Javascript Disabled!

Please Enable Javascript if you disabled it, or use another browser we preferred Google Chrome.
Please Refresh Page After Enable

Powered By UnCopy Plugin.

 

   

SUNDAY SPECIAL

ಅನಿಲ್‌ ಮೆಂಡೋನ್ಸಾ: ಬಾಡಿ ಬಿಲ್ಡಿಂಗ್‌ ಶೆತಾಂತ್‌ ಅಪ್ರೂಪಾಚೊ ಸಾಧಕ್‌

ಹೊಟ್ಲಾಂತ್‌ ಮಹಿನ್ಯಾಕ್‌ ಫಕತ್‌ 150 ರುಪಯ್‌ ಸಾಂಬಾಳ್‌ ಮೆಳ್ತಾಲೊ. ಖಾಣ್‌ ಜೆವಾಣ್‌ ಸುಶೆಗಾತ್  ಮೆಳ್ತಾಲೆಂ ಸೊಡ್ಲ್ಯಾರ್‌ ಮಹಿನ್ಯಾಚೊ ಸಾಂಬಾಳ್‌ ಖಂಚ್ಯಾ ಕೊನ್ಶ್ಯಾಕೀ ಪಾವಾನಾತ್ಲೊ. ತ್ಯಾ ದೆಕುನ್‌ ಅನಿಲಾನ್‌ ಬೊಂಬೊಯ್ಚಿ ವಾಟ್‌ ಧರ್ಲಿ. ಥಂಯ್ಸರ್‌ಯೀ ಹೊಟ್ಲಾಂತ್‌ಚ್‌ ಕಾಮ್.‌ ಸಾಂಗಾತಾ ಆಸ್‌ಲ್ಲ್ಯಾ ಚಡಾವತ್‌ ತರ್ನಾಟ್ಯಾಂಕ್‌ ಜಿಮ್ಮಾಚಿ ಕ್ರೇಜ್‌ ಆಸ್‌‌ಲ್ಲ್ಯಾನ್‌ ಅನಿಲ್‌ಯೀ ಜಿಮ್ಮಾಕ್‌ ಸೆರ್ವಾಲೊ. ʻʻತುಜೆಂ ಫಿಸಿಕ್‌ ಬರೆಂ ಆಸಾ. ಜಾತಾ ಜಾಲ್ಯಾರ್‌ ಬಾಡಿ ಬಿಲ್ಡಿಂಗ್‌ ಸ್ಪರ್ಧ್ಯಾಂಕ್‌ ವಚ್‌ʼʼ ಮ್ಹಣೊನ್‌ ಕೊಣೆಂಗೀ ಹಾಕಾ ಮ್ಹಳ್ಳೆಂ. ಹೆಂ ಆಯ್ಕೊನ್‌ ಹೊ ಸ್ಪರ್ಧ್ಯಾಂಕ್‌ಯೀ ಗೆಲೊ. ಪುಣ್‌ ಖಾಲಿ ಹಾತಾಂನಿ‌ ಪಾಟಿಂ ಆಯ್ಲೊ. ಸುಮಾರ್‌ ಸ-ಸಾತ್‌ ಪಾವ್ಟಿಂ ಆಶೆಂಚ್‌ ಘಡ್ಲೆಂ. ಬಾಡಿಬಿಲ್ಡಿಂಗ್‌ ಸ್ಪರ್ಧ್ಯಾಂಕ್‌ ವೆಚೆಂ ಆನಿ ಇನಾಮ್‌ ನಾಸ್ತಾನಾ ಖಾಲಿ ಹಾತಾಂನಿ‌ ಪಾಟಿಂ ಯೆಂವ್ಚೆಂ ಸವಯೆಚೆಂ ಜಾಲೆಂ. ಅಕೇರಿಕ್‌ ಅನಿಲಾಚೆಂ ನಶಿಬ್‌ ಉಗಡ್ಲೆಂ. ಆಟ್ವ್ಯಾ ಸ್ಪರ್ಧ್ಯಾಂತ್‌ ಅನಿಲಾಕ್‌ ತಿಸ್ರೆಂ ಸ್ಥಾನ್‌ ಫಾವೊ ಜಾಲೆಂ. ತಾಚೆ ಉಪ್ರಾಂತ್‌ ಅನಿಲಾನ್‌ ಪಾಟಿಂ ಪಳೆಂವ್ಕ್‌ ನಾ.

