ಸ್ಟೀವನ್ ಕ್ವಾಡ್ರಸ್, ಪೆರ್ಮುದೆ

retro
ಕೊಡ್ಯಾಳ್ ಶೆರಾಚ್ಯಾ ಅತ್ತಾರಾಂತ್ (ಮಿಲಾರ್) ಜಲ್ಮಾಲ್ಲೊ ಸ್ಟೀವನ್ ಕ್ವಾಡ್ರಸ್, ಪೆರ್ಮುದೆ ಚಡುಣೆ ಪಾಟ್ಲ್ಯಾ ತೀಸ್ ವರ್ಸಾಂ ಪಾಸುನ್ ಕೊಂಕ್ಣಿ, ಕನ್ನಡ, ಇಂಗ್ಲಿಷ್ ಭಾಸಾಂನಿ ಬರಯ್ತಾ. ಹೊಲಿ ಏಂಜಲ್ಸ್ ಇಸ್ಕೊಲ್ ಮಿಲಾರ್, ಸಾಂತ್ ಲುವಿಸ್ ಹೈಸ್ಕೂಲ್ ಆನಿ ಕೊಲೆಜ್ ಆನಿ ಮಂಗ್ಳುರ್ ವಿಶ್ವವಿದ್ಯಾಲಯಾಂತ್ ಶಿಕಪ್ ಸಂಪಯ್ತಚ್ 1992 ಇಸ್ವೆಂತ್ ಕರ್ನಾಟಕ್ ಸರ್ಕಾರಾಚ್ಯಾ ಕಾಲೇಜ್ ಶಿಕ್ಷಣ್ ಖಾತ್ಯಾಂತ್ ಉಪನ್ಯಾಸಕ್ ಜಾವ್ನ್ ಸೆವೆಕ್ ಭರ್ತಿ ಜಾವ್ನ್ ಪ್ರಸ್ತುತ್ ಸರ್ಕಾರಿ ಪ್ರಥಮ್ ದರ್ಜೆಚಿ ಸ್ತ್ರೀಯಾಂಚಿ ಕೊಲೆಜ್, ಪುತ್ತೂರ್ ಹಾಂಗಾಸರ್ ಅಸೊಸಿಯೆಟ್ ಫ್ರೊಫೆಸರ್ ತಶೆಂ ಇತಿಹಾಸ್ ಶಾಸ್ತಿರ್ ವಿಭಾಗ್ ಮುಕೆಲಿ ಜಾವ್ನ್ ವಾವ್ರ್ ಕರ್ನ್ ಆಸಾ. 1984 ವರ್‍ಸಾ ಥಾವ್ನ್ಂಚ್ ತಾಚೆಂ ಪ್ರಕಟಿತ್ ಕೊಂಕಣಿ ಸಾಹಿತ್ ಪಳೆಂವ್ಕ್ ಮೆಳ್ತಾ. ಸ್ಟೀವನ್ ಕ್ವಾಡ್ರಸಾಚಿಂ ಸಭಾರ್ ಲೆಕನಾಂ ಆನಿ ಕವನಾಂ ಚಡಾವತ್ ಕೊಂಕ್ಣಿ ಪತ್ರಾಂನಿ ತಶೆಂಚ್ ಅಂತರ್‌ಜಾಳಿಂನಿ ಪರ್ಗಟ್ಲ್ಯಾಂತ್. ಆಕಾಶವಾಣಿಂತ್ ಕೊಂಕ್ಣಿ ಸಾಹಿತಾ ವಿಶಿಂ ಕಾರ್ಯಿಂ ಸಾದರ್ ಕೆಲ್ಯಾಂತ್. ತಾಚೆಂ ಕನ್ನಡ ಆನಿ ಇಂಗ್ಲಿಶ್ ಸಾಹಿತ್ ವಿವಿಧ್ ಪತ್ರಾಂ ಆನಿ ಅಂತರ್‌ಜಾಳಿಂನಿ ಪರ್ಗಟ್ಲಾಂ. ಸ್ಟೀವನ್ ಕ್ವಾಡ್ರಸಾಚಿ ಇಂಗ್ಲಿಶ್ - ಕೊಂಕಣಿ ಸಬ್ದಾವಳ್ ಕಾನಡಿ ಲಿಪಿ ಕೊಂಕಣಿಂತ್ ತಸಲೆಂ ಪಯಿಲ್ಲೆಂ ಪ್ರೇತನ್. 1100 ಪಾನಾಂಚಿ 25,000 ಉತ್ರಾಂಚಿ ಸಬ್ದಾವಳ್ ಆನಿ ಉಪ್ರಾಂತ್ಲಿ 50,000 ಉತ್ರಾಂಚಿ ಇಂಗ್ಲಿಶ್ - ಕನ್ನಡ - ಕೊಂಕಣಿ ಸಬ್ದಾವಳ್ ವ್ಹಡ್ ಉಪ್ಕಾರಾಚೆ ಜಾಲ್ಯಾತ್. 