ಮಂಗ್ಳುರ್ಚ್ಯಾ ತರ್ನ್ಯಾಟ್ಯಾಂಚೆಂ ಮನ್ಶ್ಯಾಪಣಾಚೆಂ ಮಿಸಾಂವ್

ನೈಸರ್ಗಿಕ್ ಅನಾಹುತಾಂ ಘಡ್’ಲ್ಲೆ ತವಳ್ ಪೀಡಿತ್ ಲೊಕಾಕ್ ಕುಮ್ಕೆ ಹಾತ್ ಪಾಟಂವ್ಚೆಂ, ‘ಮನಿಸ್’ ಜಾಲ್ಲ್ಯಾ ಹರ್ಯೆಕ್ಲ್ಯಾಚೆಂ ಕರ್ತವ್ಯ್. ಭುಂಯ್ಕಾಪ್, ಆವ್ರ್ ತಸ್ಲಿಂ ಪೃಕೃತಿ ವಿಕೋಪಾಂ ಮನ್ಶ್ಯಾನ್ ಪೃಕೃತೆ ವಯ್ರ್ ಕರ್ಚ್ಯಾ ಅತ್ಯಾಚಾರಾ ವಿರೋಧ್ ಪೃಕೃತೆಚೆಂ ಪಾರಿಕ್ಪಣ್ ಮ್ಹಣ್ತಾತ್ ತಿ ಗಜಾಲ್ ವೆಗ್ಳಿ. ಪುಣ್ ಅಸಲಿಂ ಪ್ರಾಕೃತಿಕ್ ಅನಾಹುತಾಂ, ದಿಸ್ಪೊಡ್ತ್ಯಾ ವೆಸ್ತ್ ಜೀವನಾಂತ್ ಸಾಂಡುನ್ ಗೆಲ್ಲ್ಯಾಂಚ್ಯಾ ಕಾಳ್ಜಾಂತ್ ಖಂಚಾಗೀ ಎಕಾ ಕೊನ್ಶ್ಯಾಂತ್ ಕುರ್ವೊನ್ ಆಸ್ಚ್ಯಾ ‘ಮನ್ಶಾಪಣಾ’ಕ್ ಜಾಗವ್ನ್ ಉಟಯ್ತಾತ್ ಮ್ಹಣ್ ಮ್ಹಜಿ ಪಾತ್ಯೆಣಿ. ಕರ್ನಾಟಕ್ ಆನಿ ಕೇರಳಾಂತ್ ಮೀತ್ ಮಿರ್ವಾಲ್ಲ್ಯಾ ಪಾವ್ಸಾಕ್ ಲಾಗೊನ್ ಜಾಲ್ಲಿಂ ಅನಾಹುತಾಂ, ತಾಂತುಂಯೀ ಕೇರಳಾಂತ್ ಪ್ರಸ್ತುತ್ ಘಡೊನ್ ಆಸ್ಚಿಂ ಅನಾಹುತಾಂ ನ್ಯೂಸ್ ಚಾನೆಲಾನಿಂ, ಅಂತರ್ಜಾಳಿಂನಿ ಪಳೆವ್ನ್ ತಾಂಕಾಂ ಕುಮ್ಕೆ ಹಾತ್ ಪಾಟಂವ್ಚೆಂ ಯಾ ಕನಿಷ್ಟ್ ತಾಂಚೆ ಪಾಸೊತ್ ಮಾಗ್ಯಾಂ ಮ್ಹಣ್ ಉಲೊ ದಿಂವ್ಚೆಂ ಪಳೆತಾನಾ, ಹ್ಯಾ ಧರ್ತೆರ್ ‘ಮನಿಸ್’ ಆನಿಕೀ ಜೀವ್ ಆಸಾತ್ ಮ್ಹಳ್ಳಿ ಧಾದೊಸ್ಕಾಯ್ ಭೊಗ್ತಾ.

