Trending Now

Special Article

ದುಬಂಯ್ತ್ ಥಳೀಯ್ ಲೋಕ್ ದಿಸಾನಾ…

ಥಳೀಯ್ ಲೊಕಾಂ ಖಾತಿರ್ ಪಯ್ಲಿಂ ಕಾಮಾ ದೀಜಯ್ ಉಪ್ರಾಂತ್ ಹೆರಾಂಕ್ ಮ್ಹಳ್ಳೆಂ ನಿಯಮ್ ಆಸ್ಲ್ಯಾರೀ ಥೊಡ್ಯಾ ಸರ್ಕಾರಿ ದಫ್ತರಾಂನಿ, ಬೆಂಕಾಂನಿ ಥಳೀಯ್ ಲೋಕ್ ಪಳಂವ್ಕ್ ಮೆಳ್ತಾ ಶಿವಾಯ್ ಹೆರ್ ವ್ಯವಸಾಯಾಂನಿ ಥಳೀಯ್ ಲೋಕ್ ದಿಸಾನಾ. ಏಕ್ ದೀಸ್ ಡೇರಾ ದುಬಯ್ ಗೋಲ್ಡ್ ಸೂಕಾಕ್ ಗೆಲ್ಯಾಂವ್, ಆಶಿಯಾಂತ್ಲೆಂ ಅತೀ ವ್ಹಡ್ ಭಾಂಗಾರಾ ವಜ್ರಾಂಚಿ ಮಾರ್ಕೆಟ್ ತಿ. ತಾಂತು ಥೊಡಿಂ ದುಕನಾಂ ಅರ್ಬಿ ಲೊಕಾಂಚಿ ಆಸಾತ್ ತರ್ ಅರ್ಧ್ಯಾಕ್ ಅರ್ಧ್ ಭಾರತೀಯಾಂಚಿಂ. ಜೊಯ್ ಅಲುಕಾಸ್, ಜೊಸ್ ಅಲುಕಾಸ್, ಮಲಾಬಾರ್, ಕಲ್ಯಾಣ್, ಕೃಷ್ಣಾ, ಪೊಪ್ಲೇ ಆನಿ ಸಬಾರ್ ಭಾರತೀಯ್ ಮುಳಾಚಾ ಲೊಕಾಂಚಿಂ ಶೊಪಾಂ ಆಸಾತ್. ಪಾಕಿಸ್ತಾನಿ, ಪಠಾಣಿ, ಅಫ್ಘಾನಿಸ್ತಾನಿ ಲೋಕ್‌ಯಿ ದರಬಸ್ತ್ ಆಸಾ ಆನಿ ಆಪ್ಲ್ಯಾ ಕುಟ್ಮಾ ಖಾತಿರ್ ಹಾಂಗಾಸರ್ ಕಾಮ್ ಕರ್ತಾ ಆನಿ ಆಪ್ಲೆಂ ಜೀವನ್ ಬರ‍್ಯಾನ್ ಚಲಯ್ತಾ. ಆಜ್ ದುಬಯ್ ಶಹರ್ ಇತ್ಲೆಂ ವಾಡ್ಲಾಂ ಆನಿ ಆಧುನಿಕ್ ರಿತಿರ್ ಪ್ರಗತಿ ಜೊಡುಂಕ್ ಪಾವ್ಲಾಂ ತರ್, ತಾಂತು ಚಡ್ ಭಾರತೀಯ್ ಲೊಕಾಚೊ ಹಾತ್ ಆಸಾಶೆಂ ದಿಸ್ತಾ.  ಥಳೀಯ್ ಲೊಕಾಂ ಖಾತಿರ್ ಜರ್ ಹಾಂಗಾಚೊ ರಾಯ್ ಭಾಯ್ಲ್ಯಾ ಲೊಕಾಂಕ್ ಉಟಂವ್ಕ್ ಸಕಾನಾ ಆನಿ ಎಕಾದಾ ವೆಳಾರ್ ತಿ ಪರಿಸ್ಥಿತಿ ಆಯ್ಲಿ ಜಾಲ್ಯಾರ್ ದುಬಾಯ್ಚೊ ಗವ್ರವ್ ದೆಂವ್ತಲೊ, ಆರ್ಥಿಕ್ ಬಳ್ ಉಣೆ ಜಾತೆಲೆಂ. ಆತಾಂಚ್ ಲೊಕಾಂಚಿ ಆರ್ಥಿಕ್ ಪರಿಸ್ಥಿತಿ ಬರಿ ನಾ. ಘರಾಂಚೆಂ ಭಾಡೆಂ ಆಕಾಸಾಕ್ ಚಡ್ಲಾಂ. ಹಾಂಗಾಚಾ ಪಯ್ಶಾಂ ಪ್ರಕಾರ್ ಜಾಲ್ಯಾರೀ ವಸ್ತು ಮ್ಹಾರಗ್ ಜಾಲ್ಯಾತ್.

