Editor Speak

ಎಕಾ ಯಾಜಕಾಚೆಂ ಮೋರ್ನ್

ರೋಹಿತ್ ವೆಮುಲಾನ್ ಜಿವ್ಘಾತ್ ಕರ್ನ್ ಘೆತ್‌ಲ್ಲೆ ತವಳ್ ಹಾಂವೆ ಏಕ್ ಕವಿತಾ ಬರಯಿಲ್ಲಿ - ಕಾರಣ್ ನಾಸ್ತಾಂ ಮರ್ಚೆಂ ಕಶೆಂ? ಯಾಜಕಾಂಕೀ ಮರೊಂಕ್ ಕಾರಣಾಂ ಆಸ್ತಲಿಂಚ್ - ಪೂಣ್ ಆಜ್ ಅಖ್ಖ್ಯಾ ಯಾಜಕ್ ಸಮುದಾಯಾಕ್, ತಾಂಕಾ ತರ್ಭೆತ್ ಕರ್ಚ್ಯಾ ಸೆಮಿನರಿ ಪರ್ಯಾಂತ್ ವಚೊನ್ ಚುಕಿದಾರ್ ಕರ್ನ್ ಝಡ್ತೆಕ್ ಉಭೆಂ ಕರ್ಚ್ಯಾಂತ್ ನ್ಯಾಯ್ ಆಸಾ? ಯಾಜಕ್ ಮ್ಹಳ್ಯಾರ್ ಲೋಬ್ ಘಾಲ್ಲೆ ರೊಬೋಟ್ ನಯ್, ತೇಯ್ ಮನಿಸ್, ತಾಂಕಾಂಯ್ ಭೊಗ್ಣಾಂ ಆಸಾತ್, ತಾಂಕಾಂಯ್ ಪಿಡಾ - ಶಿಡಾ ಯೆತಾ ಮ್ಹಳ್ಳೆಂ ಮುಳಾವೆಂ ಜಿವಾತರ್ಫೆಚೆಂ ಚಿಂತಪ್ ಸಮುದಾಯಾನ್ ಆನಿ ಸಮಾಜೆನ್ ವಾಡಯ್ತಾ ಪರ್ಯಾಂತ್ ಯಾಜಕಾಂಚ್ಯಾ ಮೊರ್ನಾಂಚೊ ಪರವ್ ಅಸೊ ಚಾಲುಚ್ ಆಸ್ತಲೊ - ಮೊರ್ನಾಚಿಂ ರುಪಾಂ ಮಾತ್ ಬದ್ಲೊನ್‌ ವೆತೆಲಿಂ.

Read More »

ಕೋಮುವಾದ್ ಹಿಂದುತ್ವವಾದಿಂಚೊ ಆನಿ ಕ್ರಿಸ್ತಾಂವಾಂಚೊ!

ಹಾಂಚೆಥಾವ್ನ್ ಮತಿನ್ ಆನಿ ಕುಡಿನ್ ಪರಿವರ್ತನ್ ಜಾಲ್ಲ್ಯಾಂನಿ ಆನಿ ಸಾಕ್ಸ್ ದಿಲ್ಲ್ಯಾಂನಿ ಸಮಾಜೆಕ್ ಕಾಂಯ್ ಬರೆ ಕೆಲ್ಲೆ ದಾಖ್ಲೆ ಆಸಾತ್? ಪೊರ‍್ಚೊಚ್ ದಾಖ್ಲೊ ಪಳಯಾ - ಎಕ್ಲೊ ಹಿಂದೂ ಭಾವ್ ಅಸಲ್ಯಾ ರೆತಿರ್ ಕೇಂದ್ರಾಂತ್ ಯೇವ್ನ್ ತಶೆಂ ಅಶೆಂ ಮ್ಹಣಾಲೊ. ದೋನ್ ದಿಸಾಂನಿ ಕೊಣೆಂಗೀ ಭೆಶ್ಟಾಯಿಲ್ಲ್ಯಾ ಕೂಡ್ಲೆ ತಾಣೆಂ ಪ್ಲೇಟ್‌ಚ್ ಬದ್ಲಿಲಿ. ತರ್ ಹಾಣೆಂ ದಿಲ್ಲಿ ಸಾಕ್ಸ್ ಕಿತ್ಲಿ ಪೊಕೊಳ್ ಆನಿ ಅಶೆಂ ಸಾಕ್ಸ್ ದಿತಲ್ಯಾಂಚಿ ಮನಾಸ್ತಿತಿ ಕಿತ್ಲಿ ಅಸ್ಕತ್ ಮ್ಹಣ್ ಸಮ್ಜವ್ಯೆತ್.

