ಸರ್‌ಲ್ಲ್ಯಾ ಯಾಜಕಾಕ್ ವಿಪ್ರೀತ್ ಬಿಲ್ಡಪ್ ದೀವ್ನ್ larger than life ಇಮೇಜ್ ಉಭಿ ಕೆಲ್ಯಾರ್ ತನ್ಕೆ ಅಧಿಕಾರಿ ಕಾಂಯ್ ದಾಕ್ಶೆಣೆಕ್ ಪಡೊನ್ ಸೊಧ್ನಾಂ ಕರ್ತಾನಾ  ವಯ್ರ್ ಪಡ್ಚೆಂ ಮೆಳೆಂ ದಾಂಪುನ್ ವರಿತ್ ಆನಿ ಫಟ್ಕಿರ‍್ಯೊ ಗಜಾಲಿ ಪ್ರಚಾರ್ ಕೆಲ್ಯಾರ್ ನೀಜ್ ಕಾರಣ್ ಲಿಪೊನ್ ವಚೊನ್ ನಾಂವ್ ಪಾಡ್ ಜಾಯ್ನಾಸ್ತಾನಾ ಉರತ್ ಮ್ಹಳ್ಳೊ  ವಿಶ್ವಾಸ್, ಕುಟ್ಮಾದಾರಾಂಕ್ ಆನಿ ಅಭಿಮಾನಿ ಮ್ಹಣ್ತೆಂಲ್ಯಾಂಕ್ ಆಸ್‌ಲ್ಲೊ ಜಾಂವ್ಕೀ ಪುರೊ! ಆತಾಂ ತನ್ಕೆಚಿ ವರ್ದಿ ಆಯ್ಲ್ಯಾ, ವಿಗಾರ್, ವ್ಹಡಿಲ್, ಶಿಕ್ಷಕಾಕ್ ಮಾರುಂಕ್ ವಾಪಾರ್‌ಲ್ಲೆಂ ಹಾತೆರ್ ಕುಡ್ಕೆ ಜಾವ್ನ್ ಪಡ್ಲಾಂ. ಪೂಣ್ . . . ಟುಸ್ಸ್ ಜಾಲ್ಯಾ ಮಾಲೆಪಟಾಕಿಚೊ ಕೋಯ್ರ್ ತಸೊಚ್ ಆಸಾ. ತೊ ಕೋಯ್ರ್ ಝಾಡ್ನ್ ಕಾಡ್ಚಿ ಸಮಾಜಿಕ್ ಜವಾಬ್ದಾರಿ ಆತಾಂ ಸತಾಚ್ಯಾ ಪಾಡ್ತಿನ್ ರಾಂವ್ಚ್ಯಾ ಮಾದ್ಯಮಾಂಚೆರ್ ಆಯ್ಲ್ಯಾ. ಬೆಜಾರಾಯೆಚಿ ಗಜಾಲ್ ಮ್ಹಳ್ಯಾರ್ ಅಮಾಯೆಕಾಂಕ್ ಮಾರುಂಕ್ ವಾಪಾರ್‌ಲ್ಲ್ಯಾ, ತನ್ಕೆ ವರ್ದೆನ್ ಮೋಡ್ನ್ ಘಾಲ್ಲ್ಯಾ ಹಾತೆರಾಚೊಚ್ ಸಾರ್ಣಿಕುಂಟೊ ಕರ್ನ್ ಕೋಯ್ರ್ ಝಾಡಿಜೆ ಜಾಲ್ಲಿ ಅನಿವಾರ್ಯತಾ ಉದೆಲ್ಯಾ.

