ರೋನ್ ರೋಚ್, ಕಾಸ್ಸಿಯಾ

https://kittall.com/wp-content/uploads/2017/11/KittallLogo-1.jpg
ಪಾಟ್ಲ್ಯಾ 45 ವರ್ಸಾಂ ಪಾಸುನ್ ರೋನ್ ರೋಚ್ ಕಾಸ್ಸಿಯಾ ನಾಂವಾಖಾಲ್ ಕೊಂಕಣಿಂತ್ ಬರವ್ನ್ ಆಸ್ಚೊ ರೊನಾಲ್ಡ್ ರೋಚ್ ಕಾಸ್ಸಿಯಾ ಫಿರ್ಗಜೆಗಾರ್. ವಿಭಿನ್ನ್ ಶಯ್ಲೆಚೊ ಲೇಖಕ್ ಜಾವ್ನ್ ಆಸ್ಚೊ ರೋನ್ ರೋಚ್ ಕೊಂಕ್ಣೆಂತ್ ಸಸ್ಪೆನ್ಸ್ ಥ್ರಿಲ್ಲರ್ ಕಾಣಿಯೊ ಆನಿ ಕಾದಂಬರಿಂ ಖಾತಿರ್ ನಾಂವಾಡ್ಲಾ. ತಾಚ್ಯಾ ಕಾಣಿಯಾಂನಿ ಎಕಾ ಥರಾಚೆಂ ಕುತೂಹಲ್ ಆಸ್ತಾ, ಅತ್ರೆಗ್ ರಾಕೊನ್ ವ್ಹರ್ಚೊ ಗೂಣ್ ಆಸ್ತಾ. ದೆಕುನ್ ಚಡಾವತ್ ನೆಮಾಳ್ಯಾಂನಿ ತಾಚ್ಯೊ ಕಾದಂಬರಿ ಆತಾಂಯ್ ಸಾಂಕ್ಳೆ ರುಪಾರ್ ಫಾಯ್ಸ್ ಜಾತೇ ಆಸಾತ್. ಏಕ್ ಗಾವ್ಪಿ ಜಾವ್ನ್ ಕಾಸ್ಸಿಯಾಚ್ಯಾ ಲೊರೆನ್ಸ್ ಸೊಜಾಸವೆಂ ಮೆಳುನ್ ರೋನ್ - ಲೊರೆನ್ಸ್ ಬ್ಯಾನರಾಖಾಲ್ ಸಾಟಾಂ ವಯ್ರ್ ಪದಾಂ ಘಡುನ್ ನಾಟಕಾಂನಿ ಆನಿ ನಾಯ್ಟಾಂನಿ ಸಾದರ್ ಕೆಲ್ಯಾಂತ್. ಸಾಂಗಾತಾಚ್ ರೊನ್ - ಲೊರೆನ್ಸ್ ನೈಟ್ ನಾಂವಾಖಾಲ್ ಸಬಾರ್ ಸಂಗೀತ್ ಕಾರ್ಯಾವಳಿ ಸಾದರ್ ಕೆಲ್ಯಾತ್. ಸರಳಾಂ ಪಾಟ್ಲ್ಯಾನ್, ಆಮಿ ನೋವ್, ಹಾಂವ್ ರಡ್ತಾಂ, ಕಲಾವತಿ, ತಾಚಿಂ ಹಾಡಾಂ, ಠೋಕನ್ ನಂ 13, ಹೊ ಹಾತ್ ಖುನ್ಯೆಚೊ ಹಾತ್, ಮ್ಹಾಕಾ ಜಿಯೆಂವ್ಕ್ ಸೊಡಾ, ಹಾಂವ್ ತಾಚ್ಯೆ ಸೊಧ್ನೆರ್, ತಾಂಬ್ಡೊ ವಾಕೊರ್ ಆನಿ ಆತಾಂ ಕಿಟಾಳಾರ್ ಫಾಯ್ಸ್ ಜಾವ್ನ್ ಆಸ್ಚಿ ಜರ್ ಹಾಂವ್ ಸಾಂಗಿನ್ ತರ್ ... ಅಶೆಂ ಎಕುಣ್ ಇಕ್ರಾ ಕಾದಂಬರಿ ಆಜ್ ಪರ್ಯಾಂತ್ ಕೊಂಕ್ಣೆಂತ್ ತಾಣೆ ಬರಯ್ಲ್ಯಾತ್. ನಿಗೂಡ್ ಮಟ್ವ್ಯೊ ಕಾಣಿಯೊ ತಾಚೊ ಪರ್ಗಟಿತ್ ಕಾಣಿಯಾಂ ಪುಂಜೊ. 90 ಲಾಗಿಂ ಮಟ್ವ್ಯೊ ಕಾಣಿಯೊ, ತಿನ್ಶಾಂ ವಯ್ರ್ ಲೇಖನಾಂ ತಾಣೆ ಬರಯ್ಲ್ಯಾಂತ್. ಕೊಂಕ್ಣಿ ಪತ್ರಾಂನಿ ಆನಿ ಜಾಳಿಜಾಗ್ಯಾಂನಿ ನಿರಂತರ್ ತಾಚೆ ಸಾಂಕಳ್ ಕಾಣಿಯೊ, ಲೇಖನಾಂ ಫಾಯ್ಸ್ ಜಾತೇ ಆಸಾತ್. ತಾಚ್ಯಾ ಸಾಹಿತೀಕ್ ವಾವ್ರಾಕ್ ವಿಕ್ಟರ್ ರೊಡ್ರಿಗಸ್ ಸ್ಮಾರಕ್ ಸಾಹಿತ್ಯ್ ಪ್ರಶಸ್ತಿ, ದಾಯ್ಜಿ ದುಬಯ್ ಸಾಹಿತ್ಯ್ ಪುರಸ್ಕಾರ್ ಫಾವೊ ಜಾಲ್ಯಾತ್. ಮಾಲ್ಘಡ್ಯಾ ಆನಿ ತರ್ನ್ಯಾ ಸಾಹಿತಿಂ ಮಧೆಂ ಏಕ್ ಸಾಂಕೊವ್ ಜಸೊ ಆಸ್ಚೊ ರೋನ್ ರೋಚ್, ಪ್ರಸ್ತುತ್ ಆಪ್ಲಿ ಪತಿಣ್ ಶ್ರೀಮತಿ ಗ್ರೇಸಿ ಸೊಜ್, ವೃತ್ತೆನ್ ಶಿಕ್ಷಕಿ ( ಆತಾಂ ನಿವೃತ್ತ್ ) ಹಿಚೆ ಸವೆಂ ಕಾಸ್ಸಿಯಾಂತ್ ವಸ್ತಿ ಕರುನ್ ಆಸಾ. ಹ್ಯಾ ಜೊಡ್ಯಾಕ್ ತೆಗಾಂ ಚೆಡ್ವಾಂ ಭುರ್ಗಿಂ.