ಪ್ರಾಕೃತಿಕ್ ಅನಾಹುತಾಂಕ್ ಸ್ಪಂದನ್ ಕರ್ಚ್ಯಾಂತ್ ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ಕೆದಾಳಾಯೀ ಮುಕಾರ್ ಆಸಾ ತೆಂ ಆಮಿ ಜಾಯ್ತ್ಯಾ ಘಡಿತಾನಿಂ ಪಾರ್ಕಿಲಾಂ. ಐಸಿವೈಎಮ್ ಮಂಗ್ಳುರ್ ಘಟಕಾನ್ ಎಕಾಚ್ ಮ್ಹಯ್ನ್ಯಾದಿಂ ಮಂಗ್ಳುರಾಂತ್ ‘ಕೃತಕ್ ಆವ್ರ್’ ಆಯಿಲ್ಲೆ ತವಳ್ ಆವ್ರಾಂತ್ ಸಾಂಪಡ್ಲೆಲ್ಯಾ ಸಂತ್ರಸ್ತಾಂಕ್ ಖಾಣಾವರ್ವಿ ಆನಿ ಹೆರ್ ಗರ್ಜೆಚ್ಯೊ ಸಾಹೆತಿ ಪಾವಿತ್ ಕರ್ನ್ ಸಮಾಜೆಕ್ ಏಕ್ ಉಂಚ್ಲೊ ಸಂದೇಶ್ ದಿಲ್ಲೊ. ಪುಣ್ ಉಜ್ವ್ಯಾ ಹಾತಾನ್ ಕೆಲ್ಲೆಂ ದಾವ್ಯಾ ಹಾತಾಕ್ ಕಳೊಂಕ್’ನಜೊ ಮ್ಹಳ್ಳೆಪರಿಂ ಹ್ಯಾ ವಿಶ್ಯಾಂತ್ ತಾಣಿಂ ವ್ಹಡ್ ಪ್ರಚಾರ್ ಆಶೆನಾಸ್ತಾಂ ಎಕೀನ್ಪಣಾನ್ ಕಾಮ್ ಕೆಲ್ಲೆಂ. ದೇಶ್-ವಿದೇಶಾಂತ್ ಆಸೊನ್ ನ್ಯೂಸ್ ಚಾನೆಲಾಂನಿ ಆನಿ ಜಾಳಿಜಾಗ್ಯಾಂನಿ ಫಾಯ್ಸ್ ಜಾಲ್ಲೆಂ ಮಾತ್ರ್ ಖಾಯ್ಸ್ ಕರ್ಚಾ ಆಮ್ಚ್ಯಾ ಸಮುದಾಯಾಚ್ಯಾ ಥೊಡ್ಯಾಂಕ್ ಐಸಿವೈಎಮ್ಮಾನ್ ಆವ್ರ್ ಸಂತ್ರಸ್ತಾಖಾತಿರ್ ವಾವುರ್’ಲ್ಲಿ ಗಜಾಲ್ ಕಳಿತ್ ಆಸ್ಲಿಗೀ ನಾ ತೆಂ ಹಾಂವ್ ನೆಣಾ, ಪುಣ್ ಪ್ರಚಾರ್ ಆಶೆಂವ್ಚ್ಯಾ ಹೆರ್ ಥೊಡ್ಯಾ ಸಂಘಟನಾಂನಿ ಆವ್ರ್ ಸಂತ್ರಸ್ತಾಂಕ್ ಖಾಣಾವರ್ವಿ ಪಾವಿತ್ ಕರ್ನ್ ಥೊಡ್ಯೊ ಫೋಟೋ ಕಾಡ್ನ್ ಜಾಳಿಜಾಗ್ಯಾನಿಂ ಶೇರ್ ಕೆಲ್ಲ್ಯೊಚ್ ಕೆಲ್ಲ್ಯೊ – “ಆತಾಂ ಖಂಯ್ ಆಸಾತ್ ಆಮ್ಚೆ ಕ್ರೀಸ್ತಾಂವ್ ತರ್ನಾಟೆ? ಖಂಯ್ ಆಸಾ ಐಸಿವೈಎಮ್?” ಮ್ಹಣ್ ತಾಂಕಾಂ ಝಡ್ತೆಕ್ ಉಬೆಂ ಕೆಲ್ಲೆಂ.

