ಕೊಮಿಡಿ ಕಂಪೆನಿ ಕ್ರಿಯೇಶನ್ಸ್ ಹಾಣಿ ಸಾದರ್ ಕರ್ಚ್ಯಾ, ನೆಲ್ಲು ಪೆರ್ಮನ್ನೂರ್ ನಿರ್ದೇಶನಾಚ್ಯಾ ‘ಫಾದರ್’ ಕೊಂಕ್ಣಿ ಫಿಲ್ಮಾಚೆಂ ಪೋಸ್ಟರ್ ಶ್ಹೆರಾಂತ್ಲೊ ಖ್ಯಾತ್ ಉದ್ಯಮಿ ಓಲ್ವಿನ್ ರೊಡ್ರಿಗಸ್ ಹಾಣಿ ಮಂಗ್ಳುರ್ಚ್ಯಾ ಸೈಂಟ್ ಆಗ್ನೆಸ್ ಸ್ಪೆಷಲ್ ಸ್ಕೂಲ್ ಮೈದಾನಾರ್ ಆಯ್ತಾರಾ 15-12-2024 ವೆರ್ ಚಲ್ಲ್ಲ್ಯಾ ‘ಕುಡ್ಲ ಕಾರ್ನಿವಲ್’ ಕಾರ್ಯಾಂತ್ ಅನಾವರಣ್ ಕೆಲೆಂ.
“ಕೊಂಬ್ಯಾಟ್’ ಫಿಲ್ಮ್ ನಿರ್ಮಾಣ್ ಕೆಲ್ಲ್ಯಾ ಪಂಗ್ಡಾ ಥಾವ್ನ್ ನಿರ್ಮಾಣ್ ಜಾಂವ್ಚ್ಯಾ ‘ಫಾದರ್’ ಫಿಲ್ಮಾಚೆರ್ ಲೊಕಾಕ್ ಚಡ್ ಭರ್ವಸೊ ಆನಿ ನಿರೀಕ್ಷಾ ಆಸಾ, ಫಿಲ್ಮ್ ಖಂಡಿತ್ ಸೂಪರ್ ಹಿಟ್ ಜಾಂವ್ಚಿಂ ಸಕ್ಕಡ್ ಲಕ್ಷಣಾ ದಿಸ್ತಾತ್” ಮ್ಹಣೊನ್ ಓಲ್ವಿನ್ ರೊಡ್ರಿಗಸ್ ಹಾಣಿ ಅಭಿಪ್ರಾಯ್ ಉಚಾರ್ಲಿ.
ಸಯ್ರೆ ಜಾವ್ನ್ ಆರ್ ಒ ಇಂಟರ್ನ್ಯಾಷನಲ್ ಸಂಸ್ಥ್ಯಾಚೊ ಯೆಜ್ಮಾನ್ ಶ್ರೀ ರೋಹನ್ ಪಿರೇರಾ, ‘ಅಸ್ಮಿತಾಯ್’ ಫಿಲ್ಮಾಚಿ ಹಿರೋಯಿನ್ ವೆನ್ಸಿಟಾ ಡಾಯಸ್, ಕೊಂಕ್ಣಿ ನಾಟಕ್ ಸಭೆಚೊ ಉಪಾಧ್ಯಕ್ಷ್ ಲಿಸ್ಟನ್ ಡಿಸೋಜ ಬಜಾಲ್, ಕೊಂಕ್ಣಿ ಸಾಹಿತ್ಯ ಅಕಾಡೆಮಿಚೊ ಸಾಂದೊ ನವೀನ್ ಲೋಬೊ ಬಜಾಲ್, ಕಥೊಲಿಕ್ ಸಭಾ ಬಜಾಲ್ ಘಟಕಾಚೊ ಅಧ್ಯಕ್ಷ್ ರೊನಾಲ್ಡ್ ಕುವೆಲ್ಲೊ, ಅಶಿತ್ ಪಿಂಟೊ ದುಬಾಯ್ ಹಾಜರ್ ಆಸ್ಲೆ.
ನಿರ್ದೇಶಕ್ ನೆಲ್ಲು ಪೆರ್ಮನ್ನೂರ್, ಸಂಕಲನ್ಕಾರ್ ರವೀನ್ ಮಾರ್ಟಿಸ್, ಛಾಯಾಗ್ರಾಹಕ್ ಡೇನಲ್ ಜೇಸನ್, ಪ್ರೊಡಕ್ಷನ್ಸ್ ಮ್ಯಾನೇಜರ್ ಮರಿಯ ಜೊಯ್ಸ್, ಕಲಾ ನಿರ್ದೇಶಕ್ ಜೋಸೆಫ್ ಮೊಂತೇರೊ, ನ್ಹೆಸ್ಣಾ ವಿನ್ಯಾಸ್ಕಾರ್ ಡೆನಿಸ್ ಮೊಂತೇರೊ ಹಾಣಿ ವೆದಿರ್ ತಾಂಕಾ ಸಾಂಗಾತ್ ದಿಲೊ.
ಆಲ್ವಿನ್ ದಾಂತಿ ಪೆರ್ನಾಲ್ ಹಾಣೆ ಕಾರ್ಯೆಂ ಚಲವ್ನ್ ವ್ಹೆಲೆಂ. ದಸೆಂಬ್ರಾಚ್ಯಾ 25 ತಾರಿಕೆರ್ ಫಿಲ್ಮಾಚೆಂ ಟೀಸರ್ ರಿಲೀಸ್ ಜಾತಲೆಂ ಆನಿ 2025 ಸಪ್ತೆಂಬ್ರಾಂತ್ ‘ಫಾದರ್’ ಫಿಲ್ಮ್ ಥಿಯೇಟರಾಂನಿ ಪ್ರದರ್ಶನಾಕ್ ಪಡ್ತಲೆಂ.