Read More »

ಕೆನರಾ ಕೊಂಕಣಿ ಕಾವ್ಯಾಚೊ ಯುಗಪ್ರವರ್ತಕ್ ಆನಿ ಗೀತ್ ಗಜಾಲ್ !

ಕವಿ ಮೆಲ್ವಿನಾನ್  ಆಪ್ಲ್ಯಾ ಕಾವ್ಯಾಂತ್ ಎಕಾಪಾಟ್ಲ್ಯಾನ್ ಏಕ್  ನವಿಂ ನಿರೂಪಣಾಂ ಆನಿ ರುಪಾಂ ಹಾಡ್ನ್ ವಾಚ್ಪ್ಯಾಕ್ ನವೊ ಅನ್ಭೊಗ್ ವೊತುನ್ ದಿಂವ್ಕ್ ಸುರು ಕೆಲೆಂ. ಇತ್ಲೆಂ ಮಾತ್ ನಯ್ ತಶೆಂ ಹಾಡ್‌ಲ್ಲಿಂ ನಿರೂಪಣಾಂ ಆನಿ ರುಪಾಂ ವೆವೆಗ್ಳಿಂ ಮಾದ್ಯಮಾಂ ಆನಿ ಪರಿಕರಾಂ ವಾಪರ್ನ್ ಲೊಕಾಮೆರೆನ್ ಪಾವಂವ್ಚೆಂ ಕಾಮ್ ತಾಣೆ ಕೆಲೆಂ. ಕವಿತಾ ಟ್ರಸ್ಟ್ ಉಬಾರ್ನ್ ಸಾಂಸ್ಥಿಕ್ ಪಾಟಿಂಬೊ  ದಿಲೊ. ಪ್ರವಾಸ್ ಕೆಲೊ, ಸತ್ರಾಂ ಚಲಯ್ಲಿಂ. ಭುರ್ಗ್ಯಾಂಕ್, ತರ್ನ್ಯಾಂಕ್ ಕೊಂಕ್ಣಿ ಕವಿತೆ ಥಂಯ್ ವೊಡ್ಲೆಂ.

Read More »

ಚಾಯೆಕೊಪಾಂತ್ಲ್ಯಾ ವಾದಾಳಾಕ್ ಕಾಫಿ ಬಲಿ ?

