Trending Now

ವಿಶ್ವ ಕೊಂಕಣಿ ಕೇಂದ್ರಾಂತ್ ಅಂತರಾಷ್ಟ್ರೀಯ ಮಾತೃ ಭಾಷಾ ದಿವಸ ಆಚರಣ

ಯುನೆಸ್ಕೊ ವಿಶ್ವ ಸಂಸ್ಥೆನ ದಿಲೆ ಆದೇಶ ಪ್ರಕಾರ ವಿಶ್ವ ಕೊಂಕಣಿ ಕೇಂದ್ರ ವತೀನ ಅಂತರಾಷ್ಟ್ರೀಯ ಮಾತೃ ಭಾಷಾ ದಿವಸ ಕಾರ್ಯಕ್ರಮ 21 – 02 – 2019 ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಂತ ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಬಸ್ತಿ ವಾಮನ ಶೆಣೈ ಹಾನ್ನಿ ದಿವೊ ಲಾವನ ಕಾರ್ಯಕ್ರಮ ಉಗ್ತಾವಣ ಕೆಲೆಂ. ಶಾಳೆಂತ ಕೊಂಕಣಿ ಶಿಕ್ಷಣ ಸಮಿತಿ ಮುಖೇಲ ಡಾ| ಕೆ. ಮೋಹನ ಪೈ ಹಾನ್ನಿ ಅತಿಥಿಂಕ ಸ್ವಾಗತ ಕರನ ಕೊಂಕಣಿ ಶಿಕ್ಷಣಾಂತ ಆಸುಚೆ ಸ್ಥಿತಿ ವಿವರಣಾ ಆನಿ ಪುರಾತನ ಕೊಂಕಣಿ ಭಾಷೆಚೊ ಇತಿಹಾಸ ಬದ್ದಲ ಆಸುಚೆ ಪುರಾವೆ ಪ್ರಾತ್ಯಕ್ಷಿಕಾ ‘ಪವರ್ ಪೊಯಿಂಟ್ ಪ್ರೆಸೆಂಟೇಶನ್’ ಪ್ರಸ್ತುತ ಕೆಲೆಂ.

ಮಂಗಳೂರು ವಿಶ್ವ ವಿದ್ಯಾನಿಲಯ ಸ್ನಾತಕೋತ್ತರ ಕೊಂಕಣಿ ವಿಭಾಗ ಸಂಯೋಜಕ, ಡಾ| ಬಿ. ದೇವದಾಸ ಪೈ, ಶ್ರೀಮತಿ ಉಷಾ ಮೋಹನ ಪೈ ವಿಶ್ವ ಕೊಂಕಣಿ ಕೇಂದ್ರ ತಾಕುನ ಶಾಳೆಂತ ಕೊಂಕಣಿ ಶಿಕ್ಷಣಾ ಬದ್ದಲ ದಿವಚೆ ಸೌಲಭ್ಯ ವಿವರಣ ದಿಲೆಂ, ಶಾರದಾ ರೆಸಿಡೆನ್ಸಿಯಲ್ ಕಾಲೇಜ ಪ್ರಿನ್ಸಿಪಾಲ್ ಶ್ರೀ ವಿದ್ಯಾವಂತ ಆಚಾರ್ಯ, ಹೊನ್ನಾವರ ನ್ಯೂ ಇಂಗ್ಲಿಷ್ ಹೈಸ್ಕೂಲ್ ಶ್ರೀ ಜಗದೀಶ ಪೈ, ಕಾರ್ಕಳ ಎಸ್. ವಿ. ಟಿ. ಎಜುಕೇಶನಲ್ ಇನ್‌ಸ್ಟಿಟ್ಯೂಟ್ ಶ್ರೀ ಕೆ. ಪಿ. ಶೆಣೈ, ಎಸ್. ವಿ. ಎಸ್. ವಿದ್ಯಾವರ್ಧಕ ಸಂಘ, ಕಟಪಾಡಿ ಶ್ರೀ ಬಿ. ಸಿ. ಪೈ, ಶ್ರೀ ಕೆ. ಶ್ರೀನಿವಾಸ ಕಿಣಿ ಆನಿ ಶ್ರೀ ಸತ್ಯೇಂದ್ರ ಪೈ, ಮಂಗಳೂರು ಬೆಸೆಂಟ್ ಇನ್‌ಸ್ಟಿಟ್ಯೂಟ್ ಶ್ರೀ ರಮೇಶ ಪ್ರಭು, ದಕ್ಷಿಣ ಕನ್ನಡ ಜಿಲ್ಲಾ ಚಪ್ಟೇಕಾರ ಸಾರಸ್ವತ ಸಂಘ ಅಧ್ಯಕ್ಷ ಶ್ರೀ ಪ್ರವೀಣ ನಾಯಕ್, ಎಸ್. ವಿ. ಎಸ್ ಶಾಳಾ ವಿದ್ಯಾಗಿರಿ ಬಂಟ್ವಾಳ ಶ್ರೀ ಭಾಮೀ ವಿಠ್ಠಲದಾಸ ಶೆಣೈ, ಸಾರಸ್ವತ ಎಜುಕೇಶನ ಸೊಸೈಟಿ ಆಡಳಿತ ಅಧಿಕಾರಿ ಶ್ರೀ ಅಲೇಕಲ ರಾಮಚಂದ್ರ ರಾವ್, ಎಸ್. ವಿ. ಹಿರಿಯ ಪ್ರಾ. ಶಾಲೆ ಗಂಗೊಳ್ಳಿ ಶ್ರೀಮತಿ ಸುಮನಾ ಬಾಯಿ, ಎಸ್. ವಿ. ಸ್ಕೂಲ್ ಗಂಗೊಳ್ಳಿ ಎನ್. ಸದಾಶಿವ ನಾಯಕ, ವಿಶ್ವ ಕೊಂಕಣಿ ಸ್ತ್ರೀ ಶಕ್ತಿ ಮಿಶನ್ ಸಂಚಾಲಕಿ ಶ್ರೀಮತಿ ಗೀತಾ ಸಿ. ಕಿಣಿ, ಜಿ. ಎಸ್. ಬಿ. ಮಹಿಳಾ ಮಂಡಳ ಅಧ್ಯಕ್ಷಾ ಶ್ರೀಮತಿ ಪ್ರಭಾ ಜಿ. ಪೈ, ಶ್ರೀಮತಿ ಮಾಲತಿ ಯು ಕಾಮತ್, ಶ್ರೀಮತಿ ಮೀನಾಕ್ಷಿ ಎನ್. ಪೈ, ಕೊಂಕಣಿ ಸಾಂಸ್ಕೃತಿಕ ಸಂಘ ಅಧ್ಯಕ್ಷ ಶ್ರೀ ವಿಠ್ಠಲ ಕುಡ್ವಾ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸದಸ್ಯ ಶ್ರೀ ಸಂತೋಷ ಶೆಣೈ, ನಾಮನೆಚೊ ಬರಹಗಾರ ಆನಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಪ್ರಶಸ್ತಿ ಪುರಸ್ಕೃತ ಶ್ರೀ ಎಚ್. ಎಮ್. ಪೆರ್ನಾಳ, ಕೊಂಕಣಿ ಖ್ಯಾತ ನಟ ಆನಿ ನಿರ್ದೇಶಕ ಶ್ರೀ ಎಡ್ವರ್ಡ್ ಸಿಕ್ವೇರಾ ಆನಿ ಖ್ಯಾತ ಕೊಂಕಣಿ ನಟ ಅರುಣ ಪ್ರಕಾಶ ನಾಯಕ, ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಶ್ರೀ ಬಿ. ಪ್ರಭಾಕರ ಪ್ರಭು ಸಮಾರಂಭಾಂತ ಉಪಸ್ಥಿತ ಆಶಿಲಿಂಚಿ.

