Unique Konkani Literature World
ಎಮ್. ಸಿ. ಸಿ. ಬ್ಯಾಂಕಾ ತರ್ಫೆನ್, ಸನ್ವರಾ, ದಸೆಂಬರ್ 11ವೆರ್ ಮಂಗ್ಳುರ್ಚ್ಯಾ ವೈಟ್ ಡೌವ್ಸ್ ಸಂಸ್ಥಾಂತ್ 2019ವ್ಯಾ ವರ್ಸಾಚೊ ನತಾಲಾಂಚೊ ಸಂಭ್ರಮ್ ಚಲ್ಲೊ.
ಎಮ್‌ಸಿಸಿ ಬ್ಯಾಂಕಾಚೊ ಅಧ್ಯಕ್ಷ್ ಅನಿಲ್ ಲೋಬೊನ್ ಕಾರ್ಯಾಚೆಂ ಅಧಕ್ಷ್‌ಪಣ್ ಘೆತ್‌ಲ್ಲೆಂ, ವೈಟ್ ಡೌವ್ಸ್ ಸಂಸ್ಥಾಚಿ ಅಧ್ಯಕ್ಷ್ ಕೊರಿನ್ ರಸ್ಕಿನ್ಹಾ, ಬ್ಯಾಂಕಾಚೊ ಅದ್ಲೊ ಅಧ್ಯಕ್ಷ್ ಕಾನೂನ್ ಸಲಹೆಗಾರ್ ಎಮ್‌ಪಿ ನೊರೊನ್ಹಾ, ಬ್ಯಾಂಕಾಚೊ ಉಪಾಧ್ಯಕ್ಷ್ ಜೆರಾಲ್ಡ್ ಜೂಡ್ ಡಿಸಿಲ್ವಾ, ಬ್ಯಾಂಕಾಚೊ ಜನರಲ್ ಮ್ಯಾನೆಜರ್ ಸುನಿಲ್ ಮಿನೇಜಸ್, ನಿರ್ದೇಶಕ್ ಐರಿನ್ ರೆಬೆಲ್ಲೊ, ಡಾ. ಫ್ರೀಡಾ ಡಿಸೊಜಾ, ಆಂಡ್ರು ಡಿಸೊಜಾ, ಮಾರ್ಸೆಲ್ ಡಿಸೊಜಾ, ಅನಿಲ್ ಪತ್ರಾವೊ, ಜೆ ಪಿ ರೊಡ್ರೀಗಸ್, ಹೆರಾಲ್ಡ್ ಮೊಂತೆರೊ, ಡೆವಿಡ್ ಡಿಸೊಜಾ, ವೃತ್ತಿಪರ್ ನಿರ್ದೇಶಕ್ ಸಿ ಜಿ ಪಿಂಟೊ, ಮೈಕಲ್ ಡಿಸೊಜಾ, ಬ್ಯಾಂಕಾಚೊ ಉಪಮಹಾಪ್ರಬಂಧಕ್ ರಾಜ್ ಮಿನೇಜಸ್ ವೆದಿರ್ ಹಾಜರ್ ಅಸ್‌ಲ್ಲೆ.
ನತಾಲಾಂಚೊ ಸಂಬ್ರಮ್ ಎಮ್‌ಸಿಸಿ ಬ್ಯಾಂಕಾಚ್ಯಾ ಸಿಬಂದೆನ್ ಗಾಯ್‌ಲ್ಲ್ಯಾ ನತಲಾಂಚಾ ಗಿತಾ ಸವೆಂ ಆರಂಭ್ ಜಾಲೊ.
ಸಯ್ರ್ಯಾಂಕ್ ಯೆವ್ಕಾರ್ ಮಾಗೊನ್ ಬ್ಯಾಂಕಾಚೊ ಅಧ್ಯಕ್ಶ್ ಮಾನೆಸ್ತ್ ಅನಿಲ್ ಲೋಬೊನ್ ಆಪ್ಲ್ಯಾ ಪ್ರಾಸ್ತಾವಿಕ್ ಉತ್ರಾಂನಿ ಮ್ಹಣಾಲೊಕ್ರಿಸ್‌ಮಸ್ ಆಚರಣ್ ವಾಂಟ್ಚ್ಯಾಂತ್ ಆನಿ ಗರ್ಜೆವಂತಾಂಕ್ ದಿಂವ್ಚ್ಯಾಂತ್ ಹೊಂದೊನ್ ಅಸಾ. ಎಮ್‌ಸಿಸಿ ಬ್ಯಾಂಕಾನ್ ಬ್ಯಾಂಕಾಚ್ಯಾ ಪ್ರಗತೆಚೆರ್ ವಿಶ್ವಾಸ್ ದವರ್‌ಲ್ಲ್ಯಾ ಅಸ್ತಾಂ ಗರ್ಜೆವಂತಾಕ್ ಖಂಯ್ಚ್ಯಾ ವೆಳಾರ್ ಸ್ಪಂದನ್ ಕರ್ತೆ ಅಸಾ.’ ಕ್ರಿಸ್ಮಸ್ ಸಂದೇಶ್ ದಿಲ್ಲ್ಯಾ ತಾಣೆಂ ವೈಟ್ ಡೌವ್ಸ್ ಸಂಸ್ಥಾನ್ ಕರ್ಚಿ ನಿಸ್ವಾರ್ಥ್ ಸೆವಾ ವಾಖಣ್ಲಿ.