ಸಿದ್ದಾರ್ಥಾಚ್ಯಾ ಮರ‍್ಣಾಕ್ ಆನಿ ಚಾಯ್‌ವಾಲೊ ಮ್ಹಣ್ ನರೇಂದ್ರ ಮೋದಿನ್ ಪಂತ್‌ಪ್ರದಾನ್ ಜಾಲ್ಲ್ಯಾಕ್ ಕಿತೆಂ ಸಂಬಂದ್ ಮ್ಹಳ್ಳೆಂ ಸವಾಲ್ ಸಹಜ್ಪಣಿ ಉದೆತಲೆಂಚ್. ಜಾಪ್ ಬೋವ್ ಸೊಂಪಿ - ಸಮಾಜೆಚ್ಯಾ ಬೋವ್ ಸಕಯ್ಲ್ಯಾ ವರ್ಗಾಚೊ ಅಭಿಮಾನಾಚೊಗಿ, ಅಸಹಾಯಕತೆಚೊಗೀ ಸಂಕೇತ್ ಜಾವ್ನಾಸ್ಚಿ 'ಚಾಯೆಚಿ ಕಿಟ್ಲಿ ಆನಿ ಕಟ್ಟಿಂಗ್ ಚಾಯೆಚೆ ಗಿಲಾಸ್' ಘೆವ್ನ್, ರಾತೋರಾತ್ ಬ್ಯಾಂಕಾಂ ರಾಶ್ಟ್ರೀಕರಣ್ ಕೆಲ್ಲೆಬರಿ, ಕಶೆಂ ಎಲಿಸಾಂವ್ ಜಿಕೊನ್ ಪಂತ್‌ಪ್ರದಾನ್ ಜಾಂವ್ಕ್ ನರೇಂದ್ರ ಮೋದಿನ್ ಫುಂಕ್ಯಾಸವಾಯ್ ವಾಪಾರ‍್ಲೆಂಗೀ, ತಶೆಂಚ್ ಸಿದ್ದಾರ್ಥಾನ್, ಹ್ಯಾ ದೆಶಾಂತ್ ಉಂಚ್ಲ್ಯಾ ವರ್ಗಾಚ್ಯೆ ಪ್ರತಿಶ್ಟೆಚೊ ಸಂಕೇತ್ ಜಾವ್ನಾಸ್‌ಲ್ಲಿಂ 'ಕಾಫಿಯೆಚೆ ಬಿಯೊ ಆನಿ ಕೊಪಾಂ' - ಆಪ್ಲ್ಯಾ ಸ್ವಾರ್ಥಾಕ್ ನ್ಹಯ್, ಬಗಾರ್ ಚಡುಣೆಂ ತೀಸ್ ತೆ ಪನ್ನಾಸ್ ಹಜಾರ್ ಕುಟ್ಮಾಂಕ್ ಪೊಟಾಚೊ ಗ್ರಾಸ್ ದೀಂವ್ಕ್, ಆಪ್ಲಿ ಜಿಣಿಚ್ ಆಡವ್ ದವರ್ನ್ ಮೊಲಾಕ್ ಘೆವ್ನ್ ವಾಪಾರ‍್ಲಿಂ. ಪೂಣ್ ವಿಪರ್ಯಾಸ್ ಪಳಯಾ - ಸಕಯ್ಲ್ಯಾ ವರ್ಗಾಚೊ ಸಂಕೇತ್ 'ಚಾಯ್' ಕಾಂಯ್ಚ್ ಖರ್ಚ್ ಕರಿನಾಸ್ತಾನಾ, ಆಪ್ಲೊ ಕರುನ್ ಘೆತ್‌ಲ್ಲೊ ನರೇಂದ್ರ ಮೋದಿ, ಆಜ್ ದೆಶಾಂತ್ ರಾಜ್ ಕರ‍್ತೇ ಆಸಾ ಮಾತ್ರ್ ನ್ಹಯ್, ಕರೊಡ್ ರುಪಯಾಚ್ಯಾ ಕೊಪಾಂನಿ ಚಾ ಪಿಯೆತಾ. ಆನಿ - ವಯ್ಲ್ಯಾ ವರ್ಗಾಚ್ಯೆ ಪ್ರತಿಶ್ಟೆಚೊ ಸಂಕೇತ್ 'ಕಾಫಿ' ಕೊರೊಡಾಂನಿ ಖರ್ಚುನ್ ಘೆವ್ನ್, ಲೊಕಾಚ್ಯಾ ಹಾತಿಂ ದಿಲ್ಲೊ ಸಿದ್ದಾರ್ಥ ಮೊಡೆಂ ಜಾಲಾ. ಸಿಸಿಡೆಂತ್ಲೆ ಗಿಲಾಸ್ ಖಾಲಿ ಜಾಲ್ಯಾತ್. ಭಂಡ್ವಾಳ್‌ಶಾಹಿ ಸಮಾಜೆಚಿ 'ಶೀತಳ್ ಕ್ರೂರತಾ' ಅಶಿಚ್.

Read More »

ಲೊಕಾಚಿ ಪಾಡ್ತ್ ಖಂಯ್ಚಿ?

