ಕಿಶೂ, ಬಾರ್ಕುರ್ ಹ್ಯಾ ಲಿಕ್ಣೆನಾಂವಾನ್ ಬರಂವ್ಚೊ ಕಿಶೋರ್ ಕುಮಾರ್ ಪೀಟರ್ ಗೊನ್ಸಾಲ್ವಿಸ್ ಗಾಂವಾನ್ ಬಾರ್ಕುರ್ಚೊ. ಕವಿತಾ, ಮಟ್ವ್ಯೊ ಕಾಣಿಯೊ, ವೆಗ್ಯಾನಿಕ್ ಲೇಕನಾಂ ತಾಕಾ ಆಂವಡ್ಚೆ ವಿಶಯ್. ಸಂಗೀತ್, ನಾಟಕ್, ಸಿನೆಮಾಂತ್ ವಿಶೇಸ್ ಅಭಿರೂಚ್. ಧಾಕ್ಟ್ಯಾ ದೆವಾಚಿಂ ಭುರ್ಗಿಂ ( ಕವಿತಾಸಂಗ್ರಹ್) ರುಪ್ಣೆಂ ( ಮಟ್ವ್ಯಾ ಕಾಣಿಯಾಂಚೊ ಸಂಗ್ರಹ್ ) ತಾಚೆಂ ಬುಕಾರುಪಾರ್ ಪರ್ಗಟ್ ಜಾಲ್ಲೆಂ ಸಾಹಿತ್ಯ್. ಪಾಟ್ಲ್ಯಾ ವರ್ಸಾಂನಿ ಜಾಯ್ತ್ಯಾ ಕೊಂಕ್ಣಿ ಆಲ್ಬಮಾಂ ಖಾತಿರ್ ತಾಣೆ ಪದಾಂ ಬರಯ್ಲ್ಯಾಂತ್. ತಾಚ್ಯಾ ’ರುಪ್ಣೆಂ’ ಬುಕಾಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಥಾವ್ನ್ ಪುಸ್ತಕ್ ಪುರಸ್ಕಾರ್ ಫಾವೊ ಜಾಲಾ. ಇಂಗ್ಲಿಶ್ ತಶೆಂ ಕನ್ನಡಾಂತೀ ತೋ ಬರಯ್ತಾ.
ಕವಿತಾ ಟ್ರಸ್ಟ್ ಹಾಚೊ ಟ್ರಸ್ಟಿ ತಶೆಂ ಅಧ್ಯಕ್ಷ್ ಜಾವ್ನ್ ತೋ ವಾವ್ರ್ ದಿತೇ ಆಸಾ. ದಾಯ್ಜಿವಲ್ಡ್ ಮಾದ್ಯಮ್ ಕಂಪ್ಣೆಚೊ ನಿರ್ದೇಶಕ್ ತಶೆಂ ಉಡುಪಿಂತ್ ದಾಯ್ಜಿವಲ್ಡ್ ಸಂಸ್ಥ್ಯಾಚೊ ಮುಕೆಲಿ.