Read More »

ಆಮ್ಚೊ ದೇಶ್ ‘ಸುಪರ್ ಪವರ್’ ಕೆದಾಳಾ ಜಾಂವ್ಚೊ ?

ಆಮ್ಚೊ ದೇಶ್ ವ್ಹಡ್ಲೊ, ಜಾಯ್ ಜಾಲ್ಲಿ ನೈಸರ್ಗಿಕ್ ಮುಳಾಂ ಆಸಾತ್. ತರ್ನೊ ಅನಿ ಹುಶಾರ್ ವಾಡೊನ್ ಯೆ೦ವ್ಚೊ ಜಣಾಸ೦ಖೊ ಆಸಾ. ಆಮ್ಚ್ಯಾ ದೇಶಾ೦ತ್ ವಾಡೊನ್ ಯೆ೦ವ್ಚೊ ಮಧ್ಯಮ್ ವರ್ಗ್ ದೇಶಾಚ್ಯಾ ಪ್ರಗತೆ೦ತ್ ಪ್ರಮುಖ್ ವಾ೦ಟೊ ಜಾವ್ನಾಸಾ. ಹೆ೦ ಸರ್ವ್ ಆಸೊನ್ ಆಮಿ ಖ೦ಯ್‌ಗೀ ಘುಸ್ಪಡ್‌ಲ್ಲ್ಯಾಪರಿಂ ದಿಸ್ತಾ೦ವ್, ಪೂಣ್ ಪ್ರಸ್ತುತ್ ಸರ್ಕಾರಾನ್ ದೇಶಾಚ್ಯಾ ಯೋಜನಾ೦ತ್ ನವೀಕರಣ್ ಕರ‍್ಚಿ ಗರ್ಜ್ ಸಮ್ಜೊನ್ ಘೆತ್‌ಲ್ಲೆಂ ದಿಸ್ತಾ. ಹಿ ಖಂಡಿತ್ ಜಾವ್ನ್ ಸಂತೊಸಾಚಿ ಖಬರ್.  ಸರ್ಕಾರಾಚೆಂ ದೇಶಾಚ್ಯಾ ಅಭಿವೃದ್ದೆಚೆ ಚಿ೦ತಾಪ್, ತೆ ಪ್ರಕಾರ್ ಮಾಂಡುನ್ ಹಾಡ್ಚಿಂ ಯೋಜನಾಂ ಖ೦ಡಿತ್ ಜಾವ್ನ್ ಪಾಟಿ೦ಬೊ ದಿ೦ವ್ಚಿ ತಸಲಿಂ ಜಾವ್ನಾಸಾತ್. ಪೂಣ್ ಥೊಡೆ ಪಾವ್ಟಿಂ ಸರ್ಕಾರ್ ದೇಶಾಚಿ ಅಭಿವೃದ್ಧಿ ಸೊಡ್ನ್ ಸ್ವತಾಚಿ ಪಾಡ್ತ್, ಜಾತ್, ಭಾಸ್, ಗಾಯ್, ದೇವ್ ಆನಿ ತೇ೦ಪ್ಲಾ ಪಾಟ್ಲ್ಯಾನ್ ದಾ೦ವ್ತಾನಾ ಸರ್ಕಾರಾಕ್ ಸವಾಲ್ ಘಾಲ್ನ್ ಪಾಟಿ೦ ಅಭಿವೃದ್ದೆಚಾ ಕಾಮಾಕ್ ಲಾಗೊ೦ವ್ಚಿ ವಿರೋದ್ ಪಾಡ್ತ್ ಥೊಡೆಪಾವ್ಟಿಂ ಇಲ್ಲಿಶಿ ಅಸ್ಕತ್ ದಿಸ್ತಾ ತರ್ ಆನಿ ಥೊಡೆ ಪಾವ್ಟಿಂ ನಾತಲ್ಲ್ಯಾಪರಿಂಚ್ ದಿಸ್ತಾ.

Read More »

ಕಣ್ವಳಾಯ್ ನಾತ್ಲಲೊ ಕರೆಜ್ಮ್ ಕೊಣಾಚ್ಯಾ ಫಾಯ್ದ್ಯಾಕ್?