ಪರತ್ ಎಲಿಸಾಂವ್ ಆಯ್ಲಾಂ. ರಾಜಕೀಯ್ ಮುಕೆಲಿ ಪರತ್ ಆಪ್ಲೆಂ ಪಾಟ್ಲಾಮ್, ಪಾಡ್ತೆಚೆ ಗುರ್ತ್, ಆಶ್ವಾಸನಾಂ ಆನಿ ಥೊಡೆ ಗುಪಿತ್ ಅಜೆಂಡಾ ಘೆವ್ನ್ ಲೊಕಾಚ್ಯಾ ಘರಾಬಗ್ಲಾರ್ ಹಾತ್ ಜೊಡುನ್ ರಾವ್ಲ್ಯಾತ್. ಪುಣ್ ಲೊಕಾಲಾಗಿಂ ಪಾಂವ್ಚೆಪಯ್ಲೆಂ ಏಕ್ ಭೊಂವಾಡೊ ದೀವ್ಳ್, ಇಗರ್ಜ್ಯೊ, ಪಳ್ಳ್ಯೊ- ಅಶೆಂ ದೆವಾಂಕ್‌ಯೀ ಭೆಟ್ ಕರುನ್ ಆಯ್ಲ್ಯಾತ್. ಥಂಯ್ ವಚನಾಸ್ತಾಂ ರಾಂವ್ಚೆಂ ತರೀ ಕಶೆಂ? ಜಿಕ್ಲ್ಯಾ ಉಪ್ರಾಂತ್ ಲೊಕಾಕ್ ಜರೀ ವಿಸ್ರತಿತ್ ಪುಣ್ ದೇವ್-ದೆವಿಂಕ್ ಬಿಲ್ಕುಲ್ ವಿಸ್ರನಾಂತ್! ಸ್ವಾತಂತ್ರ್ಯ್ ಮೆಳೊನ್ …

Read More »

ಕಥೊಲಿಕ್ ಸಭೆಚೊ ಠರಾವ್ – ಲೊಂಕ್ಡಾಚೊ ವ್ಯಾರ್?

ಮಂಗ್ಳುರ್ ರಯ್ಲ್‌ವೇ ನಿಲ್ದಾಣಾಕ್ ಜೋರ್ಜ್ ಫೆರ್ನಾಂಡಿಸಾಚೆಂ ನಾಂವ್ ದೀಜೆ ಮ್ಹಣ್ ಠರಾವ್ ಕರ್ತೆಲ್ಯಾಂಕ್ ಎಕಾ ರಯ್ಲ್ ನಿಲ್ದಾಣಾಚೆಂ ನಾಂವ್ ಬದ್ಲಿತಾನಾ ಕಿತ್ಲ್ಯಾ ಕೊರೊಡ್ ರುಪ್ಯಾಂಚೊಂ ಖರ್ಚ್ ಬಸ್ತಾ ಆನಿ ಶೆವ್ಟಿಂ ತೋ ಖರ್ಚ್ ಪಯ್ಣಾರ‍್ಯಾಂನಿಂಚ್ ಭರಿಜೆ ಪಡ್ತಾ ಮ್ಹಳ್ಳಿ ಪ್ರಾಥಮಿಕ್ ಜಾಣ್ವಾಯ್ ತರೀ ಆಸಾ? ಎಕಾ ಶಹರಾಚೆಂ, ರಯ್ಲ್‌ನಿಲ್ದಾಣಾಚೆಂ ನಾಂವ್ ಬದ್ಲುಂಚೆಂ ಮ್ಹಳ್ಯಾರ್ ಘರಾಕ್ ವೆಚ್ಯಾ ಒರ್ಕಾಚೆಂ ನಾಂವ್ ಬದ್ಲಿಲ್ಲೆತಿತ್ಲೆಂ ಸುಲಭ್ ಮ್ಹಣ್ ಚಿಂತ್ಲಾಂ? ರಯ್ಲ್‌ವೇ ನಿಲ್ದಾಣಾಚೆಂ ನಾಂವ್ ಬದ್ಲಿಲ್ಲ್ಯಾನ್ ಲೊಕಾಕ್ ಫಾಯ್ದ್ಯಾಪ್ರಾಸ್ ಕಿತ್ಲೆ ಧೊಶಿ ಜಾತಾತ್ ಮ್ಹಳ್ಳೆವಿಶಿಂ ಸಮ್ಜಣಿ ಆಸಾ? ರಸ್ತ್ಯಾಂಚಿಂ/ ನಿಲ್ದಾಣಾಂಚಿಂ ನಾಂವಾಂ ಬದ್ಲಿಲ್ಯಾರ್ ಗರ್ಜೆಭಾಯ್ರ್ ಸರ್ವಜಣಿಕ್ ದುಡ್ವಾಚೊ ವಿಬಾಡ್ ಜಾಂವ್ಚೊ ಸೊಡ್ಲ್ಯಾರ್ ಲೊಕಾಕ್ ಕಿತೆಂ ಉಪ್ಕಾರ್ ಜಾತಾ?