ಭಾಯ್ಲ್ಯಾಂತ್ರಳಾ ಸೊಧ್ನಾಂ ಮನ್ಶಾಕುಳಾಚೆಂ ವರ್ತೆಂ ಸಾಹಸ್ ಆನಿ ಸಾಧನ್. ನವೆ ಸಂಸಾರ್ ಸೊಧುನ್ ಕಾಡುನ್ ಹ್ಯಾ ಸಂಸಾರಾಂತ್ ಆಮ್ಚೊ ಜಾಗೊ ಕಸಲೊ ಮ್ಹಳ್ಳೆವಿಶಿಂ ಆಮ್ಚ್ಯೊ ಜಾಣ್ವಾಯೆಚ್ಯೊ ಗಡಿ ವಿಸ್ತಾರಾಂವ್ಕ್ ಸುರ್ವೆಥಾವ್ನ್ ಆಮ್ಚೆಂ ಪ್ರೇತನ್ ಖಳಾನಾಸ್ತಾಂ ಚಾಲು ಆಸಾ. ವಯ್ರ್ ರಾತ್ಚ್ಯಾ ಮಳ್ಬಾಕ್…
ಕಾವ್ಯಾಂತ್ ‘ಗೊಬ್ರಾ’ ಚೆಂ ರೂಪಕ್ ದೊಡ್ಯಾ ಧಾರಿಚ್ಯಾ ತಲ್ವಾರಿಪರಿಂ. ಗೊಬ್ರಾಂತ್ ಸಗ್ಳೆಂ ಅಂತ್ಯ್ ಜಾತಾ ಆನಿ ಗೊಬ್ರಾಥಾವ್ನ್ ನವಿ ಅಂಕ್ರಿ ಉದೆಂವ್ಚಿ ಸಾಧ್ಯತಾಯ್ ಆಸಾ. ಕಥೊಲಿಕ್ ಪಾತ್ಯೆಣೆಂತ್ ಗೊಬ್ರಾಂತ್ ಸುರು ಜಾಂವ್ಚೆಂ ಉಜ್ಯಾಂತ್ ಅಕೇರ್ ಜಾತಾ. ಕಾಂಯ್ ಹೆರ್ ಥೊಡ್ಯಾ ಪಾತ್ಯೆಣೆಂನಿ…
ಝ ಇಸ್ಲಾಮಿಕ್ ಯುನಿವರ್ಸಿಂಟಿಂತ್ 2007 ಪಾಸುನ್ ಇಂಗ್ಲಿಶ್ ಸಾಹಿತ್ಯಾಚೊ ಮೆಸ್ತ್ರಿ ಜಾವ್ನಾಸ್ಲ್ಲೊ ದೊ| ರಿಫಾತ್ ಅಲಾರೀರ್ 44 ವರ್ಸಾಂಚ್ಯಾ ತರ್ನ್ಯಾ ಪ್ರಾಯೆರ್ ಇಸ್ರೇಲಿ ಸಯ್ನಾಚ್ಯಾ ಗುಳ್ಯಾಂಕ್ ಬಲಿ ಜಾಲೊ. ಲಂಡನ್ ಯುನಿವರ್ಸಿಟಿ ಕೊಲೆಜಿಂತ್ ತಾಣೆ ಇಂಗ್ಲಿಶ್ ಸಾಹಿತ್ಯಾಂತ್ ಎಮ್.ಎ. ಆನಿ ಮಲೇಶಿಯಾಚ್ಯಾ…
ಪ್ರೀತ್ ಸರಾಯೆರ್ ತಂತ್ರಗ್ಯಾನ್ ವಾಡೊನ್ ಯೆಂವ್ಚ್ಯಾ ಹ್ಯಾ ಕಾಳಾರ್, ಸಗ್ಳೊ ಸಂಸಾರ್ ಪಯ್ಲೆಂ ಕೆನ್ನಾಂಯ್ ನಾತ್ಲ್ಲೆಬರಿ ಎಕಾಮೆಕಾ ಜುಳುನ್ ಗೆಲಾ ಆಸ್ತಾಂ, ಮನ್ಶ್ಯಾಕುಳಾಕ್ ಆದಿಂ ಥಾವ್ನ್ ಧೊಸುನ್ ಆಸಲ್ಲಿಂ ಹಿಂ ಸವಾಲಾಂ ಇಲ್ಲಿಂ ಚಡ್ಚ್ ಧೊಸ್ತಾತ್ಶಿಂ ದಿಸ್ತಾತ್. ತವಳ್ ಆಮ್ಚಿ ನೀಜ್…