ಸಭಾರಾಂಕ್ ಹೆಂ ಸಕ್ಕಡ್ ನೊಸ್ತಾಲ್ಜಿಕ್ ಭೊಗ್ಣಾಂಚೊ ಉಮಾಳೊ ಮ್ಹಣ್ ಭೊಗುಂಕ್ ಪುರೊ, ಪೂಣ್ ಖರ‍್ಯಾನ್ ಆಮಿ ಖಂಯ್‌ಗೀ ತಿಕ್ಕೆಶೆ ಚಡ್ ವೆಗಾನ್ ಮುಕಾರ್ ವಚುನ್ ಆಸಾಂವ್ ಮ್ಹಳ್ಳೆಂ ಮ್ಹಾಕಾ ತರೀ ಭೊಗ್ತಾ. ಭಾರತಾಚ್ಯಾ ಹೆರ್ ಗಾಂವಾಂನಿ ಭಾವಾಡ್ತಾಕ್ ಸಾಕ್ಸ್ ದಿಂವ್ಚ್ಯಾಕ್‌ಯೀ ಕೆನರಾಂತ್ ಆಮಿ ಭಾವಾಡ್ತಾಕ್ ಸಾಕ್ಸ್ ದೀವ್ನ್ ಆಸ್ಚ್ಯಾ ರಿತಿಕ್‌ಯೀ ಕಿತೆಂಗೀ ತಿಕ್ಕೆಶೆ ತಫಾವತ್ ದಿಸ್ತಾ. ಕೊಣಾಯ್ಚ್ಯಾ ಮಾತ್ಯಾರ್‌ಯಿ ಚುಕಿಂಚೊ ಭೊರೊ ಬಸಂವ್ಚ್ಯಾ ಪರಿಂ ನಾಂ ಆಮ್ಚೆಲಾಗಿಂ ಸಭಾರ್ ಸಂಗ್ತಿಂಕ್ ಪುರ‍್ಸೊತ್ ಉಣಿಂ ಜಾವ್ನ್ ಆಯ್ಲ್ಯಾ. ಆನಿ ಏಕ್ ವಿಶೇಸ್ ಮ್ಹಳ್ಯಾರ್ ಆಮ್ಕಾಂ ಆತಾ’ತಾಂ ಎಕ್ಸ್‌ಪರ‍್ಟ್ ರೆತಿರ್ ಮಾಸ್ತೆರ್ ಜಾಯ್ ಜಾತಾತ್. ರೆತಿರ್ ಚಲೊಂವ್ಚ್ಯಾ ನಾಂವಾನ್ ಹಜಾರಾಂಚೊ ವೆವ್ಹಾರ್ ಚಲುನ್ ಆಸಾ. ರೆತಿರ್ ಮಾಸ್ತೆರಾಂಚ್ಯಾ ಸಿಡಿ, ಬುಕಾಂಚೊ ವಿಕ್ರೊ ಜೊರಾನ್ ಚಲುನ್ ಆಸಾ. ಬಾಯ್ಬಲಾಪ್ರಾಸ್ ಬಾಯ್ಬಲ್ ಡಯ್ರಿಂಚ್ಯಾ ವಿಕ್ರ್ಯಾಕ್ ಚಡ್ ಡಿಮಾಂಡ್ ಆಸಾ.

Read More »

ಹಾಂವ್ ತುಜೊ ಸಲಹಾದಾರ್, ಕೊನ್ಫೆಸೊರ್ ನ್ಹಯ್.