ಕೊರೋನಾ ಆಕಾಂತ್ ಆನಿ ಕುಮ್ಸಾರಾ ಅತ್ರೆಗ್!

ಆತಾಂಚಾ ಹ್ಯಾ ಆಧುನಿಕ್ ಕಾಳಾರ್ ಕ್ರೀಸ್ತೀ ಸಂಸಾರಾಂತ್ ಏಕ್ ಚಿಂತಾಪ್ ಅಶೆಂ ಆಸಾ ಕೀ, ‘ಯಾಜಾಕಾ ಲಾಗಿಂ ಕುಮ್ಸಾರ್ ಕಿತ್ಯಾಕ್ ಜಾಂವ್ಕ್ ಜಾಯ್ ?!. ಖುದ್ ದೆವಾಲಾಗಿಂಚ್ಚ್ ಕಾಳ್ಜಾಂತೂನ್ ಪಾತಾಕ್ ರಡೊನ್ ಭೊಗ್ಸಾಣೆಂ ಮಾಗೊನ್ ಘೆವ್ಯೆತ್ ನಂಯ್ಗೀ?’.ಪೂಣ್ ಜೆಜುನ್ ಆಪ್ಲ್ಯಾ ಶಿಕೊಣೆವೆಳಾ, ಶಿಸಾಂಕ್ ಸಾಂಗ್ಲಾಕೀ ‘ಕೊಣಾಚಿ ಪಾತ್ಕಾಂ ತುಮಿ ಭೊಗ್ಸಿತಾತ್‌ಗೀ ತಾಂಚಿ ಪಾತ್ಕಾಂ ಭೊಗ್ಸಾತಾಲಿಂ’ ಮ್ಹಣ್. ಹ್ಯಾ ವರ್ವಿಂ ಆಮ್ಕಾಂ ಕಳಿತ್ ಜಾತಾಕೀ, ದೆವಾಪುತಾ ಜೆಜುಚಿಚ್ ಶಿಕೊಣ್ ಜಾವ್ನಾಸಾ ಯಾಜಕಾದ್ವಾರಿಂ ದೆವಾಲಾಗಿಂ ಕುಮ್ಸಾರ್ ಜಾಂವ್ಚೆಂ ಮಾತ್ರ್ ಸಂಪೂರ್ಣಾಯೆಚೆಂ ಮ್ಹಣ್. ಪಾಪಾ ಪ್ರಾನ್ಸಿಸ್ ಖುದ್ದ್ ಜಾವ್ನ್ ತವಳ್ ತವಳ್ ಕುಮ್ಸಾರ್ ಜಾವ್ನ್ ಭೊಗ್ಸಣೆಂ ಜೋಡುನ್ ದೇಖ್ ದಿವುನ್ ಆಸಾ.

