EDITORIAL

ತುಮ್ಚ್ಯಾ ಲೈಬ್ರೆರಿಂತ್, ಕೊಂಕ್ಣಿ ಕಾವ್ಯವಿಮರ್ಶೆಚೊ ಮ್ಹಜೋಯ್ ಏಕ್ ಬೂಕ್ ಆಸುಂ ಮ್ಹಳ್ಳ್ಯಾ ಆಶೆನ್

ಭಾರತೀಯ್ ಆನಿ ಪಾಶ್ಚ್ಯಾತ್ಯ್ ವಿಮರ್ಶೆಚ್ಯಾ ಚಡಾವತ್ ಇಸ್ಕೊಲಾಂಚೊ ಎಕೊಡೊ ಅಭ್ಯಾಸ್ ಕೆಲ್ಯಾ ಉಪ್ರಾಂತ್ ಮ್ಹಾಕಾ ಪ್ರಾಮಾಣಿಕ್ಪಣಿಂ ಭೊಗುಂಕ್ ಲಾಗ್ಲಾಂ - ಚಡ್‌ಶಿಂ ಆಯಾತ್ ಸಮಿಕ್ಷೆಚಿಂ ಶಾಸ್ತಿರಾಂ ಕೊಂಕ್ಣಿ ಸಾಹಿತ್ಯಾಕ್ ಲಾಗಿಂ ಯೇನಾಂತ್. ದೆಕುನ್ ಕೊಂಕ್ಣಿ ಸಾಹಿತ್ಯಾಕ್ ಏಕ್ ಥಳೀಯ್ ಸಮೀಕ್ಷಾ ಶಾಸ್ತ್ರ್ ಘಡುನ್ ಹಾಡ್ಚಿ ಖೂಬ್ ಗರಜ್ ಆಸಾ. ಹೆಂ ಕಾಮ್ ಮ್ಹಜ್ಯಾನ್ ಎಕ್ಲ್ಯಾನ್ ಜಾಂವ್ಚೆಂ ನಯ್, ಥೊಡ್ಯಾ ಮಾಪಾನ್ ತರೀ ಆಸ್ಚ್ಯಾ ಸಮೀಕ್ಷಕಾಂನಿ ಆನಿ ಮಾಲ್ಘಡ್ಯಾ ಸಾಹಿತ್ಯ್‌ಕಾರಾಂನಿ ಸಾಂಗಾತಾ ಮೆಳುನ್ ತೆಂ ಕಾಮ್ ಕೆಲ್ಯಾರ್ ಕೊಂಕ್ಣಿ ಸಾಹಿತ್ಯಾಕ್ ಬರೆಂ ಜಾತಲೆಂ ಮ್ಹಣ್ ಮ್ಹಜೊ ವಿಶ್ವಾಸ್. 'ಕೊಂಕಣಿ ಕಾವ್ಯೆಂ : ರುಪಾಂ ಆನಿ ರೂಪಕಾಂ' ಹ್ಯಾ ಮ್ಹಜ್ಯಾ ನವ್ಯಾ ಬುಕಾಂತ್ ಮ್ಹಜ್ಯಾ ತಾಂಕಿಭಿತರ್ಲೆಂ ಏಕ್ ಪ್ರೇತನ್ ಹಾಂವೆ ಕೆಲಾಂ. ಫೆಬ್ರೆರ್ 20 ತರಿಕೆರ್ ಮಂಗ್ಳುರ್ಚ್ಯಾ ವಿಶ್ವ ಕೊಂಕ್ಣಿ ಕೇಂದ್ರಾಂತ್ ಚಲ್ಚ್ಯಾ ಕವಿತಾ ಫೆಸ್ತಾಂತ್ ಹೊ ಬೂಕ್ ಲೊಕಾರ್ಪಣ್ ಜಾತಾ. ಹ್ಯಾ ಬುಕಾಚೆಂ ಮೋಲ್ ರು. 200/- ಆಸುನ್, ಬುಕಾಚೆ ಲೆಕಾಚೆ ಪ್ರತಿಯೊ ಛಾಪ್ಲ್ಯಾತ್ ಜಾಲ್ಲ್ಯಾನ್ ಆತಾಂಚ್ ಬೂಕ್  Pre - order ಕರುನ್ ತುಮ್ಚಿ ಪ್ರತಿ ಅಮಾನತ್ ಕರುಂಕ್ ಖಾಲ್ತಿ ವಿನಂತಿ ಆಸಾ.

