ಮಂಗ್ಳುರ್ ಸೆಂಟ್ರಲ್ ಮಾರ್ಕೆಟಿ ಭಾಯ್ರ್ ಫಳಾಂ ವಿಕ್ಚೆ ದಾದ್ಲೆ ಬಸುನ್ ಆಸ್ತಾತ್. ಕೊಣೀ ಗಿರಾಯ್ಕ್ ಆಯ್ಲೊ ಜಾಲ್ಯಾರ್ ತೆ ಧೊಂಪ್ರಾಂ ಆನಿ ಪಾಂಯಾಂಚ್ಯೊ ತೆಮೆಟ್ಯೊ ಧರ್ಣಿಕ್ ತೆಂಕುನ್, ತಾಚೆರ್ ತಾಂಚೊ ಸಗ್ಳೊ ಜೀವ್ ದೆಂವೊವ್ನ್, ಕುಲೆ ಖೊಟಾಂಕ್ ಲಾಗೊವ್ನ್ ಬಸ್ತಾತ್. ಹೆಂ ದೃಶ್ಯ್ ಮತಿಂತ್ ಸಾರ್ಕೆಂ ಖೆಳಯ್ತಚ್, ತೆ ಹಾತ್ ಧರ್ಣಿಕ್ ತೆಂಕಯ್ನಾಂತ್ ಮ್ಹಳ್ಳೆಂ ಸಮ್ಜುನ್ ಘೆವ್ನ್, 'ದಿಂಬಿಯಾಂನಿ ಬಸ್ಚೆಂ' ಮ್ಹಳ್ಳೊ ಅರ್ಥ್ ಚಡಿತ್ ಜೊಕ್ತೊ ಮ್ಹಣುನ್ ಹಾಂವೆಂ ಚಿಂತ್ಲೆಂ ಆನಿ ಕವಿತೆಂತ್ ತಬ್ದಿಲಿ ಕೆಲಿ. ಪುಣ್ ದುಸ್ರ್ಯಾ ಸಂದರ್ಭಾರ್ ಗಡಂಗಾಚ್ಯಾ ಭಾಯ್ರ್ ದಾದ್ಲೆ ದಿಂಬಿಯಾಂನಿ ಬಸನಾಂತ್ ಮ್ಹಣುನ್ ಮ್ಹಾಕಾ ಕಳಿತ್ ಆಸಲ್ಲೆಂ. ಗಡಂಗಾ ಭಾಯ್ರ್ ಬಸ್ಚೆ ದಾದ್ಲೆ ಏಶಿಯನ್ ಟೊಯ್ಲೆಟಾಂತ್ ವಾ ಉಗ್ತಾಡಾಂತ್ ಹಾಗುಂಕ್ ಬಸಲ್ಲ್ಯಾಬರಿ ಬಸುನ್ ಆಸ್ತಾತ್.

ಮ್ಹಜ್ಯಾ ಸಗ್ಳ್ಯಾ ಜಿವಿತಾಂತ್ ಧಾರ್ಮಿಕ್ ಅನುಭೂತಿ ಮ್ಹಣೊನ್ ಕೆದಳಾಯ್ ಮ್ಹಜ್ಯಾ ವಾಂಟ್ಯಾಕ್ ಆಯ್ಲ್ಯಾ ಜಾಲ್ಯಾರ್, ತಿ ಸಿಸ್ಟರಾಂಚ್ಯಾ ಹ್ಯಾ ಘರಾಂತ್. ಹಾಂವ್ ಕಾಂಯ್ ಸಾತಾಟ್ ವರ್ಸಾಂಚೊ ಕೊಣ್ಣಾ. ತ್ಯಾ ಘರಾಂತ್ ಉಮ್ಕಾಳಾಯಿಲ್ಲೆಂ ಜೆಜುಕ್ರಿಸ್ತಾಚೆಂ ಪಿಂತುರ್ ಪಳೆವ್ನ್, ತ್ಯಾ ಪಿಂತುರಾಚ್ಯಾ ವಿಶಯಾವಿಶಿಂ ಥಂಯ್ಚ್ ಆಸ್‌ಲ್ಲ್ಯಾ ಸಿಸ್ಟರಾಲಾಗಿಂ ವಿಚಾರ್‌ಲ್ಲೆಂ ಆಸ್ತಲೆಂ. ಸವಾಲ್ ವಿಸರ‍್ಲಾಂ ತರೀ ತಿಣೆಂ ಖಿಣಾನ್ ಏಕ್ ರಂಗಾಳ್ ಪುಸ್ತಕ್ ಆಲ್ಮಾರಿಂತ್ಲೆಂ ವಿಂಚ್ಲೆಂ.