Read More »

ಜಿವ್ಘಾತ್ – ಸಮಾಜಿಕ್ ಭಿರಾಂತ್ ವಾ ಗಿರಾಂತ್?

ಜಿವ್ಘಾತಾಚ್ಯಾ ಗಜಾಲಿಂತ್ ತೀನ್ ಸೂಕ್ಷ್ಮ್ ಸಂಗ್ತಿ ಆಸಾತ್. ಜರ್ ಶಿಕ್ಪಿ, ಉನ್ನತ್ ಹುದ್ದ್ಯಾರ್ ಆಸ್‌ಲ್ಲೆ ನಾಂವಾಡ್ದಿಕ್ ಮನಿಸ್ ಜಿಣ್ಯೆಚೆ ಆಕಾಂತ್ ಫುಡ್ ಕರುಂಕ್ ಜಾಯ್ನಾಸ್ತಾಂ ಮೊರ್ನಾಕ್ ವೆಂಗ್ತಾತ್ ತರ್, ಹಾಂವ್ ಕಿರ್ಕೊಳ್ ಮನಿಸ್ ಜಿಣ್ಯೆಚೆ ಆಕಾಂತ್ ಫುಡ್ ಕರುಂಕ್ ಸಕಾನ್ ಗೀ? ಮ್ಹಳ್ಳಿ ಅಸಹಾಯಕ್ ಆಲೊಚೆನ್, ಏಕ್ ತರ್, ನಾಂವಾಡ್ದಿಕ್ ಮನಿಸ್, ಮಣಿಯಾರಿಚ್ ಮೊರ್ನಾಕ್ ವೆಂಗ್ತಾನಾ ನಾಲಿಸಾಯೆಚೆಂ ಚಿಂತಾಪ್ ತಾಂಕಾಂ ಆಡ್ ಯೇಂವ್ಕ್ ನಾ ತರ್, ಮ್ಹಜೆ ತಸಲ್ಯಾ ಸಾದ್ಯಾ ಮನ್ಶ್ಯಾನ್ ನಾಲಿಸಾಯೆಚಿ ಖಂತ್ ಕಿತ್ಯಾಕ್ ಕರಿಜೆ? ಮ್ಹಳ್ಳೆಂ ಉತ್ತೇಜನ್, ದುಸ್ರಿ ಸಂಗತ್. ತಿಸ್ರಿ ಆನಿ ಆನಿ ಬೋವ್ ಗರ್ಜೆಚಿ ಸಂಗತ್  - ಫಾರಿಕ್ಪಣ್!  ಜಶೆಂ ಹ್ಯಾ ಸರ್ವ್ ನಾಂವಾಡ್ದಿಕ್ ವ್ಯಕ್ತಿಂಚ್ಯಾ ಮೊರ್ನಾಂ ಉಪ್ರಾಂತ್ ಆರೋಪ್ - ಪ್ರತ್ಯಾರೋಪ್ ಘಡ್ತಾನಾ ಸಂಬಂಧ್ ಜಾಲ್ಲ್ಯಾಂಚಿ ಆನಿ ಸಂಬಂಧ್ ನಾತ್‌ಲ್ಲ್ಯಾಂಚೀಂಯ್ ನಾಂವಾ ಚರ್ಚೆಕ್ ಆಯ್ಲಿಂ ಆನಿ ತಾಣಿ ಸರ್ವಜಣಿಕ್ ವೆದಿಚೆರ್ ಹ್ಯಾ ಮೊರ್ನಾಂಕ್ ಸ್ಪಷ್ಟೀಕರಣ್ ದೀಜೆ ಪಡ್ಲೆಂ, ತಶೆಂ ಆಪ್ಣೆಂಯೀ ಜಿಣಿ ಅಕೇರ್ ಕೆಲಿ ತರ್, ಥೊಡಿಂ ತರೀ ನಾಂವಾಂ ಉಗ್ತಾಡಾಕ್ ಯೆತಲಿಂ, ಆನಿ ಆಪ್ಣಾಕ್ ಜಿಣ್ಯೆಂತ್ ಧೊಸ್‌ಲ್ಲ್ಯಾಂಚಿಂ ರುಪಾಂ ತಶೆಂ ಪುಣೀ ಭಾಯ್ರ್ ಪಡ್ತೆಲಿಂ, ಆಪ್ಲ್ಯಾ ಮೊರ್ನಾ ಉಪ್ರಾಂತ್ ಆಪ್ಣಾಕ್ ನೀತ್ ಲಾಭ್ತೆಲಿ ಆನಿ ತಾಣಿ ನಾಲಿಸಾಯ್ ಭೊಗಿಜೆ ಪಡ್ತೆಲಿ, ಜೀವ್ ಆಸೊನ್ ಬೂದ್ ಶಿಕೊಂವ್ಕ್ ಜಾಂವ್ಕ್ ನಾ, ಮರೊನ್ ತರೀ ಬೂದ್ ಶಿಕವ್ಯಾಂ  - ಮ್ಹಳ್ಳೊ ಫಾರಿಕ್ಪಣಾಚೊ, ಹಗ್ಯಾಚೊ ಖತ್ಕತೊ ಉಜೊ!

