ವಿದೇಶಾಂತ ಉನ್ನತ ಶಿಕ್ಷಣ ಘೆವನು ಥಂಯ್ ಬರೆಂ ಉದ್ಯೊಗ ಅವಕಾಶ ಆಸಲ್ಯಾರಿಯ್, ತಾಂಗೆಲೆ ಗಾವಾಂತುಲೆ ವಂಶ ಪಾರಂಪರ್ಯ ಜಾವನು – ಕುಟುಂಬಾಚೆ ಉದ್ಯೋಗಾಕಚಿ ವಾಪಸ ಯೆವನು ಮಾದರಿ ಜಾವನು ನಿರ್ಮಾಣ ಕೆಲೆಲೆ ಕೀರ್ತಿ ಆನಂದ ಜಿ ಪೈ ಹಾಂಗೆಲೆ. ಅಶಿಂ ವಿಶ್ವಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಸಿ ಎ ನಂದಗೋಪಾಲ ಶೆಣೈ ಹಾನ್ನಿ ಅಭಿಪ್ರಾಯ ದಿಲೆಂ.
ವಿಶ್ವ ಕೊಂಕಣಿ ಕೇಂದ್ರಾಂತ ಚಲಚೆ ವಿದ್ಯಾಕಲ್ಪಕ ವಿದ್ಯಾರ್ಥಿವೇತನ ಯೋಜನಾಚೆ ‘ಕ್ಷಿತಿಜ”- ತೀನ ದಿವಸಾಚೆ ಕೌಶಲ್ಯಾಭಿವೃದ್ದಿ ಶಿಬಿರ ಉಗ್ತಾವಣ ಸಮಾರಂಭಾಂತ ಕೆನರಾ ಚೇಂಬರ್ ಆಫ್ ಕಾಮರ್ಸ್ ಅಧ್ಯಕ್ಷ ಶ್ರೀ ಆನಂದ ಪೈ ಹಾನ್ನಿ ಪ್ರೇರಣಾ ಉಲೊ ದಿಲೆಂ . ಏಕ ಸರಳ ಜಾಲೆಲೆ ಬೀಡಿ ವಾವ್ರಾ ದಾಕುನು ಪ್ರಾರಂಭ ಜಾಲೆಲೆ ದೋನಿ ತೀನಿ ಪರಂಪರಾ ದಾಕುನ, ಕುಟುಂಬಾಚೆ ಸರ್ವ ಜನಾಂಕ ಒಟ್ಟು ಸೆರಸುನು, ನವೀನ ಕಾರ್ಪೊರೇಟ್ ಸಂಸ್ಥೆಚೆ ರೂಪ ಘೆತ್ತಿಲೆ ಭಾರತ್ ಸಮೂಹ ಉದ್ಯಮಾಚೆ ಯಶೋಗಥೆ ಸಾಂಗುನು ಯುವ ವಿದ್ಯಾರ್ಥಿಂಗೆಲೆ ಯಶಸ್ಸಾಕ ಸ್ಪೂರ್ತಿ ದಿಲೆಂ.
ಉಗ್ತಾವಣ ಸಮಾರಂಭಾಂತ ಸಿಎ ಜಯಂತ ಶೆಣೈ ನಗರ್‍, ವೇದಮೂರ್ತಿ ಗಣಪತಿ ಭಟ್, ಎಮ್ ಗಣೇಶ್ ಭಟ್ ಹಾನ್ನಿ ಸೊಯರೆ ಜಾವನು ಭಾಗಿ ಆಶಿಲಿಂಚಿ. ಡಾ ಬಿ ದೇವದಾಸ ಪೈ ಸಭೆರಿ ಉಪಸ್ಥಿತ ಆಶಿಲಿಂಚಿ.
