Trending Now

ಡೊ| ಆಸ್ಟಿನ್ ಡಿ’ ಸೊಜಾ ಪ್ರಭು, ಚಿಕಾಗೊ

mm
ಪ್ರಸ್ತುತ್ ಅಮೆರಿಕಾಚ್ಯಾ ಚಿಕಾಗೊ ಶೆರಾಂತ್ ಕುಟ್ಮಾ ಸಾಂಗಾತಾ ವಸ್ತಿ ಕರುನ್ ಆಸ್ಚೊ ಡೊ| ಆಸ್ಟಿನ್ ಡಿ’ಸೊಜಾ ಪ್ರಭು, ಮಂಗ್ಳುರಿ ಕಥೊಲಿಕ್ ಸಮುದಾಯಾನ್ ಹೊಗ್ಡಾವ್ನ್ ಘೆತ್‌ಲ್ಲೊ ದಮ್ ದಾರಿ ಮುಕೆಲಿ. ಮುಳಾನ್ ಮಂಗ್ಳುರ್ ನಂತೂರ್ಚ್ಯಾ ಕಲಾ ಸಂಪತ್ ವೋಣಿಂತ್ಲ್ಯಾ "ಗೋಲ್-ರೋಜ್" ಘರಾಣ್ಯಾಚೊ. ತಾಚೊ ಬಾಪುಯ್ ಮಾನೆಸ್ತ್ ಗಾಲ್ಬರ್ಟ್ ಡಿ’ಸೋಜಾ, ಫ್ಯಾಶನ್ ಡಿಸಾಯ್ನಿಂಗಾಚೊ ವೊಸೊ ಲಾಗಾನಾತ್ಲ್ಯಾ ತವಳ್ಚ್ಯಾ ಮಂಗ್ಳುರ್ ಶೆರಾಂತ್ ನಾಂವ್ ವೆಸ್ತ್ ಲೇಡಿಸ್ ಟೈಲರ್. ಮಂತನಾಚ್ಯಾ ಕುಟ್ಮಾಂತ್ಲ್ಯೊ ಚಲಿಯೊ ಆನಿ ಸ್ತ್ರ‍ಿಯೊ ತಾಚ್ಯಾ ಆಂಗ್ಡಿ ಮುಕಾರ್ ಲಿವಾಜ್ ಶಿವಂವ್ಕ್ ರಾಕೊನ್ ರಾವ್ತಾಲಿಂ. ಅಸಲ್ಯಾ ಕುಟ್ಮಾಂತ್ ತಿಸ್ರೆಂ ಬಾಳ್ ಜಾವ್ನ್ ಜಲ್ಮಾಲ್ಲೊ ಆಸ್ಟಿನ್, ಶಿಕ್ತಾನಾಂಚ್ ಸಾದರ್ ಕಲಾ, ಸಾಹಿತ್ಯಾ ಕುಶಿನ್ ಆಕರ್ಶಿತ್ ಜಾಲೊ ಆನಿ ಯುವ ಸಂಚಾಲನಾಂತ್ ಭರ್ತಿ ಜಾಲೊ. ನಾಟಕ್ ರಚನ್, ಕಾಣಿಯೊ, ಕವಿತಾ, ಪದಾಂ, ನಟನ್, ಕಾರ್ಯಾನಿರ್ವಹಣ್ ಆನಿ ಸಂಘಟನ್ ಮ್ಹಣ್ ತರ್ನಾಟ್ಯಾ ಆಸ್ಟಿನಾನ್ ಕೊಂಕ್ಣೆಂತ್ ಹಾತ್ ಘಾಲಿನಾತ್ಲೆಂ ಶೆತ್ ನಾ ಜಾಲೆಂ. ಬೆಂದುರ್ ಕಥೊಲಿಕ್ ಮಿನತೆಚೊ ಸಂಘ್, ಕೊಂಕ್ಣಿ ನಾಟಕ್ ಸಭೆಂತ್ ಸಾಮಾನ್ಯ್ ಸಾಂದೊ ತಶೆಂ ಜವಾಬ್ದಾರೆಚೊ ಹುದ್ದೆದಾರ್ ಜಾವ್ನ್ ತಾಣೆ ಸೆವಾ ದಿಲಿ ಮಾತ್ ನಯ್, ಕಲಾಸಂಪತ್ ಮ್ಹಳ್ಳೊ ಸಂಸ್ಥೊ ಬಾಂದುನ್ ಕೊಂಕ್ಣಿ ನಾಟಕ್, ಸಂಗೀತ್ ಆನಿ ಸಾಹಿತ್ಯಾ ಖಾತಿರ್ ಆಪ್ಲಿ ಅಗಣಿತ್ ದೆಣ್ಗಿ ತಾಣೆ ದಿಲಿ. ಆಸ್ಟಿನ್ ದಿಯೆಸೆಜಿಚ್ಯಾ ಯುವ ಸಂಚಾಲನಾಚೊ ಅಧ್ಯಕ್ಷ್ ಜಾವ್ನಾಸ್ತಾನಾ ಕ್ರೀಸ್ತಾಂವಾ ವಿರೋಧ್ ಮಂಡನ್ ಕೆಲ್ಲ್ಯಾ ತ್ಯಾಗಿ ಮಸೂದ್ ವಿರೋದ್ ಮಂಗ್ಳುರ್ಚ್ಯಾ ಕೇಂದ್ರ್ ( ನೆಹರೂ ) ಮಯ್ದಾನಾರ್ ತಾಣೆ ಆಯೊಜಿತ್ ಕೆಲ್ಲಿ ಬೃಹತ್ ರ‍್ಯಾಲಿ ಚಿಂತಾನಾ ತವಳ್ಚೆ ತರ್ನಾಟೆ ( ಆತಾಂ ಮಾಲ್ಘಡೆ ) ಆತಾಂಯ್ ಊಬ್ ಜಾತಾತ್. 1973 ಇಸ್ವೆ ಥಾವ್ನ್ 1979 ಇಸ್ವೆ ಪರ್ಯಾಂತ್ 6 ವರ್ಸಾಂ ದಿಯೆಸೆಜಿಚ್ಯಾ ಕೇಂದ್ರೀಯ್ ಸಮಿತಿಚೊ ಅಧ್ಯಕ್ಷ್ ತಸೆಂಚ್ ಏಕ್ ವರ್ಸ್ ಗೌರವ್ ಅಧ್ಯಕ್ಷ್ ಜಾವ್ನ್ ತಾಣೆ ದಿಯೆಸೆಜಿಚ್ಯಾ ಯುವಜಣಾಂಕ್ ಪ್ರಭಾವಿಕ್ ಮುಕೆಲ್ಪಣ್ ದಿಲೆಂ ಮಾತ್ ನಯ್, ಕೊಂಕ್ಣಿ ಸಾಹಿತ್ಯ್ ಚಳ್ವಳೆಕ್ ಕರ್ನಾಟಕಾಂತ್ ಕೊಂಕ್ಣಿ ಭಾಶಾ ಮಂಡಳ್ ಸ್ಥಾಪನ್ ಕರುಂಕ್ ವಾವುರ್ನ್, ಸ್ಥಾಪಕ್ ಕಾರ್ಯದರ್ಶಿ ಜಾವ್ನ್ ಪಾಂಚ್ ವರ್ಸಾಂ ವಾವ್ರ್ ದಿಲೊ ಆನಿ ಭದ್ರ್ ಬುನ್ಯಾದ್ ಘಾಲಿ. ಆಜ್ ಕೊಂಕ್ಣಿ ಭಾಸ್ ಸಂವಿದಾನಾಚ್ಯಾ ಅಟ್ವ್ಯಾ ವಳೆರಿಂತ್ ಆಸಾ, ಕರ್ನಾಟಕ ಸರ್ಕಾರಾನ್ ಕೊಂಕ್ಣಿ ಸಾಹಿತ್ಯಾಕ್ ಏಕ್ ಅಕಾಡೆಮಿ ದಿಲ್ಯಾ ತರ್, ಏಕ್ ಮುಕೆಲ್ ಕಾರಣ್ ಡೊ| ಆಸ್ಟಿನಾನ್, ಚಾ. ಫ್ರಾ. ದೆಕೊಸ್ತಾ, ಮಾರ್ಕ್ ವಾಲ್ಡರ್, ಬಿ.