ಆಪ್ಣಾಕ್ ಆಪುಣ್ ಅಖ್ಖ್ಯಾ ಕ್ರೀಸ್ತಾಂವ್ ಸಮಾಜೆಚೊ ಪ್ರತಿನಿಧಿ ಮ್ಹಣೊಂಕ್ ಹೊ ಮನಿಸ್ ಕೆದಾಳಾ ವೊಟಾಕ್ ರಾವ್‌ಲ್ಲೊ? ಅಖ್ಖ್ಯಾ ಕ್ರೀಸ್ತಾಂವ್ ಸಮಾಜೆಚೊ ಪ್ರತಿನಿಧಿ ಮ್ಹಣ್ ಸಾಂಗೊನ್ ಭಂವೊಂಕ್ ಕ್ರೀಸ್ತಾಂವ್ ಸಮಾಜೆನ್ ಕೆದಾಳಾ ಹ್ಯಾ ಮನ್ಶ್ಯಾಕ್ ವೋಟ್ ಘಾಲ್ಲೊ?  ಖಂಯ್ಚ್ಯಾಗೀ ಎಕಾ ಸಂಸ್ಥ್ಯಾನ್ ವಾ ಸಂಘಟನಾಕ್ ಸನ್ಮಾನ್ ಕರ್ನ್ ಬಿರುದ್ ದಿಲ್ಲೆಫರಾ ಕೊಣೀ ಅಖ್ಖ್ಯಾ ಸಮಾಜೆಚೊ ಪ್ರತಿನಿಧಿ ಜಾತಾಗೀ? ಗೊವ್ಳ್ಯಾಂನಿ ಆನಿ ಗೊವ್ಳ್ಯಾತಾಬೆನ್ ಆಸ್ಚ್ಯಾ ಹಿಂಡಾನ್ ಜಾಗೆ ಜಾವ್ನ್, ಕ್ರೀಸ್ತಾಂವ್ ಸಮುದಾಯಾಕ್ ದುಸ್ಫಾಟಾವ್ನ್ ತೀನ್ ತಿರ್ಕುಟ್ ಕರ್ಚಿಂ ಪ್ರೇತನಾಂ ಆಡಾಂವ್ಚಿ ಗರ್ಜ್ ಆಸಾ.

ಆಜ್ ಫೆಬ್ರೆರಾಚಿ 5 ತಾರಿಕ್. ಆಜ್ 'ಕಿಟಾಳ್' ಧಾವ್ಯಾ ವರ್ಸಾಕ್ ಪ್ರವೇಶ್ ಜಾತೇ ಆಸಾ. ಆಜ್ ಕಿಟಾಳ್ ಹೆಪ್ಪಿ ಬರ್ಥ್ ಡೇ. ಆಯ್ಚ್ಯಾಚ್ ದಿಸಾ 2011 ವೆರ್ ಸಂದೇಶ ಸಭಾಭವನಾಂತ್ ಲೊಕಾರ್ಪಣ್ ಜಾಲ್ಲೆಂ. ಖಳನಾಸ್ತಾನಾ ನೋವ್ ವರ್ಸಾಂ ಪ್ರಸಾರ್ ಜಾವ್ನ್ ಆತಾಂ ಧಾವ್ಯಾ ವರ್ಸಾಕ್ ಪ್ರವೇಶ್ ಜಾಂವ್ಕ್ ಕಿಟಾಳಾಕ್ ಸಾಧ್ಯ್ ಜಾಲಾಂ ಜಾಲ್ಯಾರ್ ಆಮ್ಚ್ಯಾ ವಾಂವ್ಟಿಸಾಂಗಾತಾ ಫಕತ್ ಪ್ರಜ್ಞಾವಂತ್ ಕೊಂಕ್ಣಿ ವಾಚ್ಪ್ಯಾಂಥಾವ್ನ್, ಜಾಗೃತ್ ಬರಯ್ಣಾರಾಂಥಾವ್ನ್ ಆನಿ ಬರ‍್ಯಾ ಮನಾಚ್ಯಾ ಆಮ್ಚ್ಯಾ ಪೋಶಕಾಂಥಾವ್ನ್ ಆಮ್ಕಾಂ ಮೆಳ್‌ಲ್ಲೊ ಪ್ರೋತ್ಸಾವ್ ಆನಿ ಪಾಟಿಂಬೊ ಕಾರಣ್. ಹಿ ಉಪಲಬ್ದಿ ಆಮ್ಚಿ ಎಕ್ಲ್ಯಾ ದೊಗಾಂಚಿಂ ನಯ್, ಜಾಗೃತ್ ಕೊಂಕ್ಣಿ ಪರ್ಜೆಚಿ.