ದಕ್ಷಿಣ ಕನ್ನಡ ಆನಿ ಉಡುಪಿ ಜಿಲ್ಲೆಚಾ ವೆವೆಗಳೆ ಕಾಲೇಜಾ ಥಾವನು ಆಯಲೆ 70 ಜನ ವಿದ್ಯಾಕಲ್ಪಕ ವಿದ್ಯಾರ್ಥಿವೇತನ ಫಲಾನುಭವಿ ಭಾಗಿ ಜಾವನು ಆಸುಚೆ ಹ್ಯಾ ಶಿಬಿರಾಂತು 27 ಯುವ ಉದ್ಯಮಿ, ಸಂಪನ್ಮೂಲ ವ್ಯಕ್ತಿ ಜಾವನು ಸಂವಹನ ರೂಪಾರ ವೆವೆಗಳೆ ಕ್ಷೇತ್ರಾಂತು ಅನುಭವ ವಾಂಟುನ ಘೆತಿಲೆ ಆನಿ ವಿದ್ಯಾರ್ಥಿಂಗೆಲೆ ಭವಿಷ್ಯಾಕ ಜೀವನಾಚೆ ಅಗತ್ಯ ಆಶಿಲೆಂ ಮನೋಸ್ಪೂರ್ತಿ ದಿಲೆಂ.
ಸಮಾರೋಪ ಸುವಾಳೊ
ವಿದ್ಯಾಕಲ್ಪಕ ವಿದ್ಯಾರ್ಥಿವೇತನ ಯೋಜನಾಚೆ ‘ಕ್ಷಿತಿಜ”- ತೀನ ದಿವಸಾಚೆ ವಿದ್ಯಾಕಲ್ಪಕ ಛಾತ್ರಾಂಕ ಮಾಂಡುನ ಹಾಳೆಲೆ ಕೌಶಲ್ಯಾಭಿವೃದ್ದಿ ತರಬೇತ ಶಿಬಿರ ಕಾರ್ಯಾವಳೀಚೆ ಸಮಾರೋಪ ಸುವಾಳೊ ೨೦-೧೦-೨೦೨೪ ತಾರ್ಕೆರ ವಿಶ್ವ ಕೊಂಕಣಿ ಕೇಂದ್ರಾಂತ ಚಲ್ಲೆಂ. ಮುಖೇಲ ಸೊಯರೆ ಜಾವನು ಉಪಸ್ಥಿತ ಆಶಿಲೆಂ ಮಾಹೆ, ಅಸೋಸಿಯೇಟ್ ಪ್ರೊಫೆಸರ್ ಡಾ. ಕುಲ್ಯಾಡಿ ಗಿರೀಶ್ ಪೈ ಹಾನ್ನಿ ಶಿಬಿರಾಚೆ ಪ್ರಯೋಜನ ಘೆತ್ತಿಲೆ ಯುವ ಛಾತ್ರಾಂಕ ಜೀವನಾಂತ ಆಪಣಾವನ ಘೆವಚೆ, ಆತ್ಮ ವಿಶ್ವಾಸ ವಾಡೊವಚೆ, ಸಮಾಜ ಸೇವಾ ಅಶಿಂ ವೆವೆಗಳೇ ವಿಚಾರ ಸಾಂಗುನು ಪರ್ಬಿ ದಿಲೆಂ. ವಿಶ್ವ ಕೊಂಕಣಿ ಕೇಂದ್ರ ಅಧ್ಯಕ್ಷ ಆನಿ ‘ವಿದ್ಯಾಕಲ್ಪಕ’ ರೂವಾರಿ ಸಿಎ ನಂದಗೋಪಾಲ್ ಶೆಣೈ ಕೇಂದ್ರಾಚೆ ಉಪಾಧ್ಯಕ್ಷ ಗಿಲ್ಬರ್ಟ್ ಡಿ ಸೋಜಾ, ಟ್ರಸ್ಟೀ ರಮೇಶ್ ಡಿ ನಾಯಕ್, ಸಿ ಎ. ಸುರೇಂದ್ರ ನಾಯಕ್, ಡಾ ಬಿ ದೇವದಾಸ ಪೈ ಉಪಸ್ಥಿತ ಆಶಿಲಿಂಚಿ.
ಹೆಂ ತೀನ ದಿವಸಾಚೆ ಕೌಶಲ್ಯಾಭಿವೃದ್ದಿ ಶಿಬಿರ ಕಾರ್ಯಾವಳೀಂತ ‘ಉದ್ಯಮ ಪ್ರೇರಣಾ’ ಮ್ಹಳೆಲೆ ಆಧಾರಿತ ಜೀವನಾಕ ಅಗತ್ಯ ಆಶಿಲೆಂ ವಿಚಾರ ಮಂಡನ, ವೆವೆಗಳೆ ಕ್ಷೇತ್ರಾಚೆ ೨೭ ಎಂಟರ ಪ್ರೆನರ್ಸ್ ಸಂಪನ್ಮೂಲ ವ್ಯಕ್ತಿಂ ಭಾಗಿ ಆಶಿಲಿಂಚಿ.