Read More »

ಆಮಿ ಆಟಿ ಸೊಣಾಚೆ ಜಣ್

ಆದಿಂ ಪಾವ್ಸ್ ಎಕ್ಪಾವ್ಟ್ ಧರ‍್ಲೊ ತರ್ ನೊಯೆಚ್ಯಾ ಕಾಳಾರ್ ಧರ್‌ಲ್ಲೆಪರಿಂ ಮೊಳ್ಬಾರ್ ಸುರ್‌ಯಾಚ್ಯಾ ಕಿರ‍್ಣಾಚಿ ಸಾವ್ ಸಯ್ತ್ ನಾಸ್ತಾನಾಂ ಪಾವ್ಸ್ ಧರ‍್ತಾಲೊ. ಹಾಕಾ ಶಿರಾಂಧಾರಿಂಚೊ ಪಾವ್ಸ್ ಮ್ಹಣ್ತಾಲೆ. ಮೊಳ್ಬಾಕ್ ಬುರಾಕ್ ಜಾವ್ನ್ ವೊತ್ತಾ ಮ್ಹಳ್ಳ್ಯಾಪರಿಂ ಪಾವ್ಸ್ ಪಡ್ತಾನಾಂ 'ರಾಂದ್ಣಿಂತ್ ಘಾಲುಂಕ್ ಭಿಕಾಣ್ ಆಸ್ಲ್ಯಾರ್ ಘರ‍್ಚೆಂ ಮೆಟ್ ದೆಂವ್ಚೊಂ ನಾ' ಮ್ಹಣ್ಚಿ ಪರಿಗತ್ ಉದೆತಾಲಿ. ಪಾಗ್ಗುಂ ಬಾಂದುನ್ ದವರ‍್ಲಲೆಂ ಬೆಶ್ಯಾ ಕಾರ‍್ತಿಂಗೊಳಾಂತ್‌ಚ್ ಖಾಲಿ ಜಾತಾಲೆಂ. ಮಾಗಿರ್ ಆಟಿಂತ್ ಕಿತೆಂ ಉರ‍್ಲೆಂ. ತವಳ್ ಸುರ‍್ವಾತ್ತಾಲೆ ಆಮ್ಚ್ಯಾ ಲೊಕಾಚೆ ಭುಕೆ-ಉಪ್ವಾಸಾಂಚ್ಯಾ ವಳ್ವಳ್ಯಾಂಚೆ ದೀಸ್. ತರಿ ದೇವ್ ಆಪ್ಲ್ಯಾ ಭುರ‍್ಗ್ಯಾಂಕ್ ಉಪ್ವಾಸ್ ಪಡುಂಕ್ ಸಾಧಾರ‍್ಣಾಕ್ ಸೊಡಿನಾತ್ಲಲೊ. ತೆಣೆಂ ತೆರೆಂ, ಹೆಣೆಂ ಆಳುಂ, ರುಕಾ’ಳುಂ ಕಿರ‍್ಲಾತಾಲೆಂ, ತಾಯ್ಕುಳೊ ವಾಡುನ್ ಯೆತಾಲೊ. ಲೆಂಕ್ರಿ ವಾಶ್ಯಾ ಮುಳಾಂನಿ ಕೀರ್ಲ್ ಮುಂಗ್ಗೆತಾಲೊ, ಘಡ್ಗಡ್ಯಾಕ್ ಭುಂಯ್ಪುಟಾಂ- ಕಳ್ಳಾಲಾಂಬ್- ಆಳ್ಮಿಂ ಉದೆತಾಲಿಂ, ಮುಸ್ಕಾರುಕಾಕ್ ನವೊ ಪಾಲೊ ಆಂಕ್ರೆತಾಲೊ. ವ್ಹಾಳ್ಯಾಂನಿ ನಮುನ್ಯಾವಾರ್ ಮಾಸ್ಳ್ಯೊ, ಉಬ್ರಾಗಾದ್ಯಾಂನಿ ಕೊಂಗ್ಗೆ-ಗುಲಿಯೊ ರಾಸ್ ಪಡ್ತಾಲ್ಯೊ, ಕಾಂಯ್ ಥೊಡ್ಯಾ ರುಕಾಂನಿ ಪೊಣೊಸ್ ಉರ‍್ತಾಲೆ. ತಾಂತುಂಚ್ ಲೊಕಾನ್ ಆಪ್ಲಿ ಭುಕ್ ತಿರ‍್ಸುಂಚಿ ಅನಿವಾರ‍್ಯತಾ ಆಸಾ ಜಾತಾಲಿ ತ್ಯಾ ಆಟಿಂತ್. ಆಪ್ಲ್ಯಾ ಘರಾ ಆಸ್‌ಲ್ಲೊ ತಾಂದುಳ್ ಮುಗ್ದಾಲ್ಯಾ ಉಪ್ರಾಂತ್ ತೆವ್ಶಿಲ್ಯಾ ಘರಾಥಾವ್ನ್ ಮಾಗುನ್ ಹಾಡ್‌ಲ್ಲ್ಯಾ ಶೆರ್ ದೇಡ್ ಶೆರ್ ತಾಂದ್ಳಾಂತ್ ಪತ್ರಾಡೆ ಜಾತಾಲೆ, ಪಾತೊಳ್ಯೊ ಜಾತಾಲ್ಯೊ. ಪತ್ರಾಡೆ ಪಾತಳ್ಯೊ ರುಚಿಕ್ ಮ್ಹಣುನ್ ನ್ಹಂಯ್ ಬಗಾರ್ ಉಣ್ಯಾ ಖರ‍್ಚಾಂತ್ ಆಪ್ಲ್ಯಾ ಭುರ‍್ಗ್ಯಾಂಚೆಂ ಪೊಟ್ ಭರುಂಕ್ ಜಾತಾ ನ್ಹಂಯ್‌ಗಿ ಮ್ಹಣುನ್.