Read More »

ನೊವ್ಯಾ ವರ್ಸಾಂತ್ ಕಿಟಾಳ್ – ಏಕ್ ನಿಯಾಳ್

ಪಾಟ್ಲ್ಯಾ ಆಟ್ ವರ್ಸಾಂಚೆಂ ಕಿಟಾಳಾಚೆಂ ಪಯ್ಣ್ ನಿಯಾಳ್ತಾನಾ ಅವೆಕ್ತ್ ಬೊಗ್ಣಾಂಚ್ಯಾ ಲ್ಹಾರಾಂನಿ ಕಾಳಿಜ್ ಆನಿ ದೊಳೆ ದೊನೀ ಭರೊನ್ ಯೆತಾತ್. ಕಿಟಾಳ್ ಚಲ್‌ಲ್ಲಿ ಪಾಟ್ಲ್ಯಾ ಆಟ್ ವರ್ಸಾಂಚಿಂ ವಾಟ್ ಫುಲಾಂಚಿ ಉಣಿ, ಕಾಂಟ್ಯಾ ಖುಂಟ್ಯಾಚಿಂ ಚಡ್ ಜಾವ್ನಾಸ್ಲಿ. ಕಿಟಾಳ್ ಸತಾಚ್ಯಾ ಪಕ್ಷೆನ್ ರಾವ್ತಾ ಮ್ಹಳ್ಳ್ಯಾ ಫಕತ್ ಎಕಾಚ್ ಎಕಾ ಕಾರಣಾ ಖಾತಿರ್ - ವೆವಸ್ಥಿತ್ ರಿತಿನ್ ಹರ್ ಮಾಳಾರ್ ಕಿಟಾಳ್ ಕಿಮ್ಚುನ್ ಉಡಂವ್ಚಿಂ ಪ್ರೇತನಾಂ ಚಲ್ಲಿಂ. ಕಿಟಾಳಾಕ್ ಬರಯ್ನಾಕಾತ್ ಮ್ಹಣ್ ಮಾಲ್ಘಡ್ಯಾ ತಶೆಂ ತರ್ನ್ಯಾ ಬರಯ್ಣಾರಾಂಕ್ ದಬಾವ್ ಘಾಲ್ನ್ ಮೇಯ್ಲಾಂ ಧಾಡ್ಚಿಂ, ಫೊನಾಂ ಕರ್ಚಿಂ, ಕಾಗ್ದಾಂ ಬರಂವ್ಚೆಂ ಥಾವ್ನ್ ಸುರು ಜಾಲ್ಲಿಂ ಹಿಂ ನಿರ್ಫಳ್ ಪ್ರೇತನಾಂ ಸವ್ಕಾಸ್ ಕಿಟಾಳಾಚಿ ಖಬರ್ ಘಾಲಿನಾತ್ಲೆಪರಿಂ ಮುಕೆಲ್ ವ್ಹಾಳ್ಯಾಚ್ಯಾ ಮಾಧ್ಯಮಾಂಕ್ ಆಡಾಂವ್ಚೆಂ ಪರ್ಯಾಂತ್ ಪಾವ್ಲಿಂ. ಕಿಟಾಳಾಚ್ಯಾ ಜಾಯ್ರಾತ್‌ದಾರಾಂಕ್ ಆನಿ ಪೋಶಕಾಂಕ್ ಮೆಳೊನ್ ತಾಂಚೆ ಕಾನ್ ಭರುಂಕ್ ಸುರು ಕೆಲೆ. ಆನಿ ಹೆ ಕರ್ತಲೆ ಕೋಣ್ ಪ್ರತಿಸ್ಪರ್ಧಿ ನಯ್ ಬಗಾರ್ ನಾಮ್‍ದಾರಿ ಬರವ್ಪಿ ಆನಿ ಕೊಂಕ್ಣೆಚೆ ಸ್ವಘೋಷಿತ್ ಸೊಡ್ವೊಣ್ದಾರ್. ಪೂಣ್ ಕಿಟಾಳ್ ಸತಾಚ್ಯಾ ಪಕ್ಷೆನ್ ಆಸ್‌ಲ್ಲ್ಯಾನ್, ಕಿಮ್ಚುಂಚಿಂ ಪ್ರೇತನಾಂ ಜಾಯ್ತಿಂ  ಚಲ್ಲಿಂ ಜಾಲ್ಯಾರೀ, ಸಗ್ಳಿಂ ವೆರ್ಥ್ ಜಾಲಿಂ.  ಶೆವ್ಟಿಂ ಮ್ಹಜಿ ನಿಂದಾ ಕರ್ನ್ ಪತ್ರಾಂನಿ ಪಾನಾಂಗಟ್ಲ್ಯಾನ್ ಬರವ್ನ್ ಫಾಯ್ಸ್ ಕೆಲೆಂ. ತರೀ ನಾ ಕಿಟಾಳಾಕ್ ಕಿಮ್ಚುಂಕ್ ಜಾಂವ್ಕ್ ನಾ , ನಾ ಎಚ್ಚೆಮಾಕ್ ಸತಾಚ್ಯಾ ಪಕ್ಷೆನ್ ರಾವಾನಾತ್ಲೆಪರಿಂ ಆಡಾಂವ್ಕೀ ಸಾಧ್ಯ್ ಜಾಂವ್ಕ್ ನಾ. ಇರಾದೆ ನಿತಿಚೆ ಆನಿ ಪ್ರೇತನಾಂ ಪ್ರಾಮಾಣಿಕ್ ಆಸ್ಲ್ಯಾರ್ - ಫುಲಾಂನಿ ಫುಲ್ಚೆಂ ಕೊಣೆಂಯ್ ಆಡಾಂವ್ಕ್ ಜಾಯ್ನಾ. ಫುಲಾಂ ಫುಲ್ತಾತ್ ಆನಿ ಭಂವ್ತಣಿ ಫರ್ಮಳ್ ದಿತಾತ್.

