ಶ್ರೀಮತಿ ಜಯಶ್ರೀ ನಾರಾಯಣ ನಾಯಕ, ಎಕ್ಕಂಬಿ ಹಿಕಾ ಸರಸ್ವತಿ ಪ್ರಭಾ ಪುರಸ್ಕಾರ್

ಕೊಂಕಣಿ ಭಾಸ್, ಸಾಹಿತ್ಯ್, ಕಲಾ, ಲೋಕ್‌ವೇದ್ ಆನಿ ಹೆರ್ ಶೆತಾಂನಿ ಅಪಾರ್ ದೆಣ್ಗಿ ದಿಲ್ಲ್ಯಾ ಮಾಲ್ಘಡ್ಯಾ ಸಾಧಕಾಂಚೆಂ ಸಾಧನ್ ಒಳ್ಕುನ್, ತಾಂಕಾ ಮಾನ್ ಕರ್ಚ್ಯಾ ಇರಾದ್ಯಾನ್ ಪಾಟ್ಲ್ಯಾ 35 ವರ್ಸಾಂ ಪಾಸುನ್ ಹುಬ್ಳಿಥಾವ್ನ್, ಆರಗೋಡು ಸುರೇಶ ಶೆಣೈ ಹಾಂಚ್ಯಾ ಸಂಪಾದಕ್ಪಣಾರ್ ಫಾಯ್ಸ್ ಜಾಂವ್ಚೆಂ ಪತ್ರ್ ಮಯ್ನ್ಯಾಳೆಂ ಪತ್ರ್ ಸರಸ್ವತಿ ಪ್ರಭಾ ತರ್ಫೆನ್ ವರ್ಸಾಂವಾರ್ ದಿಂವ್ಚ್ಯಾ ‘ಸರಸ್ವತಿ ಪ್ರಭಾ ಪುರಸ್ಕಾರಾ’ ಕ್, ಉತ್ತರ ಕನ್ನಡ ಜಿಲ್ಲ್ಯಾಚ್ಯಾ ಶಿರಸಿ ತಾಲುಕೆಚ್ಯಾ ಎಕ್ಕಂಬಿಚ್ಯಾ ಶ್ರೀಮತಿ ಜಯಶ್ರೀ ನಾರಾಯಣ ನಾಯಕ್ ಹಿಕಾ ಹ್ಯಾ ವರ್ಸಾ ವಿಂಚುನ್ ಕಾಡ್ಲಾಂ.

ಶ್ರೀಮತಿ ನಾಯಕ್, ಕೊಂಕಣಿ ಲೇಖನ್, ಕಾವ್ಯೆಂ, ಜಾನಪದ್ ಸಾಹಿತ್ಯ್ ಸಂಗ್ರಹ್ ಅಶೆಂ ಕೊಂಕ್ಣೆಂತ್ ಆನಿ ಕನ್ನಡಾಂತ್ ವೆವೆಗ್ಳ್ಯಾ ಶೆತಾಂನಿ ಪಾಟ್ಲ್ಯಾ ಸುಮಾರ್ ಪನ್ನಾಸ್ ವರ್ಸಾಂ ಪಾಸುನ್ ಪಾಸುನ್ ಕಾಮ್ ಕರುನ್ ಆಸಾ. ತಿಕಾ ಆತಾಂ 77 ವರ್ಸಾಂಚಿಂ ಪ್ರಾಯ್.

ಆಜ್ ಮೆರೆನ್ ತಿಚೆ ಆಟ್ ಕೃತಿಯೊ ಪರ್ಗಟ್ ಜಾಲ್ಲೆ ಆಸುನ್, 25 ಪ್ರಾಸ್ ಚಡ್ ರೆಡಿಯೊ ಕಾರ್ಯಕ್ರಮಾಂ ತಿಣೆ ಸಾದರ್ ಕೆಲ್ಯಾಂತ್. ಶೆಂಭೊರಾಂ ವಯ್ರ್ ಕವಿಗೋಷ್ಠಿಂನಿ ತಿಣೆ ವಾಂಟೊ ಘೆತ್ಲಾ. ಜಾಯ್ತ್ಯಾ ಸಮಾವೇಶಾಂನಿ, ಗೋಷ್ಟಿಂನಿ ವಿಚಾರ್ ಮಾಂಡ್ಲ್ಯಾತ್. ಕೊಂಕಣಿ ಆನಿ ಕನ್ನಡ ಪತ್ರಾಂನಿ ತಿಚಿಂ ಬರ್ಪಾಂ ಫಾಯ್ಸ್ ಜಾತೇ ಆಸಾತ್.

ಸರಸ್ವತಿ ಪ್ರಭಾ ಪತ್ರಾ ತರ್ಫೆನ್ ವೆಗಿಂಚ್ ಚಲ್ಚ್ಯಾ ಸಂಭ್ರಮಿಕ್ ಕಾರ್ಯಾಂತ್, ಶ್ರೀಮತಿ ಜಯಶ್ರೀ ನಾರಾಯಣ ನಾಯಕ, ಯಕ್ಕಂಬಿ ಹಿಕಾ ಶೊಲ್, ಸ್ಮರಣಿಕಾ, ಝೆಲೊ, ಸನ್ಮಾನ್ ಪತ್ರ್, ಫಳಾಂದಾಲಿ ಆನಿ ರುಪಯ್ 5,001/- ನಗದ್ ದೀವ್ನ್ ಮಾನ್ ಕರ್ತಲೆ ಮ್ಹಣ್ ಪತ್ರಾಚೊ ಸಂಪಾದಕ್ ಆರಗೋಡು ಸುರೇಶ ಶೆಣೈ ಹಾಣಿ ಕಳಯ್ಲಾಂ.

Was this article helpful?

Yes0No0