ಕಾರ್ಪೊರೇಟ್ ಸಂಸ್ಥ್ಯಾಂನಿ ಹರ್ ವರ್ಸಾ ಹರ್ ವ್ಯಕ್ತಿಚಿ ಮೊಲಾಮಾಪ್ಣಿ ಜಾತಾ. ಹ್ಯಾ ವೆಳಾ ಖಂಚ್ಯಾ ಸಂಗ್ತಿಂನಿ ಉಣೆಪಣ್ ಆಸಾ ಆನಿ ಹೆಂ ಉಣೆಪಣ್ ಕಶೆಂ ಸುದ್ರಾಂವ್ಚೆಂ ಹಾಚೆರ್ ಚಿಂತಪ್ ಆಟಯ್ತಾತ್. ವಿಮರ್ಸೊ – ಸಾಹಿತ್ ಆನಿ ಸಾದರ್ ಶೆತಾಂನಿ ಮೊಲಾಮಾಪ್ಣೆಚೆಂ ಕಾಮ್ …
ಖೊಲಾಯೇನ್ ಪಾರ್ಕಿಲ್ಯಾರ್ ರಾಜ್ವಟ್ಕೆಚ್ಯಾ ಹಿಶಾರ್ಯಾಂಚೆರ್ ನಾಚ್ಚೆ, ರಾಜ್ವಟ್ಕೆಚೊ ಪ್ರಚಾರ್ ಕರ್ಚೆ ರಾಜ್ಶಾಹಿಂತೀ ಆಸ್ಲೆ, ಆಜ್ ಲೋಕ್ಶಾಹಿಂತೀ ಆಸಾತ್. ಕೆದೊಳ್ ಪರ್ಯಾಂತ್ ಮುಕೆಲ್ಯಾನ್ ಸಾಂಗ್ಚೆಂ ಸಗ್ಳೆಂ ಅಖಂಡ್ ಸತ್ ಮ್ಹಣ್ ದೊಳೆ ಮಾತ್ ನಯ್, ಮತಿಚಿಂ ಜನೆಲಾಂಯ್ ದಾಂಪುನ್ ಪಾತ್ಯೆಂವ್ಚೆ ಆನಿ ಪಾಳ್ಚೆ ಕುರ್ಡೆ ಪಾಟ್ಲಾವ್ದಾರ್, ಪ್ರಚಾರಕ್ ರಾಜಾಂತ್ ಆಸ್ತಾತ್ ತವಳ್ ಪರ್ಯಾಂತ್ ಚಿಂತ್ಪ್ಯಾಂನಿ ಅಡ್ಚೊಂಕ್ ಪಡ್ತಲೆಂಚ್. ರಗ್ತಾಂತ್ ಹಾತ್ ಬುಡವ್ನ್ ರಾಜ್ ಕರ್ತೆಲ್ಯಾಂಚೆಂ ರಾಜ್ ಕಸಲ್ಯಾಚ್ ಅಡ್ಚಣೆವಿಣೆಂ ಚಾಲು ಉರ್ತಲೆಂ. ಆಯ್ಲೆವಾರ್ ಕೊಂಕ್ಣಿ ಕಾವ್ಯಾಂತ್ ವಾಚುಂಕ್ ಮೆಳ್ಲ್ಲಿ ರಾಜಕೀಯ್ ವಿಡಂಬನಾಚಿ ಬೋವ್ ಮಾರ್ಮಿಕ್ ಕವಿತಾ. ರಗ್ತಾಂಚ್ಯಾ ಖೆಳಾಕ್ ಸಂವಾದಿ ಜಾವ್ನ್ ಕವಿತೆಂತ್ ವಾಪಾರ್ಲ್ಲಿ ಉಂದ್ರಾಂಕ್ ಖೆಳಂವ್ಚಿ ಪ್ರತಿಮಾಯ್ ತಿತ್ಲೀಚ್ ಮಾರ್ಮಿಕ್.
