Trending Now

ಸಾಂ. ಲುವಿಸ್ ಕೊಲೆಜಿಂತ್ ಕೊಂಕಣಿ ಚಲಚಿತ್ರ್ ದೀಸ್

ಸಾಂ. ಲುವಿಸ್ ಕೊಲೆಜ್, ಮಂಗ್ಳುರ್ ಕೊಂಕ್ಣಿ ವಿಭಾಗ್ ಆನಿ ಮಹಾಮಾಯಿ ಸಿನಿ ಕ್ರಿಯೇಶನ್ಸ್, ಪುತ್ತೂರ್ ಹಾಂಚ್ಯಾ ಜೋಡ್ ಆಸ್ರ್ಯಾಖಾಲ್ ಅಂತರಾಶ್ಟ್ರ‍ೀಯ್ ಕೊಂಕಣಿ ಚಲಚಿತ್ರ್ ದೀಸ್ 2019 ಮ್ಹಳ್ಳೆಂ ಕಾರ್ಯೆಂ ಮೇ 25ವೆರ್ ಕೊಲೆಜಿಚ್ಯಾ ಎಲ್.ಸಿ.ಆರ್.ಐ ಸಭಾಂಗ್ಣಾಂತ್ ಸಕಾಳಿಂ 10 ವೊರಾರ್ ಚಲ್ಲೆಂ.

ಕಾರ್ಯಕ್ರಮಾಕ್ ಹೊನ್ನಾವರ್ ಮುಳಾಚೊ ಸಿನೆಮಾ ನಿರ್ದೇಶಕ್ ರಾಜೇಶ್ ಫೆರ್ನಾಂಡಿಸ್ ಮುಕೆಲ್ ಸಯ್ರೊ ಜಾವ್ನ್ ಹಾಜರ್ ಆಸೊನ್ ಕಾರ್ಯಾಕ್ ಬರೆಂ ಮಾಗ್ಲೆಂ. ಕೊಲೆಜಿಚೊ ಪ್ರಾಚಾರ್ಯ್ ಮಾ| ದೊ| ಪ್ರವೀಣ್ ಮಾರ್ಟಿಸ್ ಹಾಣಿ ಕಾರ್ಯಾಕ್ ಅಧಿಕೃತ್ ತರಾನ್ ಚಾಲನ್ ದಿಲೆಂ. ಕೊಲೆಜಿಚೊ ಆರ್ಥಿಕ್ ಅಧಿಕಾರಿ ಮಾ| ಬಾ| ವಿನ್ಸೆಂಟ್ ಪಿಂಟೊ ಹಾಣಿ ಕಾರ್ಯಾಚೆಂ ಅಧ್ಯಕ್ಷ್ ಸ್ಥಾನ್ ಸೊಭಯಿಲ್ಲೆಂ.

ಹ್ಯಾ ಸುವಾಳ್ಯಾರ್ ಉರ್ಬಾ ಮಟ್ವ್ಯಾಸಿನೆಮಾಚೆಂ ಪೋಸ್ಟರ್ ಉಗ್ತಾಯ್ಲೆಂ. ಸಿನೆಮಾಚೊ ನಿರ್ದೇಶಕ್ ರಾಜೇಶ್ ಶೇಟ್ ಹಾಣೆ ಹ್ಯಾ ವೆಳಿಂ ವೆದಿರ್ ಸಯ್ರ್ಯಾಂಕ್ ಸಾಂಗಾತ್ ದಿಲೊ.

ಕೊಂಕ್ಣಿ ಸಿನೆಮಾಕ್ ದಿಲ್ಲಿ ದೆಣ್ಗಿ ಲೆಕಾಕ್ ಧರುನ್ ಕಾರ್ಯಾಂತ್ ಮಾಲ್ಘಡೆ ನಿರ್ದೇಶಕ್ ರಮೇಶ್ ಕಾಮತ್, ಬೆಂಗ್ಳುರ್, ರಿಚರ್ಡ್ ಕಾಸ್ತೆಲಿನೊ, ಮಂಗ್ಳುರ್, ನಟ್ ರೊನ್ ರೊಡ್ರಿಗಸ್, ಲಂಡನ್ ಆನಿ ಸೆವ್ರಿನೊ ಫೆರ್ನಾಂಡಿಸ್, ಗೋವಾ ಹಾಂಕಾ ಜಿವಿತಾವ್ಧೆಚಿ ಪ್ರಶಸ್ತಿ ಪಾಟವ್ನ್ ಸನ್ಮಾನ್ ಕೆಲೊ. ಕೊಂಕ್ಣಿ ಸಿನೆಮಾ ರಂಗಾವಿಶ್ಯಾಂತ್ ಉಪನ್ಯಾಸ್ ಆನಿ ಚರ್ಚಾ ಚಲ್ಲಿ. ವಿಶೇಸ್ ಆಕರ್ಷಣ್ ಜಾವ್ನ್ ಅವೈಜಾಸ ಆನಿ ಪ್ಲಾನಿಂಗ್ ದೆವಾಚೆಂ ಸಿನೆಮಾಂಚೆಂ ಪ್ರದರ್ಶನ್ ಚಲ್ಲೆಂ.

ಫ್ಲೋರಾ ಕಾಸ್ತೆಲಿನೊ ಹಿಣೆ ಯೆವ್ಕಾರ್ ಮಾಗ್ಲೊ. ಅಶೋಕ ಕಾಸರಗೋಡು ಹಾಣೆ ದಿನ್ವಾಸ್ ಪಾಟಯ್ಲೆ. ನಿಯೊಲಾ ಮಸ್ಕರೇನ್ಹಸ್ ಹಿಣೆ ಕಾರ್ಯೆಂ ಚಲವ್ನ್ ವೆಲೆಂ.

Leave a Reply

Your email address will not be published. Required fields are marked *

*

code

Share ...please don\'t COPY !