ಫಿಲಿಫ್, ಮುದಾರ್ಥ

retro
ಫಿಲಿಪ್ ಮುದಾರ್ಥಾ ಹ್ಯೆ ಲಿಕ್ಣೆನಾಂವಾನ್ ಪಾಟ್ಲ್ಯಾ ಸಾತ್-ಆಟ್ ವ್ಹರ್ಸಾಂ ಥಾವ್ನ್, ಬೆಳ್ಳೆವಿಜನ್ ಆನಿ ಉಡುಪಿ ಟುಡೆ ಇಂಗ್ಲೆಜ಼್ ಜ಼ಾಳಿ-ಜ಼ಾಗ್ಯಾಂನಿ ಖಾಸ್ ಲೇಕನಾಂ ಬರಂವ್ಚೊ ಶ್ರಿಮಾನ್ ಫಿಲಿಪ್ ಸೋಜ಼್ ದಿಂದೊಟ್ಟೂಚ್ಯಾ ಮುದಾರ್ಥಾ ಘರಾಣ್ಯಾಚೊ. ಹ್ಯಾ ಘರಾಣ್ಯಾಚಿ ಸುರ್ವಾತ್ ಬೆಳ್ಮಣ್ ಬಾಳೆಗುಂಡಿಚಿ. ಉಪ್ರಾಂತ್, ಪಿಲಾರ್ ಪುಕ್ಕಿತ್ಲುಂತ್ ವಸ್ತಿ ಕೆಲ್ಲೆ ಪುರ್ವಜ಼್ ಪಿಲಾರ್ ಥಾವ್ನ್ ಶಿರ್ವಾಂ, ಸೊರ್ಕೊಳ್, ಬೊಳಿಯೆ, ನಕ್ರೆ, ಕಣಜಾರ್ ಅನಿ ದಿಂದೊಟ್ಟು ದೆಸಾಂತರ್ ಜ಼ಾಲೆ ಫಿಲಿಪಾಚ್ಯಾ ಅಜ್ಯಾನ್ ಸಾಗ್ವಳಿ ಕರ್ಚಿ ಭುಂಯ್ ಸೋದೆ ಮಟಾಚಿ. ಮಟಾಕ್ ವರ್ಸಾಕ್ 8 ಮುಡೆ ಗೇಣ್ ದೀಜೆ ಪಡ್ತೆಲೆಂ. ದೆಕುನ್, ದುಸ್ರಿ ಜ಼ೋಡ್ ಹಾಡ್ಚ್ಯಾ ಖಾತಿರ್, ಘರಾಣ್ಯಾಂತ್ಲ್ಯಾ 2 ಚಲ್ಯ್ಯಾಂಕ್ ಬೊಂಬಯ್ ಇರಾಣಿ ಹೊಟ್ಲಾಂನಿಂ ಕಾಮಾಕ್ ಧಾಡ್ಲೆಂ. ಥೊಡ್ಯಾಂ ವ್ಹರ್ಸಾಂನಿ, ತೆ ಟೆಕ್ಸಿ ಕಾಡುಂಕ್ ಲಾಗ್ಲೆ. 1953 ಎಪ್ರಿಲ್ 11 ವೆರ್ ಫಿಲಿಪ್ ಸಾಲ್ವದೋರ್ ಬೌಥು ಮುದಾರ್ಥಾ ಆನಿ ರೆಮೆಜ಼್ ಬಿರಿತಾಕ್ ಪಾಂವ್ಚೊ ಜ಼ಾವ್ನ್ ಜ಼ಲ್ಮಾಲೊ. 1959 ಇಸ್ವೆಂತ್ ಪಾಂಬುರ್ ಇಗರ್ಜೆಚ್ಯಾ ಪ್ರಾಥಮಿಕ್ ಇಸ್ಕೊಲಾಂತ್ ಭರ್ತಿ ಜ಼ಾಲೊ. ಧಾವಿ ಪರ್ಯಾಂತ್ಲೆಂ ಶಿಕಾಪ್ ಬೊಳಿಯೆಚ್ಯಾ ಸಾಂ. ಲೊರೆಸಾಚ್ಯಾ ಸಂಸ್ಥ್ಯಾಂನಿಂ ಕೆಲೆಂ. 