ವಿ. ಬಾಳಿಗಾ ಆನಿ ಹೆರಾಂ ಸಾಂಗಾತಾ ಕರ್ನಾಟಕಾಂತ್ ಕೊಂಕ್ಣಿ ಭಾಷಾ ಮಂಡಳ್ ಸ್ಥಾಪನ್ ಕರುಂಕ್ ಕಾಡ್‌ಲ್ಲಿ ವಾಂವ್ಟ್ ಆನಿ ಕೆಲ್ಲೊ ಬುನ್ಯಾದಿ ವಾವ್ರ್. ಹ್ಯಾ ಸರ್ವ್ ಚಳ್ವಳೆಚ್ಯಾ ಕಾಮಾಂ ಮಧೆಂಯ್ ಆಸ್ಟಿನಾನ್ - ಮಿತ್ರ್ ಹಫ್ತ್ಯಾಳೆಂ, ಕಾಣಿಕ್ ಪಂದ್ರಾಳೆಂ, ಝೆಲೊ ಮಯ್ನ್ಯಾಳೆಂ ಅನಿ ಆಮ್ಚೊ ಯುವಕ್ ಮಹಿನ್ಯಾಳೆಂ ಅಶೆಂ ಚ್ಯಾರ್ ಪತ್ರಾಂ ಎಕಾಚ್ ವೆಳಾ ಚಲವ್ನ್ ಕೆಲ್ಲೊ ದಾಕ್ಲೊ, ಆಜ್ ಛಾಪ್ಯಾಂತ್ ಆಧುನಿಕ್ ತಾಂತ್ರಿಕತಾ ಇತ್ಲಿ ವಾಡ್ಲ್ಯಾ ತರ್ ಯಿ ಕೊಣಾಚ್ಯಾನ್ ಮೊಡುಂಕ್ ಜಾಂವ್ಕ್ ನಾ. ಆಸ್ಟಿನಾಚ್ಯೊ ಪರ್ಗಟ್ ಜಾಲ್ಲ್ಯೊ ಸಾಹಿತ್ಯ್ ಕೃತಿಯೊ ಆನಿ ನಾಟಕ್ : ಆದರ್ಶ್ ಯುವಜಣ್ - ಶೈಕ್ಷಣಿಕ್ ಬುಕ್ - 1978, 1979 ( ದೋನ್ ಆವೃತ್ಯೊ) - ಕೊಂಕ್ಣಿ ಸ್ವತಂತ್ರ್ ಪ್ರಕಾಶನ್, ಆಂಕ್ವಾರ್ ಸೆಲ್ಲಿ - ಏಕಾಂಕ್ ನಾಟಕ್ - 1995 - ರಾಕ್ಣೊ ಪ್ರಕಾಶನ್, ಆಡೊಸಾಂತ್ಲಿ ಫುಲಾಂ - ಕವಿತಾಂ ಮಾಳೊ - 2002 - ಆಶಾವಾದಿ ಪ್ರಕಾಶನ್ , ಮೊತಿಯಾಂ - ಚುಟುಕಾಂ - 2004 - ದಿವ್ಯ ದೀಪ ಪ್ರಕಾಶನ್, ವಜ್ರಾಂ (ಕಾನಡಿ ಲಿಪಿ) - 3,500 ಚುಟ್ಕುಲ್ಯಾಂಚೊ ಪುಂಜೊ - 2009 - ಮರಿಯಾಡ್ಸ್ ಪ್ರಕಾಶನ್, ವಜ್ರಾಂ (ದೇವ್‍ನಾಗರಿ ಲಿಪಿ - 3,500 ಚುಟ್ಕುಲ್ಯಾಂಚೊ ಪುಂಜೊ - 2010 - ಪ್ರಿಯಾ ಪ್ರಕಾಶನ್. ಡೊ| ಆಸ್ಟಿನಾನ್ ಯೆದೊಳ್ ಆಟ್ ಮಾಂಚಿಯೆಚೆ ನಾಟಕ್, ಪಂದ್ರಾ ನಾಟ್ಕುಳೆ, ಧಾ ರೇಡಿಯೊ ನಾಟಕ್ ಆನಿ ಪಾಂತ್ತೀಸ್ ಕೊಂಕ್ಣಿ ಪದಾಂ ಆನಿ ಹಜಾರಾಂನಿ ಲೆಖನಾಂ ಲಿಖ್ಲ್ಯಾಂತ್. ಡೊ| ಆಸ್ಟಿನಾಚ್ಯಾ ಸಾಹಿತ್ಯಾಕ್ ಲಾಭ್‌ಲ್ಲೆ ಪುರಸ್ಕಾರ್ : ಆದರ್ಶ್ ಯುವಜಣ್ ಹ್ಯಾ ಶೈಕ್ಷಣಿಕ್ ಪುಸ್ತಕಾಕ್ 1978 ವ್ಯಾ ವರ್ಸಾ ಕೊಂಕ್ಣಿ ಭಾಶಾ ಮಂಡಳ್, ಗೊಂಯಾಂ ಹಾಂಚೆ ಥಾವ್ನ್ ವಿಂಚ್ಣಾರ್ ಶೈಕ್ಷಣಿಕ್ ಪುಸ್ತಕ್ ಬಹುಮಾನ್ , ಆಂಕ್ವಾರ್ ಸೆಲ್ಲಿ ಹ್ಯಾ ನಾಟಕಾಕ್ 1976 ವ್ಯಾ ವರ್ಸಾ ಕೊಂಕ್ಣಿ ಭಾಶಾ ಮಂಡಳ್, ಗೊಂಯಾಂ ಹಾಂಚೆ ಥಾವ್ನ್ ವಿಂಚ್ಣಾರ್ ಕೊಂಕ್ಣಿ ನಾಟಕ್ ಪ್ರಯೋಗ್ ಹ್ಯಾ ವಿಭಾಗಾಂತ್ ದುಸ್ರೆಂ ಬಹುಮಾನ್ ಚಿಕಾಗೊಂತ್ ಲಯನ್ಸ್ ಸಮಾಜ್ ಸೇವಾ ಸಂಸ್ಥ್ಯಾಂತ್ ಆಸ್ಟಿನಾಚೊ ವಾವ್ರ್ ಆನಿ ಲಾಭ್‌ಲ್ಲೊ ಮಾನ್ - ಸಮ್ಮಾನ್ : ಆಸ್ಟಿನಾನ್ 1978 ಇಸ್ವೆಂತ್ ಪಡೀಲ್ ಲಯನ್ಸ್ ಕ್ಲಬ್ಬಾಕ್ ಸೆರ್ವೊನ್ ಧರ್‌ಲ್ಲೊ ತೊ ಲಯನ್ಸ್ ವಾವ್ರ್ 1981 ಇಸ್ವೆಂತ್ ಚಿಕಾಗೊ ಪಾವ್ಲ್ಯಾ ಉಪ್ರಾಂತ್ ಮುಖಾರುನ್ ವ್ಹೆಲೊ. ಥಂಯ್ಸರ್ ತೊ ಚಿಕಾಗೊ ದಮಾಯನ್ ಕ್ಲಬ್ಬಾಚೊ ಕಾರ್ಯದರ್ಶಿ, ಅಧ್ಯಕ್ಷ್ ಜಾಲೊ. ಉಪ್ರಾಂತ್ ತಾಣೆ ಚಿಕಾಗೊಂತ್ ಲಯನ್ಸ್ ಮುಖೇಲ್ಪಣಾಚಿ ನಿಸಣ್ ಚಡಾತ್ತ್ ವಚೊನ್ 2004 ಆನಿ 2012 ಇಸ್ವೆಂತ್ ತೊ ಜಿಲ್ಲ್ಯಾಚೊ ರಾಜ್ಯ್‌ಪಾಲ್ ಆನಿ ರಾಜ್ಯಾಚೊ ವೈಸ್ ಕೌನ್ಸಿಲ್ ಚೇರ್ಮನ್ ಜಾಲೊ. 