2000 ಇಸ್ವೆಂತ್ ಕುವೆಯ್ಟಾಂತ್ ಸುರ್ವಾತ್ಲ್ಲ್ಯಾ ‘ಆಶಾವಾದಿ ಪ್ರಕಾಶನ್’ ಚೊ ರುಪ್ಯೋತ್ಸವ್, ತಶೆಂಚ್ 2015 ಇಸ್ವೆಂತ್ ಮುಂಬಂಯ್ತ್ ಸುರ್ವಾತ್ಲ್ಲ್ಯಾ ಪಯ್ಣಾರಿ.ಕೊಮ್ ಮ್ಹಳ್ಳ್ಯಾ ತೀನ್ ಲಿಪಿಚ್ಯಾ ಕೊಂಕಣಿ ಸಾಹಿತ್ಯಿಕ್ ಜಾಳಿಜಾಗ್ಯಾಚೊ ದಶಮಾನೋತ್ಸವ್ ಅಶೆಂ ದೊಡೊ ಸಂಭ್ರಮ್ ಆಯ್ತಾರಾ 14 ದಸೆಂಬರ್) ಸಕಾಳಿಂ 10 ಥಾವ್ನ್ ದೊನ್ಪಾರಾಂ 1 ಪರ್ಯಾಂತ್ ಮಂಗ್ಳುರ್ಚ್ಯಾ ಎಮ್.ಸಿ.ಸಿ.ಬ್ಯಾಂಕ್ಚಾಚ್ಯಾ ಪಿ. ಎಫ್. ಎಕ್ಸ್. ಸಭಾಂಗ್ಣಾಂತ್ ಚಲ್ಲೊ. ಬಸ್ತಿ ವಾಮನ್ ಶೆಣಯ್ ಸ್ಮಾರಕ್ 25 ಕೊಂಕಣಿ ಪುಸ್ತಕಾಂಚೆಂ ಲೊಕಾರ್ಪಣ್, ಮೌಲ್ಯಾಧಾರಿತ್ ಕೊಂಕಣಿ ಪತ್ರಿಕೋಧ್ಯಮಾಚೊ ಜಿವಿತಾ-ಆವ್ದೆಚೊ ಪುರಸ್ಕಾರ್ ತಶೆಂಚ್ ಸಾಹಿತ್ಯ್, ಕಲಾ, ರಂಗ್ಮಂಚ್, ಭರತನಾಟ್ಯ್, ಸಮಾಜಸೇವಾ ಶೆತಾಂನಿ ದೇಣ್ಗಿ ದಿಲೆಲ್ಯಾಂಕ್ ಸನ್ಮಾನ್ ಕಾರ್ಯೆಂ ಆನಿ ಕನ್ನಡ ಲಿಪಿಯೆಂತ್ ಲಿಪಿಯಂತರಣ್ ಜಾಲ್ಲ್ಯಾ ಕೊಂಕಣಿಚ್ಯಾ ಪುಸ್ತಕಾಚೊ ಪಯ್ಲೊ ಪುರಸ್ಕಾರ್ ‘ದೆವಾದಿನ್ ಡೇನಿಸ್ ಡಿಕುನ್ಹಾ ಸ್ಮಾರಕ್ ಆಶಾವಾದಿ ಲಿಪಿಯಂತರಣ್ ಪುಸ್ತಕ್ ಪುರಸ್ಕಾರ್’ ಪ್ರಧಾನ್ ಹಿಂ ಸರ್ವ್ ಹ್ಯಾ ಸಂಭ್ರಮಾಂತ್ ಚಲ್ಲೆಂ.