1969 ಮೇಯಾಚಿ 30 ತಾರಿಕ್, ಬೊಳಿಯೆಚ್ಯೆ ಚರಿತ್ರೆಂತ್‌ಚ್ ಭಾರಿಚ್ ಹೆಮ್ಮ್ಯಾಚಿ. ತ್ಯಾ ದಿಸಾ, ಫಿಲಿಪಾನ್ ದಾವ್ಯೆ ಪರಿಕ್ಶೆಂತ್ ಕಣಾಟಕಾ ರಾಜ್ಯ ಮಟ್ಟಾರ್, ಪಯ್ಲೆಂ ರೆಂಕ್ ಹಾಡ್ನ್ ದಿಲೆಂ. ಹೊ ದಾಕ್ಲೊ, ಆಜೂನ್ ಕೊಣೆಂಯ್ ಮೊಡುಂಕ್ ನಾ. ಫಿಲಿಪ್ ಲೊಕಾಂಡ್ ಆನಿ ಮಿಲಾವ್ ಉತ್ಪಾದನ್ ಕರ್ಚ್ಯಾ ವೃತ್ತೆಂತ್ ಇಜ್ನೆರ್. ಹಿ ಅಮೆರಿಕನ್ ತಾಂತ್ರಿಕ್ ವಿದ್ಯಾ ಭಾರಿಚ್ ಉಣ್ಯಾ ಕಂಪನ್ಯಾಂನಿಂ ಪರ್ವಣ್ಗಿ ಘೆವ್ನ್ ಉತ್ಪಾದನ್ ಕರ್ಚೆಂ ಆಸಾ. ಫಿಲಿಪಾ ತಸಲೆ ತಜ್ಞ್ ಹಾತಾಚ್ಯಾ ಬೊಟಾಂನಿ ಮೆಜ್ಯೆತ್ ತಿತ್ಲೆ, ದೆಕುನ್ ನಿವೃತ್ತ್ ಜ಼ಾಲ್ಯಾ ಉಪ್ರಾಂತೀ ಕನ್ಸಲ್ಟೆಸಿಕ್ ಡಿಮಾಂಡ್ ಆಸಾ. ಭಲಾಯ್ಕಿ ಸಾಂಬಾಳ್ಚ್ಯಾ ಖಾತಿರ್ ಆನಿ political unstable ಗಾಂವಾಂಕ್ ವಚಾನಾಂ ಮ್ಹಳ್ಳಿ ನೀತ್ ಘೆವ್ನ್ ನವ್ಯೆ ಮುಂಬಯ್ಂತ್ ನೆರುಲಾಂತ್ ನಿವೃತ್ತ್ ಜಿಣಿ, ಕುಟ್ಮಾಸವೆಂ ಜಿಯೆತಾ. ಅಪ್ಲೊ ವೇಳ್ ವಾಚುಂಕ್, ಬರಂವ್ಕ್ ಆನಿ ಕಂಪುಟರ್ ಗೇಮ್ಸ್ ಖೆಳೊಂಕ್ ಪಾಶಾರ್ತಾ. ತರ್ನಾಟ್ಪಣಾರ್, ಪಯ್ಲೆಂ ಗಾಂವಾಂತ್ ಉಪ್ರಾಂತ್ ಬೊಂಬಂಯ್ತ್ ಆಸ್ತಾನಾಂ, ಚಾ.ಫ್ರಾ, ಸಿರಿವಂತ್, ಖಡಾಪ್ ಅನಿ ಕೊಸ್ತಾ ಹಾಂಚ್ಯಾ ಪತ್ರಾಂನಿ, ಫಿಲಿಪ್ ಶಾಂತಿಪುರ್ ಮ್ಹಳ್ಳ್ಯಾ ನಾಂವಾನ್ ಸಮಾಜಿಕ್ ಆನಿ ರಾಜಕೀಯಾಚೆಂ ಬರಪ್, ನವನೀತ್ ಶಾಂತಿಪುರ್ ಮ್ಹಳ್ಳ್ಯಾ ನಾಂವಾನ್ ಕವಿತಾ, ಆನಿ ಸೊಫಿಸಾಬ್ ಶಾಂತಿಪುರ್ ಮ್ಹಳ್ಳ್ಯಾ ನಾಂವಾನ್ ತತ್ವಶಾಸ್ತ್ರೀಯ್ ಆನಿ ದೇವ್‌ಶಾಸ್ತ್ರಾಚೆಂ ಬರಪ್ ತಾಣೆಂ 1968 - 77 ವ್ಹರ್ಸಾಂ ಆವ್ದೆಂತ್ ಸರಿಸುಮಾರ್ 6-8 ವರ್ಸಾಂ ಕಾಯಾಮ್ ಬರಯ್ಲೆಲೆಂ. ಕಿಟಾಳಾತ್ ತಾಚೆಂ ವಿಡಂಬನ್ ಅಂಕಣ್ 'ಮುದಾರ್ಥಾ ಮಹಲ್' ತುಮ್ಕಾಂ ರುಚ್ತೆಲೆಂ.

