ಸಾಹಿತ್ಯ ಅಕಾಡೆಮಿ, ನವೀ ಡೆಲ್ಲಿ ಹಾಣಿ, ಆಯ್ತಾರಾ 25 ಮೇ, ಸಾಂಜೆಚ್ಯಾ 4 ವರಾಂಚೇರ್, ನಾಮ್ನೆಚೊ ಕಲಾಕಾರ್ ವಿಲ್ಸನ್ ಕಯ್ಯಾರ್ ಹಾಚ್ಯಾ ಕಯ್ಯಾರ್ ಆರ್ಟ್ ನೆಸ್ಟ್ ಜೋಡ್ ಆಸ್ರ್ಯಾಖಾಲ್, ಗ್ರಾಮ ಲೋಕ್ ಕಾರ್ಯಾವಳ್ ಮಾಂಡುನ್ ಹಾಡ್ಲ್ಯಾ ಆಸುನ್, ಹ್ಯಾ ಕಾರ್ಯಾವಳಿಂತ್ ಕೊಂಕ್ಣಿ ಸಾಹಿತಿ ಆಪ್ಲಿಂ ರಚನಾಂ ಆನಿ ವಿಚಾರ್ ಪ್ರಸ್ತುತ್ ಕರ್ತಲೆ.
ಮಾಲ್ಘಡೊ ಸಾಹಿತಿ, ಪ್ರಾಧ್ಯಾಪಕ್ ಆನಿ ಸಾಹಿತಿ ಡೊ| ಎವ್ಜಿನ್ ಡಿ ಸೊಜಾ ಬೊಳಿಯೆ ಆನಿ ಪ್ರಾಧ್ಯಾಪಕ್, ಕಥಾಕಾರ್ ಡೊ| ಮೆಲ್ವಿನ್, ಪೆರ್ನಾಲ್ ಕಥಾ, ವಿಲ್ಫ್ರೆಡ್ ಆರ್ ಪಾಂಗ್ಳಾ ಕವಿತಾ ಆನಿ ಅಸುಂತಾ ದಿ ಸೊಜಾ, ಪಾಂಬೂರ್ ವೊವಿಯೊ ಆನಿ ವೊವಿಯಾಂಚೇರ್ ಆಪ್ಲೆ ವಿಚಾರ್ ಪ್ರಸ್ತುತ್ ಕರ್ತಲಿಂ. ಫಾಮಾದ್ ಕಾರ್ಯಾ ನಿರ್ವಾಹಕ್, ಸಾಹಿತಿ – ಶಿಕ್ಷಕ್ ಆಲ್ವಿನ್ ದಾಂತಿ, ಪೆರ್ನಾಲ್ ಕಾರ್ಯಾವಳಿಚೊ ಅಧ್ಯಕ್ಶ್ ಜಾವ್ನಾಸ್ತಲೊ.
ಉಡುಪಿ ಜಿಲ್ಲ್ಯಾಂತ್ಲ್ಯಾ ಕೊಂಕ್ಣಿ ಭಾಶಿಕ್ ಲೊಕಾಕ್ ಹ್ಯಾ ಕಾರ್ಯಾವಳಿಕ್ ಯೆವ್ಕಾರ್ ಆಸಾ. ಸಾಹಿತ್ಯ ಅಕಾಡೆಮಿ ಕೊಂಕ್ಣಿ ಸಲ್ಹಾಗಾರ್ ಸಮಿತಿಚೊ ನಿಮಂತ್ರಕ್ ಕವಿ ಮೆಲ್ವಿನ್ ರೊಡ್ರಿಗಸ್, ಸಾಂದೆ ಎಚ್ಚೆಮ್, ಪೆರ್ನಾಳ್ ಆನಿ ಸ್ಟ್ಯಾನಿ ಬೆಳಾ ಕಾರ್ಯಾಕ್ ಹಾಜರ್ ಆಸ್ತಲೆ.