ಆಮ್ಚ್ಯಾ ಕಾಳ್ಜಾ-ಮತಿರ್ ಆಸ್‌ಲ್ಲ್ಯಾ ಕರ‍್ತುಬಾಂಚೆಂ ವೊಜೆಂ ಉಣೆಂ ಕರುಂಕ್ ಆಮ್ಕಾಂ ಹ್ಯಾ ಅಪೂರ್ವ್ ಸಕ್ರಾಮೆಂತಾಚಿ ಗರ‍್ಜ್ ಪಡ್ತಾ. ಆಜ್ ಮ್ಹಜೆಂ ಶಿಂತಿದ್ ಹಾಳು ಜಾಲೆಂ ... ಅಶೆಂ ಆಮಿ ಉದ್ಗಾರ‍್ತಾಂವ್ ಎಕ್ ಸುಟಾಂವೆಂ ಕುಮ್ಸಾರ್ ಜಾವ್ನ್ ಭಾಯ್ರ್ ಯೆತಾನಾ. ವಿಚಿತ್ರ್ ಅಮ್ಕಾಂ ದಿಸ್ತಾ ನ್ಹಯ್? ಪುಣ್ ಹೆಚ್ಚ್ ರಿತಿರ್ ಮ್ಹಜ್ಯಾ ಪೆಲ್ಯಾಕ್ ತುಕಾ ಹಾಂವೆಂ ಭೊಗ್ಸಿಲೊ, ಮ್ಹಾಕಾ ತುಜೆರ್ ಕಸಲೊಚ್ಚ್ ದ್ವೇಶ್ ನಾ ಮ್ಹಣ್ತಾನಾ ಆಮ್ಕಾಂ ಕಸಲೆಂ ಸ್ವರ‍್ಗೀಯ್ ಸುಖ್ ಭೊಗ್ತಾ ತೆಂ ಆಮಿ ಜಾಣಾಂವ್? ಹೊ ಮಾನಸಿಕ್ ಪ್ರಯೋಗ್ ಆಮಿಂ ಕೆಲಾ? ಹೊ ಕರೆಜ್ಮಾಚೊ ಕಾಳ್. ಹ್ಯಾ ಕಾಳಾಂತ್ ಆಮಿ ಎಕ್ ಪುಣಿ ಸುಟಾವೆಂ ಕುಮ್ಸಾರ್ ಜಾಯ್ಜೆಯ್ ಮ್ಹಳ್ಳಿ ವಿಂಚವ್ಣ್ ಆಮಿ ಕೆಲ್ಯಾ? ಕುಮ್ಸಾರ್ ಜಾವ್ನಾಸಾ ಎಕ್ ಮಾನಸಿಕ್ ಉಲವ್ಪ್, ಹೆಂ ಉಲವ್ಪ್ ಅಮಿಂ ಆಮ್ಚೆ ಭಿತರ್‌ಚ್ ಕರ್ಯೆತ್  ಯಾ ಆಮ್ಚ್ಯಾ ಲಾಗ್ಶಿಲ್ಯಾ ಪೆಲ್ಯಾಕ್ ಘೆವ್ನ್‌ಯಿ ಕರ್ಯೆತ್. ಹಾಂತುಂ ಕಸಲಿಚ್ ಲಜ್ ನಾ ಯಾ ಆಮ್ಚ್ಯಾ ಘಮಂಡಾಕ್ ಕಸಲೊಚ್ ಧಕ್ಕೊ ಯೆನಾಶೆಂ ಜತನ್ ಘೆವ್ಯೆತ್.

Read More »

ಫಿರ್ಜೆಂತ್ ಟ್ರಂಪಾನ್ ಅಮೆರಿಕನ್ ಡಿಮೋಕ್ರೆಸಿ ನಾಸ್ ಕೆಲಿಗೀ?