'Welcome to Konkani' ಕೊಂಕಣಿ ಮಾಂಯ್‌ಭಾಸ್ ನ್ಹಂಯ್ ಜಾಲ್ಲ್ಯಾ ಲೊಕಾಕ್ ಕೊಂಕಣಿಚಿ ವಳಕ್ ದೀಂವ್ಕ್ ತಯಾರ್ ಕೆಲ್ಲೊ ಸಬ್ದಾಂ ಸಂಗ್ರಹ್. ಹ್ಯಾ ಪುಸ್ತಕಾಂತ್ ಪ್ರಪ್ರಥಮ್ ಜಾವ್ನ್ 'ಐ ಪಿ ಎ' ವಾಪಾರ್‍ಲಲ್ಯಾನ್ ಸಂಸ್ರಾ ವಯ್ಲ್ಯಾ ಖಂಚ್ಯಾಯ್ ಮನ್ಶಾನ್ ಹ್ಯಾ ಪುಸ್ತಕಾ ದ್ವಾರಿಂ ಕೊಂಕಣಿ ಸಬ್ದ್ ಶಿಕುಂಕ್ ಆನಿ ವಾಪಾರುಂಕ್ ಜಾತಾ. ಸ್ಟೀವನಾನ್ ಬರಯಿಲ್ಲೊ 'ಸಾಹಿತ್ಯ್ ಆನಿ ವಿಮರ್ಸೊ' ಕೊಂಕ್ಣೆಂತ್ ಭೋವ್ ಅಪ್ರೂಪ್ ಪ್ರೇತನ್. ಮಾವ್ರಿಸ್ ಡೆಸಾ ಸವೆಂ ಮೆಳುನ್ ಸಂಗ್ರಹ್ ಕೆಲ್ಲೊ 'ಆಮ್ಚಿ ಕೊಂಕ್ಣಿ ಸಂಸ್ಕೃತಿ' ಪುಸ್ತಕ್ ವಿಕ್ರ್ಯಾ ದಾಕ್ಲೊ ಕರುಂಕ್ ಸಕ್ಲಾ. 2010 ಇಸ್ವೆಂತ್ 12ವ್ಯಾ ಶೆಕ್ಡ್ಯಾಚೆಂ ಜನ್ನ ಕವಿಚೆಂ 'ಯಶೋಧರ ಚರಿತಾ' ಕಾವ್ಯೆಂ ತಾಣೆಂ ಭಾಶಾಂತರ್ ಕೆಲಾ. 12 -13 ವ್ಯಾ ಶೆಕ್ಡ್ಯಾಚ್ಯಾ ಶಯ್ವ್ ಶರಣಾಂಚೆಂ ವಚನ್ ಸಾಹಿತ್ 'ಸರ್‍ಣಾಯಿಲ್ಲ್ಯಾಂಚೆಂ ಉತ್ರಾಂ ಸಾಹಿತ್' ನಾಂವಾನ್ ಕೊಂಕಣಿಕ್ ಹಾಡ್ಲಾಂ. 'ರಂಗಣ್ಣಾಚೆ ಸಪ್ಣಾಂತುಲೆ ದೀಸ್' ತಾಚೊ ಆನ್ಯೇಕ್ ಭಾಶಾಂತರಿತ್ ಪುಸ್ತಕ್. '27 ಕವಿತಾ' ತಾಚ್ಯಾ ಕವಿತೆಂಚೊ ಸಂಗ್ರಹ್. ಸಾಹಿತ್ ವಿಮರ್‍ಶ್ಯಾಚೊ 'ವಾಚ್ತಾಂ ವಾಚ್ತಾಂ' ಆನಿ ಕಾವ್ಯಾಮೀಮಾಂಸಾಚೆಂ 'ಬಾನ್ನೆಂ' ಪುಸ್ತಕ್ ತಾಣೆಂ ಲಿಕ್ಲ್ಯಾತ್. ಶಾಳೆಂನಿ ಕೊಂಕ್ಣಿ ಹಾಡ್ಚ್ಯಾ ವಾವ್ರಾಂತ್ ಹಾಣೆ 1996 ಥಾವ್ನ್ಂಚ್ಚ್ ಪ್ರಮುಕ್ ವಾವ್ರ್ ದಿಲಾ. ಕೇಂದ್ರ್ ತಶೆಂಚ್ ರಾಜ್ ಸರ್ಕಾರಾಚ್ಯಾ ಕೊಂಕ್ಣಿ ಪಾಠ್ ಪುಸ್ತಕ್ ಮಂಡಳೆನಿ ಆನಿ ಹೆರ್ ನಿರ್ಣಯ್ ಘೆವ್ಪಾ ಸಮಿತಿಂನಿ ತಾಣೆ ಸೆವಾ ದಿಲ್ಯಾ. ವಿವಿಧ್ ವಿಶ್ವವಿದ್ಯಾಲಯಾಂನಿ ರಾಷ್ಟ್ರೀಯ್ ಸೆಮಿನಾರಾಂನಿ ತಾಣೆ ವಿವಿಧ್ ವಿಷಯಾಂಚೆರ್ ಪತ್ರಿಕಾ ಮಂಡನ್ ಕೆಲ್ಯಾತ್.