ಆನಿ ಜರ್ ಆಮಿ ಹ್ಯಾ ಖರ್ಗಾಥಾವ್ನ್ ಉತ್ರಾಲ್ಯಾಂವ್, ತಾಚೆ ಪಯ್ಲೆಂ ಕಿತ್ಲ್ಯಾ ಲೊಕಾಂಚಿ ಬಲಿ ಭೆಟಂವ್ಕ್ ಆಸಾ ಮ್ಹಣ್ ಹಾಂವ್ ನೆಣಾಂ, ತ್ಯಾ ಉಪ್ರಾಂತ್ಲೊ ಸಂಸಾರ್ ಮಾತ್ ವೆಗ್ಳೊಚ್ ಆಸ್ತಲೊ. ಆಮಿ ಎದೊಳ್ ಪಳೆವ್ನ್ ಆಯಿಲ್ಲ್ಯಾ ಸಂಸಾರಾಪ್ರಾಸ್ ಬದ್ಲಾಲ್ಲೊ ಬಿಲ್ಕುಲ್ ವೆಗ್ಳೊಚ್ ಏಕ್ ಸಂಸಾರ್. ಆನಿ ಹ್ಯಾ ಬದ್ಲಾಪಾಚಿ ಹ್ಯಾ ವೆಳಾರ್ ಖಂಡಿತ್ ಜಾವ್ನ್ ಗರ್ಜ್ ಆಸಾ, ಹ್ಯಾ ಖರ್ಗಾಥಾವ್ನ್ ಬಚಾವ್ ಜಾವ್ನ್ ಉರ್ಲ್ಲ್ಯಾ ಸರ್ವಾಂನಿ ಸಾಂಗಾತಾ ಬಸೊನ್ ಯೆದೊಳ್ ಪರ್ಯಾಂತ್ ಹೊ ಸಂಸಾರ್ ಚಲವ್ನ್ ಹಾಡ್ಲ್ಲ್ಯಾ ರೀತಿವಿಶಿಂ ಆಪಾಪ್ಲ್ಯಾ ಅಂತಸ್ಕರ್ನಾಂಚಿ ಝಡ್ತಿ ಕರಿಜೆ. ದೇವ್, ಸಮಡ್ತಿ ಆನಿ ಧರ್ಮಾಂಚಿ ಆಮ್ಕಾಂ ಗರ್ಜ್ ಆಸಾಗಿ, ಆಸಾ ತರ್ ಕಸಲೆ ದೇವ್, ಆನಿ ಖಂಯ್ಚೆ ಧರ್ಮ್ ಮ್ಹಳ್ಳೆವಿಶಿಂ ಚಿಂತಿಜೆ. ಆತಾಂ ಚಾಲ್ತೆರ್ ಆಸ್ಚ್ಯಾ ಸರ್ವ್ ರಾಜಕೀ, ತಾಂತ್ರಿಕ್, ವೆವ್ಹಾರಿಕ್ ಆನಿ ವಯ್ಜಾಕೀ ಮಾಂಡಾವಳೆಂಚೊ ವಿನ್ಯಾಸ್ ಬದ್ಲುನ್, ಪ್ರಭಾವೀಕ್ ಥರಾನ್ ನವ್ಯಾನ್ ಮಾಂಡುನ್ ಹಾಡ್ಚೆಂವಿಶಿಂ ತಕ್ಲಿ ಆಟಯ್ಜೆ.
ಆಜ್ ಆಮಿ ಪ್ಯಾಂಟ್ ಶರ್ಟಾಂಚ್ ಆಮ್ಚೆಂ ಸಂಯ್ಭಿಕ್ ನ್ಹೆಸಣ್ ಜಶೆಂ ವಾಪಾರ್ತಾಂವ್. ಕಾಶ್ಟಿನ್ಹೆಸೊಂಕ್ ಸಯ್ತ್ ಜಾಯ್ನಾತ್ಲ್ಲ್ಯಾ ಎಪ್ರಿಲ್, ಮಾಯೆಂತ್ಲ್ಯಾ ಧಗಾಕ್, ತಿತೀನ್ ಪೀಸ್ ಸೂಟ್ ಶಿರ್ಕಾವ್ನ್ ರೆಸ್ಪೆರಾಕ್ ಉಬೆ ರಾವೊನ್ ಶಿಜ್ತಾಂವ್. ಆಮ್ಚಿ ಸಂಸ್ಕೃತಿಚ್ ಜಾಯ್ ಮ್ಹಣ್ ಆಸ್ಲ್ಲಿ ತರ್ ಆಮಿ ಕಾಸ್ಟಿ ನ್ಹೆಸೊನ್ ಯಾ ಕಾಸ್ಟಿ ಚಡ್ ಕ್ರೂಡ್ ಜಾತಾ ತರ್, ಕಾಚ್, ಉರ್ಮಾಲ್ ಕುತಾಂವ್ ಘಾಲಿಜೆ ಆಸ್ಲ್ಲೊ. ಪೂಣ್ ಆಮಿ ಪ್ಯಾಂಟ್ ಶರ್ಟಾಂಕ್ ಮಾನುನ್ ಘೆತ್ಲಾಂ ತರ್ ಆಮ್ಚೆಂ ಕೆದಾಳಾಯ್ ನಂಯ್ ಆಸ್ಲ್ಲಿಂ ಕುರ್ತಾಪಜಾಮಾಂ, ಶೆರ್ವಾನಿ ಆಮ್ಚೆಂ ಸಾಂಸ್ಕೃತಿಕ್ ನ್ಹೆಸಣ್ ಕಶೆಂ ಜಾತಾ?