ಸದ್ದ್ಯಾಚ್ಯಾ ಸಂಕೀರ್ಣ್ ಸಮಾಜಿಕ್ ಪರಿಸ್ಥಿತೆಂತ್ ‘ಅತ್ಯಾಚಾರ್’ ಏಕ್ ‘ಝುಜ್’ ಜಾವ್ನ್ ಬದ್ಲೊನ್ ಯೆಂವ್ಚಿ ಗಜಾಲ್ ಬೋವ್ ಆಕಾಂತಾಚಿ ಜಾಲ್ಯಾ. ಅತ್ಯಾಚಾರ್ ಏಕ್ ಅಫ್ರಾದ್, ಜಿವಾವಿರೋದ್ ಕರ್ನಿ ಮ್ಹಳ್ಳೆಂ ಸತ್ ಸವ್ಕಾಸ್ ಪುಸುನ್ ಕಾಡ್ತಾತ್‌ಗಾಯ್ ? ಮ್ಹಳ್ಳೆ ಖಂತಿನ್ ತಿತ್ಲ್ಯಾಚ್ ತೀವೃತೆನ್ ಧೊಸುಂಕ್ ಸುರು ಕೆಲಾಂ. ಹ್ಯಾ ಕವಿತೆಂತ್ ಕವಿನ್ ಪ್ರಜ್ಞಾಪೂರ್ವಕಿಂ ವಾಪಾರ್‌ಲ್ಲೆ ‘ಜೀವ್’ ಆನಿ ‘ಝುಜ್’ ಮ್ಹಳ್ಳೆ ದೋನ್ ಸಬ್ದ್, ಮ್ಹಜೊ ಆಕಾಂತ್ ಆನಿ ಖಂತ್ ದೊಡ್ತಿ ಕರ್ತಾತ್. ಜಿವಾಥಾವ್ನ್ …

ಸಬ್ದಾಂ ಸಾಂಗಾತಾ ಖೆಳ್ಚೆಂ ಪಿಶೆಂ ಮ್ಹಾಕಾ ಜಬ್ಬೊರ್. ಕೊಂಕಣಿ ವಾಕ್ಸರ್ ಯೆವ್ಜಣೆಂತ್ (ಕೊಂಕಣಿ ಲೆಕ್ಸಿಕೊನ್ ಪ್ರೊಜೆಕ್ಟ್) ವಾವುರ್‍ತಾನಾ ಹೊ ಖೆಳ್ ಸುರು ಜಾಲ್ಲೊ ತೊ ಆತಾಂಯ್ ಚಾಲು ಆಸಾ. ಹಾಂವೆಂ ಬರಯ್ತಾನಾ ಮ್ಹಾಕಾ ಚಡಿತ್ ಸಂದರ್ಭಾಂನಿ ಸಾಂಗಾತ್ ದಿಂವ್ಚೆ ಪುಸ್ತಕ್ ಮ್ಹಳ್ಯಾರ್ ಅರ್ಥ್‌ಕೋಶ್. ಕೊಂಕಣಿಂತ್ ಶಬ್ದ್‌ಕೋಶಾಂಚೊ ವಾವ್ರ್ ಜಾಲ್ಲೊ ದಿಸನಾ. ಫಾ| ಪ್ರಶಾಂತ್ ಮಾಡ್ತಾ ಹಾಂಚೆ ಪುಸ್ತಕ್ ‘ಪಿಕೊಳಿಂ’ ತಶೆಂ ‘ಥೆಸಾರ್’ ಶಬ್ದ್‌ಕೋಶಾಂಚ್ಯಾ ವಾವ್ರಾಚ್ಯೆ ವಾಟೆರ್ ಮಹತ್ವಾಚಿಂ ಯೋಗದಾನಾಂ ಅಶೆಂ …