Read More »

ಕೆವಿನಾಚ್ಯಾ ಸಂಗೀತ್ ಪಯ್ಣಾಂತ್ ‘ಮಯ್ಲಾ ಫಾತೊರ್’ – 50ವಿ ಸಂಗೀತ್ ಸಾಂಜ್

ವಿದೇಶಾಂತ್ ಜಾಂವ್ಚ್ಯಾ ಕಾರ್ಯಾಂಕ್ ಕೊಂಕ್ಣಿ ಲೋಕ್ ವರ್ತೊ ಸಹಕಾರ್ ದಿತಾ. ಎಂಜೊಯ್ ಕರ‍್ತಾ. ಹಾಕಾ ಕಾರಣ್ ಗಾಂವ್ಚ್ಯಾ ಮನ್ಶ್ಯಾಂಚೊ ಆನಿ ಗಾಂವ್ಚ್ಯಾ ಮಾತಿಯೆಚೊ ಫರ್ಮಳ್. ಗಾಂವಾಂತ್ ಫಿರ್ಗಜ್ ಕೇಂದ್ರಿಕೃತ್ ಜಾಯ್ತಿಂ ಕಾರ್ಯಿಂ ಆಸ್‌ಲ್ಲ್ಯಾನ್ ಲೋಕ್ ತಸಲ್ಯಾ ಕಾರ್ಯಾಂನಿ ವ್ಯಸ್ತ್ ಜಾತಾ ಜಾಲ್ಲ್ಯಾನ್ ಆನಿ ವಿದೇಶಾಂತ್ ಲೋಕ್ ಕೊಂಕ್ಣಿ ಕಾರ್ಯಾಂಕ್ ಚಡ್ ಆಂವ್ಡೆತಾ ಜಾಲ್ಲ್ಯಾನ್ ಗಾಂವ್ಚ್ಯಾಕೀ ವಿದೇಶಾಂತ್ ಲೋಕಾಂಚಿ ಹಾಜರಿ ಆನಿ ಮೆತೆರ‍್ಪಣ್ ಚಡ್ ದಿಸ್ತಾ - ಮ್ಹಣಾಲೊ ಕೆವಿನ್. ಗಾಂವಾಂತ್ ಜಾಂವ್ ವಾ ಪರ್ಗಾವಾಂತ್, ಅಸಲ್ಯೊ ಸಂಗೀತ್ ಸಾಂಜೊ ಆಸಾ ಕರುಂಕ್ ಮುಕೆಲ್ಪಣ್ ಆನಿ ಜವಾಬ್ದಾರಿ ಘೆಂವ್ಚ್ಯಾ ಸಂಘಟನಾಚೊ ಕೆವಿನ್ ವಿಶೇಸ್ ರಿತಿನ್ ಉಪ್ಕಾರ್ ಬಾವುಡ್ತಾ. ಕೊಂಕ್ಣಿ ಸಂಗೀತ್ ಸಂಸಾರಾಂತ್ ಜಾಯ್ತೆ ತರ್ನಾಟೆ ಗಾವ್ಪಿ ಅನಿ ಸಂಗೀತ್‌ಗಾರ್ ಆಸಾತ್. ತಾಂಚೆಪಯ್ಕಿ ಕೆವಿನಾನ್ ಪಯ್ಲೆಂ ಭಾಂಗ್ರಾಳಿ ಸಂಗೀತ್ ಸಾಂಜ್ ಆಸಾ ಕರುನ್ ಏಕ್ ದಾಕ್ಲೊಚ್ ರಚ್ಲಾ ಮ್ಹಣ್ಯೆತ್.