Read More »

ಜರ್ ಹಾಂವ್ … ಸಾಂಗಿನ್ ತರ್ : 21

“ಹಾಂವ್ ಏಕ್ ಫಿರ್ಗಜೆ ಖಾತಿರ್ ವಾವ್ರ್ ದಿಂವ್ಚೊ ಅಸಹಾಯೆಕ್ ಯಾಜಕ್ ಮ್ಹಳ್ಳೆಖಾತಿರ್ ಪುಣೀ ...ಮ್ಹಜ್ಯಾ ಸಮಸ್ಯಾಕ್ ಪರಿಹಾರ್ ದಿಂವ್ಚೆ ವಿಶಾಲ್ ಮನ್ ದಾಕಯ್...ಕಾರ್ಡಿಯಾನ್.” “ಫಾದರ್... ತುಮಿ ಸಹಕಾರ್ ಮಾಗ್ಚೊ ಸಹಜ್ ...ಪೂಣ್ ಹ್ಯಾವಿಶಿಂ ಸಾಂಗ್ಚೆಂ ತರ್...ಹ್ಯಾವಿಶಿಂ ತುಮಿಂಚ್ ಚಿಂತೂನ್ ಪಳೆಯಾ ಫಾದರ್. ತುಮಿ ಕೆಲ್ಲ್ಯಾ ಚುಕಿಚ್ಯಾ ಪರಿಣಾಮಾಕ್... ಮ್ಹಾಕಾಯೀ ಭಾಗಿದಾರ್ ಕರುನ್ ಹಾಂವೆಯೀ ಮ್ಹಜಾ ನಿತಿಚ್ಯಾ ವಾಟೆಕ್ ಕುರಾಡ್ ಮಾರಿಜಾಯ್ ಮ್ಹಣ್ ಮ್ಹಣ್ಚೆಂಗೀ ತುಮಿ?” “ನಿತಿಕ್ ವಿರೋಧ್ ವಚೊಂಕ್ ಹಾಂವ್ ಸಾಂಗಿನಾಂ. ಬಗಾರ್ ಜಾಲ್ಲೆಂ ಜಾವ್ನ್ ಗೆಲಾಂ...ಆತಾಂ ಹ್ಯಾ ಸಮಸ್ಯಾ ಪರಿಹಾರಾಕ್ ಹಾಂವ್ ತುಜೆಲಾಗಿಂ ಭಿಕ್ ಮಾಗೊನ್ ಆಸಾಂ.”