ಆಮ್ಚೊ ಪಾದ್ರ್ಯಾಬ್, ಫಾ| ಡೆನಿಸ್ ಕಾಸ್ತೆಲಿನೊ ಸರೊನ್ ಆಜ್, ಫೆಬ್ರೆರ್ 1 ತಾರಿಕೆರ್ ವರಸ್ ಜಾತಾ. ಜೊ ಪಾದ್ರ್ಯಾಬ್ ಲೊಕಾ ಸಾಂಗಾತಾ ಜಿಯೆತಾ, ಲೊಕಾಚೆ ಕಶ್ಟ್ ಸಮ್ಜಾತಾ ಆನಿ ಕಶ್ಟಾಂ ಥಾವ್ನ್ ಲೊಕಾಕ್ ಸುಟ್ಕಾ ದಿಂವ್ಚೆಂ ಪ್ರೇತನ್ ಕರ್ತಾ - ತೋ ಮಾತ್ರ್ 'ಆಮ್ಚೊ ಪಾದ್ರ್ಯಾಬ್' ಜಾವ್ನ್ ಇತಿಹಾಸಾಂತ್ ಉರ್ತಾ. ಆತಾಂ ಸಾಂತಿಪಣಾಚ್ಯೆ ವಾಟೆರ್ ಆಸ್ಚೊ ಫಾ| ಆಲ್ಫ್ರೆಡ್ ರೋಚ್ ಹ್ಯಾ ವರ್ಗಾಚೊ ಏಕ್ ಪಾದ್ರ್ಯಾಬ್ ಜಾವ್ನಾಸ್‌ಲ್ಲೊ ಮ್ಹಳ್ಳೆಂ ತಾಚಿ ಜಿಣ್ಯೆಕಥಾ ವಾಚ್ತಾನಾ ಕಳ್ತಾ. ಫಾ| ಡೆನಿಸ್ ಕಾಸ್ತೆಲಿನೊಚಿ ಜಿಣಿ, ಮಿಸಾಂವ್ ಆನಿ ಸಂಘರ್ಷ್ ಬೋವ್ ಲಾಗ್ಶಿಲ್ಯಾನ್ ಪಳವ್ನ್ ಹಾಂವ್ ಜಾಣಾಂ ದೆಕುನ್ ತೋ ಹ್ಯಾ ವರ್ಗಾಕ್ ಮೆಳ್ಚೊ ಪಾದ್ರ್ಯಾಬ್ ಮ್ಹಣ್ಚ್ಯಾಕ್ ಮ್ಹಜೆಥಂಯ್ ಮಾತ್ ನಯ್, ಫಾ| ಡೆನಿಸಾಚ್ಯಾ ಸಂಪರ್ಕಾರ್ ಆಯಿಲ್ಲ್ಯಾ ಕೊಣಾಯ್‌ಥಂಯ್ ದುಬಾವ್ ಆಸೊಂಕ್ ಸಾದ್ಯ್ ನಾಂತ್.

ಮಂಗ್ಳುರ್ ವಿಮಾನ್‌ಥಳಾಕ್ ಬಾಂಬ್ ದವರಿಲ್ಲೆಂ ಜಿವಾವಿರೊಧಿ ಕೃತ್ಯೆಂ ಖಂಯ್ಚ್ಯಾಯ್ ಲೆಕಾರ್ ಸಮರ್ಥನ್ ಕರುಂಕ್ ಸಾಧ್ಯ್ ನಾ. ಪೂಣ್ - ಗಿರೀಶಾನ್ ದವರ್ಲೆಲ್ಯಾ ಬಾಂಬಾಂತೀ ಕೊಣೀ ಮರೊಂಕ್ ನಾಂತ್ ಆನಿ ಆದಿತ್ಯಾನ್ ದವರ್ಲೆಲ್ಯಾ ಬಾಂಬಾಂತೀ ಕೊಣೀ ಮರೊಂಕ್ ನಾಂತ್. ಗಿರೀಶಾನ್ ಬಾಂಬ್ ದವರಿಲ್ಲೊ ತವಳ್ ದೆಶಾಕ್ ಪೊಕೊರ್ನ್ ಖಾಂವ್ಚ್ಯಾ ಭೃಶ್ಟಾಚಾರಾ ವಿರೋದ್. ಆದಿತ್ಯಾನ್ ಬಾಂಬ್ ದವರಿಲ್ಲೊ ಆಜ್ ದೇಶಾಕ್ ಪೊಕೊರ್ನ್ ಖಾಂವ್ಚ್ಯಾ ಬೆಕಾರ್ಪಣಾ ವಿರೋದ್ (ತಶೆಂ ಮ್ಹಣ್ ರಾಜ್ಯಾಚೊ ಘರ್ ಮಂತ್ರಿಚ್ ಉಗ್ತ್ಯಾನ್ ಮ್ಹಣ್ತೇ ಆಸಾ - 'ತಾಕಾ ಫಾವೊತೆಂ ಕಾಮ್ ಮೆಳೊಂಕ್ ನಾ. ದೆಕುನ್ ನಿರಾಶೆನ್ ತಾಣೆ ಅಶೆಂ ಕೆಲಾಂ')

ಮ್ಹಜ್ಯಾ ಮಾಹೆತಿ ಪರ್ಮಾಣೆ ವಿಶ್ವವಿದ್ಯಾಲಯಾಂತ್ ರಾಜಕಾರಣಿಂಕ್, ವೃತ್ತಿಪರಾಂಕ್ ಆನಿ ಸಮಾಜ್ ಸೇವಕಾಂಕ್ ಸಿಂಡಿಕೇಟ್ ಸಾಂದೊ ಜಾಂವ್ಕ್ ಅವ್ಕಾಸ್ ಆಸಾ. ಕ್ರೀಸ್ತಾಂವ್ ಸಮಾಜೆಚೆ ಮಾನೆಸ್ತ್ ಥೊಡೆ ಎದೊಳ್‌ಚ್ ಸಿಂಡಿಕೇಟಾಂತ್ ಸಾಂದೆ ಆಸಾತ್. ವಸ್ತುಸ್ಥಿತಿ ಅಶಿ ಅಸ್ತಾನಾ academicians ಹಾಂಕಾ ಮ್ಹಣ್ ಆಸ್ಚ್ಯಾ ವಿಶ್ವವಿದ್ಯಾಲಯಾಚ್ಯಾ ಅಧ್ಯಯನ್ ಮಂಡಳೆಂತ್ academician ನಯ್ ಆಸ್ಲೆಲ್ಯಾಂನಿ ರಿಗ್ಚೆಂ ಸಾರ್ಕೆಂ ನಯ್.