ಆಮ್ಚೆ ದೋಗ್ ಪಾಪಾ

ಪಿಂತುರಾಚೊ ಮಹತ್ವಾಚೊ ಭಾಗ್ ಜಾವ್ನ್ ಆಸಾ ಪಾಪಾ ಬೆನೆದಿಕ್ತ್ ಆನಿ ಆರ್ಚ್ ಬಿಸ್ಪ್ ಬರ‍್ಗೊಲಿಯೊ ಮದ್ಲಿ ಭಾಸಾಬಾಸ್. ಹೆ ಕ್ರಿಸ್ತಾ ಥಂಯ್ ಭಾವ್. ಪುಣ್, ತೆ ಇಷ್ಟ್ ನಹಿಂ, ದುಸ್ಮಾನ್ ನಹಿಂ ಪುಣ್ ನಂಯ್ಚ್ಯಾ ದೋನ್ ತಡಿಂಚ್ಯೆರ್ ಆಸ್ಲೆಲೆ, ಆಪ್ಲೆಚ್ ಸಿದ್ದಾಂತ್ ವಿಶಿಸ್ಟ್ ಶಯ್ಲೆರ್ ದರ್ಶಕಾಂ ಮುಕಾರ್ ದವರ್ಚಿ ಶ್ಯಾತಿ ಆಸ್ಲೆಲೆ ಮನಿಸ್. "ತುಂವೆ ಸಾಂಗ್ಲೆಲೆಂ ಕಿತೆಂಚ್ ಹಾಂವ್ ಮಾಂದಿನಾ" ಮ್ಹಣ್ತಾ ಬೆನೆದಿಕ್ತ್, ಇಲ್ಲೊಸೊ ಖುಬ್ಳೊನ್. ತರಿಪುಣ್ ಸಗ್ಳ್ಯಾ ಸಂವಾದಾಂತ್ ಮಾನ್ ಮಾಣ್ಸುಗಿ ಉಟೊನ್ ದಿಸ್ತಾ. ಪಿಂತುರಾಂತ್ ಪಾಪಾ ಬೆನೆದಿಕ್ತಾಚ್ಯಾ ತರ್ನಟ್ಪಣಾಚೆಂ ಫ್ಲ್ಯಾಶ್‌ಬ್ಯಾಕ್ ನಾಂ. ಅಂತೊನ್ ಹೊಪ್‍ಕಿನ್ಸ್ ಉತ್ರಾಂನಿ ತಾಚಿ ಕಾಣಿ ಸಾಂಗ್ತಾ. ಬರ‍್ಗೊಲಿಯೊಚ್ಯಾ ತರ್ನಾಟ್ಪಣಾಚಿ ಗಜಾಲ್ ಯೆತಾನಾ, ದಿರೆಕ್ತೊರ್ ಲಾಂಬ್-ರೂಂದ್ ಫ್ಲ್ಯಾಶ್‌ಬ್ಯಾಕ್ ವಾಪ್ರಿತಾ. ಹೆಂ ಕಿತ್ಯಾಕ್? ಮ್ಹಾಕಾ ಹಾಚಿ ಗರ್ಜ್ ದಿಸಾನಾ.

Read More »

ಲೊಕ್‍ಡಾವ್ನ್ ಥಾವ್ನ್ ಲೊಕಪ್ ಪರ್ಯಾಂತ್

"ಕಾಂಯ್ ಬರೊ ಪರಿಣಾಮ್ ಜಾಲ್ಯಾರ್, ಟ್ರಂಪ್ ತಾಚಿ ಹೊಗ್ಳಿಕ್ ಆಪ್ಣಾಚಿಚ್ ಮ್ಹಣ್ತಾ. ಕಾಂಯ್ ವಾಯ್ಟ್ ಪರಿಣಾಮ್ ಜಾಲೊ, ತಾಕಾ ರಾಜ್ಯಾಂಚೆ ಗವರ್ನರ್ ಕಾರಣ್ ಮ್ಹಣ್ತಾ. ಇಂಡಿಯಾಂತ್ ಮೋದಿ. ಬರೆಂ ಸಗ್ಳೆಂ ಆಪ್ಲೆಂ. ವಾಯ್ಟ್ ಪುರಾ ರಾಜ್ಯಾಂಚ್ಯಾ ಮುಖ್ಯ್‌ಮಂತ್ರಿಂಚೆಂ. ಮೋದಿನ್ ಕೆಲ್ಲೆಂ ಕಿತೆಂ? ರಾತಿಂ ನೋವ್ ವ್ಹರಾರ್ ನೋವ್ ಮಿನುಟಾಂಕ್ ವೀಜ್ ಲಾಯ್ಟ್ ಪಾಲ್ವವ್ನ್ ಮೆಣಾಚಿಂ ಕೆಂಡ್ಲಾಂ, ತೆಲಾಚ್ಯೊ ಪೊಂಣ್ತ್ಯೊ ಪೆಟಂವ್ಕ್ ಸಾಂಗ್ಚ್ಯೆಂ, ಬಾಲ್ಕನಿರ್ ವ ಜಾಲಾಂತ್ ಯೇವ್ನ್ ಆಯ್ದಾನಾಂ, ಗೊಬ್ಳೆ, ಬೊಶಿಯೊ ಬಡವ್ನ್ ಆವಾಜ್ ಕರ್ಚೊ ಆನಿ ‘ಗೋ ಕೊರೊನಾ ಗೋ’ ಮ್ಹಣ್ ಬೊಬೊ ದಿಂವ್ಚ್ಯೆಂ -  ಹೆಂ ಏಕಾ ಪ್ರಧಾನ್ ಮಂತ್ರಿಕ್ ಸಜ್ಲೆಲೆಂ‍ಗೀ? ಅಸಲೊ ಮುಖೆಲಿ decisive ಮ್ಹಣ್ತಾಯ್ ತುಂ? ದಿಸಾಕ್ ವೀಸ್ ವ್ಹರಾಂ ಆಪ್ಲ್ಯಾ ರಾವ್ಳೆರಾ ತಸ್ಲ್ಯಾ ಘರಾಂತ್ ಏಕ್ಸುರೊ ತೊ ಬಸ್ತಾ. ತಾಂತು ಸೊಳಾ ವ್ಹರಾಂ ಟ್ವಿಟ್ಟರ್ ತಸಲ್ಯಾ ಸಮಾಜಿಕ್ – ಸಂಪರ್ಕ್ ಜಾಳಿಜಾಗ್ಯಾಂಚೆರ್ ಆಸ್ತಾ. ಅಶೆಂ ಕರ್ನ್ ನೀದ್ ನಾಸ್ತಾನಾ, ಜಾಳಿ-ಜಾಗ್ಯಾಂಚ್ಯೆಂ addiction ಜಾಲ್ಯಾರ್ ಮಾನಸಿಕ್ ಸಂತುಲನ್ ಹೊಗ್ಡಾವ್ನ್ ಘೆನಾಂಗೀ ಮನಿಸ್? ಪ್ರತ್ಯೇಕ್ ಜಾವ್ನ್ 65 ವ್ಹರ್ಸಾಂ ವಯ್ಲೊ ಎಕ್ಸುರೊ ದಾದ್ಲೊ?”

