ವಿಶ್ವ ಕೊಂಕಣಿ ಸ್ತ್ರೀ ಶಕ್ತಿ ಮಿಶನ್ ಕರಕುಶಲ ವಸ್ತು ಪ್ರದರ್ಶಿನಿ ಆನಿ ಕೊಂಕಣಿ ಬುಕಾಚೆ ಸಾಂತ ಉಗ್ತಾವಣ

ಮಂಗಳೂರು ರಥಬೀದಿ ಶ್ರೀ ವಿಠೋಬಾ ದೇವಳಾಚೆ ಭಜನಾ ಸಪ್ತಾಹ ಪ್ರಯುಕ್ತ ಶ್ರೀನಿವಾಸ ಕಲ್ಯಾಣ ಮಂಟವಾಂತ ವಿಶ್ವ ಕೊಂಕಣಿ ಸ್ತ್ರೀ ಶಕ್ತಿ ಮಿಶನ್ ಕರಕುಶಲ ವಸ್ತು ಪ್ರದರ್ಶಿನಿ ಆನಿ ಕೊಂಕಣಿ ಬುಕಾಚೆ ಸ್ಟಾಲ ದಿ. 02-11-2019 ತಾರ್ಕೆರ ಸಮಾಜ ಸೇವಕಿ ಮಾನೆಸ್ತಿಣ್ ನಿವೇದಿತಾ ಗೋಕುಲನಾಥ ಪ್ರಭು ಹಾನ್ನಿ ದಿವೊ ಲಾವನ ಉಗ್ತಾವಣ ಕೆಲೆಂ. ಆನಿ ತಾನ್ನಿ ಕರಕುಶಲ ವಸ್ತು ಪ್ರದರ್ಶನಾ ನಿಮಿತ್ತ ಮಸ್ತ ದುರ್ಬಳ ಬಾಯಲ ಮನಶಾಂಕ ಆನಿ ದಾರಲೆಂಕ ತಾಂಗೆಲೆ ಪ್ರತಿಭಾ ಆನಿ ಕರಕುಶಲ ವಸ್ತು ಪ್ರದರ್ಶನ ಕರಚಾಕ ಸಹಾಯ ಜಾಲಾಂ ಹೆಂ ಬರೆಂ ಜಾವೊ ಅಶಿಂ ಶುಭ ಸಾಂಗಲೆಂ. ವಿಶ್ವ ಕೊಂಕಣಿ ಸ್ತ್ರೀ ಶಕ್ತಿ ಮಿಶನ ಸಂಚಾಲಕಿ ಮಾನೆಸ್ತಿಣ್ ಗೀತಾ ಸಿ. ಕಿಣಿ ನ ಸ್ವಾಗತ ಕೆಲೆಂ.

ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಮಾನೆಸ್ತ ಬಸ್ತಿ ವಾಮನ ಶೆಣೈ ಉಲೊವನು ಕೊಂಕಣಿ ಭಾಷಿಕ ಸ್ತ್ರೀಯಾಂಕ ಮುಖ್ಯ ಜಾವನು ಬಾಯಲ ಮನಶಾಂಕ ಕರಕುಶಲ ಕಲಾ, ಶಿವಣೆಚೆ ತರಬೇತಿ ದೀವನು ತಾನ್ನಿ ಸ್ವಾವಲಂಬಿ ಜಾವನು ಸಶಕ್ತ ಜಾವನು ಜೀವನಾಂತ ಆರ್ಥಿಕ ಜಾವನು ಮುಖಾರ ಯೆವಚಾಕ ವಿಶ್ವ ಕೊಂಕಣಿ ಕೇಂದ್ರ ಥಾವನ ಶಿವಣೆ ತರಬೇತಿ ಶಿಬಿರ ಮಾಂಡುನ ಹಾಳಾಂ. ಆನಿ ತರಬೇತಿ ಘೆತಿಲೆ ಮಸ್ತ ಬಾಯಲ ಮನಶಾಂನಿ ಸ್ವ ಉದ್ಯೋಗ ಪ್ರಾರಂಭ ಕೆಲೆಲೆ ಭರಮ ದಿಸತಾ ಅಶಿಂ ಸಾಂಗಲೆಂ.

ವಿಶ್ವ ಕೊಂಕಣಿ ಕೇಂದ್ರ ಕೋಶಾಧ್ಯಕ್ಷ ಶ್ರೀ ಬಿ. ಆರ್, ಭಟ್, ವಿಶ್ವ ಕೊಂಕಣಿ ಸಂಗೀತ ನಾಟಕ ಅಕಾಡೆಮಿ ಸಾಂದೆ ಮಾನೆಸ್ತ ಉಳ್ಳಾಲ ರಾಘವೇಂದ್ರ ಕಿಣಿ, ಮಂಗಳೂರು ಆಕಾಶವಾಣಿ ಕೇಂದ್ರ ಅದಲೆ ಉದ್ಘೋಷಕಿ ಮಾನೆಸ್ತಿಣ್ ಶಕುಂತಲಾ ಆರ್. ಕಿಣಿ, ವಿಶ್ವ ಕೊಂಕಣಿ ವಚನ ಸಂಗೀತಗಾರ್ತಿ ಮಾನೆಸ್ತಿಣ್ ಮಾಲತಿ ಕಾಮತ, ಮಹಾ ದಾನಿ ಆನಿ ದುಬೈಚೆ ಉದ್ಯಮಿ ಮಾನೆಸ್ತ ಗೋಕುಲನಾಥ ಪ್ರಭು, ಸಿಂಡಿಕೇಟ ಬ್ಯಾಂಕಚೆ ಅದಲೆ ಮ್ಯಾನೇಜರ ಮಾನೆಸ್ತ ಸುರೇಶ ಶೆಣೈ ಆನಿ ವಿಶ್ವ ಕೊಂಕಣಿ ಸ್ತ್ರೀ ಶಕ್ತಿ ಮಿಶನ್ ಶಿವಣ ತರಬೇತಿ ಶಿಬಿರಾಚೆ ಸರ್ವ ವಿದ್ಯಾರ್ಥಿಂನಿ ಉಪಸ್ಥಿತ ಆಶಿಲಿಂಚಿ.

ವಿಶ್ವ ಕೊಂಕಣಿ ಕೇಂದ್ರ ಕಾರ್ಯಕಾರಿ ಸಮಿತಿ ಸಾಂದೆ ಮಾನೆಸ್ತಿಣ್ ಮೀನಾಕ್ಷಿ ಎನ್. ಪೈ ನ ಧನ್ಯವಾದ ಸಮರ್ಪಣ ಕೆಲೆಂ.

Leave a Reply

Your email address will not be published. Required fields are marked *

*

code

Share ...please don\'t COPY !