ಕಾರ್ಯಕ್ರಮಚ್ಯಾ ಸುರ್ವಾತೆರ್ ಪ್ರಸ್ತಾವನ್ ದಿಲೆಲ್ಯಾ ಸೂತ್ರ-ಸಂಚಾಲಕ್ ಲಾರೆನ್ಸ್ ವಿನೋದ್ ಬರ್ಬೋಜಾ ಶಿರ್ವಾ (ಮ್ಯಾಂಚೆಸ್ಟರ್) ಹಾಣೆಂ ಆಶಾವಾದಿ ಪ್ರಕಾಶನ್ ಪಾಟ್ಲ್ಯಾ 25 ವರ್ಸಾಂನಿ ಕೊಂಕಣಿ ಸಾಹಿತ್ಯ್ ಪ್ರಕಾಶನ್ ಮಾತ್ರ್ ನ್ಹಯ್ ಆಸ್ತಾಂ, ಸಾಹಿತ್ಯಿಕ್ ಚಟುವಟಿಕೊ, ಸಾಹಿತ್ಯಿಕ್ ಸ್ಪರ್ದೆ, ಅಧ್ಯಯನ್ ಕಾಮಾಸಾಳಾಂ, ಎಕಾ ಸಂಸ್ಥ್ಯಾಪರಿಂ ನಿರಂತರ್ ಜಾವ್ನ್ ಚಲವ್ನ್ ಆಯ್ಲಾಂ, ತಾಚೊ ಫಳ್ ಜಾವ್ನ್ ಕೊಂಕಣಿಂತ್ ಜಾಯ್ತೆ ಸಾಹಿತ್ಯಿಕ್ ಪ್ರತಿಭಾವಂತ್ ಆಜ್ ಪರ್ಜಳ್ತಾತ್ ಮ್ಹಣಾಲೊ.
ಕಾರ್ಯಕ್ರಮಾಚೆಂ ಉಗ್ತಾವಣ್ ಕೆಲೆಂ ಮಾನಾದಿಕ್ ರೊನಾಲ್ಡ್ ಪ್ರಕಾಶ್ ಡಿಸೋಜ್ ಅಜೆಕಾರ್ ಹಾಣೆಂ, ಆಶಾವಾದಿ ಪ್ರಕಾಶನಚೊ ಸ್ಥಾಪಕ್ ತಶೆಂಚ್ ಪಯ್ಣಾರಿ.ಕೊಮ್ ಸಂಪಾದಕ್ ವಲ್ಲಿ ಕ್ವಾಡ್ರಸ್ ಅಜೆಕಾರ್ ಹಾಣೆಂ ಯೆವ್ಕಾರ್ ಉಲವ್ಪ್ ಕೆಲೆಂ. ನಾಮ್ನೆಚೊ ಕೊಂಕಣಿ ಕವಿ ಆಂಡ್ರೂ ಎಲ್. ಡಿಕುನ್ಹಾನ್ ‘ಆಶಾವಾದಿ ಪ್ರಕಾಶನಾಚಿ 25 ವರ್ಸಾಂಚಿಂ ವಾಟ್’ ವಿಶ್ಯಾಂತ್ ಸವಿಸ್ತಾರ್ ವಿವರ್ ದಿತಚ್ ಮಾನಾಧಿಕ್ ಮೆಲ್ವಿನ್ ಡಿಕುನ್ಹಾನ್ ‘ಪಯ್ಣಾರಿ ದಶಮಾನೋತ್ಸವಾಚೊ ವಿಶೇಷ್ ಅಂಕೊ’ (ಆಶಾವಾದಿ-25) ಲೊಕಾರ್ಪಣ್ ಕೆಲೊ. ಮುಕೆಲ್ ಸಯ್ರೆ ಜಾವ್ನ್ ನಂದಗೋಪಾಲ ಶೆಣಯ್ (ವಿಶ್ವ ಕೊಂಕಣಿ ಕೇಂದ್ರ, ಮಂಗಳೂರು), ಡೊ.ಚಂದ್ರಲೇಖ ಡಿಸೋಜ (ಗೋವಾ ವಿಧ್ಯಾಪೀಠಾಚ್ಯಾ ಕೊಂಕಣಿ ವಿಭಾಗಾಚಿ ಆಧ್ಲಿ ಮುಖೆಸ್ತ್), ತಶೆಂಚ್ ಬಾಯ್ ಕೋರಿನ್ ರಾಸ್ಕಿನ್ಹಾ (ವೈಟ್-ಡಾವ್ಸ್) ವೇದಿಚೆರ್ ಉಪಸ್ಥಿತ್ ಆಸ್ಲಿಂ.