ನಿತ್ಯೋತ್ಸವಾಕ್ ನಿಸ್ರಾಲ್ಲೊ ನಿಸಾರ್ !

ಕೆ ಎಸ್ ನಿಸಾರ್ ಅಹ್ಮದಾಚ್ಯಾ ಕವಿತಾಂಕ್ ಆಯ್ಕುನ್ ತೊ ಫಕತ್ ಪುಗಾರ‍್ತಾ, ನವೋದಯಾಚ್ಯಾ ಶಯ್ಲೆಂತ್ ಭೋಪರಾಕ್ ಘಾಲ್ತಾ ಮ್ಹಣ್ ಚಿಂತುಂಕ್ ಪಡ್ಲ್ಯಾರ್ ವ್ಹಡ್ ಚುಕಿದಾರ್ ಜಾತಾತ್. ಕಿತ್ಯಾಕ್ ಮ್ಹಳ್ಯಾರ್ ಸಮಾಜೆಚ್ಯಾ- ವೆವಸ್ತ್ಯಾಚ್ಯಾ ಶಿರಾಂಕ್ ಜೊಕ್ತೊ ದಾಗ್ ದಿಂವ್ಚ್ಯಾಂತ್ ನಿಸಾರಾ ತಸಲೊ ಆನ್ಯೆಕ್ಲೊ ಆಪ್ರೂಪ್ ಕವಿ ನಾ. ನಿಸಾರ್ ಲೊಕಾಮೊಗಾಳ್ ಕವಿ ವ್ಹಯ್ ಪೂಣ್ ತ್ಯಾಚ್ ಸ್ಥರಾರ್ ತೊ ಲೊಕಾಂಪಕ್ಷೆಚೊ ಕವಿ. ಲೊಕಾಚ್ಯಾ ದುಕಾಕ್, ಲೊಕಾಂಚೆರ್ ಶೋಷಣ್ ಚಲಂವ್ಚ್ಯಾ ವೆವಸ್ತ್ಯಾಂಕ್ ಸಾರ್ಕೆಂ ಸಮ್ಜುನ್ ತಾಕಾ ಫಾವೊತೊ ವಿರೋಧ್ ಕಾವ್ಯಾತ್ಮಕ್ ರಿತಿನ್ ಪರ್ಗಟ್ ಕೆಲ್ಲೊ ಕವಿ. ಬೋವ್ಶಾ ಎಕಾಚ್ ಸಂದರ್ಭಿಂ ಲೊಕಾಮೊಗಾಳ್ ಜಾವ್ನಾಸಾನ್ ಲೊಕಾಂಪಕ್ಷೆಚೊ ಜಾಲ್ಲ್ಯಾ ಭೋವ್ ಉಣ್ಯಾ ಕವಿಂ ಪಯ್ಕಿ ನಿಸಾರ್ ಅಹ್ಮದ್ ಎಕ್ಲೊ. ದಾಕ್ಲ್ಯಾಕ್ ತಾಚಿ 'ಕುರಿಗಳು ಸಾರ್ ಕುರಿಗಳು' ಕವಿತಾ ಪಳಯ್ಲ್ಯಾರ್ ವೆವಸ್ತ್ಯಾಂತ್ ಆಮಿ ಖರ‍್ಯಾನ್ ಆಮ್ಚೆಂ ಸ್ವಂತ್‌ಪಣ್ ಹೊಗ್ಡಾವ್ನ್ ಹಿಂಡಾಂತ್ ಏಕ್ ಜಾಲ್ಯಾರ್ ಕಶೆಂ ಫೊಂಡಾಕ್ ಪಡ್ತಾಂವ್ ಮ್ಹಣ್ಚೆಂ ಸೊಭಿತ್ ಕರ್ನ್ ವರ್ಣಿಲ್ಲೆಂ ದಿಸ್ತಾ.

Read More »

ಸಕ್ಕಡ್ ಮಟ್ವೆಂ ಕರ‍್ಚಿ ಪಿಸಾಯ್ ಲಾಗ್‌ಲ್ಲ್ಯಾಂ ಮಧೆಂ…

ಆತಾಂ ಹೆಂ ಮಟ್ವೆಂ ಕರ‍್ಚೆಂ ಥೊಡ್ಯಾ ಸಂಗ್ತಿಂನಿ ಬರೆಂ ದಿಸ್ತಾ. ಆಲ್ಫೊನ್ಸ್ ಆಲ್ಪಿ ಜಾಲ್ಯಾರ್ ಸೊಭಿತ್ ದಿಸ್ತಾ. ಪೂಣ್ ಆಲ್ಪಿ ವಾಡ್ಲೊ ಮ್ಹಣುನ್, ಸಮಾಜೆಚ್ಯಾ ವಾಡಾವಳಿಕ್ ಪಾವ್ಲೊ ಮ್ಹಣುನ್ ತಾಕಾ ಆನಿ ತಾಚ್ಯಾ ನಾಂವಾಕ್ ಮಟ್ವೆಂ ಕರ‍್ಚ್ಯಾಕ್ ವಿಲ್ಫಿ ಉದ್ದಾಡ್ತಾ ಜಾಲ್ಯಾರ್ ಖಂಡಿತ್ ಹೆಂ ಸಮುದಾಯಾಕ್ ಆಪಾಯಾಚೆಂ. ಎಕಾಮೆಕಾಚೆ ಪಾಂಯ್ ವೊಡ್ಚಿ ಮನೋಗತ್ ಸದಾಂಚಿ ಜಾವ್ನಾಸ್ಚ್ಯಾ 'ಮಂಕ್ರಿ' ಸಮುದಾಯಾಂತ್ ಅಸಲೆಂ ಚಲುನ್ಂಚ್ ಆಸಾ. ಆಮ್ಚೆಮಧೆಂ ರಾಜಕೀಯ್ ಮುಕೆಲಿ ವಾಡುನಾಂತ್ ಮ್ಹಣ್ಚೆಂ ರಡ್ಣೆಂ ಕಾಂಯ್ ಸಭಾರ್ ಕಾಳಾಂತ್‌ಥಾವ್ನ್ ಚಾಲ್ತೆರ್ ಆಸಾಮೂಂ. ಖಂಚೆಂಯ್ ಭುರ‍್ಗೆಂ ರಡ್ಲೆಂ ತರ್ ಆವಯ್ ತಾಕಾ ದೂದ್ ದಿತಾ ಆನಿ ಭುರ‍್ಗ್ಯಾಚೆಂ ರಡ್ಣೆಂ ಥಾಂಬ್ತಾ. ಆಮ್ಚ್ಯಾ ಸಮುದಾಯಾಚೆಂ ರಡ್ಣೆಂ ಥಾಂಬ್‌ಲ್ಲೆಂಚ್ ನಾಂ. ಕಿತ್ಯಾಕ್ ಮ್ಹಳ್ಯಾರ್ ಆಮಿ ಎಕಾಮೆಕಾಕ್ ಆಧಾರ್ ಜಾಂವ್ಚೆಂ ಆಮ್ಚ್ಯಾ ಸಂಯ್ಭಾಂತ್‌ಚ್ ನಾಂ, ಮಟ್ವೆಂ ಕರ‍್ಚಿ ಸವಯ್ ಲಾಗುನ್ ಎಕಾಮೆಕಾಚ್ಯೊ ದೊಂಕ್ಳ್ಯೊ ಮೊಡ್ಚ್ಯಾಂತ್ ಸಕ್ರಿಯ್ ಆಸಾಂವ್.