Read More »

ಧಾ ವರ್ಸಾಂಚಿ ದಾದೊಸ್ಕಾಯ್ ಆನಿ ತುಮ್ಚೊ ಅನ್‌ಲಿಮಿಟೆಡ್ ಮೋಗ್

ಸಿದ್ದಾಂತಾಂತ್ ಸೊಡ್‌ದೊಡ್ ಕರಿನಾಸ್ತಾನಾ, ನಿರ್ಧಾರಾಂತ್ ಅಟಲ್ ರಾವೊನ್, ಧಾರ್ಮಿಕಾಂಚ್ಯಾ ದಬಾವಾಕ್ ವಾ ದಾನಿಂಚ್ಯಾ ಪ್ರಭಾವಾಕ್ ಪಡಾನಾಸ್ತಾನಾ, ದಾಕ್ಶೆಣೆವೀಣ್ ಆನಿ ಧಯ್ರಾನ್ ಆಪ್ಲೆ ವಿಚಾರ್ ಮಾಂಡುನ್, ಸೀಮಿತ್ ಸಂಪನ್ಮೂಳಾಂನಿ, ಕೊಂಕ್ಣಿ ಪತ್ರಿಕೋದ್ಯಮಾಂತ್ ನಿರಂತರ್ ಪ್ರಸಾರಾಚಿಂ ಧಾ ವರ್ಸಾಂ ಸಂಪಂವ್ಚಿಂ ಮ್ಹಳ್ಯಾರ್  ಏಕ್ ಸಾಹಸ್‌ಚ್ ಸಯ್.  ಪಾಟ್ಲ್ಯಾ ಧಾ ವರ್ಸಾಂನಿ ಕಿಟಾಳಾಕ್ ಶರ‍್ತಾಂವೀಣ್ ಪಾಟಿಂಬೊ ಆನಿ ಅನ್‌ಲಿಮಿಟೆಡ್ ಮೋಗ್ ದಿಲ್ಲ್ಯಾ ತುಮ್ಕಾಂ ಸರ್ವಾಂಕ್, ಆಮ್ಚ್ಯಾ ಮೊಗಾಚ್ಯಾ ವಾಚ್ಪ್ಯಾಂಕ್ ತಶೆಂ ಬರಯ್ಣಾರಾಂಕ್, ಇಸ್ತಿಹಾರಾಂ ದೀವ್ನ್, ಪೋಶಕ್ ಜಾವ್ನ್ ಕಿಟಾಳ್ ವಾಡಯಿಲ್ಲ್ಯಾ ಹಿತಯ್ಶಿಂಕ್, ಸಂಘ್ - ಸಂಸ್ಥ್ಯಾಂಕ್, ಮನಾಃಪಾಸುನ್ ದೇವ್ ಬರೆಂ ಕರುಂ ಮ್ಹಣ್ತಾಂ. Thank You very much.

Read More »

ನಾಂವ್ ಉರಂವ್ಕ್ ಝುಜ್ತಾ , ನಾಂವ್ ನಾಸ್ತಾನಾ ವೆಚೊ ಸಮುದಾಯ್ ?

