ಕೊಂಕ್ಣಿಚಿ ಪಯ್ಲಿ ಕಾದಂಬರಿ ಮ್ಹಣ್ ನಾಂವಾಡ್ದಿಕ್ ಜಾಲ್ಲಿ ಆಂಜೆಲ್ ಮ್ಹಳ್ಳಿ ಕಾದಂಬರಿ, 1950ವ್ಯಾ ವರ್ಸಾ ಫಾಮಾದ್ ಕೊಂಕ್ಣಿ ಸಾಹಿತಿ ಜೋಕಿಮ್ ಸಂತಾನ್ ಆಲ್ವಾರಿಸ್ ಹಾಣಿಂ ಕನ್ನಡ ಲಿಪಿಂತ್ ಬರಯಿಲ್ಲಿ. ವಿಶ್ವ್ಝಜಾಚ್ಯಾ ಸಾವ್ಳೆಂತ್ ಪರಿವರ್ತನ್ ಜಾಂವ್ಚ್ಯಾ ಸಮಾಜೆಚೆಂ ಚಿತ್ರಣ್ ಆನಿ ಕುಟ್ಮಾ ಜಿವಿತಾಚೆಂ ಒತ್ತಡ್ ನಿವಾರಣ್ ಕರುಂಕ್ ಹಿ ಕಾದಂಬರಿ ಪ್ರೇತನ್ ಕರ್ತಾ. ತ್ಯಾ ಕಾಳಾರ್ ಫಾಮಾದ್ ಜಾಲ್ಲೆ ಕಾದಂಬರಿಕಾರ್, ಸಬಾರ್ ಕಾದಂಬರಿಂಚೊ ರಚ್ಣಾರ್ ಜಾವ್ನಾಸ್ಚೊ ಜೊ.ಸಾ.ಆಲ್ವಾರಿಸಾನ್ ಆಂಜೆಲ್ ಕಾದಂಬರಿಂತ್ ಕೆಲ್ಲೊ ಪಾತ್ರ್ ಚಿತ್ರಣ್ ಆನಿ ವಿಷಯ್ ವಿವರಣ್ ಉಂಚ್ಲ್ಯಾ ಮಟ್ಟಾಚೆಂ ಜಾವ್ನಾಸಾ.
ತಾಣಿಂ ಬರಯಿಲ್ಲ್ಯಾ ಹ್ಯಾ ಕಾದಂಬರಿಕ್ಪ್ರಸ್ತುತ್ 75ವರ್ಸಾಂ ಭರ್ತಾತ್. ಹ್ಯಾ ಉಗ್ಡಾಸಾಕ್, ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿನ್, ಉತ್ತೀಮ್ ಆದರ್ಶ್ ಆನಿ ಮೊಲಾಧಿಕ್ ಸಾಹಿತ್ಯಾಂತ್ ಭರ್ಲ್ಲ್ಯಾ ಆಂಜೆಲ್ ಕಾದಂಬರಿ ವಿಶ್ಯಾಂತ್ ಅಧ್ಯಯನ್ ಕರುಂಕ್ ಜುಲೈ 13, 2025ವೆರ್ ಮಂಗ್ಳುರ್ಚ್ಯಾ ನಂತೂರಾಂತ್ ಆಸ್ಚ್ಯಾ ಸಂದೇಶ ಸಭಾಂಗಣಾಂತ್ ಸಕಾಳಿಂ 9.30 ವೊರಾರ್ ವಿಚಾರ್ ಸಾತೆಂ ಮಾಂಡುನ್ ಹಾಡುಂಕ್ ಯೆವ್ಜಿಲಾಂ. ಹ್ಯಾ ವಿಚಾರ್ ಸಾತ್ಯಾಂತ್ ಸೂಕ್ತ್ ಭಾಷಾಂತರ್ಕಾರಾಂಕ್ ಎಕ್ಟಾಂವ್ನ್ ಹಿ ಕಾದಂಬರಿ ಕನ್ನಡ, ಇಂಗ್ಲೀಷ್ ಆನಿ ಇತರ್ ಭಾಸಾಂಕ್ ಭಾಷಾಂತರ್ ಕರ್ಚ್ಯಾ ಯೆವ್ಜಣೆ ವಿಶಿಂ ತಯಾರಾಯ್ ಚಲ್ತೆಲಿ ಮ್ಹಣ್ ಅಕಾಡೆಮಿ ಅಧ್ಯಕ್ಷ್ ಮಾನೆಸ್ತ್ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ಹಾಣಿಂ ಪತ್ರಿಕಾ ಪ್ರರ್ಗಟ್ಣೆಂತ್ ತಿಳ್ಸಿಲಾಂ.