Read More »

ನತಲಾಂಚ್ಯೊ ಯಾದಿ

ಘರಾಂತ್ ಕಾಮಾಂಚ್ ಕಾಮಾಂ. ಆಮ್ಚೆಂ ಆತ್ತಾರ‍್ಚೆಂ ಘರ್ ಫಕತ್ ಚಾರ್ ಲ್ಹಾಲ್ಹಾನ್ ಕುಡಾಂಚೆಂ ತರಿ ತವಳ್ 14 -15 ಜಣಾಂಕ್ ವಸ್ತೆಕ್ ಆವ್ಕಾಸ್ ದಿಂವ್ಚೆಂ ಮೊಗಾಚೆಂ ಬಿಡಾರ್. ಮಾಳೊ, ಆಂಗಣ್, ಪಾಕೆಂ ಸಕ್ಕಡ್ ನಿತಳ್ ಜಾಂವ್ಕ್ ಆಸಾ. ಪೇಂಯ್ಟ್ ಕಾಡ್ಚೆಂ, ಎರೆಲ್ಲೆ ಥಂಯ್ ಪತ್ತೆ ಘಾಲ್ಚೆಂ ಹೆಂ ಸಕ್ಕಡ್ ವ್ಹಡಾಂಚೆಂ ಕಾಮ್ ಆನಿ ತಾಕಾ ಜಾಯ್ ತಿ ತಯಾರಾಯ್ ಆಮ್ಚೆಂ ಲ್ಹಾನಾಂಚೆಂ ಕಾಮ್ ಆನಿ ಹಾಂವ್ ಘರಾ ನಿಮಾಣೆ ಜಾಲ್ಲ್ಯಾನ್ ಸರ್ವ್ ವ್ಹಡಾಂಸವೆಂ ವಚುನ್ ತಾಂಚಿ ಚಮ್ಚಾಗಿರಿ ಕರ‍್ಚೆಂ ಮ್ಹಜೆಂ ಕಾಮ್ ಮಾತ್ರ್ ನ್ಹಂಯ್ ಮ್ಹಜೆಂ ಹಕ್ಕ್ ಆನಿ ಕಾಯ್ದೊ ಸಯ್ತ್ (ಹೊ ಕಾಯ್ದೊ ನಿತಿಚೊ ಆನಿ ಮ್ಹಜ್ಯಾ ಫಾಯ್ದ್ಯಾಚೊ). ನತ್ಲಾಂರೂಕ್ ಕರುಂಕ್ ಖಂಯ್ ಪಯ್ಸ್‌ಥಾವ್ನ್ ಚಾಬ್ಕಾಚೆ ಫಾಂಟೆ ಹಾಡ್ಚಿ ವ್ಹಡ್ ಸೆರೆಮನಿ, ಹಾಂವ್ ಆನಿ ಮ್ಹಜ್ಯಾನ್ ವ್ಹಡ್ ರೊನಿ ಎಕೇಕ್ ಫಾಂಟೊ ಹಾಡ್ತಾಲ್ಯಾಂವ್.

Read More »

ಕೊಂಕ್ಣಿ – ಕೊಂಕ್ಣಿ – ಇಂಗ್ಲಿಶ್ – ಕನ್ನಡ ಡಿಕ್ಷನರಿಚೆಂ ಸೊಪಣ್ ವೆಗ್ಗಿಂಚ್ ಖರೆಂ ಜಾತಾ

ಕೊಂಕ್ಣಿ ಮಾಂಯ್‌ಭಾಶಿಕ್ ಲೊಕಾಚೆಂ ಲಾಂಬ್ ಕಾಳಾಚೆಂ ಸೊಪಣ್ ವೆಗ್ಗಿಂಚ್ ಖರೆಂ ಜಾತಾ. ಹ್ಯಾಚ್ ದಶೆಂಬ್ರಾಚ್ಯಾ ಮದ್ಗಾತ್ ಪಥದರ‍್ಶಿನಿ ಸೇವಾ ಟ್ರಸ್ಟಾನ್ ಪರ‍್ಗಟ್ಚೊ ಪ್ರ. ಸ್ಟೀವನ್ ಕ್ವಾಡ್ರಸ್ ಪೆರ‍್ಮುದೆ ಆನಿ ಮಾ| ಬಾ| ಬಾಜಿಲ್ ವಾಸಾನ್ ಸಂಪಾದಿತ್ ಕೆಲ್ಲೊ ಕೊಂಕ್ಣಿ – ಕೊಂಕ್ಣಿ – ಇಂಗ್ಲಿಶ್ – ಕನ್ನಡ ಅರ‍್ತ್‌ಕೋಶ್ ಲೋಕಾರ‍್ಪಣ್ ಜಾತಲೊ. ಹ್ಯಾ ಅರ‍್ತ್‌ಕೊಶಾಚ್ಯೊ ಥೊಡ್ಯೊಚ್ ಪ್ರತಿಯೊ ಛಾಪ್ತಾತ್ ಜಾಲ್ಲ್ಯಾನ್ ಕೊಣಾಕ್ ಪ್ರತಿಯೊ ಜಾಯ್ ತಾಣಿಂ sqodr39@gmail.com (9480761017) ಚೆರ್ …

Read More »