Read More »

ಲಾವ್ದಾತೊ ಸೀ ಆನಿ ಆಮಿ

ವೆಗ್ಗಿಂಚ್ ಎದೆನಾಚಿ ಹಿ ಸುಂದರ್ ಬಾಗ್ ಮನ್ಶಾಸ್ವಾರ‍್ತಾನ್ ’ಇಂಫೆರ‍್ನಾಚೆಂ ದಾರ್’ ಜಾಂವ್ಚ್ಯಾರ್ ಆಸಾ ಮ್ಹಣ್ಚಿ ಜಾಣ್ವಿ ಪವಿತ್ರ್‌ಸಭೆಕ್ ಗೊಮ್ಲ್ಯಾ ಆನಿ ಹಾಕಾ ಜೊಕ್ತಿ ಪ್ರತಿಕ್ರಿಯಾ ಆನಿ ಪ್ರತಿಜಾಪ್ ಜಾವ್ನ್ ’ಲಾವ್ದಾತೊ ಸೀ’ ಪರ‍್ಗಟ್ ಜಾಲಾಂ. ’ಆಮಾಂ ಸರ‍್ವಾಂಕ್ ಆಸ್ಚಿ ಎಕ್‌ಚ್ ಭುಂಯ್ ಆನಿ ಹೆಂ ಆಮಾಸರ‍್ವಾಂಚೆಂ ಎಕ್‌ಚ್ ಆನಿ ಎಕ್ವಟಿತ್ ಬಿಡಾರ್’ ಹ್ಯಾ ಪವಿತ್ರ್ ಸಂಸಾರಾಕ್ ಶಾಭಿತ್ ಸಾಂಬಾಳ್ಚ್ಯಾಕ್ ಸಂಗಿಂ ಮೆಟಾಂ ಕಾಡುಂಕ್ ಹ್ಯಾ ವಿಶ್ವಪತ್ರಾಂತ್ ಬಾಗೆವಂತ್ ಬಾಪ್ ಆಮ್ಕಾಂ ಉಲೊ ದಿತಾ. ಪಾಪಾಚ್ಯಾ ’ಆಮಿ’ ಮ್ಹಣ್ಚ್ಯಾ ಚಿಂತ್ಪಾಂತ್ ’ಕಥೊಲಿಕ್, ಕ್ರಿಸ್ತಾಂವ್, ಮುಸಲ್ಮಾನ್, ಹಿಂದು, ಪಾರ‍್ಸಿ ದಾದ್ಲೆ, ಸ್ತ್ರೀಯೊ, ಟ್ರಾನ್ಸ್‌ಜೆಂಡರ್, ಭುರ‍್ಗಿಂ ರಾಜಕಾರಣಿ, ಯಾಜಕ್, ಶಿಕ್ಷಕ್, ಅಶಿಕ್ಪಿ, ಬಾವಾಡ್ತಿ, ಅನ್ಭಾವಾಡ್ತಿ, ದೆವಾಕ್ ಪಾತ್ಯೆಂವ್ಚೆ, ದೇವ್ ನಾಂ ಮ್ಹಣ್ಚೆ ತೆ ಹೆ ಸಕ್ಕಡ್ ಯೆತಾತ್, ಮಾತ್ರ್ ನ್ಹಂಯ್ ಗಾಡ್ವಾಂ, ಮಾಂಕೊಡ್, ಉಂದಿರ್, ಮಾಡ್, ತಣಾಂ, ಕಾಟ್ ಝಾಡಾಂ, ತಳಿಂ, ಬಾಂಯೊ ಸಕ್ಕಡ್ ಮೆಳ್ತಾತ್. ಸರ‍್ವ್ ಸಕ್ಡಾಂಚ್ಯಾ ಎಕ್ವಟಾಂತ್ ಪ್ರಕೃತೆಚೆಂ ಸಂರಕ್ಷಣ್ ಆನಿ ಸುರಕ್ಷಿತ್ ಪ್ರಕೃತೆಚ್ಯಾ ಎಕ್ವಟಾಂತ್ ಧನ್ಯಾದೆವಾಚಿ ಸ್ತುತಿ’ ಮ್ಹಣ್ತಾ ಪಾಪಾ ಫ್ರಾನ್ಸಿಸ್.