Read More »

ಜರ್ ಹಾಂವ್ … ಸಾಂಗಿನ್ ತರ್ : 20

ಫಾ|ಫ್ರ್ಯಾಂಕ್ಲಿನಾನ್ ಆಪ್ಣಾ ಥಂಯ್ ವೊಡ್ಡಾಯಿಲ್ಲ್ಯಾ ಸ್ಕ್ರಿಬ್ಲಿಂಗ್ ಪ್ಯಾಡಾಚೆರ್ ಬದ್ಲಿಲಿ. ದುಸ್ರೆ ಘಡ್ಯೆ...ತಾಚೊ ದಾವೊ ಹಾತ್ ತ್ಯಾ ಸ್ಕ್ರಿಬ್ಲಿಂಗ್ ಪ್ಯಾಡಾರ್ ಬಸ್ಲೊ. ಆನಿ ಉಜ್ವ್ಯಾ ಹಾತಾಂತ್ಲೆ ಆಪ್ಲೆಂ ಪೆನ್ನ್ ತಾಚೆರ್ ಝರಯ್ತೇ ಗೆಲೊ. ಪೂಣ್ ಕಸಲೆಂಚ್ ಚಡ್ತಿಕ್ ಬರಂವ್ಕ್ ತೊ ಗೆಲೊನಾಂ. ಫಕತ್ತ್ ಥೊಡಿಂಚ್ ಥೊಡಿಂ ಉತ್ರಾಂ. ಆನಿ ತೊ ಬರಯ್ತೇ ಆಸ್ತಾಂ ...ವಿಗಾರ್ ಫ್ರ್ಯಾಂಕ್ಲಿನ್ ತಾಚ್ಯಾ ಹರ್ಯೆಕಾ ಸಭ್ಧಾಚೆರ್ ಸೂಕ್ಶ್ಮ್ ದೀಶ್ಟ್ ಚರಯ್ತೇ ಗೆಲೊ. ಪಳೆತ್ತ್ ಗೆಲ್ಲ್ಯಾ ಪರಿಂ ....ಫಾ| ಪ್ರ್ಯಾಂಕ್ಲಿನ್ ಏಕ್ ಪಾವ್ಟಿಂ ಧಿಘ್ಮೂಢ್ ಜಾಲೊ! ಕಾರ್ಡಿಯಾನಾನ್ ಪ್ಯಾಡ್ ವಿಚಾರ್ಲೆಲ್ಯಾ ವೆಳಾಚ್ ತೊ ... ‘ಹ್ಯಾಚ್ಚ್ ಖಾತಿರ್ ಜಾಂವ್ಕ್ ಪುರೊ.!’ ಮ್ಹಳ್ಳ್ಯಾ ದುಬಾವೆ ನಿರೀಕ್ಶೆಕ್ ವೊಳಗ್ ಜಾಲ್ಲೊ ವ್ಹಯ್. ತರೀ... ‘ಕಾರ್ಡಿಯಾನ್ ಇತ್ಲೆಂ ಅನಿರೀಕ್ಶಿತ್ ಮೇಟ್ ಕಾಡಿಸೊನಾ!’ ಮ್ಹಳ್ಳೊ ಕಸಲೊಗೀ ಆಶಾವಾದ್ ತಾಚೆ ಮತಿಂ ತಾಕಾ ಧಯ್ರ್ ದಿತೇ ಆಸ್‌ಲ್ಲೊ.

Read More »

ಜರ್ ಹಾಂವ್ … ಸಾಂಗಿನ್ ತರ್ : 19

“ತುಂ ಹೆಂ ನೆಣಾಂಯ್?!” ಆಜಾಪ್ಲೊ ಕಾರ್ಡಿಯಾನ್ ಆನಿ ತಕ್ಶಣಾಂಚ್ ತೆಂ ದೆದೆಸ್ಪೊರ್ ಜಾಯ್ನಾಶೆಂ ಮ್ಹಣಾಲೊ.  “ಕಿತೆಂಯೀ ಜಾಂವ್  ಆತಾಂ ತ್ಯಾ ವಿಶಿಂ ಚಿಂತ್ತಾ ನಾಕಾ. ಹಾಂವ್ ಸಗ್ಳೆಂ ಪಾಟ್ಲಾವ್ ಕರುನ್ ಆಸಾಂ...ಕಸಲೆಂಯೀ ತೆಂ ದೆದೆಸ್ಪೊರ್‌ಪಣ್ ಉಗ್ತ್ಯಾನ್ ದಾಕಯ್ನಾಕಾ” “ಮ್ಹಳ್ಯಾರ್” “ಮ್ಹಳ್ಯಾರ್ ತುಂ ತೆಂ ಮತಿಂ ಧರ್ನ್ ಬಸ್ಲೆಂಯ್ ತರ್... ಘರ್ಚ್ಯಾಂಕ್ ಯಾ ಹೆರಾಂ ಕೊಣಾಯ್ಕೀ ತುಜ್ಯಾ ದೆದೆಸ್ಪೊರ್ ಮತಿವಿಶಿಂ ತಾಂಚ್ಯಾ ಗಿನ್ಯಾನಾಕ್ ಆಪ್ಟಾಲೆಂ ತರ್ ಆಮ್ಚ್ಯಾ ಮುಕ್ಲ್ಯಾ  ಯೋಜನೆಕ್ ಖಂಡಿತ್ ಅಡ್ಕಳ್ ಜಾತೆಲೆಂ. ದೆಕುನ್ ಹ್ಯಾವಿಶಿಂ ತುಂವೆಂ ಬೋವ್ ಜಾಗ್ರುತ್ಕಾಯೆನ್ ಆಸೊಂಕ್ ಜಾಯ್. ತುಂ ಫಕತ್ತ್  ಮ್ಹಜೆರ್ ಭರ್ವೊಸೊ ದವರ್ನ್ ರಾವ್. ಆನಿ ಸಾರ್ಕೆಂ ಆಯ್ಕ್... ಮ್ಹಜೆಂ ಫೋನ್ ಕೋಲ್ ಕೆನ್ನಾಂ ತುಕಾ ಯೇತ್ ಮ್ಹಣ್ ಮ್ಹಾಕಾ ಸಾಂಗೊಂಕ್ ಜಾಯ್ನಾಂ. ದೆಕುನ್ ಹರ್ಯೆಕ್ ಘಡಿ ತುಜ್ಯಾ ಮೊಬಾಯ್ಲಾರ್ ಗಮನ್ ದವರ್ನ್ ಸಯ್ರಾಣೆನ್  ರಾವ್!” “ಆನಿ ಕಸಲೆಂ ಸಯ್ರಣ್ ಸರ್... ಸಗ್ಳೆಂ ಸಂಪ್ತಾ ವರೇಗ್ ಕಸಲೆಂ ಸಯ್ರಣ್?!”ಯೆಕಾಚ್ಚಾಣೆಂ ಮತಿಂತ್ಲೊ ಕ್ರೋದ್ ಉಸಾಳ್ಳೊ ಕ್ಲೋಡಿಯಾಚ್ಯಾ ಉತ್ರಾಂನಿ.

Read More »

ಜರ್ ಹಾಂವ್ … ಸಾಂಗಿನ್ ತರ್ : 18

“ಕೊಣಾ ಥಂಯ್ ನಿತಳ್ ನಿಶ್ಕಳಂಕ್ ಕಾಳಿಜ್ ಆಸಾ...ಕೊಣಾ ಥಂಯ್ ಪ್ರಮಾಣಿಕ್ಪಣ್ ಆಸಾ.... ತಾಂಚೆ ಥಂಯ್ ಪ್ರಮಾಣಿಕ್ಪಣಿಂ ನಿತಿನ್ ಚಲ್ಚೊ ವೆಕ್ತಿ ಕಾರ್ಡಿಯಾನ್. ಆನಿ ಜರ್ ತರ್ ತೊ ಕುಯುಕ್ತ್ಯೊ ಅಪ್ರಮಾಣಿಕ್ಪಣಾಚ್ಯೊ ವಾಯ್ಟ್ ಬುದಿ ದಾಕವ್ನ್ ...ಅನೀತಿಚಿ ದೇಕ್ ಸಮಾಜೆಕ್ ಪಾಟಯ್ತಾ. ತರ್... ನಿತಿಕ್ ನೀತ್...ಅನೀತೆಕ್ ಅನೀತೆನ್ ಜಾಪ್ ದಿಂವ್ಚೊ ಕಾರ್ಡಿಯಾನ್  ...ಅನೀತಿಚ್ಯಾಂಕ್  ಸೊಸುಂಕ್ ಅಸಾಧ್ಯ್ ಜಾಂವ್ಚಿ ಅನೀತಿಚಿಚ್ ತಲ್ವಾರ್ ರೊಂಬೊಯ್ತಾಂ ಆನಿ  ಚಾಚಾಯ್ತಾ! ತೊ ನಿತಿಕ್ ಶರಣಾಗತ್ ಜಾಂವ್ಚೆ ಮ್ಹಣಾಸರ್ !” “ನಿತಿಚ್ಯಾ ಕಾರ್ಡಿಯಾನ್ ಸರಾಕ್ ಶರಣಾಗತ್ ಜಾಂವ್ಚೆಂ ಪರ್ಯಾಂತ್!”  ಅಭಿಮಾನಾಚೊ ಮುಸ್ಕುರೊ ಹಾಸೊ ದಿಲೊ ಕ್ಲೋಡಿಯಾನ್. ಆನಿ ಪರತ್ ಮ್ಹಣಾಲೆಂ... “ತುಮ್ಚಿ ಪರ್ವಣ್ಗಿ ಮಾಗೊನ್ ಮ್ಹಣ್ತಾಂ...ಮ್ಹಜೊ ರಿಶಭ್‌ಯೀ ತುಮ್ಚ್ಯಾ ತಸಲೊಚ್! ”