“ಯೆ ಲವ್ಗಿವ್ ಕೆ ಬಾರೆ ಮೆಂ ಸೊಛಾಯೀಚ್ ನ್ಹಯ್ರೆ” ಮ್ಹಣ್ ತಾಂಚೆಮದೆಂ ಚಲ್ಲ್ಲ್ಯೆ ಭಾಸಾಭಾಶೆಂತ್, ಪ್ರವೀಣಾನ್ ಭೆಶ್ಟೆಂಚ್ ತರೀ ಗೌರಿಕ್ ಮದೆಂಚ್ ಘುಸಯ್ಲೆಂ. ಪ್ರವೀಣಾಚ್ಯಾ “ವೊ ತೆರೆಸೆ ಪಟ್ನೆವಾಲಿ ನ್ಹಯ್ರೆ.. ಫಟಾಕಾ ಹೆ ವೊ ಫಟಾಕಾ..” ಡಾಯ್ಲೊಗಾ ಉಪ್ರಾಂತ್, ತಾಂಚ್ಯಾ ಘರಾಂತ್ ಸಕ್ಡಾಂಪ್ರಾಸ್ ಗೊರೆಂ ಆಸೊನ್, ಹಾಯ್ಸ್ಕೂಲಾಚ್ಯಾ ಧವ್ಯಾಚ್ ಯುನಿಫೋರ್ಮಾಂತ್, ಸ್ಕರ್ಟಾಸಕಯ್ಲ್ ದಿಸ್ಚೆ ಗೊರೆಚ್ ತೆಲ್ತೆ ಪಾಂಯ್ ಆನಿ ಬ್ಲಾವ್ಜಾಭಾಯ್ರ್ ಅರ್ನೊನ್ ಯೆಂವ್ಚೆಂ ಗೌರಿಚೆಂ ಉಬಾರ್ ಹರ್ದೆಂ ಉಗ್ಡಾಸಾಕ್ ಆಯಿಲ್ಲೆಂಚ್, ವಾಡಿಯಾಕ್ ಗೌರಿಕ್ ಆಪ್ಣಾಪಾಸತ್ಚ್ ದೆವಾನ್ ರಚ್ಲಾಂ ತೆಂ ಎಕಾಚ್ಚಾಣೆಂ ನಖ್ಖಿ ಜಾಲೆಂ.