ಸಾಂ.  ಲುವಿಸ್ ಕೊಲೆಜ್ ರಸ್ತೊ ಎಕಾ ದಿಸಾ ಭಿತರ್ ಮುಲ್ಕಿ ಸುಂದರಾಮ ಶೆಟ್ಟಿ ರಸ್ತೊ ಜಾತಾನಾ, ಲೇಡಿಹಿಲ್ ಸರ್ಕಲ್ ನಾರಾಯಣಗುರು ಸರ್ಕಲ್ ಜಾಯ್ಜೆ ಮ್ಹಣ್ತಾನಾ, ತೀಸ್ ಹಜಾರ್ ಲೊಕಾಕ್, ತೆಗಾಂ ಬಿಸ್ಪಾಂಕ್ ಜಮವ್ನ್ ಸಕ್ತೆ ಪ್ರದರ್ಶನ್ ಕೆಲ್ಲೆ ಖಂಯ್ ಆಸಾತ್ ? 'ಕಥೊಲಿಕಾಂಚೆಂ ಅಸ್ತಿತ್ವ್ ಫಕತ್ ಉಡುಪಿ - ದಕ್ಷಿಣ್ ಕನ್ನಡ್ ಜಿಲ್ಲ್ಯಾಂತ್ ಮಾತ್ ನಯ್, ಅಖ್ಖ್ಯಾ ಕರ್ನಾಟಕ ರಾಜ್ಯಾಂತ್ ಆನಿ ದೇಶಾಂತ್ ಆಸಾ' ಮ್ಹಣ್ ಪ್ರೆಸ್ ಕೊನ್ಪರೆನ್ಸ್ ಆಪಯಿಲ್ಲೆ ಖಂಯ್ ಆಸಾತ್ ?  ಸಮಾಜಾಂತ್ ಹಾರ್ಮನಿ ಬಾಂದುನ್ ಹಾಡುಂಕ್ ಮ್ಹಣ್ ಮಂಗ್ಳುರ್ ಧರ್ಮ್‌ಪ್ರಾಂತಾಚೊ ಧರ್ಮಾಧ್ಯಕ್ಶ್ ಜಾವ್ನ್ ಅಧಿಕಾರ್ ಸ್ವೀಕಾರ್ ಕೆಲ್ಲೆಂಚ್ ಬಿಸ್ಪಾನ್ ಐಲಾನ್ ಕೆಲ್ಲೆಂ 'ಬಂಧುತ್ವ' ಆತಾಂ ಕಿತೆಂ ಕರ್ತೇ ಆಸಾ?

Read More »

ಕೊಂಕ್ಣಿ ಝುಜ್ – ಉಂದ್ರಾಂಕ್ ನಾಚಂವ್ಚೊ ಖೆಳ್ ?

ಖೊಲಾಯೇನ್ ಪಳಯ್ಲ್ಯಾರ್, ಪಾಟ್ಲ್ಯಾ ಕಾಂಯ್ ಧಾ - ಬಾರಾ ವರ್ಸಾಂಚ್ಯಾ ಚರಿತ್ರೆಂತ್ ವೆವೆಗ್ಳ್ಯಾ ಸಂದರ್ಭಾಂನಿ ಥೊಡೆ ಪಾವ್ಟಿಂ ಕೊಂಕ್ಣಿ ಭಾಶೆಚೆರ್ ಆನಿ ಥೊಡೆ ಪಾವ್ಟಿಂ ಕ್ರೀಸ್ತಾಂವ್ ಸಮಡ್ತಿಚೆರ್, ಸಮಡ್ತಿಚ್ಯಾ ವ್ಹಡಿಲಾಂಚೆರ್ ಕೊಯ್ತಿ ಪಾಜುನ್ ಐಲಾನ್ ಕೆಲ್ಲ್ಯಾ ಝುಜಾಂನಿ ಕೊಂಕ್ಣಿ ಭಾಶೆಕ್, ಕ್ರೀಸ್ತಾಂವ್ ಸಮಡ್ತೆಕ್ ವಾ ಸಮಾಜಾಕ್ ಕುಸ್ಕುಟಾಚೆಂ ಬರೆಂಪಣ್ ಜಾಲ್ಲೆಂ ಆಸಾ? ಝುಜಾಂ ಐಲಾನ್ ಕರ್ನ್, ಅಮಾಯೆಕಾಂಚ್ಯಾ ಮತಿಂತ್ ವೀಕ್ ಭರ್ನ್, ಲೆಟರ್ ಹೆಡ್ ಸಂಘಟನಾಂ ಬಾಂದುನ್, ಕೊಂಕ್ಣಿ ಸಮಾಜಾಂತ್ ಆಸ್‌ಲ್ಲೊ ಎಕ್ವಟ್ ತೀನ್ ತಿರ್ಕುಟ್ ಕೆಲ್ಲೊ ಆನಿ ಸಮಾದಾನ್ ಪಿಡ್ಡ್ಯಾರ್ ಕೆಲ್ಲೆಂ ಸೊಡ್ಲ್ಯಾರ್ ಆಜ್ ಪರ್ಯಾಂತ್ ಏಕ್ ತರೀ ಝುಜ್ ಎಕಾ ತಾರ್ಕಿಕ್  ಪೊಂತಾಕ್ ಪಾವ್‌ಲ್ಲೆಂ ಆಸಾ?