ತವಳ್ ಆಮ್ಚೆ ಐಸಿವೈಎಮ್ ತರ್ನಾಟೆ ಹ್ಯಾ ಝಡ್ತೆಚ್ಯಾ ಜವಾಬ್ ದೀವ್ನ್ ವೇಳ್ ವಿಭಾಡುಂಕ್ ವಚೊಂಕ್’ನಾತ್’ಲ್ಲೆ. ಆಜ್ ಅಸಲೊಚ್ ಪ್ರಕೃತಿ ವಿಕೋಪ್ ಪರತ್ ಉದೆಲಾ, ಆನಿ ಆಮ್ಚೆ ಐಸಿವೈಎಮ್-ಮಂಗ್ಳುರ್ ತರ್ನಾಟೆ ಪತ್ರ್ಯಾನ್ ಕಾಮಾಕ್ ದೆಂವ್ಲ್ಯಾತ್. ಬಂಟ್ವಾಳ್, ಪುತ್ತೂರ್, ಉಪ್ಪಿನಂಗಡಿ, ಬೆಳ್ತಂಗಡಿ ಪರಿಸರಾಂನಿ ಆವ್ರಾಕ್ ಸಾಂಪಡ್ಲೆಲ್ಯಾ ಲೊಕಾಕ್ ಮಜತ್ ಪಾಟಂವ್ಚೆಂ ಕಾಮ್ ತಾಣಿಂ ಎದೊಳ್’ಚ್ ಸುರು ಕೆಲಾಂ. ಹ್ಯಾ ಮಧೆಂ ಆವ್ರಾನಿಮ್ತಿಂ ವಿಶೇಷ್ ಕಷ್ಟಾಂಕ್ ಒಳಗ್ ಜಾಲ್ಲ್ಯಾ ಕೇರಳ ರಾಜ್ಯಚ್ಯಾ ಲೊಕಾಕ್ ಕುಮ್ಕೆ ಹಾತ್ ಪಾಟಂವ್ಚೆ ಪಾಸೊತ್ ಮಿಶನ್ ಕುಡ್ಲ ಟು ಕೇರಳ (Mission K2K) ಹಾಚಿ ತಾಣಿಂ ಸುರ್ವಾತ್ ಕೆಲ್ಯಾ. ಮಂಗ್ಳುರ್ ದಿಯೆಸೆಜಿಚ್ಯಾ ಸರ್ವಯ್ ಫಿರ್ಗಜಾಂಚ್ಯಾ ಐಸಿವೈಎಮ್ ಘಟಕಾನಿಂ ತಾಂತಾಂಚ್ಯಾ ಫಿರ್ಗಜೆ ಹಂತಾರ್ ಪೊರ್ವಾಂ ಆಯ್ತಾರಾ ಮ್ಹಣ್ಜೆ ಅಗೋಸ್ತ್ 19 ತಾರಿಕೆ ಭಿತರ್ ತಾಂದುಳ್ ಆನಿ ಹೆರ್ ಖಾಣಾ ಸಾಹೆತ್ ಯಾ ದುಡ್ವಾ ರುಪಿಂ ಕಿತ್ಲಿ ಜಾತಾ ತಿತ್ಲಿ ಮಜತ್ ಎಕ್ಟಾಂಯ್ ಕರ್ನ್ ಕೇರಳ ರಾಜ್ಯಾಂಚ್ಯಾ ಸಂಬಂಧಿತ್ ಜಿಲ್ಲಾಧಿಕಾರಿಂಕ್ ಯಾ ಸಂತ್ರಸ್ತ್ ಕ್ಯಾಂಪಾಂಕ್ ಪಾವಿತ್ ಕರ್ಚೆಂ ವ್ಹಡ್ ಏಕ್ ಮಿಸಾಂವ್ ತಾಣಿಂ ಹಾತಿಂ ಧರ್ಲಾಂ.