Read More »

ಮುಂಬಂಯ್ತ್‌ ಫ್ಲೆಮಿಂಗೊ ಸುಕ್ಣಿಂ

ಆತಾಂ, ಆಮ್ಕಾಂ ದಿಸಾಂ-ದಿಸಾಂಚ್ಯಾ 'ಭಾಗ್-ದಾವ್ಡ್' ಜಿಣ್ಯೆಥಾವ್ನ್ ಸುಟ್ಕಾ ಲಾಬ್ಲ್ಯಾ. ಜಾಯ್ತ್ತ್ಯಾಂಕ್, ಘರಾ ಬಸೊನ್ ಕಾಮ್ ಕರುಂಕ್ ಸವ್ಲತ್ ಆನಿ ಆವ್ಕಾಸ್ ಮೆಳ್ಳಾ. ಘರ್ ಸೊಡ್ನ್, ಭೊಂವೊಂಕ್ ವೆಚೆಂ ಸೊಡ್, ಗರ್ಜೆಚ್ಯೊ ವಸ್ತು ಪ್ರತ್ಯೆಕ್ ಜಾವ್ನ್ ಕುಜ್ನಾಚೊ ಬಾಜಾರ್ ಹಾಡುಂಕ್ ವ ವಕ್ತಾಂ ಘೆಂವ್ಕ್ ಲೆಗುನ್, ಪಾಯ್ ಭಾಯ್ರ್ ದವರಿಜೆ ತರ್ ಸರ್ಕಾರಿ ಪರ್ವಣ್ಗಿ ಜಾಯ್ ಪಡ್ಲ್ಯಾ. ಅಶೆಂ ಆಸ್ತಾನಾ, ಏಕಾ ಪ್ರಾಸ್ ಚಡ್ ಮಾಳಿಯೊ ಆಸ್ಲೆಲ್ಯಾ ಉಂಚ್ ಬಿಲ್ಡಿಂಗಾಂನಿ ವಸ್ತಿ ಕರ್ತೆಲ್ಯಾಂಕ್ ಫ್ಲೆಟಾಂತ್ ಬಾಲ್ಕನಿ ಆಸ್ಲ್ಯಾರ್ ಜಿವೆಂ ವಾರೆಂ ಘೆಂವ್ಕ್ ಸಾಧ್ಯ್. ಬಾಲ್ಕನಿ ನಾತ್ಲೆಲ್ಯಾಂನಿ ಕೂಡಾಂಚ್ಯಾ ಜನೆಲಾಂ ಲಾಗಿಂ ರಾವೊನ್ ಭಾಯ್ಲೊ ಸಂಸಾರ್ ಪಳೆಜೆ. ಅಶೆಂ ಆಮಿ ಪಳೆಂವ್ಚ್ಯಾ 'ನವ್ಯಾ' ಸಂಸಾರಾಂತ್, ಮೊಳ್ಬಾರ್ ಉಬ್ಚಿಂ ಸುಕ್ಣಿಂ, ರೂಕ್-ಝಡಾಂಚೆರ್ ಗಾಯಾನಾಂ ಕರ್ಚಿಂ ಸುಕ್ಣಿಂ, ಉದ್ಕಾಚ್ಯಾ ಆಸ್ರ್ಯಾಂನಿ, ತೋಡಾಂನಿ, ವಾಳಾಂನಿ ಆನಿ ತಳ್ಯಾಂನಿ ಮಾಸ್ಳಿ, ಜಳಾರಿ ವ ಕಿಡೆ ಧರ್ಚಿಂ ಸುಕ್ಣಿಂ ಧಾರಾಳ್ ಆಸಾತ್ ತಿಂ ಬೇಕಾರ್ ಜಾಲ್ಲ್ಯಾಂ ಆಮ್ಕಾಂ ದಿಸ್ತಾತ್. ಹ್ಯಾ ಸುಕ್ಣ್ಯಾಂ ಪಯ್ಕಿಂ, ವ್ಹಡ್ ಮಾಪಾನ್ ದಿಸೊನ್ ಆಯ್ಲ್ಯಾಂತ್ ಮುಂಬಂಯ್ತ್ -  ಫ್ಲೆಮಿಂಗೊ ಸುಕ್ಣಿಂ!

