ದಾಯ್ಜಿವರ್ಲ್ಡ್ ಫಿಲ್ಮ್ಸ್ ಸಂಸ್ಥ್ಯಾನ್ ಆಪ್ಲ್ಯಾ ಬ್ಯಾನೆರಾಖಾಲ್ ತಯಾರ್ ಜಾಂವ್ಚ್ಯಾ ಪಯ್ಲ್ಯಾ ಫಿಲ್ಮಾಚೆಂ ನಾಂವ್ ಪ್ರಕಟ್ ಕೆಲಾಂ. ದಾಯ್ಜಿವರ್ಲ್ಡ್. ಕೋಮ್ ಹಾಚಾ 24 ವ್ಯಾ ವರ್ಸುಗೆ ಸುವಾಳ್ಯಾರ್ ’ಬಾಪಾಚೆ ಪುತಾಚೆ ನಾಂವಿಂ’ ಮ್ಹಳ್ಳೆಂ ನಾಂವ್ ಆಸ್ಚೆಂ ಪೋಸ್ಟರ್ ಲೋಕಾರ್ಪಣ್ ಕರ್ನ್ ಸಂಸ್ಥ್ಯಾನ್ ಫಿಲ್ಮ್ ತಯಾರ್ ಕರ್ಚೆಂ ವಿಶಿಂ ಅಧಿಕೃತ್ ರಿತಿನ್ ಪರ್ಗಟ್ಣಿ ಕೆಲಿ.
ಅನಿವಾಸಿ ಉಧ್ಯಮಿ, ಮಹಾದಾನಿ ಮೈಕಲ್ ಡಿ ಸೋಜಾ, ದುಬಾಯ್ ಹೆಂ ಫಿಲ್ಮ್ ’ಬಾಪಾಚೆ ಪುತಾಚೆ ನಾಂವಿಂ’ ಹಾಚೆ ನಿರ್ಮಾಪಕ್ ಜಾವ್ನಾಸಾತ್. ಅಪ್ಲ್ಯಾ ವಿಶನ್ ಕೊಂಕಣಿ ಯೋಜನಾಖಾಲ್ ತಾಣಿಂ ಹೆಂ ಪಿಂತುರ್ ನಿರ್ಮಾಣ್ ಕೆಲಾಂ.
ಕೊಂಕ್ಣಿ ಬರಯ್ಣಾರ್ ಜಾವ್ನಾಸೊನ್ ಲೊಕಾಮೊಗಾಳ್ ಜಾಲ್ಲ್ಯಾ ಮಿಸಸ್ ಮೀನಾ ಎಂಡ್ ಫ್ಯಾಮಿಲಿ, ಗಾಡ್ ಫಾದರ್ ತಸಲ್ಯಾ ಸೀರಿಯಲಾಂಚೊ ನಿರ್ದೇಶಕ್ ಜಾವ್ನಾಸ್ಚ್ಯಾ ಸ್ಟ್ಯಾನಿ ಬೆಳಾನ್ ಹ್ಯಾ ಫಿಲ್ಮಾಕ್ ಕಾಣಿ, ಸಂಭಾಶಣ್ ಬರವ್ನ್ ನಿರ್ದೇಶನ್ ದಿಲಾಂ. ಜೋಯಲ್ ಶಮನ್ ಡಿ ಸೋಜಾನ್ ಸಿನೆಮೋಟೊಗ್ರಫಿ ಸಾಂಬಾಳ್ಳ್ಯಾ ತರ್ ತಾಲೆಂತ್ವಂತ್ ಅರ್ಜುನ್ ಲುವಿಸಾನ್ ಸ್ಕ್ರಿಪ್ಟ್ ಮೇಲ್ವಿಚಾರಣ್ ಆನಿಂ ಎಕ್ಸಿಕ್ಯೂಟಿವ್ ಪ್ರೊಡ್ಯುಸರ್ ಜಾವ್ನ್ ವಾವ್ರ್ ಕೆಲಾ.
’ಬಾಪಾಚೆ ಪುತಾಚೆ ನಾಂವಿಂ’ ಮುಖಾಂತ್ರ್ ಕೊಂಕ್ಣೆಚೊ ಟ್ರೆಂಡಿಂಗ್ ಸಂಗೀತ್ಗಾರ್ ಸಂಜಯ್ ರೋಡ್ರಿಗಸ್ ಫಿಲ್ಮ್ ಸಂಗೀತ್ ನಿರ್ದೇಶಕ್ ಜಾತಾ ತರ್ ಮರ್ಫಿ ನಾಮ್ಣೆಚೊ ಕೆವಿನ್ ಪಯ್ಲೆಂ ಪಾವ್ಟಿಂ ಎಡಿಟರ್ ಜಾವ್ನ್ ಕೊಂಕ್ಣೆಕ್ ಯೆತಾ.
ಫಿಲ್ಮಾಂತ್ ಕೊಂಕ್ಣಿ ರಂಗ್ ಮಾಂಚಿಯೆಚೆರ್ ಹೆಳ್ ಲ್ಲೆ ಡಯಾನ್ ಡಿ ಸೋಜಾ, ಮೆಲ್ಲು ವಾಲೆನ್ಶಿಯಾ, ಎಡ್ಡಿ ಸಿಕೇರ್, ಸಿರಿಲ್ ಮುಂಡ್ರೆಲ್, ವಾಲ್ಟರ್ ನಂದಳಿಕೆ, ವಾಯ್ಲೆಟ್ ಡಿ ಸೋಜಾ, ರೋನ್ ಲಂಡನ್, ರೀಟಾ ಫೆರ್ನಾಂಡಿಸ್, ಸಪ್ನಾ ಸಲ್ಡಾನ್ಹಾ ಆನಿಂ ಸುನಿತಾ ಮಿನೇಜಸಾನ್ ಕಥಾಪಾತ್ರ್ ಸಾಂಬಾಳ್ಳ್ಯಾತ್. ಸಾಂಗಾತಾ ಆಯ್ಚ್ಯಾ ಕಾಳಾಚೆ ಕಲಾಕಾರ್ ಜಾವ್ನಾಸ್ಚ್ಯಾ ಜೋಶಲ್ ಡಿ ಸೋಜಾ, ಸ್ವೀಡಲ್ ಡಿ ಸೋಜಾ, ಜಾನ್ಸಿ ಫೆರ್ನಾಂಡಿಸ್, ಶಾಂತಿ ಪ್ರಿಯಾ ಲಸ್ರಾದೊ, ವಿನುತಾ ಡಿ ಸೋಜಾ, ವೀನಸ್ ಲುವಿಸ್, ಮೆಲ್ವಿನ್ ಪಾಯ್ಸ್, ಮ್ಯೂರೆಲ್ ಬಿಜೈ, ಬಬಿತಾ ಒಮ್ಜೂರ್, ಆನಿಂ ಹೆರಾನಿಂ ನಟನ್ ಕೆಲಾಂ.