Read More »

ಫುಟ್ಬೊಲ್ ಪ್ರೇಮಿಂಕ್ ಪಿಶ್ಯಾರ್ ಘಾಲ್ಲೆಂ ಫಿಫಾ ಕಪ್

ವಿಶ್ವಕಪ್ ಫುಟ್ಬಾಲಾಂತ್ ಪ್ರತಿನಿಧಿತ್ವ್ ಕರ್ಚೆಂ ಭಾಗ್ ಭಾರತಾಕ್ ಎದೊಳ್ ಲಾಭೊಂಕ್ ನಾ. ಪೂಣ್ 1950 ಇಸ್ವೆಂತ್ ಭಾರತಾಕ್ ಬ್ರೆಜಿಲಾಂತ್ ಜಾಲ್ಲ್ಯಾ ಖೆಳಾಂತ್ ವಾಂಟೊ ಘೆಂವ್ಕ್ ಅವ್ಕಾಸ್ ಲಾಭ್‌ಲ್ಲೊ. ಹೊ ಅವ್ಕಾಸ್ ಮೆಳೊಂಕ್ ಏಕ್ ಕಾರಣ್ ಆಸಾ. ಏಶಿಯಾ ಥಾವ್ನ್ ಏಕಾ ರಾಷ್ಟ್ರಾಕ್ ಮಾತ್ರ್ ಹಾಂತ್ ಖೆಳೊಂಕ್ ಫಿಫಾನ್ ಆವ್ಕಾಸ್ ಕರ್ನ್ ದಿಲ್ಲೊ. ವಿಶ್ವಕಪ್ ಖೆಳೊಂಕ್ ಭಾರತಾ ಸಾಂಗಾತಾ ಫಿಲಿಪೈನ್ಸ್, ಇಂಡೋನೇಶಿಯಾ ಆನಿ ಬರ್ಮಾ ಹ್ಯಾ ಚಾರ್ ರಾಷ್ಟ್ರಾಂಕ್ ಆಪವ್ಣೆಂ ಆಸ್‌ಲ್ಲೆಂ. ಹಾಂಚ್ಯಾ ಪಯ್ಕಿ ಏಕಾ ರಾಷ್ಟ್ರಾಕ್ ಮಾತ್ರ್ ಫೈನಲ್ 16 ರಾಷ್ಟ್ರಾಂ ಸಾಂಗಾತಾ ಖೆಳೊಂಕ್.  ಕಾರಣಾಂತರ್ ಹೆರ್ ತೀನ್ ರಾಷ್ಟ್ರಾಂನಿ ಹ್ಯಾ ಖೆಳಾ ಥಾವ್ನ್ ಪಾಟಿಂ ಸರ್ಲೆಲ್ಯಾನ್ ಭಾರತಾಕ್ ಏಕ್ ಆವ್ಕಾಸ್ ಲಾಭ್‌ಲ್ಲೊ. ಪೂಣ್ ಹೊ ಅವ್ಕಾಸ್ ಭಾರತಾನ್ ಘೆಂವ್ಕ್ ನಾ. ಥೊಡ್ಯಾಂನಿ ಸಾಂಗ್ಚ್ಯಾ ಪ್ರಕಾರ್ ಭಾರತಾಚೆ ಖೆಳ್ಘಾಡಿ ಮೊಚೆ ಘಾಲ್ನ್ ಖೆಳಾಜಾಯ್ ಮ್ಹಣ್ ಫಿಫಾನ್ ಕಡ್ಡಾಯ್ ಕೆಲ್ಲೆಂ ದೆಕುನ್ ಆಮ್ಚೊ ದುರ್ಬಳೊ ದೇಶ್ ಹಾಂತು ಭಾಗ್ ಘೆಂವ್ಕ್ ವಚೊಂಕ್ ನಾ ಮ್ಹಣ್ತಾತ್. 1948 ಒಲಿಂಪಿಕ್ಸಾಂತ್ ಭಾರತಾಚೆ ಖೆಳ್ಗಾಡಿ ಖಾಲಿ ಪಾಯಾನಿ ಖೆಳೊನ್ ಉತ್ತಮ್ ಪ್ರದರ್ಶನ್ ದೀವ್ನ್ ಸಂಸಾರಾಚೆ ಗಮನ್ ವೊಡುಂಕ್ ಸಕ್‌ಲ್ಲೆ. ಹಾಂತು ಸತ್ ಆಸಾ ತೆಂ ದಿಸಾನಾ. ಅನ್ಯೇಕಾ ಸಿದ್ದಾಂತಾ ಪ್ರಕಾರ್ ಫಕತ್ 3 ವರ್ಸಾಂ ಆದಿಂ ಸ್ವತಂತ್ರ್ ಜಾಲ್ಲ್ಯಾ ಭಾರತಾಚಿ ಆರ್ಥಿಕ್ ಪರಿಸ್ಥಿತಿ ಬ್ರೆಜಿಲಾಕ್ ಟೀಮ್ ದಾಡ್ಚೆ ತಿತ್ಲಿ ಬಳ್ವಂತ್ ನಾತ್‌ಲ್ಲಿ ಮ್ಹಣ್ತಾತ್. ಹೆಂಯ್ ಸತ್ ಮ್ಹಣ್ ಮಾನುನ್ ಘೆಂವ್ಕ್ ಕಶ್ಟ್.