Read More »

ಆಮ್ಚೊ ಸರ್ಕಾರ್ ರಾಮ್ ಲಲ್ಲಾಚೊ ಪೊದೊರ್ನ್

ಮ್ಹಜ್ಯಾ ಸ್ಟಡಿ ರೂಮಾಕ್ ಆನಿ ಸಾಲಾಂತ್ಲ್ಯಾ ಟಿವಿಕ್ ಫಕತ್ 12 ಫುಟ್ ಅಂತರ್. ಮ್ಹಾಕಾ ಬಸ್ಲೆಲ್ಯಾ ಕಡೆಂ ಥಾವ್ನ್ಂಚ್ ಟಿವಿಚೊ ಆವಾಜ್ ಆಯ್ಕಾತಾ ಪುಣ್ ಪಿಂತುರ್ ದಿಸಾನಾ. ದೆಕುನ್ ಹಾಂವ್ ತುರಂತ್ ಸಾಲಾಕ್ ಆಯ್ಲೊಂ. ಆನಿ ವ್ಹಡ್ಲ್ಯಾ ಸೊಫಾರ್ ಮದಾಮೆಚ್ಯೆ ಕುಶಿನ್ಂಚ್ ಬಸ್ಲೊಂ. ಪುನ್ಯಾಕ್ ಮ್ಹಜಿ "ಕೌಚ್ ಪೊಟೆಟೊ" ಯೆಜ್ಮಾನ್ ಬಸೊನ್ ಆಸ್ಲಿ. ಚಡ್ತಾವ್ ಜಾವ್ನ್, ಮರಾಟಿ ಸಿರಿಯಲಾಂ ಆಡ್ ಪಡೊನ್ ಪಳೆತಾ. ತವಳ್, ಹಾಂವೆಂ ದಾಕ್ಟೊ ಸೊಫಾ ಘೆಜೆ ಪಡ್ತಾ. ಆತಾಂ, ಆಮ್ಗೆರ್ ಇಂಗ್ಲಿಶ್ ನ್ಯೂಸ್ ಪಳೆಂವ್ಚಿ ಜಾಲ್ಯಾರ್ NDTV 24x7 ಚ್ಯಾನೆಲ್ ಮಾತ್ರ್, ಆಮಿ ದೊಗಾಂನಿ. ಹಾಂತು ಕಾಂಯ್‍ಚ್ ವಿವಾದ್ ನಾಂ. ಹ್ಯಾ ಏಕ್ ವಿಶಯಾರ್ ಆಮ್ಚೆಂ ಬರೆಂ ಜಮ್ತಾ ಮ್ಹಣ್ಯೆತ್. ತಶೆಂ, ಮ್ಹಾಕಾ ಫಕತ್ ಅರ್ಧೆಂ ವ್ಹರ್, ತೇಂಯ್ ಸಾಂಜೆಚ್ಯಾ ಸಾಡೆ ಆಟ್ ವ್ಹರಾರ್ ಮಾತ್ರ್ ನ್ಯೂಸ್ ಪಳೆಂವ್ಕ್ ಪರ್ವಣ್ಗಿ ಆಸ್ತಾ. ಉರ್ಲೆಲಿಂ ಸಾಡೆ ಇಕ್ರಾ ವ್ಹರಾಂ ಕೌಚ್ ಪೊಟೆಟೊಚಿಂ. ಆಜ್ ಮ್ಹಜ್ಯಾ ಯೆಜ್ಮಾನಿನ್ಂಚ್ ಆಪವ್ನ್ ನ್ಯೂಸ್ ಪಳೆಂವ್ಕ್ ಒರ್ಡರ್ ದಿಲೆಂ ಮ್ಹಣ್ತಾನಾ, ತುಮಿಂಚ್ ಚಿಂತಾ ವಿಷಯ್ ಕಿತ್ಲೊ ಗಂಭಿರ್ ಮ್ಹಣ್.

Read More »

