ವಿಶ್ವ ಕೊಂಕಣಿ ಕೇಂದ್ರ, ಶಕ್ತಿನಗರ, ಮಂಗಳೂರು ಆನಿ ನಿಟ್ಟೆ ವಿಶ್ವ ವಿದ್ಯಾನಿಲಯ ಸಹಯೋಗಾನ ಮಂಗಳೂರು – ಪಡೀಲ ಜಂಕ್ಷನ್ ಹಾಂಗಾ ದಿ. ಉಳ್ಳಾಲ ಶ್ರೀನಿವಾಸ ಮಲ್ಯ ಹಾಂಗೆಲೆ ಶಿಲಾ ಪ್ರತಿಮಾ ಸ್ಥಾಪನ ಕೆಲಾಂ. ದಿ. ಉಳ್ಳಾಲ ಶ್ರೀನಿವಾಸ ಮಲ್ಯಲೊ 60 ವೇ ಪುಣ್ಯ ಸಂಧರ್ಬಾರ ದಿ. 19-12-2025 ತಾರ್ಕೆರ್ ತಾಂಗೆಲೆ ಶಿಲಾ ಪ್ರತಿಮಾಕ ಗೌರವ ದೀವನ ಫುಲ್ಲಾ ಮಾಲಾರ್ಪಣ ಕೆಲೆಂ. ದ.ಕ ಜಿಲ್ಲೆಚಾ ವಡಾವಳೀಕ ಮಸ್ತ ದಶಕಾ ಮಾಗಶೀಚಿ, ಮಸ್ತ ಯೋಜನಾ ಬದ್ದಲ ತಾನ್ನಿ ವಾವರ ಕೆಲಾಂ. ಮಂಗಳೂರು ಸರ್ವಋತು ಬಂದರು, ವಿಮಾನ ನಿಲ್ದಾಣ, ಉಳ್ಳಾಲ ಸೇತುವೆ, ಇಂಜಿನಿಯರಿಂಗ್ ಕಾಲೇಜು ಅಸಲೆ ಯೋಜನಾ ಕರನ ದಾಕಯಲೊ ಮಹಾನ್ ಮಾನೆಸ್ತ ಶ್ರೀನಿವಾಸ ಮಲ್ಯ ಹಾನ್ನಿ. ಹಾಂಗೆಲೆ ಆದರ್ಶ ವ್ಯಕ್ತಿತ್ವ ಆನಿ ತಾನ್ನಿ ದಿಲೆಲೆ ದೇಣೆ, ಸಮಾಜ ಸೇವಾ ಮಾನುನ ಘೆವನು ಆಯಿಲೆ ಸೊಯರೆಂನಿ ಗೌರವ ದೀವನ ತಾಂಗೆಲೆ ಸಾಧನಾ ಬದ್ದಲ ಸಂದೇಶ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಶ್ರೀ ಸಿ ಎ ನಂದಗೋಪಾಲ ಶೆಣೈ, ಉಪಾಧ್ಯಕ್ಷ ಶ್ರೀ ರಮೇಶ ಡಿ ನಾಯಕ, ಸಿ ಎ ಒ ಡಾ. ಬಿ ದೇವದಾಸ ಪೈ, ಕೆನರಾ ಛೇಂಬರ ಆಫ್ ಕಾಮರ್ಸ್ ಅಧ್ಯಕ್ಷ ಶ್ರೀ ಅಹಮ್ಮದ ಮುದಸರ್, ಕಾರ್ಯದರ್ಶಿ ಮಾರೂರು ಅಶ್ವಿನ ಪೈ, ಲೇಕ ತಪಾಸಣಾ ಸಂಘಾಚೆ ಮಂಗಳೂರು ಶಾಖೆಚೊ ಅಧ್ಯಕ್ಷ ಸಿ ಎ ಪ್ರಶಾಂತ ಪೈ, ಉಳ್ಳಾಲ ಶ್ರೀಕರ ಕಿಣಿ ಆನಿ ಅನಿಲ್ ಪೈ, ಶ್ರೀ ಗಣೇಶ ಭಟ್ ಮಾನೆಸ್ತಾಂ ಉಪಸ್ಥಿತ ಆಶಿಲಿಂಚಿ.