Read More »

ಯುವಪ್ರಾಯ್ ಆನಿ ಮೆತೆರ್ಪಣ್

ಕಾ ಹೈಸ್ಕೂಲಾಂತ್, ಡ್ರೈವಿಂಗ್ ಲೈಸೆನ್ಸ್ ತಶೆಂ ಹೆಲ್ಮೆಟ್ ಘಾಲಿನಾಸ್ತಾಂ ಹೈಸ್ಕೂಲಾಕ್ ಬೈಕ್ ಹಾಡ್ನ್ ಆಯ್ಲೆಲ್ಯಾ ಎಕಾ ವಿಧ್ಯಾರ್ಥಿಚ್ಯಾ ಬಾಪಯ್ಕ್ ಮುಕೇಲ್ ಮೆಸ್ತ್ರಿನ್ ಇಸ್ಕೊಲಾಕ್ ಆಪಯ್ಲೆಂ. ಇಸ್ಕೊಲಾಕ್ ಆಯಿಲ್ಲೊ ಬಾಪುಯ್ ಮುಕೇಲ್ ಮೆಸ್ತ್ರಿಲಾಗಿಂ ‘ಅಸಲ್ಯಾ ಲ್ಹಾನ್ ಲ್ಹಾನ್ ಸಂಗ್ತೆಂಕ್ ತುಮಿ ಮ್ಹಾಕಾ ಆಪಂವ್ಕ್ ಧಾಡ್ಲ್ಯಾರ್...ಮ್ಹಜೊ ವ್ಯವಹಾರ್ ಕೋಣ್ ಪಳೆತಾ? ಪುತಾಕ್ ಇಸ್ಕೊಲಾಕ್ ಧಾಡ್ಲ್ಯಾ ನಂತರ್ ಫಕತ್ತ್ ಇಸ್ಕೊಲಾಚೆ ಗಜಾಲಿ ಮಾತ್ರ್ ತುಮಿ ಪಳೆಯಾತ್. ‘ಬೈಕ್...ಲೈಸೆನ್ಸ್...ಹೆಲ್ಮೆಟ್’ ತೆಂ ಸಗ್ಳೆಂ ಪೊಲಿಸ್ ಪಳೆವ್ನ್ ಘೆತಾತ್. ತೆಂ ತುಮ್ಕಾಂ ನಾಕಾ!’ ಮ್ಹಣ್ ಆಪ್ಲೆಂ ದರ್ಪ್ ದಾಕಾಯ್ಲಾಗ್ಲೊ. ಅಸಲೆ ಥೊಡೆ ಸಂಧರ್ಭ್ ಹ್ಯಾಆದಿಂ ಫುಡ್ ಕರ್ನ್ ಜಾಣಾ ಆಸ್ಲೆಲ್ಯಾ ಮುಕೇಲ್ ಮೆಸ್ತ್ರಿನ್ ವಿಧ್ಯಾರ್ಥಿಚಾ ಬಾಪಾಯ್ಕ್ ಕಿತೆಂಚ್ ಜಾಪ್ ದೀಂವ್ಕ್ ನಾಂ. ‘ಹಾಚೊ ಹಂಕಾರ್ ಏಕ್ ದೀಸ್ ತಾಚೊ ಪೂತ್‌ಚ್ ಜಿರಯ್ತಾಲೊ!’ ಮ್ಹಳ್ಳ್ಯಾ ಚಿಂತ್ಪಾನ್.