2014 ಇಸ್ವೆಂತ್ ತಾಚಿ ಪತಿಣ್ ಟೇರ್ರಿ ಜಿಲ್ಲ್ಯಾಚಿ ರಾಜ್ಯ್‌ಪಾಲಿನ್ ಜಾಲಿ. ತಾಕಾ ಲಯನ್ಸ್ ಮುಖೇಲ್ಪಣಾಕ್ ಮೆಳ್‍ಲ್ಲಿಂ ಬಿರುದಾಂ ಆನಿ ಪದಕಾಂ ಹಾಂಚಿ ಪಟ್ಟಿ ಬರಂವ್ಚಿ ತರ್ ಉಣ್ಯಾರ್ ಚ್ಯಾರ್ ಪಾನಾಂ ತರೀ ಜಾಯ್ ಪಡ್ತಿತ್. ಆಜ್ ತೊ ಇಲ್ಲಿನೊಯ್ ರಾಜ್ಯಾಂತ್ ಏಕ್ಲೊಚ್ 61 ಮೆಲ್ವಿನ್ ಜೋನ್ಸ್ ಪ್ರಗತೆಪರ್ ಬಿರುದಾಂ ಮೆಳ್‍ಲ್ಲೊ ವ್ಯಕ್ತಿ ಮ್ಹಣ್ ನಾಂವಾಡ್ಲಾ. ಲಯನ್ಸ್ ಅಂತರ್ರಾಷ್ಟ್ರೀಯ್ ಅಧ್ಯಕ್ಷಾಂ ಥಾವ್ನ್ ತೀನ್ ಮುಖೇಲ್ಪಣಾಚಿಂ ಪದಕಾಂ ತಸೆಂ ಆನಿ ತೀನ್ ಅಧ್ಯಕ್ಷಾಚಿಂ ಪದಕಾಂ ಮೆಳ್ಳಿಂ ಆನಿ ನೋವ್ ಲೀಡರ್‌ಶಿಪ್ ಸರ್ಟಿಫಿಕೇಟ್ಸ್ ಮೆಳ್ಳ್ಯೊ. 2005 ಇಸ್ವೆಂತ್ ಲಯನ್ಸ್ ಇಂಟರ್‌ನ್ಯಾಶನಲ್ ಹಾಣಿ ತಾಕಾ ಜೀವಾವ್ದಿ ಸಾಂದೊ ಜಾವ್ನ್ ನೆಮ್ಲೊ. ಡೊ| ಆಸ್ಟಿನ್, ಇಂಡಿಯನ್ ಕಥೊಲಿಕ್ ಎಸೊಸಿಯೇಶನ್ ಆಫ್ ಅಮೇರಿಕಾ ಹಾಚೊ ದೋನ್ ಆವ್ದ್ಯಾಂಕ್ ಅಧ್ಯಕ್ಶ್ ಜಾಲೊ. ತಾಣೆಂ 1996 ಇಸ್ವೆಂತ್ ಅಮೇರಿಕಾಂತ್ ಪ್ರಪ್ರಥಮ್ ಭಾರತೀಯ್ ಮೂಳಾಚೆಂ ಬ್ರಾಡ್‍ವ್ಯೂ ಕಲಾ ಸಂಪತ್ ಲಯನ್ಸ್ ಕ್ಲಬ್ ಘಡ್ಲೆಂ. 2002 ಇಸ್ವೆಂತ್ ಮಂಗ್ಳುರ್‌ಗಾರಾಂಕ್ ಸೀಮಿತ್ ಮ್ಯಾಂಗಲೂರಿಯನ್ ಕ್ರಿಶ್ಚಿಯನ್ ಎಸೊಸಿಯೇಶನ್ ಆಫ್ ಅಮೇರಿಕಾ ಘಡ್ಲೆಂ. 1998 ಇಸ್ವೆಂತ್ ತೊ ಚಿಕಾಗೊ ಆರ್ಚ್ ದಿಯೆಸೆಜಿಚ್ಯಾ ಮುಖೇಲ್ಪಣ್ ಸಮಿತಿಚೊ ಸಾಂದೊ ಜಾವ್ನ್ ವಿಂಚುನ್ ಆಯ್ಲೊ ಆನಿ ಮಾಗ್ಣ್ಯಾ ಪಂಗ್ಡಾಚೊ ಅಧ್ಯಕ್ಷ್ ಜಾವ್ನ್ ವಾವ್ರ್ ದಿಲೊ. 1999 ಇಸ್ವೆಂತ್ ಏಕಾ ಆವ್ದೆಕ್ ತೊ ’ಫೆಡರೇಶನ್ ಆಫ್ ಇಂಡಿಯನ್ ಎಸೊಸಿಯೇಶನ್ಸ್ ಒಫ್ ಮಿಡ್‍ವೆಸ್ಟ್’ ಹಾಚೊ ಕಾರ್ಯದರ್ಶಿ ಜಾಲೊ. 2000 ಇಸ್ವೆಂತ್ ತೊ ’ಫೆಡರೇಶನ್ ಒಫ್ ಇಂಡಿಯನ್ ಕ್ರಿಶ್ಚಿಯನ್ ಎಸೊಸಿಯೇಶನ್ಸ್ ಒಫ್ ಅಮೇರಿಕಾ’ ಹಾಚೊ ಖಜನ್ದಾರ್ ಜಾವ್ನ್ ಪಾಂಚ್ ವರ್ಸಾಂಕ್ ಆಪ್ಲೊ ವಾವ್ರ್ ದಿಲೊ. ಪ್ರಸ್ತುತ್ ತೊ ಇಲ್ಲಿನೊಯ್ ರಾಜ್ಯಾಚ್ಯಾ ಮಹಿನಾಳ್ಯಾ ಈ - ಮ್ಯಾಗಝೀನಾಚೊ ತಸೆಂಚ್ ಜಿಲ್ಲ್ಯಾಚ್ಯಾ ಮಹಿನಾಳ್ಯಾ ಈ - ಮ್ಯಾಗಝೀನಾಚೊ ಸಂಪಾದಕ್ ಆನಿ ಪ್ರಕಾಶಕ್ ಜಾವ್ನಾಸಾ. ಡೊ| ಆಸ್ಟಿನಾಕ್, 2000 ಫೆಡರೇಶನ್ ಒಫ್ ಇಂಡಿಯನ್ ಎಸೊಸಿಯೇಶನಾ ಥಾವ್ನ್ ಮಿಲ್ಲೆನ್ನಿಯಮ್ ಲೀಡರ್‌ಶಿಫ್ ಎವಾರ್ಡ್ ಮೆಳ್ಳೆಂ. ತ್ಯಾಚ್ ವರ್ಸಾ ತಾಕಾ ’ಏಶಿಯನ್ ಅಮೇರಿಕನ್ ಹಾಲ್ ಆಫ್ ಫೇಮ್’ ಪಂಗ್ಡಾಕ್ ಮೆಳಯ್ಲೊ. 2005 ಇಸ್ವೆಂತ್ ತಾಕಾ ’ಲೀಡರ್‌ಶಿಫ್ ಆಫ್ ದ ಇಯರ್’ ಆನಿ ’ಡಿಸ್ಟ್ರಿಕ್ಟ್ ಲಯನ್ ಆಫ್ ದ ಇಯರ್ ಎವಾರ್ಡ್ಸ್’ ಮೆಳ್ಳಿಂ. 