ಕ್ಲಾರಾ ಅರುಣ್ ಡಿಕುನ್ಹಾ (ಸಮಾಜ್ ಸೇವಾ), ಇವೆಟ್ ರೆಮೋನಾ ಪಿರೇರಾ (ಭರತನಾಟ್ಯ), ರೋಹಿತ್ ಸಾಂಕ್ತುಸ್ (ಸಮಾಜ್ ಸೇವಾ), ಕ್ರಿಸ್ಟೋಫರ್ ಡಿಸೋಜ್ ನೀನಾಸಮ್ (ರಂಗ್ಮಂಚ್), ವಿಲ್ಸನ್ ಡಿಸೋಜ ಕಯ್ಯಾರು (ಕಲಾ), ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್ (ಸಾಹಿತ್ಯ್), ಬರ್ನಾಡ್ ಜೆ ಕೊಸ್ತಾ ಕುಂದಪುರ (ನಾಟಕ ಆನಿ ಡಿಜಿಟಲ್ ಪತ್ರಿಕೋಧ್ಯಮ್) ಹಾಂಕಾಂ ಶೊಲ್ ಪಾಂಗ್ರಾವ್ನ್, ಯಾದಿಸ್ತಿಕಾ, ಮಾನಪತ್ರ್ ಹಾಗೂ ಉಡಾಸಾಚಿ ಕಾಣಿಕ್ ದೀವ್ನ್ ಸನ್ಮಾನ್ ಕೆಲೊ. ಆವಿಲ್ ರಸ್ಕೀನ್ಹಾ (ಮೌಲ್ಯಾಧಾರಿತ್ ಕೊಂಕಣಿ ಪತ್ರಿಕೋಧ್ಯಮ್) ಹಾಕಾ ಜಿಣ್ಯೆ ಆವ್ದೆಚೊ ಪುರಸ್ಕಾರ್, ಡೊ.ಚಂದ್ರಲೇಖ ಡಿಸೋಜ ಆನಿ ಮಾನಾದಿಕ್ ಚೇತನ್ ಲೋಬೊ ಥಾವ್ನ್ ದಿವಯ್ಲೊ. ಹೆಚ್ ವೆಳಾರ್ ಹಾಂಚೊ ತಿಸ್ರೊ ಕವಿತಾಜಮೊ ‘ಪಾವ್ಸಾ ಥೆಂಬೆ’ ಲೊಕಾರ್ಪಣ್ ಜಾಲೊ.
ಮಾನಾಧಿಕ್ ಮೆಲ್ವಿನ್ ಡಿಕುನ್ಹಾನ್ ಅಪ್ಲೆ ಸಂಧೇಶ್ ದಿತಚ್, ಆವಿಲ್ ರಸ್ಕೀನ್ಹಾ ಆನಿ ಸನ್ಮಾನಿತಾಂ ಪಯ್ಕಿಂತ್ ಕ್ಲಾರಾ ಅರುಣ್ ಡಿಕುನ್ಹಾ ಉಲಯ್ಲಿಂ.
ಅರುಣ್ ಡಿಸೋಜ ಅಜೆಕಾರ್ ಹಾಣೆಂ ಸೂತ್ರಸಂಚಾಲನ್ ಕರ್ತಾಸಾಂ ಉಲವ್ನ್ ಮ್ಹಳೆಂ, ಶೆಂಭೊರ್ ಆನಿ ತಿಸಾಂಚ್ಯಾಕೀ ಚಡಿತ್ ವರ್ಸಾಂಚೊ ಇತಿಹಾಸ್ ಆಸ್ಚ್ಯಾ ಕೊಂಕಣಿ ಪತ್ರಿಕೋಧ್ಯಮಾಂತ್ ಹೆಂಚ್ ಪಯ್ಲೆಪಾವ್ಟಿಂ ಕೊಂಕಣಿ ಕಾಣಿಯಾಂಚೆರ್ ಸಮಗ್ರ್ ಅಧ್ಯಯನಾಚಿಂ ಪುಸ್ತಕಾಂ ವಿಶ್ಯಾಂತ್ ಉಲ್ಯ್ಲೊ. ಸಾಳಕಾಚ್ಯಾ ಸಿರಿವಂತಾಚ್ಯೊ ಕಥಾ (ಅಧ್ಯಯನ್), ಚಲ್ ದೋನ್ ಚಂದ್ರಾಂಕ್ (ಅಧ್ಯಯನ್), ಕಥಾವಿಹಾನ (ಅಧ್ಯಯನ್), ಕಥಾಪಾಠ (ಅಧ್ಯಯನ್). ಭೃಮಿದೆಂತ್ಲ್ಯೊ ಸಾವ್ಳ್ಯೊ (ಮೆಲ್ವಿನ್ ಜೆ. ವಾಸ್), ಭೃಮಿದೆಂತ್ಲಿ ಝಡ್ತಿ (ಮೆಲ್ವಿನ್ ಜೆ. ವಾಸ್), ಜಿಣ್ಯೆ ಕಾಣಿಕ್ (ಮೊನಿಕಾ ಡೆಸಾ ಮಥಾಯಸ್) ಮ್ಹಳ್ಳ್ಯೊ ತೀನ್ ಕಾದಂಬರಿ ಪುಸ್ತಾಂ, ಆಮ್ಗೆಲ್ಯೊ ಕೊಂಕಣಿ ಕಾಣಿಯೊ (ಜೇಸನ್ ಪಿಂಟೊ), ವರ್ಕ್ ಫ್ರೊಮ್ ಹೋಮ್ (ವಲ್ಲಿ ಕ್ವಾಡ್ರಸ್), ಜಾಂಬ್ಳಾಚೊ ರೂಕ್ ಆನಿ ಹೆರ್ ಕಥಾ (ಕ್ಯಾಥರೀನ್ ರೊಡ್ರಿಗಸ್), ಉದ್ಕಾಚೊ ಆರ್ಸೊ (ಮೆಲ್ವಿನ್ ಜೆ. ವಾಸ್) ಮ್ಹಳ್ಳಿಂ ಚಾರ್ ಕಥಾ ಸಂಗ್ರಹಆಂ, ನಾನುಚ್ಯಾ ಸಾಣ್ಯಾಥಾವ್ನ್ (ನಾನು ಮರೋಲ್ ತೊಟ್ಟಾಮ್), ಮುದಲ್ (ಸ್ಟೀವನ್ ಕ್ವಾಡ್ರಸ್ ಪೆರ್ಮುದೆ), ಕಾಳಿಜ್ ಉಸವ್ಲಾಂ (ಉದಯ್ ಎನ್. ಮ್ಹಾಂಬ್ರೊ) ಮ್ಹಳ್ಳಿಂ ತೀನ್ ಲೇಖನಾಂಚಿಂ ಪುಸ್ತಕಾಂ ತಶೆಂಚ್ ಉಜ್ವಾಡಾಚ್ಯೆ ವೆಂಗೆಂತ್ (ಆಂಡ್ರೂ ಎಲ್. ಡಿಕುನ್ಹಾ), ಮುರಳಿಚೊ ನಾದ್ (ಪ್ರಸನ್ನ ನಿಡ್ಡೋಡಿ ಮುಂಬಯ್), ಅಂತರ್ಮನ್ (ಉರ್ಜಿತಾ ಭೊಬೆ) ಮ್ಹಳ್ಳಿಂ ತೀನ್ ಕವಿತಾಸಂಗ್ರಹಾಂ, ಆಶಾವಾದಿ ಪ್ರಕಾಶನನ್ ಪರ್ಗಟ್ಲೆಲಿಂ ಪುಸ್ತಕಾಂ ಲೊಕಾರ್ಪಣ್ ಜಾಲಿಂ. ಮಾಯ್ಕಲ್ ಡಿಸೋಜ ವಿಶನ್ ಕೊಂಕಣಿಚ್ಯಾ ಕುಮೊಕೆಂತ್ ‘ಮುರಳಿಚೊ ನಾದ್’ ಕವಿತಾಸಂಗ್ರಹ್ ಲೊಕಾರ್ಪಣ್ ಜಾಲೆಂ.