Read More »

ವಿಗಾರ್ ಜಾಯ್ಜಯ್ ಅಸೊ

ತವಳ್ಚಾ ಕಾಳಾರ್ ಕಾಜಾರಾಚಾ ದೊತೊರ್ನೆಕ್ ಪಾದ್ರ್ಯಾಬಾ ಸರ್ಶಿಂ ವೆಚಾ ನವ್ರ್ಯಾನ್ ಸಗ್ಳಿ ದೊತೊರ್ನ್ ಜಾಲ್ಯಾ ಉಪ್ರಾಂತ್ ಏಕ್ ಕೊಂಬೊ ಆನಿ ಹೊಕ್ಲೆನ್ ಏಕ್ ಕೊಂಬಿ ಇಗರ್ಜೆಕ್ ದಿಂವ್ಚಿ ರಿವಾಜ್ ಗಾಂವಾರ್ ಆಸ್ ಲ್ಲಿ. ತಸೆಂ ಪಾದ್ರ್ಯಾಬಾ ಲಾಗಿಂ ಸಬಾರ್ ಕೊಂಬೆ ಆನಿ ಕೊಂಬಿಯೊ ಆಸ್ತಾಲ್ಯೊ. ಆಮ್ಗೆರ್ ಆನಾನ್ ಮಜಾ ವಡ್ಲ್ಯಾ ಭಾವಾ ವಿನ್ಸಿಕ್ ಆನಿ ಮ್ಹಾಕಾ ಏಕ್ ಕೊಂಬೊ ಥೊಡ್ಯಾ ದಿಸಾಂಕ್ ಮಣೊನ್ ವಿಚಾರ್ನ್ ಹಾಡುಂಕ್ ಪಾದ್ರ್ಯಾಬಾ ಸರ್ಶಿಂ ದಾಡ್ಲೆಂ. ತಸೊ ಹಾಡ್ ಲ್ಲೊ ಕೊಂಬೊ ಏಕ್ ವ ದೋನ್ ದಿಸಾಂನಿ ಪಾಟಿಂ ವರ್ನ್ ಬೊಟ್ಲೆರಾಕಾಡೆ ದಿತಾನಾ, ಪಾದ್ರ್ಯಾಬಾನ್ ಪಳೆವ್ನ್ ಸೊಡ್ಲೆಂ. “ ಕಿತ್ಯಾಕ್ ರೆ ವಿನ್ಸಿ, ಇತ್ಲೆ ವೆಗ್ಗಿಂ ಪಾಟಿಂ ಹಾಡ್ಲೊಯ್? ತಾಂಚೆಂ ಕಾಮ್ ಜಾಲೆಂವೆರೆ?” ಮಣ್ ವಿಚಾರ್ತಾನಾ ಮ್ಹಜ್ಯಾ ಭಾವಾಕ್ ಆನಿ ಮಾಕಾ ಹಾಸೊ ತಡ್ವುಂಕ್ ಜಾವ್ನಾ.

