ಆರತಾಂ ಅಂತರಲೆಲಿ ಗೊಂಯಚೆ ನಾಮನೆಚೆ ಸಾಹಿತಿ, ದೆ. ಮೀನಾ ಕಾಕೋಡಕರ ಹಾಂಗೆಲೆ ಉಗಡಾಸಾ ಖಾತಿರ ವಿಶ್ವ ಕೊಂಕಣಿ ಕೇಂದ್ರಾಂತ ಏಕ ದಿವಚಾಸೆ ರಾಷ್ಟ್ರೀಯ ಕಾರ್ಯಾಗಾರ ಆಯೋಜನ ಕೆಲೆಲೆಂ. ಹೆಂ ಕಾರ್ಯಾಗಾರ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿಎ ನಂದಗೋಪಾಲ ಶೆಣೈ ಹಾನಿ ದಿವೊ ಲಾವನ ಉಗ್ತಾವಣ ಕೆಲೆಂ.
ಆಯಿಲೆ ಸೊಯರೆಂನಿ ದೆ. ಮೀನಾ ಕಾಕೋಡಕರ ಹಾಂಗೆಲೆ ಫೋಟೋಕ ಫುಲ್ಲಾ ಮಾಳಾ, ಪಾಕಳಿ ಘಾಲನು ಸ್ಮರಣ ಕೆಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಉಗ್ತಾವಣ ಉತ್ರಂ ಉಲಯತಚಿ, ದಿ. ಮೀನಾ ಕಾಕೋಡಕರ ಹಾಂಗೆಲೆ ಕಥಾ ಸಾಹಿತ್ಯ, ಭುರ್ಗ್ಯಾಂಲೊ ನಾಟಕ ಸಾಹಿತ್ಯ ಭಾರೀ ಉತ್ತಮ ಜಾವನು ಆಸುನು, ಹಾಂಗೆಲೆ ನಾಟಕ ಮುಖಾವಯಲೆ ದಿವಸಾಂತ ಭುರ್ಗ್ಯಾಲೆಂ ಕಾರ್ಯಾಗಾರಾಂತ ಮಾಂಡುನು ಹಾಡುನು, ತರಬೇತಿ ದಿವನು ನಾಟಕ ಪ್ರದರ್ಶನ ಕರಕಾ ಅಶಿಂ ತಾಂಗೆಲೆ ಮನೋಭಾವನಾ ಸಾಂಗಲೆಂ.
ಕೇಂದ್ರ ಸಾಹಿತ್ಯ ಅಕಾಡೆಮಿ ಪುರಸ್ಕೃತ ಗೋಕುಲದಾಸ ಪ್ರಭು ಹಾನ್ನಿ ಪ್ರಾಸ್ತಾವಿಕ ಉತ್ರಂ ಉಲಯಿಲಿಂಚಿ. ಮ್ಹಾಲ್ಗಡೆ ಕವಿ ಕೇಂದ್ರ ಸಾಹಿತ್ಯ ಆಕಾಡೆಮಿ ಕೊಂಕಣಿ ವಿಭಾಗಾಚೆ ಸಂಚಾಲಕ ಮೆಲ್ವಿನ್ ರೊಡ್ರಿಗಸ್ ಹಾನಿ ಲೇಖಕಿ ಮೀನಾ ಕಾಕೋಡಕರಾಲೆ ಸಾಹಿತ್ಯ ಸೇವಾ ಬದ್ದಲ ಸಮಗ್ರ ಚಿತ್ರಣ ದಿಲೆಂ.
10.30 ಗಂಟಕ ನಾಮಾನೆಚೆ ಸಾಹಿತಿ ಎಚ್ ಎಮ್ ಪೆರ್ನಾಳ ಅಧ್ಯಕ್ಷತೇರಿ ದಿ. ಮೀನಾ ಕಾಕೋಡಕರ ಹಾಂಗೆಲೆ ವಿಮಲಾ ವಿ ಪೈ ವಿಶ್ವ ಕೊಂಕಣಿ ಪುರಸ್ಕೃತ “ವಾಸ್ತು” ಕಾದಂಬರಿ ವಯರಿ ಚರ್ಚಾಗೋಷ್ಟಿ ಚಲ್ಲೆಂ. ಹೆಂ ಗೋಷ್ಟಿಂತ ನಾವಾಂದಿಕ ಅನುವಾದಕಿ ಡಾ। ಗೀತಾ ಶೆಣೈ ಬೆಂಗಳೂರು ಆನಿ ವಿದ್ಯಾ ಪೈ ಕೋಲ್ಕತ್ತಾ ಹಾನಿ ಅಂತರ್ಜಾಲ ಮುಖಾಂತರ ತಾಂಗೆಲೆ ಅನುಭವ ಸಾಂಗಲೆಂ. ಆನಿ ಸಾಹಿತಿ ಮಂಗಳಾ ಭಟ್ ಮಂಗಳೂರು ಉಪಸ್ಥಿತ ಆಶಿಲಿಂಚಿ.