ಪಾನೀರ್‌ಚ್ಯಾ ಸೆಲೆನ್ ಪ್ರೀತಿ ಪಿಂತಾ ಖಾತಿರ್ ಏಕ್ ವಿನಂತಿ

ಕಿಟಾಳಾರ್ ತುಮಿ 'ಪಾನೀರ್ ಫಿರ್ಗಜೆಚ್ಯಾ ಲುವಿಸ್ ಪೀಂತಾಚಿ ಬೇಟಿ ಪಡಾವೊ ಕಾಣಿ'  ಲೇಖನ್ ವಾಚ್ಲಾಂ ಆಸ್ತಲೆಂ. ಏಕ್ ದುಬ್ಳ್ಯಾಕುಟ್ಮಾಚೆಂ ಆನಿ ಹಳ್ಳೆಂತ್ಲೆಂ ಹೆಂ ಭುರ್ಗೆಂ ಕುಂಪಲಾಚ್ಯಾ ಸರ್ಕಾರಿ ಇಸ್ಕೊಲಾಂತ್ ಕನ್ನಡ ಮಾದ್ಯಮಾಂತ್ ಧಾವಿ ಪರ್ಯಾಂತ್ ಶಿಕ್ಲೆಂ. ಉಪ್ರಾಂತ್, ತಾಣೆ ಕೊಡಿಯಾಳ್ ಪೆಂಟೆಂತ್ ಆಸ್ಚ್ಯಾ ಸರ್ಕಾರಿ ಜ್ಯೂನಿಯರ್ ಕೊಲೆಜಿಂತ್ ದೋನ್ ವರ್ಸಾಂ ಶಿಕೊನ್ ಆಪ್ಲಿ ಬಾರಾವಿ ಕೆಲಿ. ಧಾವೆಂತ್ ತಶೆಂ ಬಾರಾವೆಂತ್ ಜಿಲ್ಲ್ಯಾಂತ್ ಪಯ್ಲೆಂ ಸ್ಥಾನ್‌ ತಾಕಾ ಫಾವೊ ಜಾಲೆಂ. ದಾಕ್ತೆರ್ ಜಾಂವ್ಚೆಂ ತಾಚೆಂ ಸಪಣ್. ಮಾಯ್ 5 ವೆರ್ ಜಾಲ್ಲ್ಯಾ NEET 2019 ಪರಿಕ್ಶೆಂತ್  ಕರ್ನಾಟಕಾಂತ್ ತಾಚೆಂ ರೆಂಕ್ 2,444. ಸೆಲೆನಾಚ್ಯಾ ವರ್ಗ್ ಜೆರಾಲ್, ಕನ್ನಡ ಮಾದ್ಯಮ್ ಆನಿ ಗ್ರಾಮೀಣ್. ಹ್ಯಾ ವರ್ಗಾಂತ್ ತಾಕಾ 7ವೆಂ ಸ್ಥಾನ್ ಲಾಬ್ಲಾಂ; ಆನಿ ಚಲಿಯಾಂ ಪಯ್ಕಿ ತಿಸ್ರೆಂ ಸ್ಥಾನ್. ಹಿ ಆಮ್ಕಾಂ ವರ್ತ್ಯಾ ಅಭಿಮಾನಾಚಿ ಗಜಾಲ್ ಜಾವ್ನಾಸಾ. ಸೆಲೆನಾಚಿ ಫೀ ಭರುಂಕ್ ಆನಿ ಶಿಕ್ಪಾ ಸಂಭದಿತ್ ಖರ್ಚ್ ಕರುಂಕ್ ಸೆಲೆನಾಕ್ ಉದಾರ್ ಮನಾಚ್ಯಾ ದಾನಿಂಚಿ ಮಜತ್ ಜಾಯ್. ಸಾಡೆ ಚ್ಯಾರ್ ವರ್ಸಾಂಚ್ಯಾ ಹ್ಯಾ ಕೊರ್ಸಾಕ್, ಉಣ್ಯಾರ್ 11 ಲಾಖ್ ರುಪಯ್ ಖರ್ಚ್ ಪಡ್ತಲೊ. ತುಮ್ಚ್ಯಾ ಉದಾರ್ ಮನಾನ್, ಫುಲ್ ವ ಪಾಕ್ಳಿ ದೀವ್ನ್ ತಾಚೆಂ ದಾಕ್ತೆರ್ ಜಾಂವ್ಚೆ ಸಪಣ್ ಸಾಕಾರ್ ಕರಿಯೆತಾ.

Read More »

ಝುಜ್ ಆನಿ ಶಾಂತಿ

"ಮ್ಹಜ್ಯಾ ಮೋಡಿಕ್ 56 ಇಂಚ್ಯಾಚೆಂ ಹರ್ದೆಂ ಆಸಾ. ಕೆದಾಳಾ ಆನಿ ಖಂಯ್ಸರ್ ತೆಂ ದಾಕಯ್ಜೆ ತೆಂ ತಾಕಾ ಯೆತಾ. ಝುಜ಼್ ಮಾಂಡಿನಾಸ್ತಾಂ, ಹೆ ಪಾಕಿಸ್ತಾನಿ ಬೂದ್ ಶಿಕ್ಚೆ ನಹಿಂ. ಶಾಂತಿ, ಓಮ್ ಶಾಂತಿ, ಮ್ಹೊಣ್ ಮೊಂತ್ರಾಂ ಘಾಲ್ಯಾರ್ ಜ಼ಾಯ್ನಾ: ತುಜೊ ಮನ್‌ಮೋಹನ್ ಸಿಂಗ್ ಪಿರದಾನಿ ಜ಼ಾವ್ನ್ ಆಸ್‌ಲ್ಲೊ ತರ್, ಕಿತೆಂ ಕರ್ಚೆಂ ಸೊನಿಯಾ? ಮ್ಹೊಣ್ ರುದಾನ್ ಕರ್ನ್, ತಿಚ್ಯಾ ಪಾಲ್ವಾಂತ್ ರಿಗೊನ್ ಬೊಸ್ತೊ. "ಆಮಿ ಹೆಂ ಕೆದ್ನಾಂಚ್ ವಿಸ್ರೊಂಚೆಂನಾಂವ್. ವೇಳ್ ಆನಿ ಘಡಿ ವಿಂಚುನ್, ಆಮಿ ಮಾರ್ತೆಲ್ಯಾಂವ್" ಅಶೆಂ ಸ್ಟೆಟ್‌ಮೆಂಟ್ ದಿತೊ. ಬಸ್, ಗರಜ್‌ಚೊ ವಾಗ್, ಮಾರಿನಾಂ ಖೈಂ, ತಶೆಂ. ತುಜ್ಯಾ ಸಿಂಗಾಚಿ, ಸೊನಿಯಾಚಿ ಆನಿ ರಾಹುಲ್ ಗಾಂಧಿಚಿ ಗಜ಼ಾಲ್. ಭೆಶ್ಟೆಂ ಉಲಂವ್ಚೆಂ! ಕರ್ಚೆಂ ಕಾಂಯ್ ನಾಂ. 2008 ನವೆಂಬರ್ 26 ಬೊಂಬಯ್ ಎಟ್ಟೆಕ್ ಜ಼ಾವ್ನ್ ಚಾರ್ ವರ್ಸಾಂ ಸಿಂಗಾನ್ ಕೆಲ್ಲೆಂ ಕಿತೆಂ ಆಸಾ"?