Read More »

‘ಪಟ್ಟಾಭಿಶೇಕ’ ಜಾಯ್ !

ಜಾಂವ್ ಪರ್ಯಾಯ, ಜಾಂವ್ ಬಿಸ್ಪಾಚೊ ಪಟ್ಟಾಭಿಶೇಕ ವಾ ಹೆರ್ ಖಂಯ್ಚ್ಯೆಯ್ ಸಮಡ್ತಿಚ್ಯಾ ಧರ್ಮಾಧ್ಯಕ್ಷಾಕ್ ತೆಲಾಂವ್ಚೆಂ ಕಾರ್ಯೆಂ – ಹ್ಯಾ ದೆಶಾಚೊ ಬಹುತ್ವ ರಾಕೊನ್ ವ್ಹರ‍್ಚೆಖಾತಿರ್ ಬೋವ್ ಗರ್ಜೆಚೆಂ. ಅಶೆಂ ಕೆಲ್ಲ್ಯಾನ್ ಎಕಾ ಸಮುದಾಯಾನ್ ಹ್ಯಾ ದೆಶಾಚ್ಯಾ ಮುಕೇಲ್ ವ್ಹಾಳ್ಯಾಂತ್ ಆಮಿಂಯ್ ಆಸಾಂವ್, ಆಮಿಂಯ್ ಹ್ಯಾ ದೆಶಾಚಿ ಅಖಂಡ್ ಪರ್ಜಾ, ಪರ್ಜೆರಾಜಾಕ್ ಆಮ್ಚಿ ನಿಶ್ಟಾ ಆಸಾ ಮ್ಹಳ್ಳೆಂ ರುಜು ಕರ‍್ಯೆತಾ. ಸಾಂಗಾತಾ ಹೆರ್ ಭಾವಾಡ್ತಾಚ್ಯಾ ಲೊಕಾಸಂಗಿ ಬಾಂದವ್ಪಣ್ ವಾಡಂವ್ಕ್ ಪಟ್ಟಾಭಿಶೇಕ ಏಕ್ ಸಂದರ್ಭ್. ಹರ್ ಧರ್ಮಾಚ್ಯಾ ಧರ್ಮಾಧ್ಯಕ್ಷಾಂಕ್ ಸಾಂಗಾತಾ ಯೇವ್ನ್, ಫಕತ್ ಉತ್ರಾಂನಿ ನ್ಹಯ್, ಕರ‍್ಣೆನ್ ಲೊಕಾಕ್ ಬಾಂದವ್ಪಣಾಚೊ ಸಂದೇಶ್ ದೀಂವ್ಕ್ ಆವ್ಕಾಸ್. ದೆಶಾಚ್ಯಾ ಬಹುತ್ವಾಚ್ಯೊ ಹ್ಯೊ ಬಾರೀಕ್ ಗಜಾಲಿ ತಪಾಸುನ್ ಪಳೆಂವ್ಕ್ ಪಟ್ಟಾಭಿಶೇಕ ಜಾಯ್!

Read More »

ಜೆವ್ಣಾಚೊ ಧರ್ಮ್ ಪಾಳ್ಯಾಂ! 

ಜೆವ್ಣಾಕ್‌ಯೀ ಏಕ್ ಧರ್ಮ್ ಆಸಾ; ಭುಕೆಲ್ಲ್ಯಾಂಕ್ ಪಾಂವ್ಚೊ. ಜಿವಿತಾಕ್ ರೂಚ್ ದಿಂವ್ಚೊ. ಹ್ಯಾ ಧರ್ಮಾಚೆಂ ಆಚರಣ್ ಪೆಲ್ಯಾಕ್ ವಾಡ್ಚೆಂ. ಹ್ಯಾ ಧರ್ಮಾಕ್ ಕುಟಮ್ ಸಾಂಗಾತಾ ಹಾಡ್ಚಿ ತಾಂಕ್ ಆಸ್ತಾ. ಹ್ಯಾ ಧರ್ಮಾಚೊ ತೀರ್ಲ್ ಪಾರ್ಕಿಲ್ಯಾರ್ ಹರ‍್ಯೇಕ್ ಶಿತಾಕಣ್‌ಯೀ ಕುಮ್ಗಾರ್‌ಚ್, ನೀಸ್‌ಯೀ ತೀರ್ಥ್ಚ್. ಹೊ ಧರ್ಮ್ ಆಮಿ ಪಾಳ್ಯಾಂ. ಕಡಿಯೆಂತ್ ಭರ‍್ಶಿಲ್ಲಿಂ ಶಿತಾಂ ಉಂಡಿಯೆಂತ್ ಘೆತಾನಾ, ತ್ಯಾ ಜೆವ್ಣಾಕ್ ಕಾರಣ್ ಜಾಲ್ಲ್ಯಾಂಚೊ ಉಡಾಸ್ ಕಾಡ್ಯಾಂ ಆನಿ ಬೊಶಿಯೆಂತ್ಲಿಂ ಶಿತಾಂ ಉಡಂವ್ಚ್ಯಾ ಆದಿಂ ಭುಕೆನ್ ವಳ್ವಳ್ತಲ್ಯಾಂಚಿಂ ತೊಂಡಾಂ ದೊಳ್ಯಾಂಫುಡೆಂ ಹಾಡ್ಯಾಂ. ಸರ್ವಾಂಕ್ ರುಚಿಕ್ ಕಣ್ಶೆಚೆಂ ಫೆಸ್ತ್ ಮಾಗ್ತಾಂ.

Read More »
Share ...please don\'t COPY !