ಕುಡ್ಪಿ ವಿದ್ಯಾ ಶೆಣೈ, ಪ್ರೀತಮ್ ಕಾಮತ್, ಕ್ಯಾರೋಲ್ ಪಾಯಸ್, ಸುಮತಿ ಪೈ ಹಾನಿ ವಿಶೇಷ ತರಬೇತುದಾರ ಜಾವನು ಆಶಿಲಿಂಚಿ. ಶ್ರೀ ಮಧುಕರ ಭಟ್, ವಂದನಾ ಕಾಮತ್, ವತಿಕಾ ಪೈ, ಆರ್ ಜೆ ಕಿರಣ, ಸುಚಿತ್ರಾ ಶೆಣೈ, ಸುರೇಂದ್ರ ಕಿಣಿ. ಕೃಷ್ಣಾ ನಾಯಕ್, ಗೌತಮ್ ಭಟ್, ಸಿ ಎಸ್ ಅಭಿಷೇಕ ಶೆಣೈ, ಪ್ರಕಾಶ್ ಶೆಣೈ, ಸಮರ್ಥ್ ಶೆಣೈ, ಛೇತನ್ ಭಟ್, ಅಭಿಜಿತ ಶೆಣೈ, ಎಲ್ತಿಮಾರ್ ನರಸಿಂಹ ಶೆಣೈ, ಸಿ ಎ. ಸುಮಂತ ಭಟ್, ಅಡ್ವೊಕೇಟ್ ಸಿ ಎ. ಸಚಿನ್ ನಾಯಕ್, ಅಜಿತ್ ಪೈ, ಆರ್ ಜೆ ಅವಿನಾಶ್ ಕಾಮತ್, ಡಾ. ಜಯಶ್ರೀ ಭಟ್, ಪ್ರಹಲ್ಲಾದ್ ಪೈ, ಯು, ನವೀನ ನಾಯಕ್, ಇಂದುಧರ ಕಿಣಿ, ಪ್ರಸಾದ್ ನಾಯಕ್, ರಾಧಾಕೃಷ್ಣ ಶೆಣೈ ಆನಿ ಸುರೇಶ್ ಶೆಣೈ ಕಸ್ತೂರಿ, ಎಚ್ ನರೇಶ್ ಕಿಣಿ ಹೆಂ ಸರ್ವ ಮಾನೆಸ್ತ್ ಲೋಕ್ ಸಂಪನ್ಮೂಲ ವ್ಯಕ್ತಿ ಭಾಗಿ ಜಾವನು ಮಸ್ತ ಉಪಯುಕ್ತ ಜಾವನು ಆಸುಚೆ ವೆವೆಗಳೆ ಕ್ಷೇತ್ರಾಚೆ ಜ್ನಾನ ಆನಿ ಛಾತ್ರಾಂಗೆಲೆ ಭವಿಷ್ಯಾಚೆ ಶಿಕ್ಷಣ ಆನಿ ವೃತ್ತಿ ಜೀವನಾ ಖಾತೀರ ಆತ್ಮ ವಿಶ್ವಾಸ ವೃದ್ಧಿ ಕರಚೆ ವೆವೆಗಳೇ ವಿಚಾರ ಬದ್ದಲ ಮಸ್ತ ಉಪಯುಕ್ತ ಜಾಲೆಲೆ ಸ್ಫೂರ್ತಿದಾಯಕ ಸಂದೇಶ ಆನಿ ವಿಚಾರ ಬದ್ದಲ್ ಮಾಹಿತ ದಿಲೆಂ. ಅಶಿಂ ಹೆಂ ತೀನಿ ದಿವಸಾಚೆ ಕಾರ್ಯಾವಳೀಂತ ೭೦ ವಿದ್ಯಾಕಲ್ಪಕ ಛಾತ್ರಾಂನಿಂ ಮಸ್ತ ಉಮೇದಿನ ಭಾಗಿ ಜಾವನ ಸಬಾರ ವಿಷಯು ಆಪಣಾವನ ಘೆವನು ತಾಂಗೆಲೆ ತಾಂಗೆಲೆ ಅನುಭವ ಸಭೆರಿ ವಾಂಟುನ ಘೆತಲೆಂ.