1994 ಇಸ್ವೆಂತ್ ಮಾರ್ಖಿಸ್ ವ್ಹೂಸ್ ವ್ಹು ಸಂಸ್ಥ್ಯಾನ್ ತಾಚಿ ಜಿಣ್ಯೆ ಕಥಾ 'ವ್ಹೂಸ್ ವ್ಹು ಇನ್ ದ ಮಿಡ್‍ವೆಸ್ಟ್' ಆವೃತ್ತಿಂತ್ ಪ್ರಕಟ್ ಕೆಲಿ ಆನಿ 1996 ವರ್ಸಾ 'ವ್ಹೂಸ್ ವ್ಹು ಇನ್ ದ ವರ್ಲ್ಡ್' ಆವೃತ್ತೆಂತ್ ಪ್ರಕಟ್ ಕೆಲಿ. 1995 ವರ್ಸಾ ಇಂಟರ್‌ನ್ಯಾಶನಲ್ ಬಯೊಗ್ರಾಫಿಕಲ್ ಸೆಂಟರ್, ಕ್ಯಾಂಬ್ರಿಡ್ಜ್, ಇಂಗ್ಲೆಂಡ್ ಹಾಚೊ ಸಲಹಾ ಸಮಿತಿಚೊ ವಾಂಗ್ಡಿ ಕೆಲೊ. 2001 ಇಸ್ವೆಂತ್ ತೊ ಫಾರೆಸ್ಟ್ ಪಾರ್ಕ್ ಸಿಟಿಝನ್ ಪೋಲೀಸ್ ಅಕಾಡೆಮಿಚೊ ವಾಂಗ್ಡಿ ಜಾವ್ನ್ ವಿಂಚುನ್ ಆಯ್ಲೊ. 2003 ಇಸ್ವೆಂತ್ ’ಮ್ಯಾಂಗಲೋರ್ ಕೊಂಕಣ್ಸ್, ದುಬಾಯ್’ ಹಾಣಿ ಮಾನ್ ಪತ್ರ್ ದೀವ್ನ್ ಮಾನ್ ದಿಲೊ. 2005 ಇಸ್ವೆಂತ್ ತಾಕಾ ಪಾಕ್ ಅಮೇರಿಕನ್ ಮೆಡಿಕಲ್ ಸೆಂಟರ್ ಹಾಣಿ ಮುಖೇಲ್ಪಣಾಕ್ ಎವಾರ್ಡ್ ದಿಲೆಂ. 2010 ಇಸ್ವೆಂತ್ ತಾಣೆ ಭಾರತಾಚಿ ಅಧ್ಯಕ್ಷಿಣ್ ಪ್ರತಿಭಾ ಪಾಟೀಲಾ ಥಾವ್ನ್ ಅಮೇರಿಕಾಂತ್ಲ್ಯಾ ಕೊಂಕ್ಣಿ ವಾವ್ರಾಕ್ ದಿಲ್ಲಿ ಪ್ರಶಸ್ತಿ ಸ್ವೀಕಾರ್ ಕೆಲಿ. ತ್ಯಾಚ್ ವರ್ಸಾ ಮೈಸೂರ್ ಕ್ರಿಶ್ಚಿಯನ್ ಎಸೊಸಿಯೇಶನಾನ್ ಸನ್ಮಾನ್ ಕರುನ್ "ಮಂಗ್ಳುರ್ಚೊ ಪೂತ್" ಮ್ಹಣ್ ವೊಲಾವ್ನ್ ಮಾನ್ ಪತ್ರ್ ದಿಲೆಂ. 2011 ಇಸ್ವೆಂತ್ ತಾಚ್ಯಾ ಕುಟ್ಮಾಕ್ ಏಶಿಯಾ ಟೀವಿ ಹಾಣಿಂ 'ಫ್ಯಾಮಿಲಿ ಲೀಡರ್‌ಶಿಫ್’ ಎವಾರ್ಡ್ ದಿಲೆಂ. ತಸೆಂ 2012 ಇಸ್ವೆಂತ್ 'ಬೆಸ್ಟ್ ಹ್ಯುಮಾನಿಟೇರಿಯನ್ ಕಪ್‍ಲ್' ಎವಾರ್ಡ್ ಪ್ರಾಪ್ತ್ ಕೆಲೆಂ. 2015 ವ್ಯಾ ವರ್ಸಾ ಚಿಕಾಗೊಂತ್ಲ್ಯಾ ಆಟ್ವ್ಯಾ ಕಂಗ್ರೆಶನಲ್ ಜಿಲ್ಲ್ಯಾ ಥಾವ್ನ್ ಕಾಂಗ್ರೆಸ್‍ಮ್ಯಾನ್ ಡೇನಿ ಡೇವಿಸ್ ಜೂನಿಯರ್ ಹಾಣೆ ’ಬೆಸ್ಟ್ ಹ್ಯುಮೇನಿಟೇರಿಯನ್ ಕಪ್‍ಲ್’ ಮ್ಹಣ್ ಪ್ರತಿಷ್ಠಿಕಾ ದೀವ್ನ್ ಮಾನ್ ಕೆಲೊ. ಖಾಸ್ಗಿ ವಿವರ್ : ಸೈಂಟ್ ಜೋಸೆಫ್ಸ್ ಹಯರ್ ಎಲಿಮೆಂಟರಿ ಸ್ಕೂಲ್ ನಂತೂರ್ ಹಾಂಗಾಸರ್ ಪ್ರಾಥಮಿಕ್ ಶಿಕಪ್, ಪಾದ್ವಾ ಹೈಸ್ಕೂಲ್ ನಂತೂರ್ ಹಾಂಗಾಸರ್ ಮಾಧ್ಯಮಿಕ್ ಶಿಕಪ್, ಐ.ಟಿ.ಐ. ನಂತೂರ್ ಹಾಂಗಾಸರ್ ತಾಂತ್ರಿಕ್ ಶಿಕಪ್ ಆನಿ ಟ್ರೈಟನ್ ಕಾಲೆಜ್ ರಿವರ್ ಗ್ರೋವ್, ನ್ಯಾಶನಲ್ ಲುವಿಸ್ ಯೂನಿವರ್ಸಿಟಿ ವಾರ್ರನ್‍ವಿಲ್ ಆನಿ ಯುನಿವರ್ಸಿಟಿ ಆಫ್ ಇಲ್ಲಿನೊಯ್, ಚಿಕಾಗೊ ಹಾಂಗಾಥಾವ್ನ್ ಉಂಚ್ಲೆಂ ಶಿಕಪ್ ಹ್ಯಾ ಭಾಯ್ರ್ ಆಡಳ್ತ್ಯಾಂತ್ ದಾಕ್ತೆರ್ಗಿ, ಸಿಕ್ಸ್ ಸಿಗ್ಮಾ ಗ್ರೀನ್ ಬೆಲ್ಟ್, ಕ್ವಾಲಿಟಿ ಇಂಜಿನಿಯರಿಂಗ್, ಲಯನ್ಸ್ ಫ್ಯಾಕಲ್ಟಿ ಇನ್ಸ್‍ಟಿಟ್ಯೂಟ್ ಹಾಂಚೆ ಥಾವ್ನ್ ಸನದ್ಯೊ. ಜಲ್ಮಾ ತಾರಿಕ್ : 08 ಅಗೋಸ್ತ್ 1950 ಲಗ್ನ್ : 25 ಅಕ್ತೋಬರ್ 1980 ಟ್ರೀಝಾ ಲಿಲ್ಲಿ ಪಿಂಟೊ ಹಿಚೆಲಾಗಿಂ. ಭುರ್ಗಿಂ : ಅನಿತಾ, ಅನಿಲ್, ಅತೀನಾ ಆನಿ ಏಂಜಲ್ ಸಂಪರ್ಕ್ ಇ ಮೇಲ್ : austinporob@gmail.com