Read More »

ಜರ್ ಹಾಂವ್ … ಸಾಂಗಿನ್ ತರ್ : 17

ಕ್ಲೋಡಿಯಾ ಆತಾಂ ಆಮಿ  ಪರತ್ ತ್ಯಾ ನೀಜ್ ಗಜಾಲೆಥಂಯ್ ಪರ್ತೊಂವ್ಯಾ. ಆಜ್ ತುಂವೆ ವಿವರಿಲ್ಲ್ಯೊ ಹರ್ಯೆಕ್ ಗಜಾಲಿ ಹಾಂವೆಂ ಸಾರ್ಕೆಂ ಮ್ಹಜ್ಯಾ ಮತಿಂ ಖಂಚೊನ್ ಘೆತ್ಲ್ಯಾತ್. ಅಶೆಂಚ್ ಹ್ಯಾ ಆದಿಂ ವಿಗಾರ್ ಆನಿ ಫೆಡ್ರಿಕಾ ಥಾವ್ನ್‌ಯೀ ಹ್ಯಾ ತುಜ್ಯಾ ಮೊಗಾ ವಿಶಿಂಚ್ಯೊ ಸಭಾರ್ ಸಂಗ್ತಿಂ ಸವಿಸ್ತಾರ್ ಜಾವ್ನ್ ಹಾಂವೆಂ ಮ್ಹಜ್ಯಾ ಗಮನಾಕ್ ಘೆತ್ಲ್ಯಾತ್. ಆನಿ  ಹಾಂತುನ್ ತುಂ ನೆಣಾಂ ಆಸ್ಚ್ಯೊ ಸಬಾರ್ ಸಂಗ್ತಿಂಯೀ ತಾಂಚೆ ವೊಂಟಾಂ ಥಾವ್ನ್ ಹಾಂವೆಂ ಆಯ್ಕಾಲ್ಯಾತ್. ಆನಿ ಆತಾಂ...ಹೆಂ ಸಗ್ಳೆಂ ಹಾಂವೆಂ ಮ್ಹಜ್ಯಾ ಸಮ್ಜಣೆ ಗಿನ್ಯಾನೆಕ್, ಮ್ಹಜ್ಯಾ ಚಿಂತ್ಪಾಕ್, ಮ್ಹಜ್ಯಾ ಧ್ಯೇಯಾಕ್ ಸರಿ ಜಾವ್ನ್ ವಿಶ್ಲೇಶುನ್ ಇತ್ಯಾರ್ಥ್ ಕರುನ್, ಮ್ಹಜಿ ಅಭಿಪ್ರಾಯ್ ಹಾಂವೆಂ ವಿಂಚುಂಕ್ ಆಸಾ"

Read More »