Read More »

ಪಾನೀರ್ ಫಿರ್ಗಜೆಚ್ಯಾ ಲುವಿಸ್ ಪೀಂತಾಚಿ ‘ಬೇಟಿ ಪಡಾವೊ’ ಕಾಣಿ

ಪ್ರೀತಿನ್ ಬಲ್ಮಟಾಂತ್ ಆಸ್ಚ್ಯಾ ಬಾಯ್ಲಾಂಚಾ ಸರ್ಕಾರಿ ಕೊಲೆಜಿಂತ್ ಪ್ರವೇಶ್ ಘೆತ್ಲೊ. "ತಶೆಂ ಕಿತ್ಯಾಕ್ ಕೆಲೆಂ? ಸಾಂತ್ ಆಗ್ನೆಸ್ ವ ಸಾಂತ್ ಲುವಿಸ್ ಕೊಲೆಜ್ ಕಿತ್ಯಾಕ್ ನಹಿಂ?" "ಆಮ್ಕಾಂ ತಸಲ್ಯಾ ಫೇ ಘೆಂವ್ಚಾ, ಡೊನೆಶನ್ ಮ್ಹಣ್ ಆಡ್ ಫೀ ಆರಾಂವ್ಚಾ, ಪ್ರಾಯ್ವೆಟ್ ಕೊಲೆಜಿಚಿಂ ಮೆಟಾಂ ಚಡ್ಚಿ ತಾಂಕ್ ನಾಂ ಸರ್" ಮ್ಹಣ್ತಾ ತಿಚೊ ಬಾಪಯ್. "ಕೊಲೆಜ್ ತಿ ಅನುದಾನಿತ್ ಆಸುಂ ವಾ ಅನುದಾನಾವೀಣ್, ಪಯ್ಶಾಂಕ್ ಮಾತ್ರ್ ಪಳೆತಾತ್ ಶಿವಾಯ್, ಸ್ಟುಡೆಂಟಾಚಿ ದಾಕೊವ್ಣಿ ನಹಿಂ. ಬರ‍್ಯಾ ತಾಲೆಂತಾಚಾ ಆನಿ ಕಶ್ಟಾಂನಿ ಶಿಕ್ಚಾ ಭುರ್ಗ್ಯಾಂಕ್...

Read More »

ಚರಿತ್ರಾ ಪುನರಾವರ್ತಿತ್ ಜಾತಾ ಮ್ಹಣ್ತಾತ್ ?

ಹ್ಯಾ ಪಾವ್ಟಿಂ ರಾಹುಲ್ ಗಾಂಧಿಚ್ಯಾ ಮುಕೆಲ್ಪಣಾರ್ ಕಾಂಗ್ರೆಸಾನ್ ವಿರುದ್ಧ್ ಪಾಡ್ತ್ DMK ಸಾಂಗಾತಾ ಸೊಲ್ಲೊ ಕೆಲಾ. ಪಾಡಿಚೊ ಮುಕೆಲಿ ಸ್ಟಾಲಿನ್ ಆನಿ ರಾಹುಲಾಚೆಂ ಬರೆಂ ಚಲ್ತಾ. ಸ್ಟಾಲಿನ್, ಕರುಣಾನಿಧಿಚೊ ಪೂತ್ ಅನಿ ತರ್ನೊ; ತಾಕಾ ಅನಿ ರಾಹುಲಾಕ್ ಎಕಾಮೆಕಾಕ್ ಬರೆಂ ತಾಳ್ ಪಡ್ತಾ. ರಾಹುಲಾನ್ ಪ್ರಧಾನಿ ಜ಼ಾಯ್ಜೆ, ತೊ ಪ್ರಧಾನಿ ಜ಼ಾಂವ್ಕ್ ಫಾವೊ ಅಸಲೆಂ ಘೋಷಣ್ ತೊ ತವಳ್ ತವಳ್ ದಿತೇ ಆಸಾ. 16ವ್ಯಾ ಲೋಕ್‌ಸಭೆಂತ್ ಆಪ್ಲ್ಯೊ 45 ಸಿಟಿ ಮಾತ್ರ್ ಆಸ್ಯ್ಲ್ಯಾರೀ, ರಾಹುಲ್, 1996ಚ್ಯಾ shadow PM ವಾಜಪೇಯಿ ಭಾಶೆನ್ ಪ್ರತಿವಾದ್ ಪಾಡ್ತಿಚೊ, ಕಾಂಗ್ರೆಸಾಚೊ, ಮುಕೆಲಿ ಆನಿ ಪ್ರದಾನಿ ಅಬ್ಯರ್ಥಿ. ದಾವ್ಯಾಂ ಪಾಡ್ತಿಂಕ್ ಧರ್ನ್, ಸಭಾರ್ ಲ್ಹಾನ್ ಪಾಡ್ತಿಯಿ ಹ್ಯಾ UPA-3 ಘಟಬಂದನಾಂತ್ ಭಾಗಿದಾರ್ ಜಾವ್ನಾಸಾತ್. ಹ್ಯಾ ಪಾವ್ಟಿಂ ಜಯಲಲಿತಾಯ್ ನಾಂ, ಕರುಣಾನಿಧಿಯ್ ನಾ. ತಮಿಳ್‌ನಾಡಾಂತ್ 5 ವರ್ಸಾಂ ಥಾವ್ನ್ AIADMK ಅಧಿಕಾರಾಂತ್ ಆಸಾ, ದೆಕುನ್ anti-incumbancyಚೆಂ ಸವಾಲ್ ಆಸಾ. ಹೆಂ DMK-INC ಚ್ಯಾ ಘಟಬಂದಾನಾಕ್ ಅನ್ಕೂಲಾಚಿ ಗಜ಼ಾಲ್. ತಿಂ, DMK 20 ಸಿಟಿ ಅನಿ ಕಾಂಗ್ರೆಸ್ 9 ಸಿಟಿಂಚ್ಯೆರ್ seat adjustment ಕರ್ನ್ ಉಭಿಂ ರಾವ್ಲ್ಯಾಂತ್. ಉರ್ಲೆಲೆ 10 ಸಿಟಿ 4-5 ಲ್ಹಾನ್ ತಮಿಳ್ ಪಾಡ್ತಿಂಕ್ ವಾಂಟುನ್ ದಿಲ್ಯಾತ್. ಎಲಿಸಾಂವಾಂತ್ ಹ್ಯೊ ಜಿಕ್ಲ್ಯಾರ್, ಹ್ಯೊ ಪಾಡ್ತಿ NDAಕ್, ಆನಿ ಪ್ರತ್ಯೇಕ್ ಜಾವ್ನ್ ಮೋದಿಕ್ ಪಾಟಿಂಬೊ ದೀನಾಂತ್. 100% ಫಲಿತಾಂಶ್ ಮೆಳ್ತಾ ಮ್ಹಣ್ತಾತ್ ಹೆ. ತಮಿಳ್ನಾಡಾಂತ್ NDAಕ್ ಅಂಡ್ಡಾ!