Read More »

ಧಾಕ್ಡ್ಯಾಚ್ಯಾ ಸಂಭ್ರಮಾಂತ್ – ಕಿಟಾಳ್

ಜ್ ಫೆಬ್ರೆರಾಚಿ 5 ತಾರಿಕ್. ಆಜ್ 'ಕಿಟಾಳ್' ಧಾವ್ಯಾ ವರ್ಸಾಕ್ ಪ್ರವೇಶ್ ಜಾತೇ ಆಸಾ. ಆಜ್ ಕಿಟಾಳ್ ಹೆಪ್ಪಿ ಬರ್ಥ್ ಡೇ. ಆಯ್ಚ್ಯಾಚ್ ದಿಸಾ 2011 ವೆರ್ ಸಂದೇಶ ಸಭಾಭವನಾಂತ್ ಲೊಕಾರ್ಪಣ್ ಜಾಲ್ಲೆಂ. ಖಳನಾಸ್ತಾನಾ ನೋವ್ ವರ್ಸಾಂ ಪ್ರಸಾರ್ ಜಾವ್ನ್ ಆತಾಂ ಧಾವ್ಯಾ ವರ್ಸಾಕ್ ಪ್ರವೇಶ್ ಜಾಂವ್ಕ್ ಕಿಟಾಳಾಕ್ ಸಾಧ್ಯ್ ಜಾಲಾಂ ಜಾಲ್ಯಾರ್ ಆಮ್ಚ್ಯಾ ವಾಂವ್ಟಿಸಾಂಗಾತಾ ಫಕತ್ ಪ್ರಜ್ಞಾವಂತ್ ಕೊಂಕ್ಣಿ ವಾಚ್ಪ್ಯಾಂಥಾವ್ನ್, ಜಾಗೃತ್ ಬರಯ್ಣಾರಾಂಥಾವ್ನ್ ಆನಿ ಬರ‍್ಯಾ ಮನಾಚ್ಯಾ ಆಮ್ಚ್ಯಾ ಪೋಶಕಾಂಥಾವ್ನ್ ಆಮ್ಕಾಂ ಮೆಳ್‌ಲ್ಲೊ ಪ್ರೋತ್ಸಾವ್ ಆನಿ ಪಾಟಿಂಬೊ ಕಾರಣ್. ಹಿ ಉಪಲಬ್ದಿ ಆಮ್ಚಿ ಎಕ್ಲ್ಯಾ ದೊಗಾಂಚಿಂ ನಯ್, ಜಾಗೃತ್ ಕೊಂಕ್ಣಿ ಪರ್ಜೆಚಿ.

Read More »