12.00 ಗಂಟ್ಯಾಕ ಮೀನಾ ಕಾಕೋಡಕರ ಹಾಂಗೆಲೆ “ದೊಂಗರ ಚವಲ್ಲಾ” ಕಥಾ ಸಾಹಿತ್ಯ ವಯರಿ ಚರ್ಚಾ ಗೋಷ್ಟಿ ಚಲ್ಲೆಂ. ಗೋಷ್ಟಿ ಡಾ. ಬಿ ದೇವದಾಸ ಪೈ ಹಾಂಗೆಲೆ ಅಧ್ಯಕ್ಷತೇರಿ ಚಲ್ಲೆ, ಆಕಾಶ ಗಾಂವಕರ ಗೋವಾ ಅಂತರ್ಜಾಲ ಮುಖಾಂತರ ಆನಿ ಆಶ್ಮಾ ಯವುಜಿನ್ ಡಿಸೋಜಾ ಕಾರ್ಕಳ ಉಪಸ್ಥಿತ ಆಸುನು ಸಾಹಿತ್ಯ ಬದ್ದಲ ಅನುಭವ ಸಾಂಗಲೆಂ.
2.00 ಗಂಟೆಕ ಸಾಹಿತಿ ವಿದ್ಯಾ ಬಾಳಿಗಾ ಅಧ್ಯಕ್ಷತೇರಿ ಮೀನಾ ಕಾಕೋಡಕರಲೆ “ಸಪನ ಫುಲ್ಲಾಂ” ಕಥಾ ಸಂಗ್ರಹ ವಯರಿ ಗೋಷ್ಟಿ ಚಲ್ಲೆಂ. ಯುವ ಸಾಹಿತಿ ಪ್ರೇಮ್ ಮೊರಾಸ್, ರೆನಿಟಾ ಡಿಕೋಸ್ಟಾ, ಬಿಂದು ಮಾಧವ ಶೆಣೈ, ವಂದನಾ ಡಿಸೋಜಾ, ಎಡ್ಮಂಡ್ ಜಾರ್ಜ್ ನೊರೊನ್ಹಾ ಆನಿ ಮ್ಹಾಲ್ಗಡೆ ಶಾಂತಕುಮಾರ ಭಟ್ ಮಂಗಳೂರು ಉಪಸ್ಥಿತ ಆಸುನು ಕಥಾ ಸಾಹಿತ್ಯ ಬದ್ದಲ ಅನುಭವ ಸಾಂಗಲೆಂ.
ಆಖೇರೀಕ ನಟ್ / ನಿರ್ದೇಶಕ್ ಕ್ರಿಸ್ಟೋಫರ ಡಿಸೋಜ, ನೀನಾಸಂ ಹಾಂಗೆಲೆ ನಿರ್ದೇಶನಾರೀ ಮೀನಾ ಕಾಕೋಡಕರ ಹಾಂಗೆಲಿ “ಮೊಗ್ರೆ ಕಳೆ … ನಿಳೆ ನಿಳೆ” ಕಥೆಚೇರಿ ಕಥಾರಂಗ ಕಾರ್ಯಕ್ರಮ ಚಲ್ಲೆಂ.
ಗೋಂಯ, ಕರ್ನಾಟಕ ರಾಜ್ಯಾಚೆ ಮ್ಹಾಲ್ಗಡೆ ಸಾಹಿತಿ, ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ವಿಲಿಯಮ್ ಡಿಸೋಜಾ, ಡಿ ರಮೇಶ ನಾಯಕ್, ಟ್ರಸ್ಟಿ ಶಕುಂತಲಾ ಆರ್ ಕಿಣಿ ಕಾರ್ಯಕ್ರಮಾಕ್ ಉಪಸ್ಥಿತ ಆಶಿಲಿಂಚಿ.
ಕಾರ್ಯದರ್ಶಿ ಡಾ ಕಸ್ತೂರಿ ಮೋಹನ ಪೈ ನ ದೆವು ಬರೆಂ ಕೊರೊ ಸಾಂಗಲೆಂ. ಹೆಚ್ ಎಮ್ ಪೆರ್ನಾಳ ಹಾನಿ ಕಾರ್ಯಕ್ರಮ ನಿರೂಪಣ ಕೆಲೆಂ.
