ವಕ್ತಾಂ ಉದ್ಯೋಗ್ ಶೆತಾಂತ್ ಉಂಚ್ಲ್ಯಾ ಸ್ಥಾನಾರ್ ವಾವ್ರ್ ಕರ್ಚ್ಯಾ ಡೊ| ವಿವಿಯನ್ ಮೆಂಡೊನ್ಸಾಕ್ ಹ್ಯಾ ವರ್ಸಾಚಿ ಜಿಲ್ಲಾ ರಾಜ್ಯೋತ್ಸವ್ ಪ್ರಶಸ್ತಿ ಫಾವೊ ಜಾಲಿ. ತೊ ಮಂಗ್ಳುರ್ ಶ್ಹೆರಾಚ್ಯಾ ಬೆಂದೂರ್ ಫಿರ್ಗಜೆಚ್ಯಾ ವಿನ್ಸೆಂಟ್ ಆನಿ ಮೇಬಲ್ ಮೆಂಡೊನ್ಸಾ ಹಾಂಚೊ ಪೂತ್ ಆನಿ ಶ್ವೇತಾ ಮೆಂಡೊನ್ಸಾಚೊ ಪತಿ. ಪ್ರಸ್ತುತ್ ಸ್ವಿಟ್ಜರ್ಲ್ಯಾಂಡಾಚ್ಯಾ ಜಾಗತಿಕ್ ಮಟ್ಟಾಚ್ಯಾ ಪ್ರಖ್ಯಾತ್ ಮೆನಾರಿನಿ ಫಾರ್ಮಸ್ಯುಟಿಕಲ್ ಗ್ರೂಪ್ ವಕ್ತಾಂ ತಯಾರೆಚ್ಯಾ ಕಂಪೆನಿಂತ್ ಸೀನಿಯರ್ ವೈಸ್ ಪ್ರೆಸಿಡೆಂಟ್ ಜಾವ್ನ್ ಉಂಚ್ಲ್ಯಾ ಸ್ಥಾನಾರ್ ವಾವ್ರ್ ದಿತೇ ಆಸಾ. ವಿಶೇಸ್ ಜಾವ್ನ್ ಅಪ್ರೂಪ್ ಪಿಡೆಂಕ್, ಅಂಕಾಲೊಜಿ (ಕ್ಯಾನ್ಸರ್ ಪಿಡಾ), ಆನಿ ಜೀವ್ ಪ್ರತಿರೋಧ್ (ಅಟೋ ಇಮ್ಯೂನ್) ಅಸಲ್ಯಾ ಪಿಡೆಂಕ್ ವಕ್ತಾಂ ತಯಾರ್ ಕರ್ತಾ.
ವಿಷಯ್ ತಜ್ಞ್ ಆನಿ ಅಂತರಾಷ್ಟ್ರೀಯ್ ಉಲವ್ಪಿ ಜಾವ್ನಾಸೊನ್ ಭಲಾಯ್ಕೆ ಶೆತಾಂತ್ ತಾಣೆ ಊಂಚ್ ಮಟ್ಟಾಚೊ ವಾವ್ರ್ ಕೆಲಾ. ಡೊ| ವಿವಿಯನಾನ್ ಸಾಂ ಲುವಿಸ್ ಕೊಲೆಜಿಂತ್ ಸರ್ವಿಲೆಂ ಶಿಕಪ್ ಜಾತಚ್ ಮಂಗ್ಳುರ್ಚ್ಯಾ ಕೆಎಮ್ಸಿ ಹಾಂಗಾಸರ್ ಎಮ್ಬಿಬಿಎಸ್ ಆನಿ ದಾವಣಗೆರೆಚ್ಯಾ ಜೆಜೆಎಮ್ಎಮ್ಸಿ ಹಾಂಗಾಸರ್ ಎಮ್ಡಿ ಸನದ್ ಜೊಡ್ಲ್ಯಾ.
2 comments