ಪೂಣ್, ಆಮಿ ಕ್ರಿಸ್ತಾಂವ್ ಸಮಾಜೆಚೆ ಮುಕೆಲಿ ಮ್ಹಣ್ ಉಗ್ತ್ಯಾ ಸಭೆಂನಿ, ಪತ್ರಿಕಾಗೋಷ್ಟಿಂನಿ ಅಖ್ಖ್ಯಾ ಕ್ರ‍ಿಸ್ತಾಂವ್ ಸಮಾಜೆಚೆ ತೆಲಾಯಿಲ್ಲೆ ಪ್ರತಿನಿಧಿ ಮ್ಹಳ್ಳೆಪರಿಂ ಉಲಯ್ತೆಲ್ಯಾಂಕ್  ಜಾಳಿಜಾಗ್ಯಾಂನಿ, ಪಾದ್ರಿ, ಮಾದ್ರಿ, ಬಿಸ್ಪ್, ಮೋದಿ, ಶಾ, ಯಡ್ಯೂರಪ್ಪಾಕ್ ರಾಸ್ ರಾಸ್ ಸವಾಲಾಂ ವಿಚಾರ್ತಲ್ಯಾಂ ಪಯ್ಕಿ ಕೋಣ್  ಸವಾಲ್ ಕರುಂಕ್ ವಚಾನಾ. ಕಾರಣ್ - ದಾಕ್ಷೆಣ್ ! ದೆಶಾಚ್ಯಾ ಪ್ರದಾನಿಚಿಂ, ದಿಯೆಸೆಜಿಚ್ಯಾ ಬಿಸ್ಪಾಚಿಂ, ರಾಜ್ಯಾಚ್ಯಾ ಆರ್ಚ್ ಬಿಸ್ಪಾಚಿಂ ಖೆಳ್ಕುಳಾಂ ಸಯ್ತ್ ಕರುಂಕ್ ಆಡ್ ಯೇನಾತ್ಲಿ - ಭಿರಾಂತ್ ?

ಸಿಸಿಲಾಪರಿಂಚ್ ದಾವಿದಾಮಾಚಿ ಸುನ್ ತೆರೆಜಾಕೀ ಆಂಗ್ಣಾಂತ್ಲ್ಯಾ ಪೊಣ್ಸಾರುಕಾರ್ ಜಾಂವ್ಚ್ಯಾ ರೊಸಾಳ್ ಪೊಣ್ಸಾಚೊ ಗರೊ ನವ್ರೊ ಸಿಲ್ವನಾಚ್ಯಾ ಹಾತಾಥಾವ್ನ್ಚ್ ಖಾಂವ್ಚಿ ಜಬ್ಬೊರ್ ಆಶಾ. ದೆಕುನ್ ತಿ ಪರತ್ ಪರತ್ ಸಿಲ್ವನಾಕ್ ಆಪ್ಣಾಕ್ ರೊಸಾಳ್ ಪೊಣ್ಸಾಚೆ ಗರೆ ಖಾಂವ್ಚಿ ಆಶಾ ಜಾಲ್ಯಾ ಮ್ಹಣ್ ಪರಾತ್ತಾ. ಆಪ್ಲಿ ಬಾಯ್ಲ್ ತೆರೆಜ್, ಆಪ್ಲೊ ಭಾವ್ ವಿಲ್ಸನಾಚಿ ಬಾಯ್ಲ್, ಗೊರ‍್ಯಾ ಕಾತಿಚ್ಯಾ ಲವೀನಾ ಮುಕಾರ್ ಸುರುಪಾನ್ ಸುಮಾರಾಚಿ ದೆಕುನ್, ಸಿಲ್ವನಾಕ್ ತೆರೆಜಾ ಸಾಂಗಾತಾ ರೊಸಾಳ್ ಪೊಣ್ಸಾಚೆ ಗರೆ ಖಾಂವ್ಕ್ ನಾಕಾತ್. ತೆರೆಜಾ ಸಾಂಗಾತಾ ರೊಸಾಳ್ ಪೊಣ್ಸಾಚೆ ಗರೆ ಸಿಲ್ವನಾನ್ ಖಾಯ್ನಾಸ್ತಾನಾ ರಾವೊಂಕ್, ವಿಲ್ಸನಾಚಿ ಹೊಕಾಲ್ ಲವೀನಾ ತಿತ್ಲಿ ಸೊಭಾಯ್ ತಾಕಾ ನಾ ಮ್ಹಳ್ಳೆ ಪ್ರಾಸ್, ತೆರೆಜ್ ಲವೀನಾಚ್ಯಾ ವರ್ಗಾಚೆಂ ನಯ್ ಮ್ಹಳ್ಳೆಂ ಕಾರಣ್ ಬಳ್ವಂತ್ ಆಸ್ಚೆಂ ಕಾಣಿಯೆಂತ್ ದಿಸುನ್ ಯೆತಾ. ಮ್ಹಳ್ಯಾರ್ ತೆರೆಜ್, ಸೊಭಾಯ್ ನಾತ್‌ಲ್ಲೆಂ, ಕಾತಿನ್ ಕಾಳೆಂ ಬಾಯ್ಲ್ ಮ್ಹಣ್ಚೆ ಪ್ರಾಸ್ - ತೆಂ ಸಕಯ್ಲ್ಯಾ ವರ್ಗಾಚೆಂ ಮ್ಹಳ್ಳೆ ಖಾತಿರ್ ಸಿಲ್ವನಾನ್ ತಾಚೆ ಸಾಂಗಾತಾ ಗರೆ ಖಾಂವ್ಕ್ ಪಾಟಿಂ ಕರ್ಚೆಂ ಉಟೊನ್ ದಿಸ್ತಾ.

ರೋಹಿತ್ ವೆಮುಲಾನ್ ಜಿವ್ಘಾತ್ ಕರ್ನ್ ಘೆತ್‌ಲ್ಲೆ ತವಳ್ ಹಾಂವೆ ಏಕ್ ಕವಿತಾ ಬರಯಿಲ್ಲಿ - ಕಾರಣ್ ನಾಸ್ತಾಂ ಮರ್ಚೆಂ ಕಶೆಂ? ಯಾಜಕಾಂಕೀ ಮರೊಂಕ್ ಕಾರಣಾಂ ಆಸ್ತಲಿಂಚ್ - ಪೂಣ್ ಆಜ್ ಅಖ್ಖ್ಯಾ ಯಾಜಕ್ ಸಮುದಾಯಾಕ್, ತಾಂಕಾ ತರ್ಭೆತ್ ಕರ್ಚ್ಯಾ ಸೆಮಿನರಿ ಪರ್ಯಾಂತ್ ವಚೊನ್ ಚುಕಿದಾರ್ ಕರ್ನ್ ಝಡ್ತೆಕ್ ಉಭೆಂ ಕರ್ಚ್ಯಾಂತ್ ನ್ಯಾಯ್ ಆಸಾ? ಯಾಜಕ್ ಮ್ಹಳ್ಯಾರ್ ಲೋಬ್ ಘಾಲ್ಲೆ ರೊಬೋಟ್ ನಯ್, ತೇಯ್ ಮನಿಸ್, ತಾಂಕಾಂಯ್ ಭೊಗ್ಣಾಂ ಆಸಾತ್, ತಾಂಕಾಂಯ್ ಪಿಡಾ - ಶಿಡಾ ಯೆತಾ ಮ್ಹಳ್ಳೆಂ ಮುಳಾವೆಂ ಜಿವಾತರ್ಫೆಚೆಂ ಚಿಂತಪ್ ಸಮುದಾಯಾನ್ ಆನಿ ಸಮಾಜೆನ್ ವಾಡಯ್ತಾ ಪರ್ಯಾಂತ್ ಯಾಜಕಾಂಚ್ಯಾ ಮೊರ್ನಾಂಚೊ ಪರವ್ ಅಸೊ ಚಾಲುಚ್ ಆಸ್ತಲೊ - ಮೊರ್ನಾಚಿಂ ರುಪಾಂ ಮಾತ್ ಬದ್ಲೊನ್‌ ವೆತೆಲಿಂ.