ಕರ್ನಾಟಕ ರಾಜ್ಯ ಸರ್ಕಾರ ಕೊಂಕಣಿ ಭಾಸ ಕರ್ನಾಟಕ ರಾಜ್ಯಾಂತ ಅಲ್ಪಸಂಖ್ಯಾತ ಭಾಸ ಮ್ಹಣೂನ ಮಾನ್ಯತಾ ದಿಲೆಲೆ, ಮುಖಾವಯಲೆ ಪಾವಲ ಜಾವನ ಕೊಂಕಣಿ ಭಾಸ ಶಿಕೊವಚೆ ಉಡುಪಿ, ದಕ್ಷಿಣ ಕನ್ನಡ ಆನಿ ಉತ್ತರ ಕನ್ನಡ ಜಿಲ್ಲೆಚಾ 18 ಶಾಳಾ ಅಧಿಕಾರಿ, ಆಡಳಿತ ವರ್ಗ ಆನಿ ಶಿಕ್ಷಕ ಆನಿ ಹಿತ ಚಿಂತಕ ಹಾಂತು ಭಾಗಿ ಜಾವನ ಕೊಂಕಣಿ ಶಿಕ್ಷಣಾಚೊ ಅಭಿವೃದ್ಧಿ ಬದ್ದಲ ಸಮಾಲೋಚನ ಕರನ ಮುಖಾವಯಲೆ ದಿವಸಾಂತ ಆನಿಕಯ ಚಡ ಶಾಳಾ, ಕಾಲೇಜಾಂತ ಕೊಂಕಣಿ ಶಿಕೊವಚೆ ಅಭಿವೃದ್ಧಿಕ ನಿರ್ಧಾರ ಕೆಲೆಂ.

ಲಕ್ಷ್ಮೀ ವಿ. ಕಿಣಿ ನ ಪ್ರಾರ್ಥನ ಕೆಲೆಂ. ನಳಂದಾ ಹೈಸ್ಕೂಲ್ ಕೊಂಕಣಿ ಶಿಕೊವಚೆ ಉಪಾಧ್ಯಾಯಿನಿ ಐಶ್ವರ್ಯಾ ಲಕ್ಷ್ಮೀ ಭಟ್ ಆನಿ ಸೈಂಟ್ ಲಾರೆನ್ಸ್ ಪಿ. ಯು. ಕಾಲೇಜ್ ಕಾರ್ಕಳ ಉಪಾಧ್ಯಾಯ ಶ್ರೀ ರಾಬರ್ಟ್ ಮೆನೆಜಸ್ ಹಾನ್ನಿ ಶಾಳೆಂತ ಕೊಂಕಣಿ ಶಿಕ್ಷಣಾಚೆ ಅಭಿವೃದ್ಧಿ ಬದ್ದಲ ವರದಿ ದಿಲೆಂ.

ಹೊನ್ನಾವರ ನ್ಯೂ ಇಂಗ್ಲಿಷ್ ಶಾಳಾಚೆ ಆಡಳಿತ ವರ್ಗಾಚೆ ಅಧಿಕಾರಿನ ವಂದನಾರ್ಪಣ ಕೆಲೆಂ.

Leave a Reply

Your email address will not be published. Required fields are marked *

*

code

Share ...please don\'t COPY !