ಡಿಮೋಕ್ರೆಸಿಕ್ ಕುರಾಡ್ ಮಾರುಂಕ್ ಗೆಲ್ಲೊ ಟ್ರಂಪ್. ಆಪ್ಲ್ಯಾಚ್ ಪಾಂಯಾಂ ವಯ್ರ್ ಕುರಾಡ್ ಮಾರುಂಕ್ ಪಾವ್ಲೊ. ತಾಕಾ 2024 ಇಸ್ವೆಂತ್ ಫಿರ್ಜೆಂತ್ ಅಭ್ಯರ್ಥಿ ಜಾಯ್ನಾಶೆಂ 'ರೆಗುಲರ್' ರಾಜ್‍ಕಾರಣಿ ಸಂವಿದಾನಿಕ್ ಮೇಟಾಂ ಘೆತೆಲೆ. ಮಹಿನ್ಯಾ ಭಿತರ್ ತಾಕಾ ಇಂಪೀಚ್ ಕರುಂಕ್ ಪುರೊ. ತಾಚ್ಯೆ ಧುವೆಕ್ ಇವಾಂಕಾಕ್ ಆನಿಂ ಜಾಂವ್ಯಾಕ್ ಜೇರೆಡಾಕ್ ರಿಪಬ್ಲಿಕನ್ ಪಾಡ್ತಿಚ್ಯೆಂ ಸುಂಕಾಣ್ ಧರುಂಕ್ ವ್ಹಡ್ ಅಪೇಕ್ಶಾ ಆಸ್ಲಿ. ರಿಪಬ್ಲಿಕನ್ ಪಾಡ್ತಿ ಸಾಂಗಾತಾ, ತಾಂಕಾಂ ಆಶೆಲ್ಲೆಂ ನಿಶೆಲ್ಲೆಂ ಜಾಲೆಂ. ಚ್ಯರಿತ್ರೆಂತ್ ಆಪ್ರೂಪ್ ಜಾಂವ್ಚ್ಯೆಂ ಹೆಂ : ಅಮೇರಿಕನ್ ಡಿಮೋಕ್ರೆಸಿಚಿಂ ತೀನ್ ಅಂಗಾಂ - ಹೌಸ್ ಒಫ್ ರೆಪ್ರೆಸೆಂಟೇಟಿವ್ಸ್, ಸೆನೆಟ್ ಆನಿಂ ವೈಟ್ ಹೌಸ್ ಅತಾಂ ಡಿಮೊಕ್ರೆಟಿಕ್ ಪಾಡ್ತಿಚ್ಯಾ ಹಾತಿಂ ಪಾವ್ಲಿಂ.  ನಿತಳ್ ಆನಿಂ ನಿರ್ಮಳ್ ರಾಜ್‍ಕಾರಣಿ ಜ್ಯೊ ಬೈಡೆನಾಚ್ಯಾ ಹಾತಿಂ ಅಮೇರಿಕನ್ ಡಿಮೋಕ್ರೆಸಿ ಶಾಬಿತ್ ಉರ್ತೆಲಿ.

Read More »

ಪ್ರವಾಸ್ಯಾಂಕ್ ದುದಾನ್ ನ್ಹಾಣಂವ್ಚೊ – ದೂದ್ ಸಾಗರ್

ಕರ್ನಾಟಕ ಗೋವಾ ಗಡ್ಯೆರ್ ಆಸ್ಚೊ ದೂದ್‌ಸಾಗರ್ ಜಳ್ಪಡೊ ಆಪ್ಲ್ಯಾ ವಿಶಿಷ್ಟ್ ಸೊಭಾಯೆನ್ ಸಂಸಾರಾರ್ ನಾಂವಾಡ್ಲಾ. ಸುಮಾರ್ 310 ಮೀಟರ್ ಉಬಾರಾಯೆ ಥಾವ್ನ್ ಚಾರ್ ವಾಂಟ್ಯಾಂನಿ ಹ್ಯಾ ಜಳ್ಪಡ್ಯಾಚೆಂ ಉದಕ್ ವ್ಹಾಳೊನ್ ದೆಂವ್ತಾನಾ ಪಳೆಂವ್ಕ್ ದೂದಾಚಾ ಸಾಗೊರಾ ಭಾಶೆನ್ ದಿಸ್ತಾ. ದೆಕುನ್ ಹಾಕಾ ದೂದ್‌ಸಾಗರ್ ಮ್ಹಣ್ ವೊಲಾಯ್ಲಾಂ. ದೂದ್‌ಸಾಗರ್ ಏಕ್ ಅತ್ಯಾಕರ್ಷಕ್ ಜಳ್ಪಡೊ ತರೀ 2013 ಇಸ್ವೆಂತ್ ಪ್ರದರ್ಶನ್ ಜಾಲ್ಲ್ಯಾ ರೋಹಿತ್ ಶೆಟ್ಟಿಚಾ 'ಚೆನೈ ಎಕ್ಸ್‌ಪ್ರೆಸ್' ಹಿಂದಿ ಪಿಂತುರಾಂತ್ ಹಾಚಿ ಸೊಭಾಯ್ ಲೊಕಾನ್ ಪಳಯ್ಲ್ಯಾ ಉಪ್ರಾಂತ್ ದೂದ್‌ಸಾಗರಾಚಿ ಕೀರ್ತ್ ಸಗ್ಳ್ಯಾನ್ ಪಾಚಾರ್ಲಿ. ತ್ಯಾ ಉಪ್ರಾಂತ್ ಪಯ್ಣಾರ‍್ಯಾಂನಿ ಪಳಯ್ಜಚ್ ಮ್ಹಣ್ಚ್ಯಾ ಪ್ರವಾಸಿ ಜಾಗ್ಯಾಂಚಾ ಪಟ್ಟೆಂತ್ ದೂದ್‌ಸಾಗರ್ ಏಕ್ ಜಾವ್ನ್ ಭರ್ತಿ ಜಾಲೊ. ಸಬಾರ್ ವರ್ಸಾಂ ಉಪ್ರಾಂತ್, ಹ್ಯಾಚ್ ಸಪ್ತೆಂಬರ್ ಮ್ಹಯ್ನ್ಯಾಂತ್ ದೂದ್ ಸಾಗರ್ ವೆಚಿ ಮ್ಹಜಿ ಆಶಾ ಸುಫಳ್ ಜಾಲಿ. ಲೊಕ್‌ಡೌನ್ ಆನಿ ಕೊರೊನಾದ್ವಾರಿಂ ಬೆಜಾರ್ ಜಾಲ್ಲ್ಯಾ ಮತಿಕ್ ಹ್ಯಾ ಪ್ರವಾಸಾನ್ ಸುಶೆಗ್ ಮೆಳ್ಳೊ.