ರಚ್ಣೆಕ್ ಆಪ್ಲಿಚ್ ದಿಸ್ಪಡ್ತಿ ಆಸಾ, ಕೊಣೆಂ ಕಿತ್ಲೆಂ ಖಾಡುಂ ಘಾಲ್ಯಾರೀ ಪ್ರಕೃತಿಚಿ ದಿಸ್ಪಡ್ತಿ ಬದ್ಲುಂಕ್ ಸಾಧ್ಯ್ ನಾ. ಎಕಾ ಧೊವಾಥೆಂಬ್ಯಾಚೆಂ ಕಾಮ್ ರಚ್ಣೆಚ್ಯಾ ದಿಸ್ಪಡ್ತೆಂತ್ ಏಕ್ ಲ್ಹಾನ್ ವಾಂಟೊ ಸೊಡ್ಲ್ಯಾರ್, ಧೊವಾಥೆಂಬೊಚ್ ರಚ್ಣೆಚಿ ದಿಸ್ಪಡ್ತಿ ಜಾಂವ್ಕ್ ಸಾಧ್ಯ್ ನಾ. ಪೂಣ್ ಧೊವಾಥೆಂಬ್ಯಾನ್ ಆಪ್ಲ್ಯಾ ವಾಂಟ್ಯಾಚೆಂ ಕಾಮ್ ಕರಿನಾ ಜಾಲ್ಯಾರ್, ರಚ್ಣೆಚಿ ದಿಸ್ಪಡ್ತೀಯ್ ಸಂಪೂರ್ಣ್ ಜಾಯ್ನಾ. ತಶೆಂ ಮ್ಹಣ್ ಧೊವಾಥೆಂಬ್ಯಾನ್ ಆಪ್ಣ್ಯಾಇತ್ಲ್ಯಾಕ್ ಆಪುಣ್ ಆಪ್ಲೆಂ ಕಾಮ್ ಕರ್ತಾಂ, ಆಪ್ಣಾಕ್ ವಾರ‍್ಯಾಚಿ, ಸುರ್ಯಾಚಿ …

ಪ್ರಕೃತಿಚಿ ಆಕೃತಿ ಕರ್ಚ್ಯಾಂತ್ ಸಂಸ್ಕೃತಿ ಆಸಾ. ರೂಕ್ ಪ್ರಕೃತಿ ತರ್, ರೂಕ್ ಚಿರುನ್ ಮೆಜಾಂ, ಕದೆಲಾಂ ಕರ್ಚಿ ಏಕ್ ಸಂಸ್ಕೃತಿ. ಪ್ರಕೃತೀಯ್ ಉರಜಾಯ್, ಸಂಸ್ಕೃತಿಯ್ ಉರಜಾಯ್ ಮ್ಹಣುನ್ ಎಕಾಚ್ ಮಾಪಾನ್ ಬೋಬೊ ಘಾಲ್ಚ್ಯಾಂಕ್ ಹ್ಯೆ ಕವಿತೆನ್ ಸಾಣ್ಯಾಕ್ ಧರ್‍ಲಾಂ. ಹಾಂಚೆಂ ಕಾಸ್ತ್ ಕಾವ್ಳಿಣಿಚೆಂ. ಕೊಣಾಚ್ಯಾ, ಕಸಲ್ಯಾ ಭುರ್ಗ್ಯಾಂಕ್ ಆಪುಣ್ ಜಲ್ಮಾಕ್ ಹಾಡುನ್ ಆಸಾಂ ಮ್ಹಣ್ಚಿ ತಿಕಾ ಖಬರ್ ನಾ. ತ್ಯಾಚ್ ದೆಕುನ್ ಕೊಣ್ಣಾ ಹಿಕಾ ಜವ್ಳಿಂ ತೊಂಡಾಂ. ಪ್ರಕೃತಿ ಆನಿ ಸಂಸ್ಕೃತಿ …

2017 ಜನೆರಾಚ್ಯೆ 9 ತಾರಿಕೆರ್ ದೊನ್ಪಾರಾಂ ಜೂಡಿಬಾಯ್ ಸರಲ್ಲಿ ಖಬರ್ ಆಯ್ಕತಾನಾ ಮತೀಕ್ ಕಲ್ಲ್ ಜಾಲೆಂ. ಆದ್ಲ್ಯಾ ದಿಸಾ 8 ತಾರಿಕೆರ್ ರಾತಿಂ ಮ್ಹಜ್ಯೆ ಪತಿಣೆಕ್ ವೊಟ್ಸಪ್ಪಾವಯ್ಲಿ ತಿಚಿ ತಸ್ವೀರ್ ದಾಕೊವ್ನ್, “ದಶೆಂಬರ್ 22 ತಾರಿಕೆರ್ ಜೆಪ್ಪುಚ್ಯಾ ಪ್ರಶಾಂತ್ ನಿವಾಸಾಂತ್ ತಿಚೊ 85ವೊ ಜಲ್ಮಾದೀಸ್ ಆಚರಣ್ ಕರ್‍ಚ್ಯಾ ಸಂದರ್ಭಾರ್ ವಚುಂಕ್ ಜಾಲೆಂನಾ, ಹ್ಯಾ ಹಪ್ತ್ಯಾಂತ್ ತಿಕಾ ಭೆಟ್ ಕರ್ಯಾಂ” ಮ್ಹಣ್ ಸಾಂಗಲ್ಲೆಂ. ಹಿ ಭೆಟ್ ನಿಮಾಣಿ ಭೆಟ್ ಜಾತಲಿ ಮ್ಹಣ್ ಹಾಂವೆಂ …