ಭಾರತಾಚೆಂ ಫಟ್ಕಿರೆಂ ಮಾಧ್ಯಮ್

"ವಾರ‍್ಯಾ ಮುಷ್ಕರಾಚೆಂ ಮುಕೆಲ್ ಕಾರಣ್ ಪಾಕಿಸ್ತಾನಾಕ್ ಏಕ್ ಸ್ಪಷ್ಟ್ ವರ್ದಿ ದೀಂವ್ಕ್ - ಆಮ್ಕಾಂ ತುಮ್ಚ್ಯಾ ಘರಾಲಾಗಿಂ ವಚೊನ್ ತುಮ್ಚೆಂ ಸತ್ತ್ಯಾನಾಶ್ ಕರ್ಯೆತ್ ಮ್ಹಣ್. ಹಿ ಸ್ವಷ್ಟ್ ವರ್ಧಿ ಆಮಿಂ ತಾಂಕಾಂ ದಿಲಿ, ತುಮ್ಚಿ ಕಿತ್ಲಿ ಬಂದೋಬಸ್ತ್ ಆಸ್ಲ್ಯಾರೀ, ತುಮ್ಚಿ ಜಾಣ್ವಾಯ್ ಕಿತ್ಲಿ ಗೂಂಡ್ ಆಸ್ಲ್ಯಾರೀ, ಆಮ್ಕಾಂ ತುಮ್ಕಾಂ ಸಂಪೂರ್ಣ್ ನಾಸ್ ಕರ್ಯೆತ್, ಆಮ್ಕಾಂ ಖಂಚ್ಯಾಯ್ ಮನ್ಶಾಂಚೊ ಜೀವ್ ಕಾಡುಂಕ್ ನಾಕಾ ಆಸ್ಲೆಂ." ಮ್ಹಣಾಲೊ ಹೊ ಬಿಜೆಪಿ ಡಾರ್ಜಲಿಂಗಾಚೊ ಪಾರ್ಲಿಮೆಂಟ್ ಸಾಂದೊ ಎಸ್.ಎಸ್. ಅಹುಲ್ವಾಲಿಯಾ. ತೊ ಮುಖಾರುನ್ ಮ್ಹಣಾಲೊ ಕೀ, ಪ್ರಧಾನ್ ಮಂತ್ರಿ ನರೇಂದ್ರ ಮೋಡಿನ್ ವ ಪಾಡ್ತಿಚ್ಯಾ ಸಂಪರ್ಕ್ ಅಧಿಕಾರಿನ್ ಹ್ಯಾ ವಾರ‍್ಯಾ ಮುಷ್ಕರಾವರ್ವಿಂ 300 ಆಕಂತ್‍ವಾದಿ ಮರಣ್ ಪಾವ್ಲೆ ಮ್ಹಣ್ ಸಾಂಗ್‍ಲ್ಲೆಂ ನಾ.