ಹ್ಯಾ ಭಾಗಿ ರಾತಿಂ ಉಡಾಸಾಂತ್ ತಿಂ ಚವ್ಗಾಂ

ಹೆಂ ಲೇಖನ್ ಬರಯ್ತಾಂ ವೇಳ್ ರಾತಿಚ್ಯಾ 11.30 ಚೊ. ಸರ್ವ್ ಸಾಂತ್‌ಭಕ್ತಾಂಚ್ಯಾ ದಿಸಾಥಾವ್ನ್ ಸರ್‌ಲ್ಲ್ಯಾ ಸರ್ವ್ ಭಾವಾಡ್ತ್ಯಾಂಚ್ಯಾ ದಿಸಾಕ್ ವೇಳ್ ಪರ‍್ತುನ್ ಆಸಾ. ಖಂಯ್ ಆಸಾತ್ ಸಾಂತ್‌ಭಕ್ತ್ ? ಕ್ರಿಸ್ತಾಕ್ ದೆಕಿವಂತ್ ಆನಿ ಧಯ್ರಾವಂತ್ ಜಾಂವ್ಚೆಚ್ ಸಾಂತ್‌ಭಕ್ತ್. ಅಸಲ್ಯಾ ಮಾಪಾನ್ ಹ್ಯಾ ಚವ್ಗಾಂಥಂಯ್ ಹಾಂವೆಂ ತರಿ ಖರ‍್ಯಾ ಸಾಂತ್‌ಭಕ್ತಾಂಕ್ ಸುವಾರ‍್ತಾ ಪರ‍್ಗಟ್ಣಾರಾಂಕ್ ಪಳೆಲಾಂ. ಆಪ್ಲ್ಯಾ ಸಂಸರ‍್ಗಾಕ್ ಆಯಿಲ್ಲ್ಯಾಂಕ್ ಜೆಜುಕ್ ತಾಣಿ ಖರ‍್ಯಾನ್ ದಿಲಾಂ. ಸುವಾರ‍್ತಾ ಪರ‍್ಗಟ್ಚೆಂ ಬಾಯಿಬಲಾಚಿ ಪ್ರತಿ ಹಾತಾಂತ್ ಘೆವ್ನ್‌ಗಿ ಜೀಣ್ ಸಗ್ಳಿ, ಆಂಗ್‌ಪಾಂಗ್ ಸಗ್ಳೆಂ ಬಾಯಿಬಲಾಚ್ಯಾ ಸುರುಪಾಯೆಚೆಂ ಕರ್ನ್‌ಗೀ? ಜರ್ ದುಸ್ರಿ ಜಾಪ್ ಸಾರ‍್ಕಿ ಜಾಲಿ ಹ್ಯಾ ಚವ್ಗಾಂಕ್ ಖರೆ ಸುವಾರ‍್ತೆಗಾರ್ ಮ್ಹಣ್ಚ್ಯಾಂತ್ ಮ್ಹಾಕಾ ತರಿ ಕಾಂಯ್ ದಾಕ್ಷೆಣ್ ನಾ. ಆಲ್ಮಾಂಕ್ ಸರ್ಗ್ ಆಂವ್ಡೆವ್ನ್ ಫಾಲ್ಯಾಂ ಶಿಮೆಸ್ತ್ರೆಕ್ ವೆತಾಂವ್. ಪೂಣ್ ಹ್ಯಾ ಚವ್ಗಾಂನಿ ಹ್ಯಾ ಸಂಸಾರಾಂತ್ ಹೆರಾಂಕ್ ಸರ‍್ಗಾಚಿ ಗ್ರೇಸ್ತ್‌ಕಾಯ್ ದಿತಾಂದಿತಾಂ ಆಪ್ಣಾಕ್ ಖರೊ ಸರ್ಗ್ ಹಾಂಗಾಚ್ ತಯಾರ್ ಕೆಲಾ. ತಾಂಚ್ಯಾ ಮೊರ‍್ಣಾಕಾಳಾರ್‌ಯಿ ತಾಂಕಾಂ ಆಸ್‌ಲ್ಲೆಂ ಸಮಾಧಾನ್ಂಚ್ ಹಾಕಾ ಸಾಕ್ಸ್.

Read More »