Read More »

ದಣ್ಸತಲ್ಯಾಂಚಿ ಸವ್ಕಸಾಯ್ ಬಾ| ಸ್ಟ್ಯಾನ್ ಸ್ವಾಮಿ

2000 ಇಸ್ವೆಂತ್ ಜಾರ್ಖಂಡ್ ಎಕ್ ಪ್ರತ್ಯೇಕ್ ರಾಜ್ಯ್ ಜಾಲೊ. ಸಗ್ಳ್ಯಾ ಭಾರತಾಚ್ಯಾ ಸರಿಸುಮಾರ್ 40% ಖಣಿಜ್ ಸಂಪನ್ಮೂಲ್ ಹ್ಯಾ ರಾಜ್ಯಾಂತ್ ಆಸಾ. ಹೀಚ್  ಗ್ರೇಸ್ತ್‌ಕಾಯ್ ಥಂಯ್ಚ್ಯಾ ಲೊಕಾಂಚ್ಯಾ ಕಷ್ಟಾಂಕ್ ಕಾರಣ್ ಜಾಲ್ಯಾ. ವ್ಹಡ್ ಉದ್ಯಮಿ ಹ್ಯಾ ರಾಜ್ಯಾಚಿ ಖಣಿಜ್ ಸಂಪನ್ಮೂಲ್ ಚೋರ‍್ನ್, ಆದಿವಾಸಿ ಲೊಕಾಂಚೊ ಜಾಗೊ ತಾಂಚೆ ಥಾವ್ನ್ ವೋಡ್ನ್ ಘೆವ್ನ್ ತಾಂಕಾಂ ಅನಿಕ್‌ಯೀ ದುಬ್ಳಿಕಾಯೆಕ್ ಲೊಟ್ಚಿ ವಿಕ್ರಾತ್ ಮನೋಸ್ಥಿತಿ ತ್ಯಾ ರಾಜ್ಯಾಂತ್ ದಿಸೊನ್ ಯೇವ್ನ್ ಆಸಾ. ಅಸಲ್ಯಾ ಪರಿಸ್ಥಿತೆಂತ್ ಆದಿವಾಸಿ ಲೊಕಾಕ್ ರಾಕೊಂಕ್, ಆವಾಜ್ ಕಾಡುಂಕ್, ಕಷ್ಟತೆಲ್ಯಾ ಆದಿವಾಸಿ ಲೊಕಾ ಸಾಂಗಾತಾ ಮೆಳೊನ್ ಅನ್ಯಾಯಾ ವಿರೋಧ್ ಆನಿ ದುಬ್ಳ್ಯಾ ಲೊಕಾಚಿ ಭುಂಯ್ ಉರೊವ್ಕ್ ಎಕ್ ವ್ಹಡ್ ಆವಾಜ್ ಜಾಂವ್ಕ್ ಪಾವ್‌ಲ್ಲೊಚ್ ಬಾ| ಸ್ಟ್ಯಾನ್ ಸ್ವಾಮಿ. ಆಜ್ ತಾಚೊ ಆವಾಜ್ ಧಾಂಪುಂಕ್ ತಾಚೆ ವಯ್ರ್ ಫಟ್ಕಿರೊ ಆಪ್ರಾಧ್ ಮಾಂಡುನ್ 83 ವರ್ಸಾಂಚ್ಯಾ ತಾಕಾ ಜಯ್ಲಾಂತ್ ಘಾಲಾ. ಎಕಾ ಯಾಜಕಾನ್ ಉಟಯಿಲ್ಲೊ ಅವಾಜ್ ತರಿ ಕಿತೆಂ? ತಾಚಿ ಖಂಯ್ಚಿಂ ಸವಾಲಾಂ ಸರ್ಕಾರಾಕ್ ಆನಿ ವ್ಹಡ್ ಬಂಡವಾಳಾಶಾಹಿಂಕ್‌ಯೀ ಸೊಸುಂಕ್ ಜಾಲಿನಾಂತ್?