ದೋನ್ ಬಾಂಬಾಂಚಿಂ ಕಾಣಿ

ಮಂಗ್ಳುರ್ ವಿಮಾನ್‌ಥಳಾಕ್ ಬಾಂಬ್ ದವರಿಲ್ಲೆಂ ಜಿವಾವಿರೊಧಿ ಕೃತ್ಯೆಂ ಖಂಯ್ಚ್ಯಾಯ್ ಲೆಕಾರ್ ಸಮರ್ಥನ್ ಕರುಂಕ್ ಸಾಧ್ಯ್ ನಾ. ಪೂಣ್ - ಗಿರೀಶಾನ್ ದವರ್ಲೆಲ್ಯಾ ಬಾಂಬಾಂತೀ ಕೊಣೀ ಮರೊಂಕ್ ನಾಂತ್ ಆನಿ ಆದಿತ್ಯಾನ್ ದವರ್ಲೆಲ್ಯಾ ಬಾಂಬಾಂತೀ ಕೊಣೀ ಮರೊಂಕ್ ನಾಂತ್. ಗಿರೀಶಾನ್ ಬಾಂಬ್ ದವರಿಲ್ಲೊ ತವಳ್ ದೆಶಾಕ್ ಪೊಕೊರ್ನ್ ಖಾಂವ್ಚ್ಯಾ ಭೃಶ್ಟಾಚಾರಾ ವಿರೋದ್. ಆದಿತ್ಯಾನ್ ಬಾಂಬ್ ದವರಿಲ್ಲೊ ಆಜ್ ದೇಶಾಕ್ ಪೊಕೊರ್ನ್ ಖಾಂವ್ಚ್ಯಾ ಬೆಕಾರ್ಪಣಾ ವಿರೋದ್ (ತಶೆಂ ಮ್ಹಣ್ ರಾಜ್ಯಾಚೊ ಘರ್ ಮಂತ್ರಿಚ್ ಉಗ್ತ್ಯಾನ್ ಮ್ಹಣ್ತೇ ಆಸಾ - 'ತಾಕಾ ಫಾವೊತೆಂ ಕಾಮ್ ಮೆಳೊಂಕ್ ನಾ. ದೆಕುನ್ ನಿರಾಶೆನ್ ತಾಣೆ ಅಶೆಂ ಕೆಲಾಂ')

Read More »

ಸಾಂಗೊಂಕ್ ಗೆಲ್ಯಾರ್ ಲಜ್ … ಜೇಂವ್ಕ್ ಗೆಲ್ಯಾರ್ ಪೇಜ್ – ಕೊಂಕ್ಣಿ ಅಧ್ಯಯನಾಚಿ ಗತ್ !

ಮ್ಹಜ್ಯಾ ಮಾಹೆತಿ ಪರ್ಮಾಣೆ ವಿಶ್ವವಿದ್ಯಾಲಯಾಂತ್ ರಾಜಕಾರಣಿಂಕ್, ವೃತ್ತಿಪರಾಂಕ್ ಆನಿ ಸಮಾಜ್ ಸೇವಕಾಂಕ್ ಸಿಂಡಿಕೇಟ್ ಸಾಂದೊ ಜಾಂವ್ಕ್ ಅವ್ಕಾಸ್ ಆಸಾ. ಕ್ರೀಸ್ತಾಂವ್ ಸಮಾಜೆಚೆ ಮಾನೆಸ್ತ್ ಥೊಡೆ ಎದೊಳ್‌ಚ್ ಸಿಂಡಿಕೇಟಾಂತ್ ಸಾಂದೆ ಆಸಾತ್. ವಸ್ತುಸ್ಥಿತಿ ಅಶಿ ಅಸ್ತಾನಾ academicians ಹಾಂಕಾ ಮ್ಹಣ್ ಆಸ್ಚ್ಯಾ ವಿಶ್ವವಿದ್ಯಾಲಯಾಚ್ಯಾ ಅಧ್ಯಯನ್ ಮಂಡಳೆಂತ್ academician ನಯ್ ಆಸ್ಲೆಲ್ಯಾಂನಿ ರಿಗ್ಚೆಂ ಸಾರ್ಕೆಂ ನಯ್.

Read More »

ಕೆನರಾ ಕ್ರಿಸ್ತಾಂವಾಂಚಿ ದಾಕ್ಷೆಣೆಚಿ ಪಿಡಾ ಆನಿ ನಾಗರಿಕತಾ ಕಾಯ್ದೊ !