ಏಕ್ ಬರೊ ಇಷ್ಟ್ ಸಾಂಡುನ್ ಗೆಲೊ…

ಗೋಪಾಲ್ ಗವ್ಡಾಚ್ಯಾ ಅಧ್ಯಯನಾಂತ್ ಹಾಂವೆಂ ದೆಕ್‌ಲ್ಲಿ ಎಕ್ ವಿಶೇಸ್ ತಾಂಕ್ ಮ್ಹಳ್ಯಾರ್ ಖಾಲ್ತೆಪಣಿಂ ಆನಿ ಗುಂಡಾಯೆನ್ ಸಮ್ಜುನ್ ಘೆಂವ್ಕ್ ತಾಣೆಂ ಕರ‍್ಚೆಂ ಪ್ರೇತನ್. ತ್ಯಾ ಘೊಡ್ಯಾಕ್ ತಿ ಗಾಡಿ ಮ್ಹಣ್ಚೆಪರಿಂ ತಾಚ್ಯಾ ತ್ಯಾ ತಪಸ್ವಿ ಸಂಯ್ಭಾಕ್ ಸರಿ ಜಾವ್ನ್ ತಾಕಾ ಮೆಳ್‌ಲ್ಲೊ ಜಾಗೊ ಸಾಂತ್ ಲುವಿಸ್ ಕೊಲೆಜಿಚೊ ಕೊಂಕ್ಣಿ ಸಂಸ್ಥೊ. ಮೊನ್ಸಿಯೊರ್ ಆಂಜೆಲೊ ಮಾಫಾಯ್‌ಚ್ಯಾ ಅತ್ಮ್ಯಾಕ್ ವ್ಹಡ್ ಸಂತೊಸ್ ಜಾಲಾ ಮ್ಹಣ್ ತರ್ ತಾಕಾ ಏಕ್ ವ್ಹಡ್ ಕಾರಣ್ ತಾಚ್ಯಾ ನಾಂವಾರ್ ಸ್ಥಾಪಿಲ್ಲ್ಯಾ ಕೊಂಕ್ಣಿ ಸಂಸ್ಥ್ಯಾಂತ್ ಎಮ್ ಗೋಪಾಲ್ ಗವ್ಡಾ ತಸಲೊ ಏಕ್ ಖರೊ ಅಧ್ಯಯನಿ ಸ್ಫಿರಿತಾಚೊ ವೆಕ್ತಿ ವಾವುರ‍್ಲಾ ಮ್ಹಣ್ಚೆಂ ಮ್ಹಣ್ ಹಾಂವ್ ತರಿ ಖರ‍್ಯಾನ್ ಪಾತ್ಯೆತಾಂ. ನಿತಳ್ ಧವಿ ಪಂಜ್ಜಿ ನ್ಹೆಸುನ್ ಚಡ್‌ಶೆಂ ಕಾಸಾಟ್ (ಲಾಯ್ಟ್ ಕಲರ್) ರಂಗಾಚಿಂ ಶರ‍್ಟಾಂ ಘಾಲ್ನ್ ಏಕ್ ಸಾಧೆಂ ವೋಕ್ಲ್ ಘಾಲ್ನ್ ಹಾಸ್ತ್ಯಾ ಮುಕಾಮಳಾಂತ್ ಸೊಭ್ಚೊ ಗೋಪಾಲ್ ಗವ್ಡಾ ತ್ಯಾ ರೆಡ್ ಬಿಲ್ಡಿಂಗಾಂತ್ ಪುಸ್ತಕಾಂ ಭರ್‌ಲ್ಲ್ಯಾ ಅಲ್ಮಾರಿಂ ಮಧೆಂ ರಾಜ್ ಕರ‍್ತಾಲೊ. ನಿರ‍್ದೇಶಕ್ ಕೋಣ್ಂಯಿ ಜಾಂವ್ ತೊ ಹಾಸ್ತ್ಯಾ ಮುಕಾಮಳಾನ್ ವಾವುರ‍್ಲಾ.

Read More »

ಆಮಿ ಆಟಿ ಸೊಣಾಚೆ ಜಣ್

ಆದಿಂ ಪಾವ್ಸ್ ಎಕ್ಪಾವ್ಟ್ ಧರ‍್ಲೊ ತರ್ ನೊಯೆಚ್ಯಾ ಕಾಳಾರ್ ಧರ್‌ಲ್ಲೆಪರಿಂ ಮೊಳ್ಬಾರ್ ಸುರ್‌ಯಾಚ್ಯಾ ಕಿರ‍್ಣಾಚಿ ಸಾವ್ ಸಯ್ತ್ ನಾಸ್ತಾನಾಂ ಪಾವ್ಸ್ ಧರ‍್ತಾಲೊ. ಹಾಕಾ ಶಿರಾಂಧಾರಿಂಚೊ ಪಾವ್ಸ್ ಮ್ಹಣ್ತಾಲೆ. ಮೊಳ್ಬಾಕ್ ಬುರಾಕ್ ಜಾವ್ನ್ ವೊತ್ತಾ ಮ್ಹಳ್ಳ್ಯಾಪರಿಂ ಪಾವ್ಸ್ ಪಡ್ತಾನಾಂ 'ರಾಂದ್ಣಿಂತ್ ಘಾಲುಂಕ್ ಭಿಕಾಣ್ ಆಸ್ಲ್ಯಾರ್ ಘರ‍್ಚೆಂ ಮೆಟ್ ದೆಂವ್ಚೊಂ ನಾ' ಮ್ಹಣ್ಚಿ ಪರಿಗತ್ ಉದೆತಾಲಿ. ಪಾಗ್ಗುಂ ಬಾಂದುನ್ ದವರ‍್ಲಲೆಂ ಬೆಶ್ಯಾ ಕಾರ‍್ತಿಂಗೊಳಾಂತ್‌ಚ್ ಖಾಲಿ ಜಾತಾಲೆಂ. ಮಾಗಿರ್ ಆಟಿಂತ್ ಕಿತೆಂ ಉರ‍್ಲೆಂ. ತವಳ್ ಸುರ‍್ವಾತ್ತಾಲೆ ಆಮ್ಚ್ಯಾ ಲೊಕಾಚೆ ಭುಕೆ-ಉಪ್ವಾಸಾಂಚ್ಯಾ ವಳ್ವಳ್ಯಾಂಚೆ ದೀಸ್. ತರಿ ದೇವ್ ಆಪ್ಲ್ಯಾ ಭುರ‍್ಗ್ಯಾಂಕ್ ಉಪ್ವಾಸ್ ಪಡುಂಕ್ ಸಾಧಾರ‍್ಣಾಕ್ ಸೊಡಿನಾತ್ಲಲೊ. ತೆಣೆಂ ತೆರೆಂ, ಹೆಣೆಂ ಆಳುಂ, ರುಕಾ’ಳುಂ ಕಿರ‍್ಲಾತಾಲೆಂ, ತಾಯ್ಕುಳೊ ವಾಡುನ್ ಯೆತಾಲೊ. ಲೆಂಕ್ರಿ ವಾಶ್ಯಾ ಮುಳಾಂನಿ ಕೀರ್ಲ್ ಮುಂಗ್ಗೆತಾಲೊ, ಘಡ್ಗಡ್ಯಾಕ್ ಭುಂಯ್ಪುಟಾಂ- ಕಳ್ಳಾಲಾಂಬ್- ಆಳ್ಮಿಂ ಉದೆತಾಲಿಂ, ಮುಸ್ಕಾರುಕಾಕ್ ನವೊ ಪಾಲೊ ಆಂಕ್ರೆತಾಲೊ. ವ್ಹಾಳ್ಯಾಂನಿ ನಮುನ್ಯಾವಾರ್ ಮಾಸ್ಳ್ಯೊ, ಉಬ್ರಾಗಾದ್ಯಾಂನಿ ಕೊಂಗ್ಗೆ-ಗುಲಿಯೊ ರಾಸ್ ಪಡ್ತಾಲ್ಯೊ, ಕಾಂಯ್ ಥೊಡ್ಯಾ ರುಕಾಂನಿ ಪೊಣೊಸ್ ಉರ‍್ತಾಲೆ. ತಾಂತುಂಚ್ ಲೊಕಾನ್ ಆಪ್ಲಿ ಭುಕ್ ತಿರ‍್ಸುಂಚಿ ಅನಿವಾರ‍್ಯತಾ ಆಸಾ ಜಾತಾಲಿ ತ್ಯಾ ಆಟಿಂತ್. ಆಪ್ಲ್ಯಾ ಘರಾ ಆಸ್‌ಲ್ಲೊ ತಾಂದುಳ್ ಮುಗ್ದಾಲ್ಯಾ ಉಪ್ರಾಂತ್ ತೆವ್ಶಿಲ್ಯಾ ಘರಾಥಾವ್ನ್ ಮಾಗುನ್ ಹಾಡ್‌ಲ್ಲ್ಯಾ ಶೆರ್ ದೇಡ್ ಶೆರ್ ತಾಂದ್ಳಾಂತ್ ಪತ್ರಾಡೆ ಜಾತಾಲೆ, ಪಾತೊಳ್ಯೊ ಜಾತಾಲ್ಯೊ. ಪತ್ರಾಡೆ ಪಾತಳ್ಯೊ ರುಚಿಕ್ ಮ್ಹಣುನ್ ನ್ಹಂಯ್ ಬಗಾರ್ ಉಣ್ಯಾ ಖರ‍್ಚಾಂತ್ ಆಪ್ಲ್ಯಾ ಭುರ‍್ಗ್ಯಾಂಚೆಂ ಪೊಟ್ ಭರುಂಕ್ ಜಾತಾ ನ್ಹಂಯ್‌ಗಿ ಮ್ಹಣುನ್.