Read More »

ಇಗರ್ಜ್‌ಮಾತೆಂತೀ ಆಸಾತ್ ಸೈತಾನಾಚೆ ದಲಾಲಿ?

ಆಯ್ತಾರಾ ಉಲಯಿಲ್ಲ್ಯಾ ಪಾಪಾನ್ ಮ್ಹಳೆಂ ಕೀ "ಹ್ಯಾ ಕುಕೃತ್ಯಾಂಕ್ ಬಲಿ ಜಾಲ್ಲಿಂ ಸಭಾರಾಂ ವೊಗಿಂ ರಾವ್ತಾತ್ ಪುಣ್ ಮತಿ ಭಿತರ್ ತಾಂಕಾಂ ಹೆಂ ಕಾಂತ್ತಾ ಆನಿ ದುಖಯ್ತಾ. ಹ್ಯಾಚ್ ಲಾಗೊನ್ ತಿಂ ಚಿಂತ್ಪಾಂತ್ ನಿತ್ರಾಣಿ ಜಾವ್ನ್ ಕಂಗಾಲ್ ಜಾತಾತ್ ಕೊಡು ಘಡಿತಾಚಿ ಬಲಿ ಜಾವ್ನ್, ಥೊಡಿಂ ಜೀವ್ಘಾತ್ ಕರ್ತಾತ್ ಸಯ್ತ್. ಹೆಂ ಫಕತ್ ಇಗರ್ಜಾಂನಿ ಮಾತ್ರ್ ಘಡಾನಾ; ಶಾಲಾಂನಿ, ಕಾಮಾಂ ಜಾಗ್ಯಾಂನಿ, ಕುಟ್ಮಾಂನಿ, ಖೆಳಾ ಸುವಾತ್ಯಾಂನಿ ಆನಿ ಆತಾಂ ಹ್ಯಾ ವೀಜ್ ಕಾಳಾರ್ ಯುವಜಣಾಂಕ್ ಕಿತೆಂ ಸರ್ವ್ ಘಡ್ಟಾ. ವಾಯ್ಟ್ ಘಡಾಪ್ ಜಗತ್ತ್ಯಾದ್ಯಂತ್ ಸಂಗತ್... ಪುಣ್ ಹಿ ಸಂಗತ್ ಇಗರ್ಜಾಂನಿ ಘಡ್ಚಿ ಭೀಕರ್ ಆನಿ ಸ್ಕಾಂದಲಾಚಿ, ನೈತಿಕ್ ಅಧಿಕಾರಾಚಿ ತಸೆಂ ನಿತಿ ಸಂಬಂಧಿತ್ ವಿಶ್ವಾಸಾಚಿ" ಪಾಪಾ ಮುಖಾರುನ್ ಮ್ಹಣಾಲೊ, "ಇಗರ್ಜ್‌ಮಾತಾ ಅಸಲಿಂ ಕೃತ್ಯಿಂ ಆಧಾರ್ತೆಲ್ಯಾಂಕ್ ಅಸೆಂಚ್ ಸೊಡ್ಚಿ ನಾ. ಸರ್ವ್ ಕಾಮಾಂ ಮುಖಾಂತ್ರ್ ಹಾಕಾ ನೀತ್ ಮೆಳ್ಚ್ಯಾಪರಿಂ ವಾವುರ್ತೆಲಿ." ಪಾಪಾನ್ ಸಾಂಗ್ಲೆಂ ಹಿಂ ಕೃತ್ಯಾಂ ಆಧಾರ್ತೆಲೆ ಜಾವ್ನಾಸಾತ್ ಮ್ಹಣ್ 'ಸೈತಾನಾಚೆ ದಲಾಲಿ'

Read More »

ಸೊಜೆರಾಂಚೆರ್ ಆಕ್ರಮಣ್ – ಝುಜಾಕ್ ಆಮಂತ್ರಣ್ ?

ಭಾರತಾನ್ ಆಪ್ಲ್ಯಾ ಸೊಜೆರಾಂಕ್ ಮಾನ್ ದೀಂವ್ಕ್ ಜಾಯ್, ಝುಜಾ ಸ್ಥಳಾರ್ ಖರೆಂ ಸ್ಥಾನ್ ದೀಂವ್ಕ್ ಜಾಯ್ ತಸೆಂಚ್ ತಾಂಚಿ ಭದ್ರತಿ ಸಂಪೂರ್ಣ್ ಥರಾನ್ ಪಳೆಂವ್ಕ್ ಜಾಯ್. ಕಿತ್ಲೆಶ್ಯಾ ದುರ್ಬಳ್ಯಾ ಕುಟ್ಮಾಂ ಥಾವ್ನ್ ದಾದ್ಲೆ ಝುಜೊಂಕ್ ವೆತಾತ್ ಆಸ್ತಾಂ ತಾಂಚೊ ಜೀವ್ ಸಾಂಬಾಳ್ಚಿ ಜವಾಬ್ದಾರಿ ಭಾರತ್ ಸರ್ಕಾರಾಚೆರ್ ಆಸಾ. ಫಕತ್ ಗಾಯ್ ಸಂರಕ್ಷಣ್ ಕೆಲ್ಯಾರ್ ಮಾತ್ರ್ ಪಾವಾನಾ, ಆಮ್ಚ್ಯಾ ಸೊಜೆರಾಂಚೆಂಯ್ ಸಂರಕ್ಷಣ್ ಜಾಂವ್.