ಮ್ಹಜ್ಯಾ ಪಾತ್ಯೆಣೆಂತ್, ಜಾಂವ್ ಏಕ್ ಫಿಲ್ಮ್ ಯಾ ನಾಟಕಾಚೆಂ ಪಯ್ಲಿ ತಾಂಕ್ ತಾಚೆಂ ಸ್ಕ್ರಿಪ್ಟ್. ಹೊ ಬರೊ ಆಸಾತ್ ತರ್, ಪನ್ನಾಸ್ ಠಕೆ ಕಾಮ್ ಜಾಲ್ಲೆಬರಿಂ. ಸ್ಕ್ರಿಪ್ಟಾಕ್ ಗುಮಾನ್ ದೀನಾಸ್ತಾಂ ಮಾಗಿರ್ ಖಂಯ್ಚ್ಯಾರಿತಿಚಿ ಕುಸ್ತಿ ಕೆಲ್ಯಾರೀ ಕಿತ್ಲೆ ಪಯ್ಶೆ ಖರ್ಚಿಲ್ಯಾರೀ ತಿ ಕೃತಿ ಬರಿ ಜಾಂವ್ಕ್ ಸಾಧ್ಚ್ ನಾಂ. ಸಿನೆಮಾ ಯಾ ನಾಟಕ್ ಬರೊ ಮ್ಹಣ್ತಾನಾ, ಹಾಂವ್ ಹಾಂಗಾ ಹಿಟ್ ಜಾಂವ್ಚೆವಿಶಿಂ, ಯಾ ಕಮರ್ಶಿಯಲ್ ಜಯ್ತಾವಿಶಿಂ ಉಲಯ್ನಾಂ. ಲಾಟ್ಪೋಟ್ ಸಿನೆಮಾಂನಿಂ ಕರೋಡಾಂನಿಂ ಕಮಾಯಿಲ್ಲೆ ಜಾಯ್ತೆ ದಾಕ್ಲೆ ಆಸಾತ್. ಹ್ಯಾ ನಾಟಕಾಚ್ಯಾ ಜಯ್ತಾಂತ್ ಸ್ಕ್ರಿಪ್ಟ್ ಪಯಿಲ್ಲೆಂ ಕಾರಣ್. ಇಂಗ್ಲಿಶ್ ಕಾದಂಬರಿಚ್ಯಾ ಮಜತೆನ್ ಬಾಪ್ ಆಲ್ವಿನ್ ಸೆರಾವೊನ್ ಏಕ್ ಅವ್ವಲ್ ನಾಟಕ್ ರಚ್ಲಾ. ಮರ್ಣಾ ತಸ್ಲೊ, ಏಕ್ ಸೊಂಪೊ ಆನಿ ತಿತ್ಲೊಚ್ ಸಂಕೀರ್ಣ್ ವಿಶಯ್ ಘೇವ್ನ್, ಸುರ್ವೆರ್ ಥಾವ್ನ್ ಆಖೇರ್ ಪರ್ಯಾಂತ್ ಎಕಾ ಘಡ್ಯೆಕ್ ಸಯ್ತ್ ಗುಮಾನ್ ದುಸ್ರೆಕಡೆಂ ವರುಂಕ್ ಜಾಯ್ನಾತ್ಲ್ಲೆಬರಿಂ, ಕುರ್ಕುರಿತ್ ಸಂಭಾಶಣಾಂತ್, ಹಾಸೊನ್ಂಚ್ ಮರ್ಣಾಕ್ ಯೆವ್ಕಾರ್ ಮಾಗೊಂಕ್ ಶಿಕಂವ್ಚೊ ನಾಟಕ್ ತಾಚಾ ಲಿಖ್ಣೆಥಾವ್ನ್ ಉದೆಲಾ. ಹಾಂವೆ ತಾಚೆ ಹ್ಯಾ ಪಯ್ಲೆಂಚೆಂ ನಾಟಕ್ ಪಳೆಂವ್ಕ್ನಾಂತ್ ಜಾಲ್ಲ್ಯಾನ್ ತಾಂಚೆ ಸವೆಂ ಹ್ಯಾ ನಾಟಕಾಕ್ ಜೊಕುಂಕ್ ಮ್ಹಾಕಾ ಜಾಯ್ನಾ. ಹೊ ನಾಟಕ್ ಬಾಪ್ ಆಲ್ವಿನಾಚ್ಯಾ ನಾಟಕಾಂಚೊ ಬೆಂಚ್ಮಾರ್ಕ್ ಜಾಲೊ ತರ್, ಉಪ್ರಾಂತ್ ದುಸ್ರ್ಯಾ ಮೊಲಾಮಾಪ್ಣೆಂಚಿ ಗರಜ್ ನಾಂ.