Read More »

ಲಾವ್ದಾತೊ ಸೀ ಆನಿ ಆಮಿ

ವೆಗ್ಗಿಂಚ್ ಎದೆನಾಚಿ ಹಿ ಸುಂದರ್ ಬಾಗ್ ಮನ್ಶಾಸ್ವಾರ‍್ತಾನ್ ’ಇಂಫೆರ‍್ನಾಚೆಂ ದಾರ್’ ಜಾಂವ್ಚ್ಯಾರ್ ಆಸಾ ಮ್ಹಣ್ಚಿ ಜಾಣ್ವಿ ಪವಿತ್ರ್‌ಸಭೆಕ್ ಗೊಮ್ಲ್ಯಾ ಆನಿ ಹಾಕಾ ಜೊಕ್ತಿ ಪ್ರತಿಕ್ರಿಯಾ ಆನಿ ಪ್ರತಿಜಾಪ್ ಜಾವ್ನ್ ’ಲಾವ್ದಾತೊ ಸೀ’ ಪರ‍್ಗಟ್ ಜಾಲಾಂ. ’ಆಮಾಂ ಸರ‍್ವಾಂಕ್ ಆಸ್ಚಿ ಎಕ್‌ಚ್ ಭುಂಯ್ ಆನಿ ಹೆಂ ಆಮಾಸರ‍್ವಾಂಚೆಂ ಎಕ್‌ಚ್ ಆನಿ ಎಕ್ವಟಿತ್ ಬಿಡಾರ್’ ಹ್ಯಾ ಪವಿತ್ರ್ ಸಂಸಾರಾಕ್ ಶಾಭಿತ್ ಸಾಂಬಾಳ್ಚ್ಯಾಕ್ ಸಂಗಿಂ ಮೆಟಾಂ ಕಾಡುಂಕ್ ಹ್ಯಾ ವಿಶ್ವಪತ್ರಾಂತ್ ಬಾಗೆವಂತ್ ಬಾಪ್ ಆಮ್ಕಾಂ ಉಲೊ ದಿತಾ. ಪಾಪಾಚ್ಯಾ ’ಆಮಿ’ ಮ್ಹಣ್ಚ್ಯಾ ಚಿಂತ್ಪಾಂತ್ ’ಕಥೊಲಿಕ್, ಕ್ರಿಸ್ತಾಂವ್, ಮುಸಲ್ಮಾನ್, ಹಿಂದು, ಪಾರ‍್ಸಿ ದಾದ್ಲೆ, ಸ್ತ್ರೀಯೊ, ಟ್ರಾನ್ಸ್‌ಜೆಂಡರ್, ಭುರ‍್ಗಿಂ ರಾಜಕಾರಣಿ, ಯಾಜಕ್, ಶಿಕ್ಷಕ್, ಅಶಿಕ್ಪಿ, ಬಾವಾಡ್ತಿ, ಅನ್ಭಾವಾಡ್ತಿ, ದೆವಾಕ್ ಪಾತ್ಯೆಂವ್ಚೆ, ದೇವ್ ನಾಂ ಮ್ಹಣ್ಚೆ ತೆ ಹೆ ಸಕ್ಕಡ್ ಯೆತಾತ್, ಮಾತ್ರ್ ನ್ಹಂಯ್ ಗಾಡ್ವಾಂ, ಮಾಂಕೊಡ್, ಉಂದಿರ್, ಮಾಡ್, ತಣಾಂ, ಕಾಟ್ ಝಾಡಾಂ, ತಳಿಂ, ಬಾಂಯೊ ಸಕ್ಕಡ್ ಮೆಳ್ತಾತ್. ಸರ‍್ವ್ ಸಕ್ಡಾಂಚ್ಯಾ ಎಕ್ವಟಾಂತ್ ಪ್ರಕೃತೆಚೆಂ ಸಂರಕ್ಷಣ್ ಆನಿ ಸುರಕ್ಷಿತ್ ಪ್ರಕೃತೆಚ್ಯಾ ಎಕ್ವಟಾಂತ್ ಧನ್ಯಾದೆವಾಚಿ ಸ್ತುತಿ’ ಮ್ಹಣ್ತಾ ಪಾಪಾ ಫ್ರಾನ್ಸಿಸ್.