Read More »

ಏಸಿಡಾಕ್ ಮಿಸ್ಸಾಯ್ಲಾಂನಿ ಜಾಪ್ – ಸೀರಿಯಾಚೆರ್ ಅಮೇರಿಕಾಚೆ ಬಾಂಬ್

ಕಾಲ್ಚ್ಯೆ ರಾತಿಂ ಅಮೇರಿಕಾನ್ ಸೀರಿಯಾಚೆರ್ 59 ಮಿಸ್ಸಾಯ್ಲ್ ಸೊಡ್ನ್ ಸೀರಿಯಾಚೆಂ ವಾರ‍್ಯಾ ಥಳ್ ನಿಸ್ಸಂತಾನ್ ಕೆಲೆಂ. ಅಮೇರಿಕಾಚೊ ಅಧ್ಯಕ್ಷ್ ಡೊನಾಲ್ಡ್ ಟ್ರಂಪ್ ಮ್ಹಣಾಲೊ ಕೀ ಹಾಕಾ ಮುಖೆಲ್ ಕಾರಣ್ ಸೀರಿಯಾನ್ ತಾಂಚ್ಯಾಚ್ ಪ್ರಜೆಚೆರ್ ರಾಸಾಯನಿಕ್ ಬಾಂಬ್ ಘಾಲ್ನ್ ಹಜಾರೊಂ ಲ್ಹಾನ್ ಲ್ಹಾನ್ ಬಾಳಾಂಚೆ ಜೀವ್ ಕಾಡ್‍ಲ್ಲೊ. ಸೀರಿಯಾಂತ್ ಸಭಾರ್ ವರ್ಸಾಂ ಥಾವ್ನ್ ಏಕ್ ಮಾರೆಕಾರ್ ಝುಜ್ ಚಲೊನ್ಂಚ್ ಆಸಾ ಆನಿ ಹ್ಯಾ ಝುಜಾಕ್ ರಷ್ಯಾ ಥಾವ್ನ್ ಥಂಯ್ಚಿ ರಾಜ್ವಟ್ಕಿ ಚಲಂವ್ಚ್ಯಾ ಅಸ್ಸಾದ್ …

Read More »

ಬೋಯಿಂಗಾಚೆಂ ಬೃಹತ್ ವಿಮಾನ್ ’ಸ್ಟ್ರಾಟೊಲಾಂಚ್’

ಎದೊಳ್ ವರೇಗ್ ಬೋಯಿಂಗಾಚೆಂ ವ್ಹಡ್ ವಿಮಾನ್ ಮ್ಹಳ್ಯಾರ್ ಡ್ರೀಮ್‍ಲಾಯ್ನರ್ 10 ಆಸ್‍ಲ್ಲೆಂ. ಆತಾ ಬೋಯಿಂಗಾನ್ ಸ್ಟ್ರಾಟೊಲಾಂಚ್ ನವೆಂಚ್ ಬೃಹತ್ ವಿಮಾನ್ ಉಗ್ತಾಡಾಕ್ ಹಾಡ್ಲಾಂ. ಡ್ರೀಮ್‍ಲಾಯ್ನರ್ 2011 ಇಸ್ವೆಂತ್ ಬಾಂದುನ್ ಹಾಡ್‍ಲ್ಲ್ಯಾ ತೆನ್ಕಾ ಚಾರ್ಲ್ಸ್‍ಟನ್ ಉತ್ಪಾದನ್ ಜಾಗ್ಯಾರ್ ಬಾಂದುಂಕ್ ಸುರ್ವಾತಿಲ್ಲೆಂ. 743 ಎಕ್ರೆ ಸುವಾತೆಚ್ಯಾ ಹ್ಯಾ ಬಾಂದ್ಪಾ ಜಾಗ್ಯಾರ್ 7,565 ಕಾಮೆಲಿ ಕಾಮ್ ಕರುನ್ ಆಸಾತ್. ಹ್ಯಾಚ್ ಜನೆರ್ ಮಹಿನ್ಯಾಂತ್ ಬೋಯಿಂಗ್ ಕಂಪ್ಣೆನ್ 120,000 ನವ್ಯಾ ಕಾಮೆಲ್ಯಾಂಕ್ ಅಮೇರಿಕಾಂತ್ಲ್ಯಾ ಸರ್ವ್ ಕಾಮಾ ಸುವಾತ್ಯಾಂನಿ …

Read More »

ಪಂಚ್ವೀಸ್ ಮಿಲಿಯಾ ಭುರ್ಗ್ಯಾಂಕ್ ಬಾಪಯ್ ನಾಂತ್!

ಗೆಲ್ಯಾ ಹಫ್ತ್ಯಾಂತ್ ಅಮೇರಿಕಾಂತ್ ವಯ್ಲಿ ಖಬಾರ್ ಆಯ್ಕಾಲ್ಲಿಚ್ ಸಭಾರಾಂಕ್ ಥಟಾಕ್ಕ್ ಜಾಲೆಂ. ಅಮೇರಿಕಾಂತ್ ಪ್ರಸ್ತುತ್ ಪಂಚ್ವೀಸ್ ಮಿಲಿಯಾ ಭುರ್ಗ್ಯಾಂಕ್ ಬಾಪಯ್ ನಾಂತ್ ಖಂಯ್ ! ಕಾರಣ್? … ಕಾರಣಾಂ ಸಭಾರ್. ಹಾಂಗಾಸರ್ ತರ್ನಾಟಿಂ ತಸೆಂ ಸಭಾರ್ ಸ್ತ್ರೀಯೊ ದಾದ್ಲ್ಯಾಂಕ್ ಪಳೆಲ್ಲ್ಯಾಕ್ಷಣ್ ಮೊಗಾರ್ ಪಡ್ಟಾತ್, ಮುಖಾರುನ್ ಏಕಾಮೆಕಾಚ್ಯಾ ಆಂಗಾರ್ ಉಡೊನ್ ಗುರ್ವಾರ್ ಜಾತಾತ್. ಹಜಾರಾಂನಿ ಗರ್ಭ್ ಕಾಡ್ಟಾತ್ ತರ್ ಸಭಾರಾಂ ಭುರ್ಗ್ಯಾಕ್ ಪ್ರಸೂತ್ ಕರ್ನ್ ಜೀವನ್ ಮುಖಾರಿತಾತ್. ಸಭಾರಾಂ ದಾದ್ಲ್ಯಾಂಚ್ಯಾ ಅತ್ತ್ಯಾಚಾರಾಕ್ …

Read More »