Read More »

ಹೆಂ ಎಲಿಸಾಂವ್ ಕೊಣ್ ಜಿಕ್ತಲೊ?

ದೋನ್ ಘೊಡೆ ಆಸ್ಚ್ಯಾ ರೆಸಾಂತ್, ಚಡ್ತಾವ್ ಜುಮ್ಲ 92% ತ್ಯಾ 2 ಘೊಡ್ಯಾಂಕ್ ವಾಂಟೊನ್ ವೆತಾ. ಅಸೆಂ first past the post Westminster elective democracyಂತ್ ಜಿಕಾಜೆ ಜ಼ಾಲ್ಯಾರ್, ಉಣ್ಯಾರ್ 46.01% ವೋಟ್ ಜಿಕ್ಲೆಲ್ಯಾಕ್ ಮೆಳಾಜೆ. ದೆಕುನ್ ಕಿತ್ಲೆಂ swing % ಜಾಯ್ಜೆ ತೆಂ estimate ಕರ್ಯೆತ್! ಹಾಂವ್ ಉಡ್ಪಿಚೆಂ ಸ್ವಿಂಗ್ % ಲೇಕ್ ದಿತಾಂ: 2009 ಇಸ್ವೆಂತ್ ಗೌಡ 48.09%, ಜೆಪಿ 44.86%. ಜುಮ್ಲ, 92.95%, ಮಾರ್ಜಿನ್ 3.23%. ಆತಾಂ, ಮುಕ್ಲ್ಯಾ ಎಲಿಸಾಂವಾಂತ್, ಜೆಪಿನ್ ನ್ ಜಿಕಾಜೆ ಜ಼ಾಲ್ಯಾರ್, ತಾಣೆಂ 46.48% ವೊಟ್ ಜಿಕಾಜೆ. Swing 1.62%. ಫಲಿತಾಂಶ್ ಜೆಪಿಕ್ 46,75% ಮೆಳ್ಳೆ ಆನಿ ತೊ ಜಿಕ್ಲೊ! ದೆಕುನ್ ಬಿಜೆಪಿಚ್ಯಾ committed voters ಪಾಟ್ಲ್ಯಾನ್ ಲಾಗ್ಚೆಂ ನಹಿಂ. ಆಪ್ಲ್ಯಾ committed voters ಪಾಟ್ಲ್ಯಾನ್ ಲಾಗ್ಚಿ ಗರ್ಜ್ ನ. ತಾಂಕಾ, ಜಿಕ್ಲೆಲ್ಯಾ ನಂತರ್ ಕಿತೆಂ ಕೆರಟ್ ಮೆಳ್ತಾ ತೆಂ ಭಾಸಾಯ್ಲ್ಯಾರ್ ಜಾಲೆಂ. ಆನಿ ಖಂಯ್ಸರ್ (ಬೂತಾ ಪರ್ಮಾಣೆಂ) ಬಿಜೆಪಿಚ್ಯೆ ವೊಟ್ ವಯ್ರ್, ತೆಂ ಕಿತ್ಯಾಕ್ ಮ್ಹಣ್ ಸೊಧುನ್ ಕಾಡ್ನ್, ಕೊಣಾಕ್ ಕನ್ವೆಡ್ತರ್ ಕರಿಜೆ, ತಾಕಾ ಟಾರ್ಗೆಟ್ ಕೆಲ್ಯಾರ್ ಜಾಲೆಂ. ಅಶೆಂ ಆತಾಂ ಪ್ರಮೊದಾಕ್ 9% ಸ್ವಿಂಗ್ ಹಾಡುಂಕ್ ಆಸಾ, ದೆಕುನ್ ತಾಣೆಂ ಜೆಡ್ಯೆಸ್ ಬಾವ್ಟೊ ಆನಿ ಸಿಂಬಲ್ ಘೆತ್ಲಾಂ; ಘಾಟಾರ್ ಹೆಂ ಚಲ್ತಾ.

Read More »
Don\'t COPY....Please Share !