ದೆವಾದಿನ್ ಡೆನಿಸ್ ಡಿಕುನ್ಹಾ ಸ್ಮಾರಕ್ ಆಶಾವಾದಿ ಲಿಪಿಯಂತರಣ್ ಪುರಸ್ಕಾರ್ ‘ನಿರ್ವಾಸಿತ್ ಯಾತ್ರಿಚಿ ಭಂವ್ಡಿ’ ಕವಿತಾಸಂಗ್ರಹಾಚ್ಯಾ ಕವಿ ಶೈಲೇಂದ್ರ ಮೆಹ್ತಾಕ್ ಮೆಲ್ವಿನ್ ರೊಡ್ರಿಗಸ್ ಹಾಗೂ ಫ್ರಾನ್ಸಿಸ್ ಡಿಕುನ್ಹಾನ್ ಶಾಲು ಪಾಂಗ್ರಾವ್ನ್, ಮಾನಪತ್ರ್, ಯಾದಿಸ್ತಿಕಾ ಹಾಗೂ ಉಡಾಸಾಚಿ ಕಾಣಿಕ್ ದಿಲಿ. ಆಂಡ್ರೂ ಎಲ್. ಡಿಕುನ್ಹಾನ್ ಪುರಸ್ಕಾರಚೊ ಐವಜ್ ರು.25,000 ಚೆಕ್ ಹತಾಂತರ್ ಕೆಲಿ. ಕವಿ ಶೈಲೇಂದ್ರ ಮೆಹ್ತಾನ್ ಅಪ್ಲಿಂ ದೋನ್ ಉತ್ರಾಂ ಉಲಯ್ಲೊ.
ಮೆಲ್ವಿನ್ ರೊಡ್ರಿಗಸ್ (ಸಾಹಿತ್ಯ ಅಕಾಡೆಮಿಚೊ ಸಂಚಾಲಕ್), ಅನಿಲ್ ಲೋಬೊ ಪೆರ್ಮಾಯ್ (ಎಮ್.ಸಿ.ಸಿ.ಬ್ಯಾಂಕಾಚೊ ನಿರ್ದೇಶಕ್), ಡೊ.ಎಡ್ವರ್ಡ್ ಎಲ್. ನಜ್ರೆತ್, ಜುಲಿಯಾನಾ ವೇಗಸ್, ಎಚ್ಚೆಮ್ ಪೆರ್ನಾಲ್, ವಿನ್ಸಿ ಕ್ವಾಡ್ರಸ್ (ದಲ್ಗಾದೊ ಕೊಂಕಣಿ ಅಕಾಡೆಮಿಚೊ ಆಧ್ಲೊ ಅಧ್ಯಕ್ಷ್), ಜೋ ಕ್ವಾಡ್ರಸ್ ಸಂತೆಕಟ್ಟೆ. ಮಾನಾಧಿಕ್ ಆಲ್ವಿನ್ ಸೆರಾವೊ, ಎಚ್. ಆರ್. ಆಳ್ವ, ಕೊನ್ಸೆಪ್ಟಾ ಫೆರ್ನಾಂಡಿಸ್ ಆಳ್ವ, ವಾಯ್ಲೆಟ್ ಜೆ. ಪಿರೇರಾ, ಸಾವ್ರಾಟ್ ಭೊಬೆ, ಮಾಚ್ಚಾ ಮಿಲಾರ್, ಮಾರಿಯೆಟ್ ರಸ್ಕೀನ್ಹಾ, ಡೇವಿಡ್ ಡಿಸೋಜ ಅಜೆಕಾರ್, ಜೋನ್ ಪೆರ್ಮನ್ನೂರ್, ವಿಲ್ಫ್ರೆಡ್ ಲೋಬೊ ಪಡೀಲ್ ಸಯ್ರಿಂ ಜಾವ್ನ್ ಆಸ್ಲಿಂ. ಪ್ರಿಯಾ ಸಿಕ್ವೇರಾ ಫೆರಾರ್, ಜೆಸ್ಸಿ ಲೋಬೊ ಕುಲ್ಶೇಕರ್ ಹಾಣಿಂ ಸಹಕಾರ್ ದಿಲೊ.
ಲೊಕಾರ್ಪಣ್ ಜಾಲ್ಲ್ಯಾ ಪುಸ್ತಕಾಂಚ್ಯಾ ಸರ್ವ್ ಲೇಖಕಾಂಚ್ಯಾ ತರ್ಫೆನ್ ನಾನು ಮರೋಲ್ ತೊಟ್ಟಾಮ್ ಹಾಣೆಂ ಉಲವ್ಪ್ ಕೆಲೆಂ. ವಲ್ಲಿ ಕ್ವಾಡ್ರಸ್ ಅಜೆಕಾರ್ ಹಾಣೆಂ ಧಿನ್ವಾಸ್ ಪಾಠಯ್ಲೆ.