ಪೂಣ್, ಆಮಿ ಕ್ರಿಸ್ತಾಂವ್ ಸಮಾಜೆಚೆ ಮುಕೆಲಿ ಮ್ಹಣ್ ಉಗ್ತ್ಯಾ ಸಭೆಂನಿ, ಪತ್ರಿಕಾಗೋಷ್ಟಿಂನಿ ಅಖ್ಖ್ಯಾ ಕ್ರ‍ಿಸ್ತಾಂವ್ ಸಮಾಜೆಚೆ ತೆಲಾಯಿಲ್ಲೆ ಪ್ರತಿನಿಧಿ ಮ್ಹಳ್ಳೆಪರಿಂ ಉಲಯ್ತೆಲ್ಯಾಂಕ್  ಜಾಳಿಜಾಗ್ಯಾಂನಿ, ಪಾದ್ರಿ, ಮಾದ್ರಿ, ಬಿಸ್ಪ್, ಮೋದಿ, ಶಾ, ಯಡ್ಯೂರಪ್ಪಾಕ್ ರಾಸ್ ರಾಸ್ ಸವಾಲಾಂ ವಿಚಾರ್ತಲ್ಯಾಂ ಪಯ್ಕಿ ಕೋಣ್  ಸವಾಲ್ ಕರುಂಕ್ ವಚಾನಾ. ಕಾರಣ್ - ದಾಕ್ಷೆಣ್ ! ದೆಶಾಚ್ಯಾ ಪ್ರದಾನಿಚಿಂ, ದಿಯೆಸೆಜಿಚ್ಯಾ ಬಿಸ್ಪಾಚಿಂ, ರಾಜ್ಯಾಚ್ಯಾ ಆರ್ಚ್ ಬಿಸ್ಪಾಚಿಂ ಖೆಳ್ಕುಳಾಂ ಸಯ್ತ್ ಕರುಂಕ್ ಆಡ್ ಯೇನಾತ್ಲಿ - ಭಿರಾಂತ್ ?

Read More »

ಎಕಾ ಯಾಜಕಾಚೆಂ ಮೋರ್ನ್

ರೋಹಿತ್ ವೆಮುಲಾನ್ ಜಿವ್ಘಾತ್ ಕರ್ನ್ ಘೆತ್‌ಲ್ಲೆ ತವಳ್ ಹಾಂವೆ ಏಕ್ ಕವಿತಾ ಬರಯಿಲ್ಲಿ - ಕಾರಣ್ ನಾಸ್ತಾಂ ಮರ್ಚೆಂ ಕಶೆಂ? ಯಾಜಕಾಂಕೀ ಮರೊಂಕ್ ಕಾರಣಾಂ ಆಸ್ತಲಿಂಚ್ - ಪೂಣ್ ಆಜ್ ಅಖ್ಖ್ಯಾ ಯಾಜಕ್ ಸಮುದಾಯಾಕ್, ತಾಂಕಾ ತರ್ಭೆತ್ ಕರ್ಚ್ಯಾ ಸೆಮಿನರಿ ಪರ್ಯಾಂತ್ ವಚೊನ್ ಚುಕಿದಾರ್ ಕರ್ನ್ ಝಡ್ತೆಕ್ ಉಭೆಂ ಕರ್ಚ್ಯಾಂತ್ ನ್ಯಾಯ್ ಆಸಾ? ಯಾಜಕ್ ಮ್ಹಳ್ಯಾರ್ ಲೋಬ್ ಘಾಲ್ಲೆ ರೊಬೋಟ್ ನಯ್, ತೇಯ್ ಮನಿಸ್, ತಾಂಕಾಂಯ್ ಭೊಗ್ಣಾಂ ಆಸಾತ್, ತಾಂಕಾಂಯ್ ಪಿಡಾ - ಶಿಡಾ ಯೆತಾ ಮ್ಹಳ್ಳೆಂ ಮುಳಾವೆಂ ಜಿವಾತರ್ಫೆಚೆಂ ಚಿಂತಪ್ ಸಮುದಾಯಾನ್ ಆನಿ ಸಮಾಜೆನ್ ವಾಡಯ್ತಾ ಪರ್ಯಾಂತ್ ಯಾಜಕಾಂಚ್ಯಾ ಮೊರ್ನಾಂಚೊ ಪರವ್ ಅಸೊ ಚಾಲುಚ್ ಆಸ್ತಲೊ - ಮೊರ್ನಾಚಿಂ ರುಪಾಂ ಮಾತ್ ಬದ್ಲೊನ್‌ ವೆತೆಲಿಂ.

Read More »
Kindly Share ....Please do not COPY !