ಮರುಭುಂಯ್ತ್ ಮಂಗ್ಳುರ್ಚಿ ಉಡಿ – ಕೊಂಕ್ಣೆಚಿ ಅಪ್ರೂಪ್ ಘಡಿ : ಎಮ್.ಸಿ.ಸಿ.ಪಿ ರುಪ್ಯೋತ್ಸವ್

ದರ್ಯಾಂತ್ಲಿಂ ತಿಂ ಲಾರಾಂ, ಮೊಳ್ಬಾವಯ್ಲಿಂ ತಾರಾಂ ತಸೆಂ ಸೆಜಾರ್ಚಿಂ ತಿಂ ಪೊರಾಂ ಹಾಸೊನ್ ಖೆಳೊನ್ ನಾಚೊಂಕ್ ಲಾಗ್ಲಿಂ ತೆಂ ಚಾಂದ್ಣೆಂ ದೆಖ್ತಾನಾ. ತಸೆಂಚ್ ಮಸ್ಕತಾಂತ್ ಕೊಂಕ್ಣಿ ಮಂಗ್ಳುರಿ ಲೋಕ್ ಹಾಸೊನ್ ಖೆಳೊನ್ ನಾಚಾಲಾಗ್ಲೊ ಮಸ್ಕತಾಂತ್ಲ್ಯಾ ಮಂಗ್ಳುರ್ ಕಥೊಲಿಕ್ ಕೇಂದ್ರಾನ್ ಹ್ಯಾಚ್ ಫೆಬ್ರೆರ್ ಧಾ ತಾರಿಕೆರ್ ಆಪ್ಲೊ ಪಂಚ್ವೀಸಾವೊ ರುಪ್ಯೋತ್ಸವ್ ಆಲ್ ಫಲಾಜ್ ಹೊಟೆಲಾಂತ್ಲ್ಯಾ ಲೆ ಗ್ರ್ಯಾಂಡ್ ಹೊಲಾಂತ್ ಭಾರಿಚ್ ಸಂಭ್ರಮಾನ್ ಚಲಯ್ತಾನಾ. ಹ್ಯಾ ಸಂಘಾಚ್ಯಾ ವಾಡಾವಳಿಕ್ ತಸೆಂಚ್ ಅರ್ಥಾಭರಿತ್ ಜಿವಾಳ್ ಕಾರ್ಯಕ್ರಮಾಂಕ್ …

Read More »

‘ಬಿಲ್ಡಿಂಗಾಂ’ ಥಾವ್ನ್ ‘ನೇಶನ್ ಬಿಲ್ಡಿಂಗಾ’ ಕ್ – ಡೊನಾಲ್ಡಾಚೆಂ ’ಟ್ರಂಪ್’

2016 ನವೆಂಬರ್ 8ವೆರ್ ಡೊನಾಲ್ಡ್ ಟ್ರಂಪ್ ಅಮೇರಿಕಾಚೊ 45ವೊ ಅಧ್ಯಕ್ಷ್ ಜಾವ್ನ್ ಭಾರಿಚ್ ಫಾಮಾದ್ ರಾಜಕಾರಣಿ ಹಿಲರಿ ಕ್ಲಿಂಟನಾಕ್ ಸಲ್ವವ್ನ್ ಚುನಾಯಿತ್ ಜಾಲೊ. ಹಿಲರಿಕ್ ಟ್ರಂಪಾ ಪ್ರಾಸ್ ತೀನ್ ಮಿಲಿಯಾ ಚಡೀತ್ ಮತ್ ಮೆಳ್ಳೆ ತರೀ ಅಮೇರಿಕಾಚ್ಯಾ ಪೊಕೊಳ್ ರೀತಿ-ರಿವಾಜಿಂಕ್ ಮಾನ್ ದೀವ್ನ್ ಹಿಲರಿನ್ ಆಪ್ಲಿ ಸಲ್ವಣಿ ಮಾನುನ್ ಘೆತ್ಲಿ ಆನಿ ಟ್ರಂಪಾಕ್ ಸರ್ವ್ ಬರೆಂ ಮಾಗ್ಲೆಂ. ಅಮೇರಿಕಾಂತ್ ಅಧ್ಯಕ್ಷಾಚಿ ವಿಂಚವ್ಣ್ ಬಹುಮತ್ ಮೆಳ್‍ಲ್ಲ್ಯಾಚೆರ್ ಹೊಂದೊನ್ ನಾ. ಹಾಂಗಾಚ್ಯಾ ಇಲೆಕ್ಟೊರಲ್ …

Read More »

ನೀಬ್ ನತಾಲ್ – ದಂದೊ ಆನಿ ಧಮಾಲ್ !

ನತಾಲಾಂಚೆಂ ಫೆಸ್ತ್ ದಸೆಂಬ್ರ್ ಪಂಚ್ವೀಸ್‍ವೆರ್ ತರೀ ಅಮೇರಿಕಾಂತ್ ಮಯ್ನ್ಯಾಚ್ಯಾ ಪಯ್ಲ್ಯಾ ತಾರಿಕೆ ಪಾಸುನ್‌ಚ್ ನತಾಲಾಂಚಿ ಸರ್ಭಾರಾಯ್ ಸುರು ಜಾತಾ ಮ್ಹಣ್ಯೆತ್. ಆದ್ಲ್ಯಾ ಹಫ್ತ್ಯಾಂತ್ ಚಿಕಾಗೊಂತ್ಲ್ಯಾ ಮೇಸಿ ಸ್ಟೋರಾಂತ್ ಸಾಂತಾ ಕ್ಲಾಸ್ ಆಯ್ಲೊ ಆನಿ ಲೋಕಾಕ್ ಮೆಳೊನ್ ನತಾಲಾಂಚೊ ಸಂತೋಸ್, ಮುಖೆಲ್ ಜಾವ್ನ್ ಲ್ಹಾನಾಂ ಕಾಳ್ಜಾಚ್ಯಾ ಭುರ್ಗ್ಯಾಂ ಥಂಯ್ ಜೋರಾನ್ ಹಾಡುಂಕ್ ಸಕ್ಲೊ. ಇತ್ಲ್ಯಾರ್ ಸಭಾರ್ ಘರಾಂ ನತಾಲಾಂಕ್ ಸುಂರ್ಗಾರಾಯ್ಲಿಂ, ವಿಭಿನ್ನ್ ದಿವೆ, ಪ್ಲ್ಯಾಸ್ಟಿಕಾಚ್ಯೊ ಜೀವಾ ಗಾತ್ರಾಚ್ಯೊ ಇಮಾಜಿ, ನೆಕೆತ್ರಾಂ, ವಾತಿ, ಹೆಂ …

Read More »
Share ...please don\'t COPY !