Read More »

ಚಿಟಿ ಬರಂವ್ಚೆ ಥಾವ್ನ್ ಚ್ಯಾಟಿಂಗಾಕ್

ಭುಗ್ಯಾಪಣಾರ್ ಕಾಗ್ದಾಂಚೊ ವಾಪಾರ್ ಜ್ಯೊರಾನ್ ಜಾತಾಲೊ ಜಾಲ್ಲ್ಯಾನ್ ಹರ‍್ಯೆಕ್ಲಿಂ ಮೊಗಾಚ್ಯಾ ಮನ್ಶಾಂಚಾ ಕಾಗ್ದಾಕ್ ರಾಕೊನ್ ರಾವ್ತಾಲಿಂ. ಪೂಣ್ ಹಾಂವ್ ಮಾತ್ರ್ ಏಕ್ ಕಾಗದ್ ಘರಾ ಪಾವೊಂಕ್ ನಜೊ ಮ್ಹಣ್ ದೀಸ್ ರಾತ್ ಮಾಗ್ತಾಲೊಂ. ಆನಿ ತೆಂ ಕಾಗದ್ ಇಸ್ಕೊಲಾ ಥಾವ್ನ್ ಯೆಂವ್ಚ್ಯೆ ಫಲಿತಾಂಶಾಚೆಂ! 'ತೆಂ ಕಾಗದ್  ಯೇನಾ ಜಾಲ್ಯಾರ್ ಪುರೊ' ಮ್ಹಣ್ ಮಾಗ್ಲ್ಯಾರೀ ಪೋಸ್ಟ್‌ಮ್ಯಾನ್ ಯೆತಾನಾ ಧಾಂವ್ತಾಲೊಂ. "ಇಜ್ಜಿ ಮಗ ಬಯ್ದಿಜಿ" ಮ್ಹಳ್ಳಿ ಜಾಪ್ ಆಯ್ಕೊನ್, ಉಡ್ಕಾಣಾಂ ಘಾಲುಂಕ್ ಚವೀಸ್ ವ್ಹರಾಂಚಿ ಪರ್ವಣ್ಗಿ ಲಾಬ್ಲಿ ಮ್ಹಣ್ ಹಳ್ಟ್ ಸಂತೊಸಾನ್ ಪಾಟಿಂ ಯೆತಾಲೊಂ. ಬಾಪ್ ಡೆನಿಸ್ ಕ್ಯಾಸ್ತೆಲಿನೊ ಮ್ಹಜೊ ಮೊಗಾಳ್ ಬಿಸ್ಪ್ ಬಾಜಿಲ್ ಸಾಲ್ವದೊರ್ ಸೊಜ್  ಹ್ಯಾ ಪ್ರಬಂದಾಂತ್ ಬರಯ್ತಾ. 'ಮೊಬಾಯ್ಲ್ ವಾ ಫೊನಾಚಿ ವ್ಯವಸ್ಥಾ ನಾತ್‌ಲ್ಲ್ಯಾ ತ್ಯಾ ದಿಸಾಂನಿ ಅಪ್ಲ್ಯಾ ಜಾಯ್ತ್ಯಾ ರಾಟಾವಳಿಂ ಮಧೆಂಯ್ ಬಿಸ್ಪ್ ಆಪ್ಲ್ಯಾಚ್ ಹಾತ್ ಬರ‍್ಪಾನ್ ಮ್ಹಾಕಾ ಪತ್ರಾಂ ಬರಯ್ತಾಲೊ'. ಹೊ ತಾಂಚೊ ಖರೊ ಅನ್ಭೋಗ್. ಟೈಪ್‌ರೈಟರ್ ಆಸ್ಲ್ಯಾರೀ ಬಿಸ್ಪ್ ಆಪ್ಲ್ಯಾ ಯಾಜಕಾಂಕ್ ಪಾವ್ಟ್ ಕಾಡ್ನ್ ಹಾತ್‌ ಬರ‍್ಪಾನ್ ಕಾಗದ್ ಬರಯ್ತಾಲೊ ಮ್ಹಳ್ಳಿ ಗಜಾಲ್ ವ್ಹರ್ತ್ಯಾ ಮೊಗಾಚಿ.