ಹ್ಯಾ ಸಂದರ್ಭಾರ್ ನವಂಬರ್ ಮಹಿನ್ಯಾಂತ್ ನಿವೃತ್ತ್ ಜಾಲ್ಲ್ಯಾ ಕು. ಸಿಲ್ವಿಯಾ ಲೋಬೊಕ್ ಸನ್ಮಾನ್ ಕೆಲೊ. ಸನ್ಮಾನ್ ಪತ್ರ್ ಮೊರ್ಗನ್ಸ್‌ಗೇಟ್ ಶಾಖ್ಯಾಚಿ ಸಿಬಂದಿ ವಿಲ್ಮಾ ಮೊರಾಸಾನ್ ವಾಚ್ಲೆಂ.
ವೈಟ್ ಸಂಸ್ಥಾಂತ್ ನಿಸ್ವಾರ್ಥ್ ಸೆವಾ ದಿಂವ್ಚ್ಯಾ ಅಧ್ಯಕ್ಷ್ ಕೊರಿನ್ ರಸ್ಕಿನ್ಹಾಕ್ ಬ್ಯಾಂಕಾಚ್ಯಾ ತರ್ಪೆನ್ ಮಾನ್ ಕೆಲೊ ಆನಿ ರು.50,000/-ಬ್ಯಾಂಕಾಚ್ಯಾ ತರ್ಪೆನ್ ವಂತಿಗಿ ದಿಲಿ. ಮಾನ್ ಸ್ವಿಕಾರುನ್ ಉಲಯಿಲ್ಯಾ ಕೊರಿನ್ ರಸ್ಕಿನ್ಹಾನ್ ಎಮ್‌ಸಿಸಿ ಬ್ಯಾಂಕಾನ್ ನತಾಲ್ ಆಚರಣ್ ಕರುಂಕ್ ವೈಟ್ ಡೌವ್ಸ್ ಸಂಸ್ಥೊ ವಿಂಚ್‌ಲ್ಲ್ಯಾಕ್ ಶಾಭಾಸ್ಕಿ ಪಾಟಯ್ಲಿ. ಅಪ್ಲ್ಯಾ ಜಿವನಾಂತ್ ಜಾಲ್ಲ್ಯಾ ಅಜಾಪಾಂಚೊ ವಿವರಣ್ ದಿಲ್ಲ್ಯಾ ತಿಣೆಂ, ಹ್ಯಾ ಸರ್ವ್ ಅಜಾಪಾಂಕ್ ಆನಿ ತಿಣೆಂ ಕೆಲ್ಲ್ಯಾ ಸರ್ವ್ ಸಾಧನಾಂಕ್ ಸರ್ವೆಸ್ಪರ್ ದೇವ್‌ಚ್ ಕಾರಣ್ ಮ್ಹಣಾಲಿ.
ವೈಟ್ ಸಂಸ್ಥಾಚ್ಯಾ ನಿವಾಸಿನಿಂ ಸಾಂಸ್ಕ್ರತಿಕ್ ಕಾರ್ಯೆಂ ಚಲವ್ನ್ ವೆಲೆಂ. ಬ್ಯಾಂಕಾಚ್ಯಾ ಸಿಬ್ಬಂದೆನ್ ಕ್ರಿಸ್ಮಸ್ ಕ್ಯಾರೆಲ್ಸ್, ಗಿತಾಂ, ಪ್ರಹಸನ್ ಆನಿ ಸಾಂತಾಕ್ಲಾಸ್ ಸಾದರ್ ಕೆಲೊ. ಹಂಪನಕಟ್ಟ ಶಾಖ್ಯಾಚೊ ಪ್ರಬಂಧಕ್ ಡೆರಿಲ್ ಲಸ್ರಾದೊನ್ ಖೆಳ್ ಚಲವ್ನ್ ವೆಲೆ.
ಬ್ಯಾಂಕಾಚೊ ಜನರಲ್ ಮ್ಯಾನೇಜರ್ ಸುನಿಲ್ ಮಿನೇಜಸ್ ಹಾಣೆ ದಿನ್ವಾಸ್ ಪಾಟಯ್ಲೆ. ನಿರ್ದೇಶಕ್ ಐರಿನ್ ರೆಬೆಲ್ಲೊ ಆನಿ ಅಂಡ್ರು ಡಿ’ಸೋಜ ಹಾಣಿಂ ಕಾರ್ಯೆಂ ಚಲಯ್ಲೆಂ.
