಾವಿದ ರಮಾನಂದ ರಾಯ್ಕರ ಹಾಂಕಾ ಕೊಂಕಣಿ ಭಾಸ್, ಸಂಗೀತ ಸಾಹಿತ್ಯಾಕ ದಿಲೆಲೆ ಅಪಾರ ದೆಣೆ ಮಾನುನ್ ಘೆವನ ವಿಂಚುನ ಕಾಳಾಂ.
ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ -2023ಕ ಬಾಯಲಾಂಗೆಲೆ ವಿಭಾಗಾಂತ ಮೆಟಮೋರ್ಫೆಸ್ ಸೇವಾ ಸಂಸ್ಥೆ ಬೆಂಗಳೂರಚೆ ಶಕುಂತಲಾ ಎ. ಭಂಢಾರಕಾರ ವಿಂಚುನ್ ಆಯಲಾಂ. ಬಸ್ತಿ ವಾಮನ ಶೆಣೈ ವಿಶ್ವ ಕೊಂಕಣಿ ಸೇವಾ ಪುರಸ್ಕಾರ -2023ಕ ದಾರಲೆಂಗೆಲೆ ವಿಭಾಗಾಂತ ಮಂಜೇಶ್ವರಾಚೆ ಸ್ನೇಹಾಲಯ ಚ್ಯಾರಿಟೇಬಲ್ ಟ್ರಸ್ಟ್ ಚೆ ಜೋಸೆಫ್ ಕ್ರಾಸ್ತಾ ಹಾನ್ನಿ ವಿಂಚುನ ಆಯಲಾಂಚಿ.
ಡಾ . ಪಿ. ದಯಾನಂದ ಪೈ ವಿಶ್ವ ಕೊಂಕಣಿ ಅನುವಾದ ಪುರಸ್ಕಾರ 2023ಕ ಗೊಂಯಚೆ ಲೇಖಕ ರಮೇಶ ಲಾಡ್ ವಿಂಚುನ ಆಯಲಾಂಚಿ. ಡಾ. ಪಿ ದಯಾನಂದ ಪೈ ವಿಶ್ವ ಕೊಂಕಣಿ ರಂಗಶ್ರೇಷ್ಟ ಪುರಸ್ಕಾರ 2023ಕ ಶ್ರೀನಿವಾಸ ರಾವ್ (ಕಾಸರಗೋಡು ಚಿನ್ನಾ) ವಿಂಚುನ ಆಯಲಾಂಚಿ.
ಏಕ ಲಾಖ್ ರೂಪಾಯಿ ಸಮ್ಮಾನಧನ ಆನಿ ಫಲಕ ಜಾವನ ಹೆಂ 7 ಪ್ರಶಸ್ತಿ ವಿತರಣಾ 2024 ಫೆಬ್ರುವರಿ 11 ಆಯತಾರ ಸಕಾಳಿ 10 ಗಂಟೆಕ ವಿಶ್ವ ಕೊಂಕಣಿ ಕೇಂದ್ರಾಂತ ಚಲಚೆ ವಾರ್ಷಿಕ ವಿಶ್ವ ಕೊಂಕಣಿ ಸಮಾರೋಹ ಸಮಾರಂಭಾಂತ ಪ್ರಶಸ್ತಿ ಪ್ರದಾನ ಕರಚೆ ಆಸಾ.
2024 ಫೆಬ್ರವರಿ 10 ಆನಿ 11 ಕ ಚಲಚೆ ವಿಶ್ವ ಕೊಂಕಣಿ ಸಾಹಿತ್ಯ ಸಮಾರೋಹಚೆ ಅಂಗ ಜಾವನು ಸಂಜೆ 5.00ತಾಕುನ್ 8.00 ಪರ್ಯಂತ ಚಾರಿ ವೆವೆಗಳೆ ಕೊಂಕಣಿ ನಾಟಕ ಮಂಗಳೂರಚೆ ಟಿ. ವಿ. ರಮಣ ಪೈ ಸಭಾಗೃಹಾಂತ ಪ್ರದರ್ಶನ ಜಾವಚೆ ಆಸಾ.
1996 ಇಸವಿ ವಿಶ್ವ ಕೊಂಕಣಿ ಸರದಾರ ಶ್ರೀ ಬಸ್ತಿ ವಾಮನ ಶೆಣೈ ಹಾಂಗೆಲೆ ನೇತೃತ್ವಾರಿ ಪ್ರಾರಂಭ ಜಾಲೆಲೆ ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನ ವಿಶ್ವ ಕೊಂಕಣಿ ಕೇಂದ್ರ ಮಂಗಳೂರಚೆ ಶಕ್ತಿನಗರಾಂತ ಸ್ಥಾಪನ ಕರನು ಕೊಂಕಣಿ ಭಾಷೆ, ಸಾಹಿತ್ಯ, ಸಂಸ್ಕೃತಿ ಚೆ ಅಭಿವೃದ್ಧಿಕ ಆನಿ ಕೊಂಕಣಿ ಸಮುದಾಯಾಚೆ ಸರ್ವಾಂಗೀಣ ಉದರಗತೀಕ ವಿಶೇಷ ಕಾರ್ಯಕ್ರಮ ಮಾಂಡುನ ಹಾಡತಾ. ಅಶಿಂ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ನಂದಗೋಪಾಲ ಶೆಣಯ್ ಹಾನ್ನಿ ಹೆಂ ಪತ್ರಿಕಾ ಪ್ರಕಟಣ ದಿಲಾಂ.