Read More »

ನಿಮಾಣೆಂ ವಿನೊವ್ಣೆಪತ್ರ್

ಭಂಡ್ವಳ್ ಶಾಹಿ ಆನಿ ವಸ್ತೆಶಾಹಿ ಶೋಷಣಾಂಚೆ ದೀಸ್ ಮೆಜ್ ಲ್ಲೆ ಆಸಾತ್. ಆಮ್ಚೆ ವರ್ವಿಂ ಝುಜಾಚಿ ಸುರ್ವಾತ್ ಜಾಂವ್ಕ್ ನಾಂ, ನ್ಹಂಯ್ ಚ್ಚ್ ತೆಂ ಆಮ್ಚಾ ಜಿಣ್ಯೆಸಂಗಿಂ ಸಂಪ್ತಾ. ಹೆಂ ಚಾರಿತ್ರಿಕ್ ಘಡಿತಾಂಚೆಂ ಆನಿ ಸದ್ಧ್ಯಾಚಾ ಪರಿಸ್ಥಿತೆಚೆಂ ಅನಿವಾರ್ಯ್ ಪರಿಣಾಮ್. ಆಮ್ಚೆ ಖಾಲ್ತೆ ಸಾಕ್ರಿಫಿಸ್ ಶ್ರೀಮಾನ್ ದಾಸಾಚ್ಯಾ ಗಡ್ ನಾತ್ ಲ್ಲ್ಯಾ ಸಾಕ್ರಿಫಿಸಾ ವರ್ವಿಂ ಆನಿ ಕೊಮ್ರೇಡ್ ಭಗವತಿ ಚರಣಾಚ್ಯಾ ಉದಾರ್ ಸಾಕ್ರಿಫಿಸಾ ಮಾರಿಫಾತ್ ಆನಿ ಆಮ್ಚಾ ಮೊಗಾಚೊ ಝುಜಾರಿ ಆಜಾದಾಚ್ಯಾ ಮ್ಹಯ್ಮೆಭರಿತ್ ಮರ್ಣಾ ಮುಖಾಂತ್ರ್ ಜೊಕ್ತ್ಯಾನ್ ಸುಂರ್ಗಾರಿತ್ ಕೆಲ್ಲ್ಯಾ ಸಾಂಕ್ಳೆಕ್ ಏಕ್ ಸಾಂಕೊವ್ ಮಾತ್ರ್ ಜಾಂವ್ದಿ ಮ್ಹಣ್ ಆಮ್ಚೆಂ ಮಾಗ್ಣೆಂ.

Read More »

‘ದೇವ್’ ಬೊರೆಂ ಕರುಂ

ಇಂಗ್ಲಿಶ್ ಭಾಶೆಂತ್ಲ್ಯಾ ‘Thank You’ ಸಬ್ದಾಕ್ ಲಗ್ತ್ ಜಾವ್ನ್ ವಾಪರ್ಚೆ ತಸ್ಲೊ ನಿರ್ದಿಶ್ಟ್ ಸಬ್ದ್ ಕೊಂಕ್ಣೆಂತ್ ನಾಂ ಮ್ಹಣ್ ಮ್ಹಜಿ ಪಾತ್ಯೆಣಿ. ಉಪ್ಕಾರ್ ಬಾವುಡ್ಚೆಂ, ಧಿನ್ವಾಸ್ ಅರ್ಪುಂಚೆ, ಅರ್ಗಾಂ ದಿಂವ್ಚೆಂ, ರುಣಿಂ ಜಾವ್ನಾಸ್ಚೆಂ ಆನಿ ಹೆರ್ – ಹಿಂ ಉತ್ರಾಂ ಸಡಿಳ್ ಅರ್ಥಾನ್ ವಾಪರ್ಯೆತ್ ಸೊಡ್ಲ್ಯಾರ್ ಸಮಾನಾಂತರ್ ಸಬ್ದ್ ನಾಂಚ್ಚ್ ನಾಂತ್ ಮ್ಹಳ್ಳೆಂ ತರ್ಕ್ ಮ್ಹಜೆಂ. ಹೆಂ ಚಿಂತಾಪ್ ನಾಯ್ಕಾ, ತುಮ್ಕಾಂ ದೇವ್ ಬರೆಂ ಕರುಂ ಮ್ಹಣೊನ್ ಅಕ್ರಿಸ್ತಾಂವ್ ಸೆಜಾರ‍್ಯಾಂನಿಂ …

Read More »
Share ...please don\'t COPY !