Read More »

ರುಜಾಯ್ಚೆಂ ಕಾಥೆದ್ರಾಲ್ ಆಮ್ಚ್ಯಾ ಬಿಸ್ಪಾಂಚೊ ಸಾಸ್ಣಿಕ್ ಥಂಬು

ಆದಿಂ ಇಗರ‍್ಜೆಭಿತರ್ ಯಾಜಕಾಂಕ್, ಮ್ಹಂತನಾಚ್ಯಾ ಲೊಕಾಂಕ್ ನಿಕೆಪುಂಚಿ ರಿವಾಜ್ ಆಸ್‌ಲ್ಲಿ. ಹಿ ರಿವಾಜ್ ಕಾತೆಕುಂಬಾಂಚ್ಯಾ ದಿಸಾಂಥಾವ್ನ್ಂಚ್ ವಾಡುನ್ ಆಯ್ಲ್ಯಾ. ರುಜಾಯ್ಚ್ಯಾ ಕಾಥೆದ್ರಾಲಾಂತ್‌ಯಿ ಸಭಾರ್ ಬಿಸ್ಪಾಂಕ್, ಮೊನ್ಸಿಞರಾಂಕ್, ಯಾಜಕಾಂಕ್ ಆನಿ ಮ್ಹಂತನಾಚ್ಯಾ ಮಾನೆಸ್ತಾಂಕ್ ಪುರ‍್ಲಾಂ. ಮೆಲ್ಯಾ ಉಪ್ರಾಂತ್ ಸಕ್ಕಡ್ ನಿರ‍್ಜೀವ್ ಕುಡಿಂಕ್ ಮೊಡೆಂ ಮ್ಹಣಾನಾಂತ್ ಆನಿ ಸಕ್ಡಾಂಕ್ ಪುರ‍್ಚೆಂ ಮ್ಹಣಾನಾಂತ್.  ಥೊಡ್ಯಾಂಕ್ ಮಾತ್ಯೆಕ್ ಪಾಯ್ತಾತ್ ಆನಿ ಥೊಡ್ಯಾಂಕ್ ನಿಕೆಪಿತಾತ್. ಸಕ್ಡಾಂನಿ ಮೊರ‍್ಚೆಂ ನ್ಹಂಯ್, ಥೊಡ್ಯಾಂನಿ ಸರ‍್ಗಾ ರಾಜಾಂತ್ ರಿಗ್ಚೆಂ ಆನಿ ಥೊಡ್ಯಾಂನಿ ದೆವಾಧೀನ್ ಜಾಂವ್ಚೆಂ. ಕಾಂಯ್ ಥೊಡ್ಯಾಂನಿ ಮಾತಿ ಖಾವ್ನ್ ವೆಚೆಂ! ತರಿ ಸಕ್ಡಾಂನಿ ನಿಮಾಣಿಂ ಖಾಂವ್ಚಿ ಮಾತಿಚ್! ಆಮ್ಚೆ ಚಡ್‌ಶೆಂ ಬಿಸ್ಪ್ ರುಜಾಯ್ ಕಾಥೆದ್ರಾಲಾಚ್ಯಾ ಆಲ್ತಾರಿ ಲಾಗಿಂಚ್ ಆಸಾತ್.

Read More »