ಜರ್ ಹಾಂವ್… ಸಾಂಗಿನ್ ತರ್ : 16

“ಪೂಣ್ ಕಿತೆಂ ?!” ಮಧೆಂಚ್ಚ್ ಬೊಬಾಟ್ಲೆಂ ಕ್ಲೋಡಿಯಾ. “ತುಮಿಂ ಜಾಂವ್ ವಿಗಾರ್ ಜಾಂವ್...ಫಕತ್ತ್ ಮ್ಹಜೆ ಥಾವ್ನ್ ರಿಶಭಾಕ್ ಹುಮ್ಟೊನ್ ಪೈಸ್ ಕರ್ಚಾಕ್ ಪ್ರೇತನ್ ಕೆಲೆಂ ಶಿವಾಯ್... ತಾಚಾ ವಯ್ಲ್ಯಾ ಹ್ಯಾ ಕ್ರೀಸ್ತೀ ಆಸಕ್ತೆಚೆರ್ ಗಮನ್ ಯಾ ತ್ಯಾವಿಶಿಂ ಪ್ರೇತನ್ ಕರ್ಚೆ ಪ್ರಕ್ರಿಯೆಕ್ ಹಾತ್‌ಚ್ಚ್  ಘಾಲುಂಕ್ನಾಂ.  ಹ್ಯಾವಿಶಿಂ ಹಾಂವ್ ತುಕಾ ತವಳ್...ತವಳ್..” ಮಧೆಂಚ್ಚ್ ತಿ ಉಸ್ಮಡ್ಲಿ.... “ಮ್ಹಜೆಂ ನಶಿಬ್ ವಾಯ್ಟ್.  ಯೆಕಾ ಕುಶಿನ್ ಮ್ಹಜೊ ಪತಿ...ಆನಿಂ ದುಸ್ರೆ ಕುಶಿಂನ್ ಮ್ಹಜಿ ಧು. ಆನಿ ಹಾಂವ್ ಮ್ಹಜಿ ವಿಂಚೊವ್ಣ್ ಕರ್ಚಾಕ್ ಸಖಾನಾತ್ಲೆಲಿ ಅಸಹಾಯೆಕ್ ಸ್ತ್ರೀ! ” “ಮಾಮ್ಮಿ ಹಾಂವ್‌ಯೀ ತುಜಾ ತಸಲಿಚ್ಚ್  ಏಕ್ ಸ್ತ್ರೀ..ಎಕಾ ಕುಶಿನ್ ತುಮಿ ವಿಂಚ್ಲೊಲೊ ಕ್ಲೈವ್ ...ದುಸ್ರೆ ಕುಶಿನ್ ಹಾಂವೆ ವಿಂಚ್ಲೊಲೊ ರಿಶಭ್ !. ಪೂಣ್ ಮಾಮ್ಮಿ ಹಾಂವ್ ತುಜೆಪರಿಂ ಫಕತ್ತ್ ದುಖಾಂ ಗಳವ್ನ್ ಬಸನಾಂ. ಹಾಂವ್ ಮ್ಹಜಾ ವಿಂಚೊವ್ಣೆ ಹಕ್ಕಾಕ್ ಝಗಡ್ನ್ ಆಸಾಂ ”

Read More »

ಜರ್ ಹಾಂವ್ … ಸಾಂಗಿನ್ ತರ್ : 15

‘ಕ್ಲೋಡಿಯಾಚಾ ಪೊಲ್ಯಾಚೆರ್ ಆಪ್ಲೊ ಹಾತ್ ?!…ಛೆ…!!’ ಸಗ್ಳೊಚ್ಚ್ ಧೆಧೆಸ್ಪರ್ ಜಾಲ್ಲೊ ರಿಶಭ್ …ಏಕ್ ಘಡಿ ಕಂಗಾಲ್‌ಚ್ಚ್ ಜಾಲೊ! ಘಡ್ಯೆನ್ ತಾಚಿ ದೀಶ್ಟ್… ರೆಂವೆಧರ್ಣಿರ್ ಧಿಘ್ಭ್ರಾಂತ್ ಜಾವೊನ್ ನಿಸ್ತೇಜ್ಶೆಂ‌ಬಸೊನ್ ಆಸ್ಲೆಲ್ಯಾ… ಕ್ಲೋಡಿಯಾಚೆರ್ ಖಂಚೊನ್ ರಾವ್ಲಿ. ಚುರ್ಚುರ‍್ಯಾ ಭೊಗ್ಣಾಂನಿ ತೊ ತಸೊಚ್ಚ್ ಏಕ್ ಘಡಿ ಪಳೆತ್ತ್ ಆಸ್ತಾಂ…‘ಹೆಂ…ಕಶೆಂ ಘಡ್ಲೆಂ?!… ನಾಂ…ಮ್ಹಜಾ ಹಾತಾಂನಿಂ ಹೆಂ ಘಡುಂಕ್ ಅಸಾಧ್ಯ್‌ಚ್..ತರೀ ಘಡೊನ್ ಗೆಲೆಂ. ಮೈ ಲಾರ್ಡ್…!’ ಅಶೆಂ ತೊ ತ್ಯಾ ಧೆಧೆಸ್ಪರ್ ಭೊಗ್ಣಾಂನಿಂ ತ್ಯಾ ವಾಯ್ಟ್ ಘಡಿಯೆಕ್ …

Read More »
Kindly Share ....Please do not COPY !