ಆಮಿ ನ್ಹೆಸ್ಚೆಂ ವಸ್ತುರ್ ಕಾಪ್ಸಾಚೆಂ, ರಸ್ಮಾಚೆಂ, ಲೊಕ್ರಿಚೆಂ ಯಾ ಚಾಮ್ಡ್ಯಾಚೆಂ ಆಸುಂಯೆತಾ. ಆಜ್‌ಕಾಲ್ ಜಾಯ್ತ್ಯಾ ವಸ್ತುಂ ಥಾವ್ನ್ ವಸ್ತುರ್ ತಯಾರ್ ಕರ‍್ತಾತ್. ವಸ್ತುರಾಕ್ ವಿಸ್ತುದ್, ವಿಸ್ತಿದ್, ಆಂಗ್ವಲೆಂ, ಕಪ್ಡೆ, ಮುಸ್ತಾಯ್ಕಿ ಅಶೇಂಯ್ ಸಾಂಗ್ತಾತ್. ದಾದ್ಲ್ಯಾಂನಿ ನ್ಹೆಸ್ಚಿ ಆನಿ ಬಾಯ್ಲಾಂನಿ ನ್ಹೆಸ್ಚಿ ಮುಸ್ತಾಯ್ಕಿ ವಿವಿಂಗಡ್ ರಿತಿಚೆಂ ಆಸುಂಯೆತಾ. ವಸ್ತುರ್ ಆಮ್ಚ್ಯಾ ಆಂಗಾಕ್ ಜಾಯ್ತ್ಯಾ ಸಂಗ್ತಿಂ ಥಾವ್ನ್ ರಾಕಣ್ ದಿತಾ. ರಾನಾಮೊಲ್ಯಾಂನಿ ವೆತಾನಾ ಕಾಂಟೆ ತೊಪನಾಶೆಂ, ಫಾಂಟೆ ಆಂಗ್ ಝೆಂಜ್ರಯ್ನಾಶೆಂ ವಸ್ತುರ್ ಉಪ್ಕಾರ‍್ತಾ. …

ಉದ್ಕಾಂತ್ ಯಾ ಜಲಾಂತ್ ಜಾಯ್ತ್ಯೊ ಜೀವಿ ಜಿಯೆತಾತ್. ತ್ಯಾ ಪಯ್ಕಿ ಆಮ್ಚ್ಯಾ ಪೊಟಾಕ್ ಗ್ರಾಸ್ ಜಾಂವ್ಚ್ಯೊ ಮಾಸ್ಳ್ಯೊ ಪ್ರಮುಖ್. ಮಾಸ್ಳ್ಯೊ ಜಲಾಂತ್ ಜಿಯೆತಾತ್ ಜಾಲ್ಲ್ಯಾನ್ ತಾಂಕಾಂ ಆಮ್ಚೆ ಸಾರಸ್ವತ್ ಭಾವ್ ಜಳ್ಕೆ ಮ್ಹಣ್ತಾತ್. ಮಾಸ್ಳೆಕ್ ಗೊಂಯಾಂತ್ ನುಸ್ತೆಂ ಯಾ ನಿಸ್ತೆಂ ಮ್ಹಣ್ತಾತ್. ಗೊಂಯಾಂತ್ ಥೊಡೆಕಡೆ ಮಾಶೆ ಮ್ಹಣೊನಯ್ ಆಪಯ್ತಾತ್. ಮಂಗ್ಳುರ್ಗಾರಾಂಕ್ ನಿಸ್ತೆಂ ಮ್ಹಳ್ಯಾರ್ ಶಿತಾ ಸಾಂಗಾತಾ ಖಾಂವ್ಚ್ಯಾಕ್ ಕಡಿ ಕೆಲ್ಲೆಂ ಕಿತೇಂಯ್ ಪರಾತ್ (dish) ಜಾವ್ಯೆತಾ. ತೆಂ ಮಾಸಾಚೆಂ ಜಾವ್ಯೆತಾ …