Read More »

ಕರಾವಳಿ ಕರ್ನಾಟಕಾಂತ್ಲ್ಯಾ ಕಥೊಲಿಕ್ ಪವಿತ್ರ್‌ಸಭೆಂತ್ ಲಾಯಿಕ್ ಭಾವಾಡ್ತ್ಯಾಂಚೆಂ ಮೆತೆರ್ಪಣ್

ಜೆರಾಲ್ ಥರಾನ್ ಕರಾವಳಿಚ್ಯಾ ಆಮಾಂ ಲಾಯಿಕಾಂ ಮಧೆಂ ಥೊಡೆ ವರ್ಗ್ ಅಶೆಂ ಕರ್‍ಯೆತ್ ಕೊಣ್ಣಾ, ನವ್ಯಾನ್ ಆಯಿಲ್ಲ್ಯಾ ವಿಗಾರಾಚಿ ವಾಟ್ ಚುಕೊವ್ನ್ ಮುಟಿಂತ್ ದವರ್‍ಚೆ, ಪರ್‍ಮನೆಂಟ್ಲಿ ವಿಗಾರಾಚೆ ಟಿಕಾಕಾರ್ ಜಾವ್ನಾಸ್ಚೆ, ಹೆರಾಂ ಮುಕಾರ್ ಆಪುಣ್ ವಿಗಾರಾಚೊ ಟಿಕಾಕಾರ್ ಮ್ಹಣ್ ಹರ್‍ದೆಂ ಪೆಟುನ್ ಪಾಟ್ಲ್ಯಾಪಾಟ್ಲ್ಯಾ ವಿಗಾರಾಂಕ್ ಮಾಸಾಂ, ಮಾಸ್ಳ್ಯೊ ಆನಿ ಕಿತೆಂ ಸಪ್ಲಾಯ್ ಕರ್‍ಚೆ ಆನಿ ಅಶೆಂ ಕರ್‍ತಾಂ ಕರ್‍ತಾಂ ಪೆಲ್ಯಾಂವಿಶಿಂ ವಿಗಾರಾಕ್ ಕೆಬಿಪಿತ್ತಾಲೆ ಕರ್‍ಚೆ, ಸಾರ್‍ಕೆಂ ವಿಮರ್‍ಸೊ ಕರುಂಕ್ ಜಾಯ್ನಾಶೆಂ 'ಹೌದು ಬಸವ ಹೌದು ಅಲ್ಲ ಬಸವ ಅಲ್ಲ' ಕರ್‍ಚೆ, ಆಯ್ತಾರಾ ವೆಳಾರ್ ವ್ಹಡ್ ವ್ಹಡ್ ಕಾರಾಂನಿ ಯೇವ್ನ್ ಮೀಸ್ ಜಾಲ್ಲೆಂಚ್ ವಿಗಾರಾಕ್ ಇಂಗ್ಲಿಶ್ ವಿಶ್ ಕರ್ನ್ ಘರಾ ಚಲ್ಚೆ, ಆವಯ್ ಬಾಪಯ್ ಕೊಂಕ್ಣಿಂಚ್ ತರಿ, ಆಪ್ಣಾಕ್ ಸಾರ್‍ಕೆಂ ಇಂಗ್ಲಿಶ್ ಭಾಜುನ್ ಖಾಂವ್ಕ್ ಯೇನಾತ್ಲ್ಯಾರಿ ಫಿರ್‍ಗಜೆ ಭಾಯ್ಲ್ಯಾ ಪೂನ್‌ಶೆತಾಂ ಕೊಪೆಲಾಂನಿ ಇಂಗ್ಲಿಶ್ ಮಿಸಾಕ್ ವೆಚೆ. ಫಿರ್‍ಗಜೆಚ್ಯಾ ಹರ್‍ಯೆಕಾ ಸಂಘ್‌ಸಂಸ್ಥ್ಯಾಚೊ ಅಧ್ಯಕ್ಷ್ ಆಪ್ಣೆಂಚ್ ಜಾಯ್ಜೆ ಮ್ಹಣ್ ವದ್ದಾಡ್ಚೆ ಆನಿ ತೆಂಚ್ ಲಾಯಿಕ್ ಮುಕೇಲ್ಪಣ್ ಮ್ಹಣ್ ದೃಢ್ ಪಾತ್ಯೆವ್ನ್ ಆಸ್ಚೆ, ಆಪುಣ್ ಮಾತ್ರ್ ಖರೆ ಮುಕೆಲಿ ಹೆರ್ ಕೊಣ್ಂಚ್ ತ್ಯಾ ಹುದ್ದ್ಯಾಕ್ ಫಾವೊ ನ್ಹಂಯ್ ಮ್ಹಣ್ ಚಿಂತುನ್ ಪಿಕ್ಚೆ.

Read More »
Don\'t COPY....Please Share !