“ಕವಿಂಕ್ ಫಕತ್ ಸಂಸಾರ್ ಪಳವ್ಪಿ ನಿರಿಕ್ಷಕ್ ಮ್ಹಣ್ ಚಿಂತ್ಚೆಂ ಆಸಾ. ಪುಣ್ ಕವಿ ಏಕ್ ಮೆಟ್ ಮುಕಾರ್ ಸರ್ತಾ ಆನಿ ಕವಿತೆಂತ್ ವಾಂಟೆಲಿ ಜಾತಾ ತೆದ್ನಾಂ ಕವಿತಾ ಚಡ್ ಜಿವಿತ್ ಆನಿ ಸತ್ ಜಾತಾ. ಆಜ್ ಬೊಲ್ಕಾಂವಾಂತ್ ಆಪ್ಲ್ಯೊ ಕವಿತಾ ಪ್ರಸ್ತುತ್ ಕೆಲ್ಲಿಂ ಶ್ರೀಮತಿ ಫೆಲ್ಸಿ ಲೋಬೊ ದೆರೆಬಯ್ಲ್ ಆನಿ ಶ್ರೀಮತಿ ಸಲೋಮಿ ಮೊಗರ್ನಾಡ್ ಆಪಾಪ್ಲ್ಯಾ ಕವಿತೆಂತ್ಲ್ಯಾ ಘಡಿತಾಂನಿ ವಾಂಟೆಲಿ ಜಾಲ್ಲೆಂ ಸ್ಪಶ್ಟ್ ಕಳ್ತಾ” – ಅಶೆಂ ಮ್ಹಣಾಲೊ ನಾಮ್ಣೆಚೊ ಕೊಂಕಣಿ ಕವಿ ಆಂಡ್ರ್ಯು ಎಲ್. ಡಿʼಕುನ್ಹಾ, ಇಜಯ್.
ತೊ ಸಾಂ ಲುವಿಸ್ ಪರಿಗಣಿತ್ ವಿಶ್ವ್ ವಿದ್ಯಾಲಯಾಚ್ಯಾ ಕೊಂಕಣಿ ಸಂಸ್ಥ್ಯಾನ್ ಮ್ಹಯ್ನ್ಯಾವಾರ್ ಚಲಂವ್ಚ್ಯಾ ʻಬೊಲ್ಕಾಂವ್ʼ ಸಾಹಿತಿಕ್ ಸಂವಾದ್ ಕಾರ್ಯಾಚ್ಯಾ ಸವೆ ಬಸ್ಕೆಂತ್ ಕವಿತಾ ವಾಚನ್ ಆನಿ ಸಂವಾದಾ ವೆಳಾರ್, ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿ ಪ್ರಶಸ್ತಿ ವಿಜೇತ್ ಶ್ರೀಮತಿ ಫೆಲ್ಸಿ ಲೋಬೊ ದೆರೆಬಯ್ಲ್ ಆನಿ ಶ್ರೀಮತಿ ಸಲೋಮಿ ಮೊಗರ್ನಾಡ್ ಹಾಂಣಿ ಪ್ರಸ್ತುತ್ ಕೆಲ್ಲ್ಯಾ ಕವಿತೆಂತ್ಲ್ಯಾ ಸ್ತ್ರೀ ಸಂವೇದನಾಚೆರ್ ಚಲ್ಲೆಲ್ಯಾ ಸಂವಾದಾಚೆಂ ಸೂತ್ರ್ ಸಂಚಾಲನ್ ಕರುನ್ ಉಲಯ್ತಾಲೊ.
ಮುಕಾರುನ್ ತಾಣೆ ಮ್ಹಳೆಂ, “ಆಪ್ಲ್ಯಾ ಕವಿತೆಂತ್ ಕವಿಚೆಂ ಮೆತೆರ್ಪಣ್ ಶಾರೀರಿಕ್ ಥರಾನ್ ನ್ಹಯ್, ಬಗರ ಕವಿನ್ ಆಪ್ಲ್ಯಾ ಕಾಳ್ಜಾನ್, ಮನಾನ್ ಆನಿ ಆತ್ಮ್ಯಾನ್ ತ್ಯಾ ಅನ್ಭೋಗಾಂತ್ ವಾಂಟೆಲಿ ಜಾಂವ್ಚೆಂ. ಹಾಕಾ ಲಾಗೊನ್ ಕವಿ ತ್ಯಾ ಘಡ್ಯೆಚೊ ಆಕ್ ಭಾಗ್ ಜಾತಾ ಆನಿ ಹಾಕಾ ಲಾಗೊನ್ ಆಪ್ಣಾ ಭಿತರ್ ಉಬ್ಜಾಲ್ಲಿಂ ಭೊಗ್ಣಾಂ ಆಟವ್ನ್ ತಿಂ ಕವಿತೆಂತ್ ರೂಪಾಂತರ್ ಕರ್ತಾ” ಮ್ಹಣಾಲೊ. ತಾಚೆಂ ಪುರ್ತೆಂ ಉಲವ್ಪ್ ವಾಚ್ಚಾಕ್ ಹಾಂಗಾಸರ್ ಚಿಂಚಯಾ:
ಬೊಲ್ಕಾಂವ್ ಕಾರ್ಯಾಂತ್ ಲಗ್ಬಗ್ 50 ಮಿನುಟಾಂ ಕವಿತಾ ಪ್ರಸ್ತುತ್ ಕರ್ನ್ ತ್ಯಾ ಕವಿತೆಂಚಿ ಕೆಲ್ಲ್ಯಾ ಶ್ರೀಮತಿ ಫೆಲ್ಸಿ ಲೋಬೊ ದೆರೆಬಯ್ಲ್ ಆನಿ ಶ್ರೀಮತಿ ಸಲೋಮಿ ಮೊಗರ್ನಾಡ್ ಹ್ಯಾ ದೊಗಾಂಯ್ ಕವಿಂನಿ ಆಪ್ಲ್ಯಾ ಕವಿತಾಂಚಿ ಪಾಟ್ಭುಂಯ್ ವಿವರಿಲಿ.
ಜುಲಾಯ್ ಮಯ್ನ್ಯಾಚೆಂ ಬೊಲ್ಕಾಂವ್ ಕಾರ್ಯೆಂ ಆಯ್ತಾರಾ 6 ತಾರಿಕೆರ್, ಸಕಾಳಿಂಚ್ಯಾ 9.30 ವ್ಹರಾಂಚೆರ್ ಚಾ-ಫಳ್ಹಾರಾ ಸಾಂಗಾತಾ ಸುರು ಜಾವ್ನ್ 10.00 ಥಾವ್ನ್ 11.00 ಪಾಸುನ್ ಚಲ್ತಲೆಂ.