‘ದಾಯ್ಜಿ ದುಬಾಯ್’ ಎಮಿರೆತಾಂತ್ಲ್ಯಾ ಕೊಂಕಣಿ ಲೇಖಕಾಂಚ್ಯಾ ಸಂಘಟನಾನ್, ಕೊಂಕ್ಣಿ ಸಾಹಿತ್ಯಾಂತ್ ಲಾಂಬ್ ಆವ್ಧೆಚಿ ಸೆವಾ ದಿಲ್ಲ್ಯಾ ಕೊಂಕ್ಣಿ ಸಾಹಿತಿಲಾಗಿಂ, ತಾಂಚ್ಯಾ ಸಾಹಿತಿಕ್ ವಾವ್ರಾಚೊ ವಿವರ್ “ದಾಯ್ಜಿ ದುಬಾಯ್ ಸಾಹಿತ್ಯ್ ಪುರಸ್ಕಾರ್ – 2025 ” ವಿಂಚೊವ್ಣೆಕ್ ದಾಡುನ್ ದೀಂವ್ಕ್ ಪತ್ರಾ ಪರ್ಗಟ್ಣೆಂತ್ ಕಳಯ್ಲಾಂ.
ಪಾಟ್ಲ್ಯಾ 24 ವರ್ಸಾಂ ಥಾವ್ನ್ ಕೊಂಕ್ಣಿ ಸಾಹಿತ್ಯಾಕ್ ಲಾಂಬ್ ಆವ್ಧೆಚಿ ಸೆವಾ ದಿಲ್ಲ್ಯಾ ಎಕಾ ಮಾಲ್ಗಡ್ಯಾ ಕೊಂಕ್ಣಿ ಸಾಹಿತಿಕ್ ವಿಂಚುನ್ ತಾಕಾ ಮಾನ್ ಕರ್ಚಿ ರಿವಾಜ್ ದಾಯ್ಜಿ ದುಬಾಯ್ – ಎಮಿರೆತಾಂತ್ಲ್ಯಾ ಕೊಂಕ್ಣಿ ಲೇಖಕಾಂಚೆಂ ಸಂಘಟನ್ ಪಾಳುನ್ ಆಯ್ಲಾಂ.
2025 ವ್ಯಾ ವರ್ಸಾಚ್ಯಾ ಪುರಸ್ಕಾರಾಕ್ ನಾಂವಾಂ ಧಾಡುಂಕ್ ಆನಿ ಶಿಫಾರಸ್ ಧಾಡುನ್ ದೀಂವ್ಕ್ 15 ಸಪ್ತೆಂಬರ್ 2024 ಅಕೇರಿಚಿ ತಾರಿಕ್ ಆಸ್ತೆಲಿ. ಶಿಫಾರಸೆಂತ್ ಸಾಹಿತಿಚ್ಯಾ ಸಾಹಿತಿಕ್ ವಾವ್ರಾಚೊ ಸಂಪೂರ್ಣ್ ವಿವರ್, ವಿಳಾಸ್, ಇ ಮೆಯ್ಲ್, ಮೊಬಾಯ್ಲ್/ಟೆಲಿಫೊನ್ ನಂಬರ್ ಆಸೊಂಕ್ ಜಾಯ್. ನಮಿಯಾರ್ಲೆಲ್ಯಾ ಆವ್ಧೆ ಭಿತರ್ ಆಯಿಲ್ಲ್ಯೊ ಅರ್ಜ್ಯೊ ಆನಿ ಶಿಫಾರಸೊ ದಾಯ್ಜಿ ದುಬಾಯ್ ಸಂಘಟನಾನ್ ರಚ್‍ಲ್ಲಿ ವಿಶೇಷ್ ಸಮಿತಿ ತಜ್ವೀಜ್ ಕರುನ್ ಆಂತಿಮ್ ವಿಂಚವ್ಣ್ ಚಲ್ತೆಲಿ. ಪ್ರಶಸ್ತಿ ವಿಜೇತಾಚೆಂ ಘೊಷಣ್ ದಸೆಂಬರ್ 2024 ಚ್ಯಾ ಆಕೇರಿಕ್ ಜಾತಾಲೆಂ.
ದಾಯ್ಜಿ ದುಬಯ್ ಸಾಹಿತ್ಯ್ ಪುರಸ್ಕಾರ್ ನಗ್ದೆನ್ ರುಪಯ್ 75,000 , ಮಾನ್ ಪತ್ರ್ ಆನಿ ಯಾದಿಸ್ತಿಕಾ ಆಟಾಪ್ತಾ.
ಅರ್ಜಿ, ಶಿಫಾರಸ್ ಆನಿ ವಿವರ್ ದಾಡುನ್ ದೀಂವ್ಕ್ ವಿಳಾಸ್ :
Convener,
Daiji-Dubai
P.O.Box: 84772
Dubai, UAE
Email: dubai@daijiworld.com