ಹ್ಯಾ ಆಮ್ಚ್ಯಾ ತರ್ನಾಟ್ಯಾಂಚೆ ಹಾತ್ ಬಳ್ವಂತ್ ಕರ್ಚಿ ಜವಾಬ್ದಾರಿ ಆಮ್ಕಾಂ ಹರ್ಯೆಕ್ಲ್ಯಾಕೀ ಭಾಂದ್ತಾ. ತಾಣಿಂ ಕಿತೆಂ ಕೆಲೆಂ ಮ್ಹಣ್ ಉಪ್ರಾಂತ್ ಸವಾಲ್ ಕರ್ಚ್ಯಾಕೀ, ಆತಾಂ ತಾಣಿ ಕರುಂಕ್ ಯೆವ್ಜಿಲ್ಲ್ಯಾ ಕಾಮಾಕ್ ಆಮಿ ಕಿತ್ಲಿ ಕುಮಕ್ ಕೆಲಿ? ಮ್ಹಳ್ಳೆಂ ಚಡ್ ರಾಜಾಂವಿಕ್. ಫುಲ್ ಯಾ ಫುಲಾಚಿ ಪಾಕ್ಳಿ ಆಮ್ಚೆ ತಾಂಕಿಪುರ್ತೆಂ ಕಾಂಯ್ ಇಲ್ಲೆಂ ಆಮಿ ದೀಂವ್ಕ್ ಸಕ್ಲ್ಯಾಂವ್ ತರ್ ಐಸಿವೈಎಮ್ ತರ್ನಾಟ್ಯಾಂನಿ ಕರುಂಕ್ ಯೆವ್ಜಿಲ್ಲೆಂ ಹೆಂ ಕುಮ್ಕೆ ಕಾಮ್ ಯಶಸ್ವಿ ಜಾವ್ನ್ ಚಡ್ ಆನಿ ಚಡ್ ಲೊಕಾಕ್ ಫಾಯ್ದ್ಯಾಚೆಂ ಜಾಂವ್ಕ್ ಆನಿ ತ್ಯಾ ಮಾರಿಫಾತ್ ಹಿ ಮನ್ಶಾಪಣಾಚಿ ಕರ್ನಿ ಸಮಾಜೆಕ್ ಏಕ್ ದೇಖ್ ಜಾಂವ್ಕ್ ಕಾರಣ್ ಜಾತೆಲೆಂ.

ದುಡ್ವಾರುಪಿಂ ಕುಮಕ್ ಪಾವಿತ್ ಕರುಂಕ್ ಬ್ಯಾಂಕ್ ಖಾತ್ಯಾಚೊ ವಿವರ್

The Director
Indian Catholic Youth Movement
Acc No: 520101228880765
Corporation Bank, Kankanady Branch
IFSC Code : CORP0000078

► ಓಸ್ಕರ್ ವಗ್ಗ

DONATE
ಕಿಟಾಳ್ ತುಮ್ಕಾಂ ಮೊಗಾಚೆಂ? ಪಾಟ್ಲ್ಯಾ 10 ವರ್ಸಾಂ ಪಾಸುನ್ ಖಳಾನಾಸ್ತಾನಾ ನಿರಂತರ್ ಫಾಯ್ಸ್ ಜಾವ್ನ್ ಆಸ್ಚ್ಯಾ ಕಿಟಾಳಾರ್ ಹಜಾರೊಂ ಪಾನಾಂನಿ ವಿಂಚ್ಣಾರ್ ಕೊಂಕ್ಣಿ ಸಾಹಿತ್ಯ್ ಆಸಾ. ಪಾಟ್ಲ್ಯಾ ಧಾ ವರ್ಸಾಂನಿ ಬಾಂದುನ್ ಹಾಡ್ಲೆಲೆಂ ಕೊಂಕ್ಣಿ ಸಾಹಿತ್ಯಾಚೆಂ ದಾಯ್ಜ್ ಮುಕಾರುನ್ ವ್ಹರುಂಕ್ ತುಮ್ಚ್ಯಾ ಖುಶೆಚಿ ವರ್ಗಣಿ ದೀವ್ನ್ ಆಮ್ಕಾಂ ಪಾಟಿಂಬೊ ದಿಯಾ. ಸಕಯ್ಲೊ ಬುತಾಂವ್ ದಾಂಬುನ್ ಗೂಗಲ್ ಪೇ, ಪೋನ್ ಪೇ, ಬ್ಯಾಂಕ್ ಟ್ರಾನ್ಸ್‌ಪರ್, ಡೆಬಿಟ್ ಕ್ರೆಡಿಟ್ ಕಾರ್ಡಾ ಮಾರಿಫಾತ್ ವರ್ಗಣಿ ದಿವ್ಯೆತ್. ದೇವ್ ಬರೆಂ ಕರುಂ.

Join KITTALL WhatsApp Group, connect to KONKANI Literature

Nobody had feels yet. And how do you feel?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

Leave a Reply

Your email address will not be published. Required fields are marked *

Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. Kittall.com will not be responsible for any defamatory message posted under this article. Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kittall.com to provide the IP address and other details of senders of such comments, to the authority concerned upon request. Hence, sending offensive comments using kittall.com will be purely at your own risk, and in no way will kittall.com be held responsible.

Kindly Share ....Please do not COPY !