Trending Now

ವಿಶ್ವ ಕೊಂಕಣಿ ಕೇಂದ್ರ – ಕ್ಷಮತಾ ಅಕಾಡೆಮಿ 2019 ತಿಸರೆ ಶಿಬಿರ ಸಮಾರೋಪ

ವಿಶ್ವ ಕೊಂಕಣಿ ವಿದ್ಯಾರ್ಥಿವೇತನ ನಿಧಿ ವತೀನ ತಾಂತ್ರಿಕ ಆನಿ ವೈದ್ಯಕೀಯ ಉನ್ನತ ಶಿಕ್ಷಣಾಕ ವಿದ್ಯಾರ್ಥಿವೇತನ ದಿಯತ ಆಸಾ. ತಶೀಂಚಿ ವಿಶ್ವ ಕೊಂಕಣಿ ವಿದ್ಯಾರ್ಥಿವೇತನ ಘೆತಿಲೆ ವಿದ್ಯಾರ್ಥಿಂಕ ಕ್ಷಮತಾ ಅಕಾಡೆಮಿ ಯೋಜನೆರಿ ತರಬೇತಿ ಶಿಬಿರ ಮಾಂಡುನ ಹಾಡತಾ. ಹ್ಯಾ ವರಸಾಚೆ ಕ್ಷಮತಾ ಅಕಾಡೆಮಿ ತಿಸರೆ ಪಂಗಡ ಶಿಬಿರ ಸಮಾರೋಪ ಸಮಾರಂಭ ದಿ. 15 ಜುಲೈ 2019 ವೆರ್ ವಿಶ್ವ ಕೊಂಕಣಿ ಕೇಂದ್ರಂತ ಚಲ್ಲೆಂ. ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಬಸ್ತಿ ವಾಮನ ಶೆಣೈನ ಅಧ್ಯಕ್ಷಪಣ ಘೆವನು ಕ್ಷಮತಾ ಶಿಬಿರದ ಸದುಪಯೋಗ ಸಾಂಗಲೆಂ.

ವಿಶ್ವ ಕೊಂಕಣಿ ಕೇಂದ್ರ ಕೋಶಾಧ್ಯಕ್ಷ ತಶೀಂಚಿ ಕಾರ್ಪೊರೇಶನ್ ಬ್ಯಾಂಕ ಆದಲೆ ಜನರಲ್ ಮೇನೇಜರ್ ಶ್ರೀ ಬಿ. ಆರ್. ಭಟ್ ಶಿಬಿರಾರ್ಥಿಂಕ ಉದ್ದೇಶಿಸುನ ಸರ್ವ ಶಿಬಿರಾರ್ಥಿಂನಿ ಶಿಬಿರಾಚೆ ಸದುಪಯೋಗ ಘೆವನು ನಿಶ್ಚಿತ ಉದ್ದೇಶ ದವರುನ ಜೀವನಾಂತ ಮುಖಾರ ಯೆವಕಾ ಅಶಿಂ ಉಪಯುಕ್ತ ಸಲಹಾ ದಿಲೆಂ. ವಿಶ್ವ ಕೊಂಕಣಿ ಭಾಷಾ ಸಂಸ್ಥಾನ ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕಾರ ಉಪಸ್ಥಿತ ಆಶಿಲಿಂಚಿ.

ಶಿಬಿರಾರ್ಥಿ ಬೆಂಗಳೂರು ಬಿ. ಎಮ್. ಎಸ್. ಇಂಜಿನಿಯರಿಂಗ ಕಾಲೇಜ ತಾಕುನ ರಾಕೇಶ ಶ್ಯಾನಭಾಗ, ಸಹ್ಯಾದ್ರಿ ಇಂಜಿನಿಯರಿಂಗ ಆಂಡ್ ಮ್ಯಾನೇಜಮೆಂಟ ಕಾಲೇಜ ತಾಕುನ ವಿನೀತ ನಾಯಕ, ಮಂಗಳೂರು ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲೊಜಿ ಕಾಲೇಜ ತಾಕುನ ಶ್ರೀ ಲಕ್ಷ್ಮೀ ಶೆಣೈ, ಕೆನರಾ ಇಂಜಿನಿಯರಿಂಗ ಕಾಲೇಜ ತಾಕುನ ವೈಶ್ಣವಿ, ಬೆಂಗಳೂರು ಬಿ.ಎಮ್. ಎಸ್. ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲೊಜಿ ಆಂಡ್ ಮ್ಯಾನೇಜಮೆಂಟ್ ಕಾಲೇಜ ತಾಕುನ ದಿಶಾ ಶಾನಭಾಗ್, ಮಣಿಪಾಲ ಮನಿಲಾ ಇನ್ಸ್ಟಿಟ್ಯೂಟ್ ಆಫ ಟೆಕ್ನಾಲೊಜಿ ಕಾಲೇಜ ತಾಕುನ ಆಕೃತ ನಾಯಕ ಹಾನ್ನಿ ಶಿಬಿರಾಂತ ಘೆತಿಲೆ ಅನುಭವ ಆನಿ ಚಲೆಲೆ ವೆವೆಗಳೆ ಚಟುವಟಿಕಾ ಬದ್ದಲ ತಿಳಿಸಿಲೆ.

Leave a Reply

Your email address will not be published. Required fields are marked *

*

code

Share ...please don\'t COPY !